أكثر 50 سؤال متداول

1-     الشارع ده إتجاه واحد؟

2-     الكهرباء رجعت؟

3-     و ح تودوهو الأردن؟

4-     بتعرف ليك واسطة؟

5-     الجمرة  فضل فيها كم؟

6-     الليلة هو اليوم شنو؟

7-      تودينى المشوار ده بى كم؟

8-      المويه دى عكرانة كده مالا ؟

9-      معاك فكة؟

10- الظهر أذن؟

11-الجنوب ح ينفصل؟

12- العقد فى ياتو مسجد؟

13-الدولار عمل كم ؟

14-الزول ده قبل يومين ما شفتو شديد .. الكتلو شنو؟

15-مالك زهجان وقرفان؟

16- أنا أصلو قايلنى حاوى؟

17- الجاب القون منو؟

18- الحفلة بى ياتو فنان؟

19- دفعتا حق الإيجار؟

20-البوش ده عاوز زيت؟

21-الرسوم كم؟

22-منو فى الباب؟

23- الإجتماع إنتهى؟

24-عندك رصيد؟

25-الطماطم الليله عملت كم؟

26-عامل كيف مع الفلس؟

27- نتيجة الفحص طلعت شنو؟

28- وح تسموهو منو؟

29-الحرامى شال منكم شنو؟

30-موبايلى ختيتو وين؟

31- العيد إجازتو كم يوم؟

32-صرفو ليكم الماهية؟

33-الجاب الأقوان منو؟

34-الكورة ناقلنها فى التلفزيون؟

35- الأسعار دى ح تزيد كده لمتين يعنى؟

36-متين اليوم إنتهى؟

37- شفتا الفديو بتاع الجلد؟

38- صحى التمباك ح يحظروهو؟

39- عربية النفايات جات ؟

40-و ح تتم باقى الشهر كيف؟

41- شهادة البحث وين؟

42-العريس شغال شنو؟

43-الناس دى عايشة كيف؟

44-والبص القلبو شنو؟

45-  الوزير جا من السفر؟

46-الرغيف ده وزنو مالو بقى كده؟

47-الزول ده جاب القروش الكتيره دى من وين؟

48-معقول طيارة واحدة ما تجى فى مواعيدا؟

49-الموظف الفى الشباك ده مشى وين؟

50-كان قدمتا ليهم ح يدونى مرابحة؟

 

 

كسرة :

سؤال إضافى : فى أمل الحالة دى تتصلح؟

34 تعليق

  1. السلام عليكم ، البرف و الاخوان ، اكيد الاحوال دى حتتصلح ، و ماشفت خبر القنبله الذرديه اقصد الذريه و نحن طوالى بعد ايران ، و كان ما اتصلحت هنا ( هنا دى زايله ) نحن مستنينها بعدين ………… عجبى

  2. جبرا الجابر حزنا تانى ماتغيب كتير ويخرب بيت شوية الكتئاب الغيبتك عننا…..تصدق اكتر سؤال بيتداول فى المكتب عندى …نورا وين (فرفارة وما بقعد فى محل واحد)!!!! وسؤالى الميةو مييين القلق دا حيستمر كتير ؟ انت يابروف حتفضل ظريف ومدهش كده لمتين ؟
    (ماأتغلطو فى الحساب ياجماعة أسئلتى دى خمسين بس انت ركزوا شوية)
    يابروف احرزك من الغياب …انت بس تعال قول ازيكم (دا ماسؤال ؟) وبعد داك امش.

  3. السلام عليكم ، و صلنى هذا البريد ، رايت ان اشارك فيه الاخوان
    أفلا يستحق الحب ّّ؟؟؟

    سيدى ومولاى محمد صلى الله عليه و سلم

    يستحق الحب ..

    من زرع الحب بين الناس أجمعين .. فقال : لايؤمن أحدكم حتى يحب لأخيه ما يحب لنفسه

    يستحق الحب ..

    . من دل البشر طريق الحب فقال : ألا أدلكم على شيء إن فعلتموه تحاببتم أفشوا السلام بينكم

    يستحق الحب ..

    من علمنا كيف نغزو القلوب ونسكنها .. حين قال : تهادوا تحابوا

    يستحق الحب ..

    من جلس على شفير القبر بين أصحابه ، ينكت التراب بعود في يده
    يرفع رأسه ، يسكن الحزن في عينيه
    ينبعث الشوق من شفتيه ، ينصت له أصحابه
    ، ينتظرون كلماته ..

    يهمس لهم : وودنا أنا قد رأينا إخواننا
    يتعجب الأصحاب ، وبصوتٍ واحد : أولسنا إخوانك يارسول الله

    ليس اعتراضا .. لا .. ولا احتجاجاً

    بل هي رغبة كل محب أن يكون لحبيبه كل شيء
    فهو بالنسبة لهم كل شيء .. منحوه الحب والوفاء

    .. البذل والتضحية .. هوالفرح .. البسمة ..

    الروح .. الهواء .. النسمة .. هو أغلى من المال والأهل والولد

    وأغلى من النفس .. أولسنا إخوانك .. نظر إليهم

    وقال : لا .. أنتم أصحابي

    إخواني .. أتدري من ؟

    أنا .. أنت .. أنتِ

    . الذين آمنوا به ولم يروه .. ألا تجري ال دموع شوقاً ؟

    ألا يستحق أن يملأ قلوبنا حبه
    ..

    يستحق الحب ..

    إنه نبينا محمد بن عبدالله صلى الله عليه وسلم

    الرحمةالمهداة ..

    التائب من الذنب كمن لاذنب له

    عجبت للجنة كيف نام طالبها

    وعجبت النار كيف نام هاربها

    يا حبيبي يا رسول الله
    صلى الله عليه وسلم

    اللهم اسقنا من يده الكريمة شربة لا نظمأ بعدها أبدا
    واجمعنا معه في الفردوس الأعلى يا الله

  4. نورا .. كوكو
    صباح الخيرات .. مشكورين كتير !

  5. الاستاذ جبرا والاحباب الاعزاء
    كمان فى اسئله مابتلقى ليها اجااابه
    الباعوضة دى بتروح متين ؟
    العروس دى مالا كبيره اصلو عمرا كم؟
    الموظفين ديل بتمو باقى الشهر كيف؟
    اهاا اتخرجت من الجامعه حاتشتغل وييييييييييييييين؟
    اهااا اششتغلت حاااتعرس متييييييييييييييين؟
    المسئول دا عندو مره ولا اكتررررررر؟
    السودان بعد الانفصال بكون اسمو السودان ولا العرب دان على حسب اقتراح حرم الشيخخخخ الترابى امد الله فى اجاالهم يتحفونا اكتر واكتر؟
    بعد الجنوب الدور ماشى لى وييييين؟
    الشعب دا حايرطب وينعنش متين؟
    السودان دا بعد 10سنوات حايكووووون كيف ؟

  6. – جبرا بقيت كيف انشاء الله فكت ؟؟؟
    – اها يا بروف السنه الجايه الناس دى حتخلينا نكتب ولا ما حنقلى حاجه نكتب فيها ولا ما جنكون فى ذاتو ؟؟
    – يا بروف عليك الله راس السنه ده ما عاوز ليهو لمه كده من النوع بتاع مزرعة الجريف ؟؟ انشاء الله تانى يوم فى الراس !!!
    – العماره دى قامت متين ؟؟ مش كان فى كوشه هنا قبل شهر ؟؟ بقى فى كوشه فوق ليها متين ؟؟
    – بالله اسى الواحد ممكن يطلب لجوء سياسى للجنوب ؟؟ او لجوء انسانى للشمال ؟؟
    – مش ممكن تتعمل منطقه حره بين البلدين للعاوزين وحده ؟؟
    تحياتى وفك الله الدباريس ..

  7. اتو الناس ديل وين ؟
    النوم سلطان وكل من عليها فان ولاشنو؟

  8. كنت لما اقول لعادل سليمان حاجة اوفر (ماتمشو بعيد آآآآآآآآآآآآآآآآ) يقول لى يامرة انت جنيتى؟؟ الكلام دا بحصل ذى خمسين مرة فى اليوم. هسى بناتى حبيباتى لما اكون برضو اوفر يقولو لى ياماما انت جنيتى ؟ انتو رايكم شنو؟

  9. البروف الظريف و سمار الانس اللطيف…
    كويس انو الملاريا فكتك بعد 50 سؤال و الله نحنا ملاريتنا امتحان فيزياء…
    اما اسئلتي لاولادي بعد نورا وبناتا ما يكملوا اسئلتهم و يدونا فرصة معاهم
    ياخ اجيب ليكم من وين انا؟
    انا اتقطع؟
    عليك الله ديل ما بالغو؟
    بالله ديل موش شياطين عديل كدا؟
    اها دي اتعرفت ياربي السنة الجاية كيف؟
    السوق دا جنا؟
    اما السؤال الذي يحير كل مقاول ، هسع نجيب طلب من وين؟
    اما السؤال الذي يحيرنا انتا يا فلقة بتمشي وين؟

  10. تفتكرو الشعب السودانى (الفضل ) دا حيفضل لمتين؟
    يا نيام عليك الله هى السنة الجاية دى جات متين ؟ غايتو انا البعرفو السنين كلهن بقن كبيسات .
    وعليك الله الشفع ديل ماتحميهم خليهم ال….إسالو .

  11. وجيع الزمان السوداني | رد

    كدي جرب رد علي الاسئلة دي يابروف بدون ما الملاريا تطلع ليك في راسك …. تحياتي لجميع المبدعين والقابضين على جمر القضية

  12. قالوا يا احباب كان في غنماية وكلب ولا مؤاخذه ساكنين في حلة واحدة وكانت متعة الكلب الوحيدة عندما يكون زهجان أول ما يشوف الغنماية جاية على الكوشة شان تلقط شويت حاجات بس يخليها تصل وتبدأ في اللقيط… يقوم يهوهو فيها ويسكها لمن ترجع لي أهلا…
    ويتكرر السيناريو دا كل وامكن في اليوم كم مرة…
    في يوم من الأيام لمح الكلب الغنماية جاية من هناك فعمل نايم لمن مرت بي جنبو ومشت على الكوشة وبدت في اللقيط…
    فتح الكلب عينو وقام فت جرا عليها وهو يهوهو…
    ما اشتغلت بيهو… زاد في الهوهوة…. اتلفتت عليهو قام سكت..
    مشت عليه… قام استغرب… رجع حبتين
    جرت عليهو…. قام جاري ويعاين بي وراهو والغنماية ساكاه…
    فقام سأل… الغنماية دي جنت…!!

  13. نورا مصطفي:
    الشعب الفضل دا حيحسا يوم تقومي الصباح تعملي الشاي للوليدات تلقيهم بقو صغار قدر السندوتشات تجري علي المراية تلقي روحك بقيتي قدر الشفع تمشي الشغل تلقي المدير مافيش والناس المعاك اتمحقو تمرقي الشارع تلقي الشعب دا حبة و المواصلات فاضية و الشارع صاني تقومي تقولي ياربي الناس دي مشت وين تسمعي صوت ضخم زي البعاتي” الناس دي مشت وييين انتي شغلتك شنو خليك في حالك !!!”..تتلفتي ما تشوفي مصدر الصوت تفتحي شنطة اليد عشان تطلعي الفكة تلقي المدير يقول ليك انتي مالك بيهم خليك في حالك…والقصة انتهت..موش بناتك بقولو ليك كده…
    عزت:
    هسع نحنا جارين من الصباح للعشية و السوق جاري ياربي السوق دا جنا و لا شنو…
    واحد ماجوك طلبة ايام كانت علبة الطحنية بطرادة و طبعا اليومية طرادة فيجي كل يوم بعد الشغل يشتري علبة طحنية و يفرتك يوم جا ادا التاجر الطرادة و قال ليهو:
    -بالله ادينا المالوم
    التاجر قال ليهو المالوم بقا ب30 قرش
    – يا سلام ياني نينا ما ننوم و لا شنو…
    هسع عليك الله يا مرطب نحنا ما ننوم و لا شنو

  14. سلااامات الظاهر الناس دي كلها بتلفها اقصد الصينية
    نورا ازيك سلامااات الله يسلمك كيفك الله يبارك فيك كيف الاحوال الله يرضي عليك ، سلامات البنيااات كيف ؟ وعادل كيف الله يبارك فيك ، الله يحفظك ، افليقا حمد الله علي السلامة سروره كيف والبطااان ؟
    الله انتو يا ناس ابكرون ده مالو ؟ يكون لافيها…اقصد العِمه

  15. البروف جبرا..سلامات..
    انا سؤالى واااااااحد: الناس ديل بمشوا بتين؟؟

  16. ابكرون..سلام..
    على ما على انت لافيها !! اها..
    عزت..سلام..
    لكن الغنماية ما اتلومت !!

  17. الاخت نورا
    آسف جدا علي تعليقي خاصة في الجزئية (عادل كيف ؟ ) لم اطلع علي تعليق لك سابق عن الاخ المرحوم عادل ، وقد نبهني الاخ علي سنكل لذلك له الشكر الكتير ….مرة تانيه آسف جدا وربنا يتقبله قبولا حسنا ويخلي ليك البنتين ، تشوفيهم كبار عرايس….

    1. صباح الخير عليكم ياناس….المختفين…حتفضلو كده كتير؟ يعنى ما عندكم ولاسؤال كدة مقلق بيكم ودايرين تقلقو بينا بيه برضو ؟ يا ابكرون قبلنا اعتزارك وعادل حيفضل حى جواى لحدى ما احصلو.

  18. البروف صباح الخير
    سؤال خارج المقرر
    العرس الجماعي متين ؟؟؟؟؟؟؟ عشان ناس شمباتي وسهيل

  19. الحبايب الحلوين وكل من سال عننا :
    نحن بخير والحمد لله . شوية دبرسه على شوية مرض على شوية سفر على شوية قهر على شوية فراق اهل المهم الحمد لله ماشه وقاعدين نستعيد فى اللياقه شوية شوية ..
    شمباتى : شؤالك ده مش تعسفى شوية ؟؟ يمشو متين ؟؟ هم يادوب قدمو ناس الجنوب لحدى الباب وجو راجعين يشوفو الباقين اسى لاقاك سيد بيت بيمشى يخلى الضيوف ؟؟؟ شمباتى ده جن ولا شنو ؟؟ تحياتى يا غالى ..

  20. اغرب اجابة على اغرب سؤال – مرة فى واحد زهجان فى المواصلات طقطق للكمسارى – الكمسارى سألو– نازل ؟ رد عليهو لا ماشى الحمام —

  21. سماسم..
    هييييييييييييييييي,,انا فى كاتقورى براى وسهيل دا براهو,,انا لسه نونو!!

    افليقا..
    سجمنا !!يعنى يادوووب حيفضوا لينا بى مهلة؟؟الواطا فى خشمنا..
    الشوق اكتر والله يا حيبب..وخليك قريب..

    البشاوى..
    والله زولك دا زهجان سااااااااااااااكت !!

  22. شمباتى : سجمك بت الناس البسيطه دى ؟؟؟!!! الناس ديل بعد 5 سنه يادوب انتهو من موضوع الجنوب ولانو اخد منهم زمن كتير حنديهم استراحه سنتين كده ياخدو نفس ويحلو باقى المشاكل طبعا الخمستاشر سنه الاولى كانت دراسه للمشاكل !!! شفت الدراسه دى بتأنى كيف ؟؟؟ههههههه
    ولو انت مستعجل وما حتستنى تقرير مصير اقليمك ممكن تسافر بره تعمل كورسات فى كيف تبنى دوله ولحدى ما تخلص حتجى تلقى دور اقليمك جا – احىىىىىىىى والله يا شمباتى تانى عشرين سنه زى دى حتلقى السوق العربى بقى دوله شقيقة للسوق الافرنجى !!!!

  23. الأحباء الأعزاء
    بالله الواحد بس يختفى ليهو كم ساعة كده يجى يلاقى كل الحشد الجميل ده ..ذكرتونا والله الزمن الجميل .. بالله مرة مرة خشوا إن شاء الله تتاوقوا سااااى … سلام ومحبة

  24. انا من اشد المعجبين كل يوم بفتح الراي العام اشوف ساخر سبيل
    طبعا السئلة و غيرها زي دي كتير
    بعد ده نشيل الفاتحة علي السودان

    1. قصدي الاسئلة

  25. الحبيب جبرا..
    انحنا نتاوق ونقيل كمان,,بس انت تقل من العيار دا !!

    افليقا..
    سجمنا تانى !! خلاص حقو الواحد يستفيد من قعادو برة دا ويجهز نفسو واهلو !! ويا فيها يا نطفيها..هيع..

  26. بشار أحمد بشار(إبن برد) | رد

    ناس العرس عشاهم كان مدنكل؟؟
    ناس البكا ديل رفعوا ولا فارشين لسة عشان نمشي نتغدى معاهم؟؟
    ياربي محجوب شريف تان حيقول السودان الوطن الواحد ماقد كان وما سيكون؟؟
    أبكرون يا مفص؟؟

  27. بشار :
    ههههههههههههههه
    (مفشلا) …..مفص +شلاقة…….بالثابتة….!

  28. شمباتي يعني انت ما مستعجل؟؟؟؟ ما مشكلة بس اتنحى جانباً لأنو في ناس عاوزين يدبلوا

  29. بروف جبرا كل سنة و انت طيب و اتمني ليك الصحة و العافية ليك و لاسرتك..و السنة الجاية ان شاء سنة بدون دبرسات بدون ملاريا بدون ((؟) كلمة من 5 حروف) …انا حاجيب م الاخر …
    15- زواج جماعي (مبعثرة) (الوحدة الجاذبة) – أمنية كل خريج(الرقشة) – تقوم بعملية فقع المرارة عند الإستماع إليها(اذاعة البيت السوداني)
    16- ينبح والقافلة تسير(!!! وس وس وس !!! عليك الله ما ياهو) – يتم تعاطيها داخل الجامعات (الواوة-الحسن كابوسية)(طبعن غير المحاضرات إن وجدت)
    17- قائل عبارة (خلوها مستورة) (انتا وين الزول دا)– أكثر مكان يرتاده المسئول (غير المطار)(الحمام المكندش)
    18- من عجائب السودان السبع (غير المدينة الرياضية) (النفرة الخضراء) – المال العام (مبعثر)(ان وجد)
    19- سعره فى الخارج أقل من سعره بالداخل مع أننا نصدره (معكوسة)(ركس الله يطراه بالخير)
    20- تصيب بالتخلف العقلى (غير برامج الأطفال)(المناهج التعليمية في الامزونة) – دغمسة (مبعثرة)(بين القضارف و مدني)
    نورا مصطفي:
    1- يصيب الزول ويجهجهو (وماتقولو لى الحب)(الفلس)
    2-كل مانشيل منها برضو تزيد(زماااااااااان كانت الحفرة)(الجرورة)
    3-تجيك مرتين او أكتر فى الشهر (الملاريا و الفواتير)
    4-فرفارة فرفرة الجن(والله ما انا بس 4 حروف برضو)(بنتك)
    5-تكرهك حياتك(ذى الباعوضة …اليوم كلو تزن)(القناة القومية)

  30. سماسم..
    العجلة من الشيطان !! واتحدى كان فى زول عايز يدبل تانى,,اليطلع لى هنا..

  31. الأخ الفاتح ،
    تحياتي العطرة وتقديري الكثير …
    ياخي نسيت أسئلة مهمة:
    1. الساعة كم؟ (سؤال تاريخي مهم)
    2. ما بقيتوا تلاتة؟ (سؤال عذاب)
    3. في عيش؟
    4. الملح وين؟
    5. ما عندكم شطة؟
    6. أديك ليك كم ملعقة؟ (إذا وجد السكر أصلاً)
    7. ما قال ماشي وين؟
    8. برجع متين؟
    9. لونو شنو؟
    10. قدامو نيمة؟
    11. الكهرباء جات؟
    12. العصر أذّن؟
    13. فكوكم بيوت؟
    14. أدكوم النتيجة؟
    15. عندك سفة؟
    16. إتغديت؟

    ** أما أهم ثلاثة أسئلة إستفهامية تصلح لكل مناسبة وظرف:
    في شنو؟ الحاصل شنو؟ قال شنو؟

    أبو بكر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: