إحتجـــاب

الأحباء الأعزاء

أعتذر لكم عن عدم مقدرتى على الكتابة نسبة لإصابتى بالملاريا.. نحن الآن فى مرحلة كسير العضام بعد أن مررنا بالحمى أم برد .. يبدو أننا سوف ندخل إلى مرحلة الهضربة … قريباً …أجدها فرصة لأناشد المسئولين بتأخير حكايت بناء قصر جديد دى شوية وتحويل قيمته من أجل دعم مشروع لدحر الملاريا والقضاء عليها !!

 دعواتكم لنا بالشفاء

23 تعليق

  1. السلام عليكم ، البرف سلامتك الف سلامه ، وعارفين اطوار الملاريا ، و تقول للواحد احسن تاكل باى صوره حتى بعدين تبلع الحبوب ، لكن لمن تبقى ليك فى روحك ما تقدر على المويه حتى ، مره ناشتنى عملت شجاع و بلعت الفانسيدار الامريكى ، انا يومين عيان !!! عرديب قضيم كركدى قرض حرجل كمون و لالوب زيت سمسم و الذى منو ده الفيهو الفايده ، اما الهضربه بالقصور حليك منها هالساعه ……. عجبى

  2. اسال الله لك الشفاء العاجل

  3. سلامتك و كل احباب القمردينة كرامتك…بالله ريح شوية و جم عضامك ديل و من اعمق اعماق المراريا استنضف لينا الهلاويس و الفنون في ظلال الامزون…

  4. ربنا يشفيك ..

    وان شاء الله تكون كفارة ليك 🙂

  5. جبرا : سلااااماتك (دي بالمحسي)….
    وان شاء الله تفكك وتجي للسلاااااوي خفيفه وتفكو …وزول تاني في بالي تجيب اجلو عديل كده
    غايتو جنس مضره يا شيخ ابكر …..!

  6. البروف الحبيب..سلامات..
    والف لا باس عليك واضم صوتى لابكرون الحاقد دا !!

  7. استاذنا الجليل جبرا
    سلامتك الف سلامه عليك وربنا اشفيك سريع لتتحفنا بمقالاتك الزى البندول اي تزيل عنا الم ناس القصر

  8. البروف كفاره البيك يزول . . المرض آب يكتولو زول.
    نناشد معك المسعولين بتحويل ميزانية القصر الجديد لمكافحة الملاريا.
    و لك عاجل الشفاء بإذن الله.
    ودا منو يا أبكرون الحاقد عليهو قدر دا؟

  9. حاج أحمد السلاوى | رد

    البروف الفاتح .. عافاك الله وشافاك يا رجل ى…وربنا يجعلها فى ميزان حسناتك.. والف سلامة ..
    أما الحاسدين والراصدينة الحاقدين القاعدين هناااااااااك فى البلد ا العربى اللى حينظم منافسات كاس العلم ..عشان لامن لاقيناهم عالطبيعة وشافونا ..وهم عارفين روحهم كوووووويس .. عندنا معاهم حساب تانى ..
    ربنا يهد المفترى .. وبنقول ليهم .. الأيام بيننا.

  10. ربنا يعجل بالشفاء يابروف

  11. كفارة ليك – واجر وعافية انشاء الله يا عمنا.

    ياابكرون نقول وراك – ااااااااااااااااااااااامين.

  12. هيثم ابوالقاسم | رد

    تمنياتى لك بالشفاء العاجل ,,,وربنا يقومك لينا بالسلامة,,, اصلو التدوينة دى زى قهوة الصباح,,,نبدا بيها اليوم,,, وبعدين الملاريا دى مالها مابتجى للجماعة ابهات كروش ديل..

  13. سلام أبو ناجي:
    دايماً الفريق لمان يكون غير محظوظ تلقاهو يفقد أفضل اللعيبه يوم المباراة الصعبة.
    وكذلك نحن ، اليوم القيامه قايمه في ظل الفيديو الفضيحه بتاع جلد الفتاة المسكينة بهذه الوحشية في دار شرطة النظام العام ، وأنت طريح الفراش يا أبو ناجي.
    بالله قوم لينا على حيلك بسرعه و حصلنا من طالبان ديل بموضوع ( الجلد الجماعي ).

  14. الشر بعيد عنك وسلامتك الف سلامة والله لو كنت فى الخرطوم كان جيت زرتك .

  15. صاح انا بزيد الملاريا …لكن استحملنى شويةانا جاياك لى رقبتى دى (مامحيلة وعندى تصريح بالشوفة من الشباب) .

  16. إهي إهي إهي

  17. شفاك الله وعافاك وكفارة وأجر إن شاء الله

  18. والله الف سلامة ليك ياأستاذ …دعواتنا ليك بالشفاء
    وبعدين الملاريا دى الجابه ليك شنو …ماقالو انتهت
    لكن قضاء اخف من قضاء
    انا كنت عاوز احكى ليك انو اليوم انا كنت ماشى بالعربية والله اظنو بسرعة 20 بتاع الحركة صفر لى قمت وقفت قام قال لى ما رابط الحزام ….يعنى ان شاء الله يربطو فى خلا …قلت ليه انت الوالى ما لغى اكلام ده قال لى ابدا وما سابونى الا بعد ماغرمونى 30 جنيه
    القصة بقت همبتى وعلى عينك ياتاجر……نحن نمشى وين بس…..حقو الواحد يلم عزالو ويمشى جوبا

  19. ألف ألف سلامة ليك يابروف, ربنا يكتب ليك الشفاء العاجل, بس عشان اخفف عليك شوية, اليلة الصباح وكعادتي اليومية كنت بستمع لي الاخبار عبر راديو الرابعة بعد حجب البي بي سي قسرا, وورد النص التالي علي لسان المذيع:
    ( المؤتمر الوطني يحمل الاحزاب السياسية المعارضة مسؤولية تدهور الاوضاع بالبلاد )
    بس عليك النبي دي ما حاجة تجيب الملاريا, بالجد يابروف ذكرتني بي قصة الفار والكديس الفي المركب

  20. حاج أحمد السلاوى | رد

    سترايكر .. حتى أنت يا بروتس ؟؟؟؟؟؟؟؟؟؟؟

  21. الأحباء الأعزاء
    إن شاء الله ما تشوفوا شر .. وربنا يبعد عنكم كل البلاوى ويديكم الصحة والعافية …الملاريا مرض سخيف بس الأسخف منو الشئ القاعد يحصل فى البلد ده !

  22. جبرا كيفك ا ن شاء الله يكون الحمي نزلت و القصة سلكت …انتا هسع بعوضة السجم دي حتدخل استفتاء و لا كوووووولها حقتنا برانا…وبعدين نفرز حقتهم من حقتنا كيف …اها في الحالة دي نحنا ما عايزين ناكل حق زول …كل زول يموت ببعوضو و الله الغني….

  23. الف لابأس عليك يابروف ربنا يشفيك …… غايتو الملاريا أفضل من اب عديلات اصلو بقى يجى للكبار والصغار معا …. ولا شنو يابشبش

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: