تهنئة

الأحباء الأعزاء

عام جديد سعيد ملئ بكل ما هو جميل … كل سنة وإنتو طيبين

Advertisements

19 تعليق

  1. كل عام وانتم بخير
    وعقبال ما نشوف شعبنا الفضل فووووق

  2. هي مجرد أمنيات
    بالله عليك أبونا الفاتح أين هي السعادة المتمناة وكل يوم نشنف آذاننا بنستشرف تحديات ونتولول بتقسيمات ولا رد من الموقف الرسمي سوى مزيد من الرقصات
    عزيزي الفاتح لقد عيل صبري من كل شيءٍ فهربت ..
    أبوي الفاتح عفوك فلا جديد يذكر ولا قديم يعاد.

  3. سلام ياقبيلة،،
    الصديق جبرا وسماره الأكارم بنو الكرام،،،
    جعله الله عام خير وبركة ومحبة وسلام لكل السودان…
    ولنجعل الأجراس تدق في معبد الحب ولتنادي الأفراح
    ولترقص خمرة الأحباب في الكأس لتُسكر الأرواح
    ولتغني لنا فرحتنا الكبري وتغني وتغني في الليالي حبنا
    ولتكن الشفاه كلها ضحك وهمس وأبتسام
    وكل عام والجميع بخير يرفلون في محبة ووئام….

  4. سنه سعيدة عليكم وعلينا كلنا والوطن فى سلام وإطمئنان لينا وللعيال …قولوا آآآميييين

  5. سلام من جديد
    دون تعليق هذه إحدى المواقف التي وجدت أحد الأصدقاء قد نشرها على الفيس بوك فتعالوا نستشرف السودان السعيد …..
    قبل 3 ايام تشاجر اخي الاكبر وأحد المننتسييين الي جهاز أمن الحكومه فأخذة من مكان عمله بعدما اوسعوة ضرباً وركلاً وعندما تدخل الناس الذين هم بجواره عرفوهم أنهم هم الجهاز الذي يجلب الخوف والهلع للمواطن ثم إقتادوه واغلغوا جواله ورموهو في …الحبس دون ان نعرف مكاناً له لمده ثلاثة أيام ماتركنا لامستشفي ولا قسم للبوليس إلا وقفنا عنده دون جدوي ثلاثه أيام لم تذوق الاسره ولا أولاده طعم للنوم عرفنا في رابع يوم أنه في ضيافة أمن الانقاذ الحامي للبلد وأهلها من الضيااااااع بالله عليكم اذا كان هذا هو الجهاز الذي كان من المفترض أن يكون أشد حِرصاً علي أمن المواطن اذا به هو الذي بفزع ويخيف ويرهب …!!!! والمصيبه الكبري يمكن أن يفعل بك كل الافاعيل جندي يادووووبك إتخرج يعني مستجد دون أن تكون هنالك جهة تحاسبه ياسبحان الله

  6. عام سعيد

  7. عام سعيد للجمـــــــــــــــــــــــيع

  8. البروف والاحباب..
    سنة حلوة عليكم وعلى المسلمين وعلى بلادنا..وربنا يكفينا شر المحن والفتن..

  9. بلادي أنا بلاد ناسا مواريثم في أول شي .. كتاب الله
    وخيل مسروج، وسيف مسنون حداه درع
    كتاتيبم تسرج الليل مع الحيران وشيخا في الخلاوي ورع
    وكم نخلات تهبهب فوق جروف الساب وبقرة حلوبة تتضرّع وليها ضرع
    بلادي أنا
    تشيل الناس ، كل الناس وساع بلحيل وليلا يسع وتتدفق مياه النيل على الوديان
    بياض الفضة في وهج الهجير بيشع
    بلادي سهول ، بلادي حقول بلادي الجنة للشافوها او لي البرّة بيها سمع
    بلادي بلاد وناسا كرام تكرم الضيف وحتى الطير يجيها جعان ومن أطراف تقيها شبع
    بلادي انا
    بلاد الصفقة والطنبور وداراتن تشق الليل وبنوتن تحاكي الخيل
    يشابن زي جدي الريل
    بلادي أمان ، بلادي حنان وناسا حُنان يكفكفوا دمعة المفجوع
    يبدّوا الغير على زاتم يقسموا اللقمة بيناتم
    ويدّوا الزاد حتن كان مصيرم جوع
    يحبّوا الجار يموتوا عشان حقوق الجار
    يضوقوا النار عشان فد دمعة
    وكيف الحال لو شافوها سايلة دموع ..؟!
    ديل أهلي .. وديل أهلي
    البقيف في الدارة واتنبر وأقول لي الدنيا. كل الدنيا ديل أهلي
    عرب ممزوجة بي دم الزنوج الحارّة
    ديل أهلي .. ديل قبيلتي لمّن أدور أفصل للبدور فصلي
    ديل فصلي ..
    أقول بعضي ..
    ألاقيهم تسرّبوا في مسارب الروح بقوا كلي ..
    أسياد روحي والإحساس وسافر في بحار شوقهم زمــــان عقلي
    محل قبّلت ألقاهم معاي ، معاي زي ضليّ
    أنا لو ما جيت من زي ديل كان آسافاي ، وآمأساتي وآزّلي
    تصوّر كيف يكون الحال لو ما كنت سوداني…
    وأهل الحارّة ما أهلي
    تصوّر ..!!!
    الحبيب الاستاذ جبره وكل الخوه والاخوات الاكارم
    كل سنة وانتو بالف خير وربنا يجعلا سنة جديده سعيده على الجميع ويجنب البلاد والعباد الفتن وشرالمستخبى فى الغيب ويديم التواصل بين ويقوى المحبه بيناتنا فى الله

  10. السلام عليكم ،عام سلام علينا وعليكم ، ابو فيصل على بال………. ده كلام شعر ساكت ، و اجود الشعر اكذبه ، انا ما عارف فى شنو نحن بنشكر فى رقبتنا ، ناس كنا نعلم فيهم ، جو سبقونا ، بلد اهم شخصيات فيها ، و اغنى هم المزارع و الراعى ، نجى نلقى هلفوت سياسى بقى اهم واغنى ، اكلو راسنا بى شعب متميز شعب ماعارف شنو ، المهم لقينا نفسنا فى الحضيض ونحن نمره اربعه فى السرقه و النهب الجماعى ، و كان الحاره جات !!!! و هى الحاره شنو ؟؟؟ اتحدى اى واحد بيشتغل فى اليوم سته ساعات ، و لا كان لقى ليه هبره جامده يقول اعوذ بالله من الشيطان ،ده امتحان ، ولا كان شاف ليه مره سمحه يحول بصره للناحيه الاخرى ، عموما عايزين مراجعه شامله ، لايغير الله ما بقوم حتى يغيرو ما بانفسهم ان الانسان لظلوم كفار ………. عجبى

    1. ياكوكو ابو فيصل دا ماخليت لية صفحة يرقد عليها التقول قال الشعر دا هو…..قال ليه تخيل كيف يكون الحال لو ما كنت سودانى واهل الحارة مااهلى.؟…. رد ليهو…ماكان امنقا شى!!!!!عليك الله المسطول دا ما صريييييييييييييييح.ههههههههههههههههههاى

  11. كل سنة وانتو طيبين والسنة الجاية نكون افضل شعب وارقى امة واعلى وطن

  12. عزيزى كوكو
    لك التحيه والله نحن دى التربيه والمواريثات الاتربينا عليها حب الوطن وحن اهلووو مامعنى انو الحال اتغير لاسوأ الواحد يتنكر لوطنو هو الحاصل دا ماجبناهو لروحنا برانا غير التنظير ماعندنا حاجة وزى ماقلت لايغير الله مابقوم حتى يغيرووو مابأنفسم …طيب نحن مانبدأ بانفسنا اولا …
    وزى ماقالت ليك اختنااا نور القصيدا دى ماكاتبا انا بس الشاعر اسماعين حسن عبر عن كل السودانيين الكويس والكعب منهم ..ودى دعوه للجميع لمراجعة انفسهم مع العام الجديد ونتأمل الحال الوصلنا ليهو دا من شنووو …
    وبرضو تصور كيف يكون الحال لو ماكنت سودانى واهل الحااااره مااهلى

  13. كل عام و انت بخبر

  14. الغالي جداً علي القلوب, البروف ابو ناجي وبقية العقد الفريد كل عام وانتم بألف خير, كل عام وانتم إتكائة هذا الشعب المكلوم, بس لو سمحتوا لي أسأل ود الخلا شابكنا رقيص وغنا وشراب وشنو ماعارف, هو ماسمع كلام الريس ولا شنو!, علي بالايمان كلها سبعة يوم وتاني جنس جلد, محل ماتقبلوا قدوقدو بس
    كل سنة وانتو طيبين مع ودي واحترامي

  15. كل سنة ياستاد با الف خير والسنة الجدبده ي من يكون العدل لكل سوداني وعابر سبيل

  16. هيثم ابوالقاسم | رد

    كل عام والجميع بخير ,اتمنى ان يكون العام االجديد ياوطنى وانت اجمل و تسع الجميع ولنحلم بشمس غد والوطن يرفل فى ثياب السلم وشعبى الحبيب فى رخاء….

  17. كل عام و الكل بخير ونفرح بالإستقلال

  18. كل عام وانت بخير يابروف والجميع بخير ربنا ابعد عنا الغلاء والوباء وشرور الانقسام واهدنا واهدي بنا واجعل بلدنا آمناً ورخياً لنا ولابنائنا ولاحفادنا من بعدنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: