تشابه أسماك

هذه القصة للكاتب التركى الساخر (عزيز نيسين) وعنوانها الذى صدرت به هو  (أه منا نحن الحمير) وهى تقول :

يحكى أننا نحن الحمير كنا في قديم الزمان نتحدث بلغة كالتي تتحدثون بها أنتم البشر، كانت لنا لغة خاصة بنا كما يحكى أننا لم نكن ننهق في قديم الزمان كما نحن عليه الآن، وتعلمون أننا الآن نعبر عن رغباتنا وأحاسيسنا، ومشاعرنا، وأفراحنا، وأتراحنا فيما بيننا بواسطة النهيق!
النهيق هو إصدار صوت مؤلف من حرفين بشكل متكرر : هـا، هـ…  !! نعم لقد تقلصت لغتنا الغنية التى كنا نتحدثها تلك الى أن صارت كلمة واحدة مؤلفة من حرفين ويعود ربط ألسنتنا هذه (نحن معشر الحمير) الى حادثة قديمة جداً.. يحكى أن هنالك حماراً عجوزاً من الجيل القديم، في يوم من تلك الأيام كان يرعى  في البراري وحده، وكان يغني الاغنيات (الحميرية) في أثناء الرعي، في لحظة من تلك اللحظات تناهت الى أنفه رائحة.. إنها رائحة ليست طيبة، إنها رائحة ذئب.
رفع الحمار ابن الجيل القديم أنفه الى الأعلى، وبدأ يستنشق بعمق، الجو يحمل رائحة ذئب حادة.. سلّى الحمار العجوز نفسه بقوله :
– لا يا حبيبي .. إنه ليس ذنباً..
وتابع الرعي..
ولكن رائحة الذئب تزداد بالتدريج.. اما الحمار العجوز فهو خائف من جهة، ومتظاهر باللا مبالاة من جهة أخرى، ويقول لنفسه :
– ليس ذئباً.. لماذا سيأتي الذئب الى هنا؟ ولم سيلقاني؟ بينما كان يسلّي نفسه هكذا، فجأة تناهى الى أذنيه صوت.. ليس صوتاً عذباً، إنه صوت ذئب..
شنف الحمار العجوز أذنيه رافعا إياهما الى أعلى… نعم إنه صوت ذئب، ولأنه غير راض بمجيء الذئب، تابع قضم العشب وهو يقول :
– لا يا روحي.. هذا الصوت ليس صوت ذئب… يتهيأ لي…
إقترب كثيراً جداً ذلك الصوت المخيف، والحمار يقول لنفسه :
– لا، لا… أتمنى ألا يكون ذئباً… أما عند الذئب عمل آخر ليأتي الى هنا؟!
من ناحية أخرى سيطر الرعب على قلبه، وبدأ يتلفت فيما حوله..
نظر.. وإذا بذئب يظهر بين الضباب والدخان على قمة الجبل المقابل.. فقال :
– هـا ا ا، ما أراه ليس ذئباً لا بد أنه شيء آخر.
إزداد خوفه عندما رأى الذئب يعدو خلف الاشجار. ولكن لأنه غير راغب في مجيء الذئب، خدع نفسه قائلاً :
– ليس ذئباً، إن شاء الله لا يكون ذئباً..أما بقي له مكان آخر ليجد هذا المكان ويأتي الى هنا؟ لم تعد عيناي سليمتين، لهذا فإنني ظننت أن خيال الأشجار ذئب.
إقترب الذئب اكثر، عندما صارت المسافة بينهما خمسين (خطوة حميرية)، سلّى نفسه قائلاً:
– جعل الله بمشيئته هذا المخلوق الذي أراه أمامي ليس ذئباً…لم سيكون ذئباً .. لعله جمل أو فيل، ولعله شيء آخر.. ويمكن ألا يكون شيئاً البتة.
إقترب الذئب مكشراً عن أنيابه، وعندما بقي بينهما عدة خطوات، قال الحمار العجوز :
– أنا أعرف أن هذا القادم ليس ذئباً، نعم أنه ليس ذئباً، ولكن ليس سيئاً أن أبتعد عن هذا المكان قليلاً..
بدأ المسير.. نظر خلفه فوجد أن الذئب يتبعه مكشراً عن أنيابه، مسيلاً لعابه.
بدأ الحمار إبن الجيل القديم بالدعاء والتوسل لربه :
– يا ربي إجعل هذا الذي يتبعني ليس ذئباً حتى ولو كان كذلك.. إنه ليس ذئباً ، وكل خوفي لا معنى له..؟!

بدأ الحمار العجوز يعدو، وركض الذئب خلفه. ركض الحمار بكل ما تقوى عليه قوائمه، وهو يقول في داخله : – إنه ليس ذئباً حتى لو كان كذلك… اللهم لا تجعله ذئباً… لم سيكون ذئباً ؟
هرب الحمار وتبعه الذئب. عندما شعر الحمار بأنفاس الذئب الساخنة تحت ذيله، قال لنفسه :
– انا أراهن إن هذا ليس ذئباً… لا يمكن أن يكون المخلوق الذي أشعر بأنفاسه تحت ذيلي ذئباً… عندما لامس فم الذئب الرطب ما بين فخذي الحمار، إنهار الحمار تماماً… إلتفت، نظرخلفه، فوجد الذئب يهم بالقفز عليه.. تجمد الحمار تحت تأثير نظرات الذئب الحادة فما عاد يستطيع أن يخطو خطوة واحدة، فأغمض عينيه كي لا يرى الذئب، وبدأ يتأتىء بالقول :
– إنه ليس ذئباً … إنه ليس ذئباً بمشيئة الله… لم سيكون ذئباً؟ عض الذئب الشرس الجائع بأنيابه الحادة الحمار من فخذه، وقضم قطعة كبيرة… إرتبط لسان الحمار وهو يهوي على الأرض ألماً… ومن خوفه نسي اللغة الحميرية. نهشه الذئب من رقبته وصدره وبدأ ينفر الدم من جميع أطراف الحمار، وعندئذ بدأ يصرخ :
– هـ اا.. إنه ذئب هـ… ااا، هو .. هـ.. ااا… هو وووو.
الذئب يمزقه، وهو بسبب ارتباط لسانه لا يصرخ إلا :
– هـ اااا… هووووو.. هـ اا… ااا، هـاااا
سمعت الحمير كلها صراخ الحمار من الجيل القديم بآخر كلماته. حيث كانت تردد أصداءها صخور الجبال، وهو يتمزق بين أنياب الذئب :
– هـ اااا، هـ ااا، هـ اااااا….
وهكذا يقال إننا نحن الحمير نسينا المخاطبة والمحادثة منذ ذلك اليوم، وبدأنا نعبر عن أفكارنا بواسطة النهيق… ولو لم يخدع نفسه ذلك الحمار إبن الجيل القديم حتى وصل الخطر الى تحت ذيله، كنا سنبقى على معرفة بالكلام….!!!!؟؟؟ آه منا نحن الحمير…. آه منا نحن الحمير…. هـ ااا… هـ ااا…. هـ ااا

  كسرة :

الكاتب (يعنى العبدلله) غير مسئول عن مشابهتها لأى (أحداث سياسية) وإن حدث فالمسالة لا تعدو أن تكون (تشابه أسماك) زى ما بيقول واحد صاحبنا !

Advertisements

41 تعليق

  1. بركة برجعة القمردينية يا بروف

    لكن بجد حمار …. هو لحدي ما الذئب كملة لسه بقنع في نفسو انو ماذئب … طيب كان منتظر شنو؟؟؟؟؟؟

  2. الأخ الكريم مبدع الأمازون الفاتح . . .
    سلام وتحيه كبيره ليك و لعشاق القمردينه ، ومبروك عودة الروح إلى هذا الموقع الذي جمع لفيفاً من عشاق فنك الساخر ، مبرووووك لكل عشاق القمردينه.
    يحدثني صديق ترك الأمازون وهاجر إلى بلاد بره ، بعد أن كان ميسور الحال و صاحب شركه تصدير واستيراد، بعد أن سألته في استغراب ، خليت البلد مالك وكنت بتاع بيزنس لا يشق له غبار ؟
    أجابني بيزنس إيه الذي لا يشق له غبار.
    والقصه إختصرا ليكم في إنو شركته إسمها مثلاً ( طنب الكبرى ) ، جاءتهم يوما كتيبة مدججة بالسلاح من عناصر الأمن وفتشت المكاتب و أخذت بعض الأموال والكمبيوترات و الملفات واعتقلته وجميع موظفيه.
    ظلوا في الحبس كم يوم وبعدين بعلاقات جارهم الأمنجي تم إطلاق صراحم ولكن لم تسلم له ممتلكاته. وظل يسأل عن سبب هذه الهجمة الشرسة عليهم.
    فلما عرف السبب بطل العجب.
    طلعت القصه إنو في شركه يملكها أحد المتنفذين قد عملت حاجات مخالفة للقوانين مع بعض شركاء الحكم وقتها.
    الشركه كان إسمها مثلاً ( بدر الكبرى ).
    أتذكر حكيت للفاتح جبرا الكلام دا. فكان رده سريعاً ومفحما.
    – بسيطه ، تشابه أسماك.

    1. الحبيب الدكتور سنكل .. شنو ياخ الإجازة ما قربت ؟

  3. سراح وليست صراح
    ولكنها لم تفوت على فطنتكم.
    شايف عدد كبير من المعلقين الجدد ، والقليل من الرعيل الأول وطبعاً دي ظاهره صحيه. لكن برضو عايزين الزمان يرجع يا زمان.

  4. يا ابو ناجي
    بسحرووووك

    1. وينك يا دكتور ؟ أنا ولطفى فى إنتظارك

  5. بروف

    ومبروك القمرنينه و ربنا يديما و تكون نبراس للحقيقه الخير و الجمال

    أما عن جد الحمير أود أن أشير إلى معلومه تاريخيه من مصدر مختلف تشير إلى انه (اى جد الحمير) كان مولعا بلفت إنتباه البشر إليه لذلك كان ينهق كل يوم النمر التمر و كان الناس يهرعون لنجدته حتى كلوا و عندها أتى النمر و نهق الحمار و البشر فى حالهم حيث لا قبل لنا لا بأريكا و لا جدادا
    أمكن تشابه أسماك

    1. الله يبارك فيك يا أب احمد .. الرحلة اخبارا شنو؟

  6. والله يا بروف خوفتنا بي قصة حمار صاحبك العزيز ده … تري من علم الشعب المعلم الا يري ولا يسمع ولا يتكلم …. ولا يتعلم ؟؟؟؟

    1. خالد كيفنك؟ تعرف عزيز نيسين ده التقول قاعد معانا ما تركى وكمان مات ليهو كمين سنة .. بالله أقرأ ليهو

  7. اللهم اجعله خير الشئ الجاري ورانا ويقضم فينا 21 سنه ده لا يمكن يكون سؤ حكومي ….حتي اللسان بلعوه بس باقي حوافرنا اقصد اظافرنا…….!!!

  8. هذه القصه بمثابة تنويه مغنطيسى (الكلام ليك يالمطير إضنيك)

  9. الأحباء الأعزاء … قدامى المحاربين .. والأعضاء الجدد
    لكم منى دائماً الحب والود وأسمى آيات التقدير لوقوفكم الدائم مع شخصنا الضعيف هذا الوقوف الذى جعلنا نحاول ما إستطعنا أن نجود من أدواتنا وأن نبحث عما يفيد … أعدكم بالرد عليكم فرداً فرداً فى أقرب فرصة … لكم حبى الدائم

  10. السلام عليكم ، البرف و الاخوان دخلت نمله واخذت قبه وخرجت ، دخلت نمله واخذت كونتينر و خرجت دخلت نمله و اخذت دمغة الجريح و خرجت ، دخلت نمله واخذت سودانير وخرجت ، دخلت نمله واخذت عوائد البترول و خرجت و هكذا دواليك الى ان صرنا صم بكم لانستطيع النهيق ….. عجبى

    1. نعمل شنو لكن مع النمل ده يا كوكو يا خوى؟ هو نمل نصااااح

  11. استاذنا الفاضل جبرا…سلام..
    اسه فى داعى انت ونيسين تهبشوا الوجعة فينا؟؟ والله مسئوليييين ومسئولين..غايتو انا بحاول احافظ على لغتى القديمة بكل ما اوتيت من قوة,,اما عن الذئاب فياها دى العوجة ذاااااااااااتها..نقبل وين انحنا بس؟؟الله المستعان على الذئاب دى..

    1. والله يا دكتور ياسين لو قريت لى نيسين ده تقول ما تركى بس تقول قاعد معانا هنا .. والله مبالغة بالله حاول أعمل قوقلة وأقرأ ليهو ح تنبسط منو جدا

  12. جبرا :
    لسه زيد المشمش شويه حتي ياتي لون القمردين للقمردينه

    1. عمك الحاج السلاوى قال نقصو المشمش .. غايتو وصلنا لى حل وسط كدى ورونا رايكم فيهو؟

  13. بشار أحمد بشار(إبن برد) | رد

    وحده….. إنفصال….وحده جاذبة…..ألله يكضب الشينة الناس ديل دارين قروشهم على داير الملين هووووووووووووووهوهو
    مبروك لجميع الجدعان بعد إعادتها سيرتها لأولى.
    مع تحيات عمكم إبن برد

  14. والله يا جماعة أنا الليلة سعيد جنس سعادة !! ياخى رجعتونا للعهد الذهبى ! أيه ده كلو ..

  15. حاج أحمد السلاوى | رد

    الأخ الفاتح ..سلام
    الكل سعيد ( مش سعيد بتاع عواطف إياها ..) جدن بالعودة إلى الجذور والأصل ..
    دا كان امنيتنا من زمان لاكين زى ما بيقول المثل …كل شى حلو فى وقته ..المهم أنها رجعت .
    بس عندى طلب سغيرووووونى كدا ..اللون دا محبب لينا كووووولنا لأنو أول معرفة لينا كانت عن طريقه ..بس ممكن نخفف اللون دا شوية .. بس ..
    وبالجد مبسوطين للعودة .. الطوعية ..
    عودة القمردينة دى عاوزة ليها رحلة كاربة .. والعيد على الأبواب ..ونحنا معاكم بيغادى إن شاء الله ..

    1. بشار أحمد بشار(إبن برد) | رد

      يا سلولو عاوز يخففوا ليك اللون شوية؟؟؟ لا بالله ما أحسن يفتفتوا ليك فيهو جبنة ويكبوا ليك فيهو زيت سمسم من العصارات!!!!

      1. بشار إذيك ؟ ياخى والله مشتاقين .. كيف الصحة والأولاد؟ الحاج خففنا ليهو اللون لكن ما ورانا كده كيف؟ مظبوط وللا نخفف تانى شوية؟

    2. أها كده اللون كيف يا حاج ؟ مش ظبط ؟

  16. اقيس خديك بالقمحة
    القاك انتي دي السمحة
    تعايني لي
    وارسم في عيونك لون حقيقي و لي
    زمان ما شفت نوارك
    انا العذبني ليلك حين و نهارك
    جيتي تعايني يا سمحة
    كيف انتي و كفاية غياب لسمارك
    ……………………………….
    شكرا بروف و حبابكم انت و العيد اب خروفا هااااا وهاااااا وهاااااا
    ياربي الجاي دا انفصال و لا اتصال لا دا اتصال هو الانفصال يجي ليه ما عندنا كلام زي دا …دا اتصال بس شكلو ما زين يكون ريبا ياخ يجوز بس ما سوداني..يكون سوداني الجوا وجداني…عموما اها اها اها اها…

  17. سلام للجميع وعودا حميدا مستطاب :
    * مبروووك للجميع ويا بروف شغل تمام و . . ونطالب بالأرشيف القديم ( الباشا كاتب اعذار, وسام الجلاد الأكبر , وبقية الدرر )
    * سلاوي الظاهر المكنة خفت ( المركز دا بقيتو ما بتقدرو عليهو الا يكسرو ليكم , محن !! )
    * الليلة اتذكرنا د . صالح وابومحمد- دبي ــــــ تحياتنا ليهم اينما كانوا .

    1. إن شاء الله يا ركس ننزل الأرشيف كلو .. بس بعد ما نشوف طريقة نباصر بيها خروف العيد ده

  18. سلام يا مدونات يا مدونين
    هههه ههههه أبكرون قال تقل اللون… الحاج قال زيدوهو موية…
    و نحن نقول كدا مظبوط بس شددوا لينا على الرحلة و اللحمة باقي (عواطف) في الحج

    1. والله يا دكتور قدر ما حاولتا أجيب لون القمردينة الأصلية غلبنى ! أها غايتو الظاهر قربنا منو شوية

  19. بختك يا عزت يعني الايام دي اسعد ايام حياتك هههههههههههههه اقصد بدعوات الحاجة ليك من هنااااك

  20. الف الف مبروك لعودة القمردينة
    والله ماقصرت من زمان نفتش عليها والصدفة جابتنا ليها
    والف مبروك على اصدار الكتب الجديده
    ومرحب بالكل وتحياتنا ليكم جميعا
    واجمل حاجه عملتها لينا رجعتنا للقمرينة
    تسلم يا عمنا جبرا كتير

    1. الله يسلمك يا معجبة .. أهو البيت اللمانا رجع تاااانى .. شكراً ليك كتير

  21. يا سلام يا بروف
    رجعة القمردينية رجعت لينا معجبة وكمان دبابييرة زايدة …….. بركة بالرجعة يامعجبة وعقبال ما نشوف البقية

  22. استاذنا الجليل جبرا …
    ودمت ودامت ابداعاتك …
    عايز اوصل رسالة لدكتور سنقل … القال ليك يا ريت ايامكم زمان ترجع … وانا بردد معاهو نفس القول … عشان ناس زمان بنشوف فيهم المثل الما لاقينها في جيلنا ده… ده ما احباط لكن دي الحقيقة… عشان كده قاعدين نتعلم من ابداعات ناس زمان عشان نبني بيهو مستقبل جميل …
    يا دكتور ويا استاذ لو استسلمنا (لناس ما بيفهوا وجاهلين) زي ما حاصل لينا الان يبقى طموحنا ما مكتمل …
    تخريمة:-
    فرقنا من بطل قصتنا (الحمار العجوز) انو زدنا في الحروف و الكلمات عشان نوصل نحن عايزين شنو؟
    ادامك الله …

  23. يا جبرا سلامة الرجوع —-هى المدونة سوت شنو عشان تسجنها لينا كم سنة يا جبرا والحمدلله طلعت مظلومة ورجعت لقواعدها سالمة
    حاسة يادوب انى بتنفس والفات قديمه تااااه
    شفت اللون والشكل بتاعها ده قمه فى الجمال
    غايتو الايام دى تشابهت على الحمير من كترتها
    الحمار لاقى حقوقه لكن احنا حقوقنا وين اتهضمت بشنو عشان نعرف
    كسرة :
    يا ريت البلد دى زى ما استملوها مليون ميل مربع يسلمونى ليها تامه ما ناقصة شبر ولا زى مالقونا يخلونا
    وكفى المؤمنين شر القتال

  24. استفتاء الجنوب يطابق قصة الحمار العجوز.

  25. المؤزر عبدالعال | رد

    اول حاجة حمدالله على سلامة القمردينة وعودا حميدا يا استاذ الفاتح وانا بالمناسبه نفس الكلام ده قلتو لمن قريت اول مره لعزيز نيسين انو عزيز ده زي العايش هنا بالجد لكن اتفائلت لانو تركيا دي في يوم من الايام ع حسب كلامو كانت زينا وده معناها انو حنبقى زي تركيا ف يوم من الايام (معنو ده من المستحيلات)
    واشكرك مره تانية يا استاذ الفاتح

    1. مرحب بى ولدنا العزيز المؤزر .. نتمنى لك إقامة طيبة هنا

  26. رجعنالكم وآسفين للغيبة الطويلة … ظروف شغل وربنا يقدرنى اقرأ كل الفاتنى وأعلق عليه كمان …. كالعادة يابروف عزفت على الوتر الحساس … تحياتى وامنياتى من القلب

  27. العزيز / البروف الفاتح
    مساء الخير
    ..طبعا الحمار بس لانو حمار دخل عالم الاوهام “إتلياق” على نفسو ومارضا يفهم ، لكين الناس مشكلتهم شنو ياجبرا؟
    وبالمناسبة إعتذراتى وخليت ليك رسالة فى يوم كده مامتذكروا متين….تحياتنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: