الكلمة الشاذة

1- شارع مدني – شارع شريان الشمال – طريق بورتسودان الخرطوم – طريق الإنقاذ الغربي

 2- – الأنيميا – اللوكيميا-التلاسيميا – الهيموفيليا

 3- كنبة – طاولة – سرير – كرسى

 4- الكهرباء – الموية – الغاز – النفايات

 5- الصلصة – الطحنية – الشيبس – الوزير

6- الخريف – الصيف – الشتاء – سودانير 7

– البنك – الخزنة – الدولاب – الجيب

8- الملاريا – الطلقة – تصريحات المسئولين – اللغم 9

– بيت البكا – بيت العرس – بيت الشعر – بيت الأدب

 10- إشارة المرور – الساعة الحائطية – الشمس – الموظف

 11- فكى – طبيب – دجال – بصير –

 12- روسيا – أمريكا – إنجلترا – الصين 13

– الحكومة – المعارضة – البرلمان – المواطن

14- الذبابة – الأميباء – كريات الدم – الرغيفة

15- الأسانسير – درجة الحرارة – الطائرة – الأسعار

 16- تاجر العملة – تاجر الرملة – تاجر الأقمشة – تاجر الزيوت

 17- اللخمة – الزحمة – الهجمة – اللحمة 18

– موية النار –الموية المعدنية – الماء المقطر – موية الحنفية

19- الحقنة – الشاش – القطن – المرض 20

– قرش – أخطبوط – نسر – دولفين

 21- فيل – وحيد قرن – مسئول – حصان

22- السيارة – الحافلة – البص – الدم

23- سلطة فواكه – كستليتة – سمك – فول

24- شريف نيجريا – الشريف الرضى – شريف أفلام الكاوبوى – الشريف الهندى

 الإجابات :

1- طريق الإنقاذ الغربي عشان لسه ما ماتت فيهو ناس كتير (خلوهو بس يفتتحوهو)

2- الأنيمياء لأنها الوحيدة من أمراض الدم هذه التى يمكن أن تكون فى الدم وكمان فى الجيب

 3- كرسى لأنو الوحيد بينهم الذى يمكن أن يتشبث به المسئول (عمركم شفتو ليكم مسئول إتشبث ليهو بى طاولة أو كنبه؟)

 4- النفايات لأنها الحاجة الوحيده بيناتهن الما بتقطع .. الكهرباء بتقطع والموية العكرانة بتقطع والشنو ما عارف بيقطع لكن النفايات لا !

5- الوزير فهو الوحيد بينهم الذى ليس لديه تاريخ إنتهاء صلاحية

6- الخربف لأنو بيجى فجأتن وما عندو مواعيد .. (أكتر من سودانير زاااتا)

 7- الجيوب لأن الجميع يستخدمون كأماكن لحفظ الأموال أما الجيوب فتستخدم لحفظ كيس التمباك

 8- الملاريا لأنها لا تفقع المرارة .. الأخرين ممكن

 9- بيت البكاء لأنه المكان الوحيد بين هذه الأماكن الذى تتم فيه مناقشة الكورة والسياسة 10

– الموظف فهو الوحيد بينهم الذى يتوقف عمله ويمشى (الفطور) 11

– البصير فهو الوحيد بين هؤلاء الذى لا يشترط عليك أجرة وبياخد الشئ البتديهو ليهو

12- الصين لأنها الوحيده التى ما (قد دنا عذابها) 13

– المواطن لأنو الوحيد اللى بيدفع فى الثمن

 14- الذبابة لأنها الوحيده التى يمكن رؤيتها بالعين المجردة

 15- الأسعار فهى الوحيده التى تطلع وما تنزل بينما البقية تطلع وتنزل 16

– تاجر العملة لأنه الوحيد بينهم الذى يمكنه أن يحصل على وسام إبن السودان البا

ر 17- اللحمة لأنو الزول ممكن يكون مزحوم وملخوم أو مهجوم لكن ما ممكن يكون ملحوم 18

– موية الحنفية لأنها الوحيده التى تركيبتها الكيميائية (إتش طين أو) 19

– المرض لأنه هو الوحيد بينهم الذى لا تطالبك إدارة المشتشفى بإحضاره 20

– القرش لأنه ينفع فى اليوم الأسود بينما الآخرين لا 21

– الحصان لأن جلدو ما تخين كما البقية 22

– الدم عشان الوحيد الما بيطالبوك بى شهادة (فحص آلى) ليهو

 23- سلطة الفواكه لأنها الوحيدة بينهم التى لا تحتوى على البروتين (يعنى ما الفول !)

24- شريف (أفلام الكاوبوى) لأنه الوحيد الذى يحب القتل و لا يحب الشعر والغناء والفنون والأدب بينهم (يا عينى على الأدب) !

كسرة :

السؤال : إستخرج الكلمة الشاذة من هذه الكلمات :

 مصر – ليبيا – السودان – تونس

الإجابة : السودان عشان هو البلد الوحيد فى البلدان دى المطبق الشريعة .. (عارفكم إخترتو ياتو إجابة يا وحشين) !

13 تعليق

  1. إزيكم ياناس
    الليلة أبدعت يابروف وأنا طولت من الضحكة الطويلة البرجع بيها بالكرسى!!!!1
    تفتكرو الكلمة الشاذة فى الجاى دا منو؟
    أبكرون-جبرا-نورا -ود الخلا
    أكيد ودالخلا عشان بعاين( للنص )المليان أما الباقين ( ماعندهم حاجة ذاتا يعاينو ليها)!!!!

  2. ماهي الكلمة الشاذة:
    جغمسة – دغمسة – دمعة – دلقان
    والله انا ذاتي ما عارف!!!

  3. والله ضحكتنى برضو يادغمسة!

  4. استفاضة /انتفاضة /استفطاس/استفاقه
    يافع / شافع /نافع/ رافع
    بتفقع /بت بتي / بت نقط / بت ورم
    اتكال/انكفال/انفصال/انفعال
    تهتدون/تثورون/ابكرون/ تكفون
    جاذبة / كاذبة /لاذبة / عاذبة
    تورا / بورا / نورا /كورا

  5. نورا – دغمسة – أبكرون
    سلاااام
    الناس دى مشت وين؟ البرد دساها وللا الكسل؟

    تورا – بورا – نورا – كورا
    الإجابة طبعن غايتو ما نورا .. هههههههه مش صاح يا ابكرون؟

  6. السلام عليكم ، البرف و الاخوان / ت ، ده كلو مابجيب مريستامزينو ، زمان ( ما زمان خالص ) يعنى قريب ( ما قريب خالص ) ممكن في النص ( ما اهو كمان مش فى النص خالص ) يجوز يميل على طرف ( لكن ما هو مايل على طرف خالص ) بين بين ( ما ندخلكم فى متاهه …… بين بين ، بين بين كلنا مافاهمين حاجه ………….. عجبى

  7. والله يا جبرا ختفتها مني ، كنت عايز أقول لأبكرون دا ما نورا.
    إنت يا أبكرون القال ليك منو في إنتفاضه؟ أقرأ كلام البطل الأمس دا عشان تشوف ناس قوش ديل شداد كيف !
    تقول لي غواصات في القمردينه يا جبرا ! !

  8. البروف :
    السودان – السودان – السودان
    الكلمه الشاذه هى السودان لانو ما بيشبه اى سودان من السودانين الاتنين ديل لا قبل الانفصال ولا بعد الاسلمه العروبيه ولا بعد الغلاء ؟؟؟
    عم على : مصطلح الغواصات ده زمان انتهى اسى بقى عديييييييييييل جنبك ومشتهيك يا عيون الغواصات ديل كانو زمن المعارضه والراى الاخر بطنم غريييييييييييييقه عشان كده بيحتاجو يغوصو ليهم زول اسى كلو بقى فى السهله ….
    ابكرون : عندكم برد زى بتاعنا ده فى الدوحه ؟؟؟ بردنا برد مشاعرنا الله يجيب السخانه .

  9. البروف وجميع الاحباب سلاماااات
    والله يابروف دى قلبت فيها الهوووووووبه عديل.. بس اجتهدو طلعو لى الكلمه الشازه من ديل
    الترابى المهدى الميرغنى البشيييييير سلفاكيييييييير

  10. الحبيب أبو ناجي
    الحبان في كل مكان
    سلام وشوق وإحترام
    كثر خيرك يا جبرا أديتنا الحل في النهاية، لأني صدعت وتشابه على البقر وكسوداني عاوز حلول جاهزة، لأننا كشعب بطلنا نفكر أو نحس أو نشعر، أولم يقل أحد الفلاسفة في تعريفه للسعادة هي “أن لا تجد وقتاً لتفكر” طيب دعني أضيف “أو تشعر” فلا إحساس بإكتئاب أو إحباط وزي ما قال أفليقا التوانسة ناس مرتاحين وقاشرين عشان كدة قدروا يحسوا ويشعروا ويفكروا ويتصرفوا فحصلوا على نتيجة أما نحن هههيييع فنحن الحصان القال عليهو ود البطل، والخيل معقود في نواصيها الخير أو كما قال المصطفى عليه أفضل الصلاة والسلام، جمعتكم مباركة وصباحكم فل وملبن وهريسة بالشامي وليس الليبي ههههههههههههههه

  11. ههههههههههههههههههههههههههههههههههههههههههههههههههههههههههههههههههههههه…
    والله بالغت فى الاخيرة دى يابروف ,,انا فعلا اخترت اللى بالى بالك ولقيت نفسى وحش !! هههههههههههههههههه..
    كمان ابكرون ونورا جابوا التقيل,,والتقيل ورا…

  12. الأحباء الشرفاء / البروف ,أبكرون, علي سنكل, د.ياسين,aflagia ,مخير
    والجميع , كل التحية
    دمغة الجريح, القيمة المضافة, ايصالات المرور, ضرائب المغتربين, عوائد البترول, الانقاذ الغربي, الجمارك , ضرائب الصادرات, ايصالات المالية, تراكم ديون السودان للبنك الدولي,
    الاجابة : كلها سرقة
    نثريات الوفود المشاركة في مباحثات السلام , تكاليف المؤتمرات المقامة في السودان, اكراميات وحوافز (أخوان) نسيبة, يستبشرون, يهتدون, يستهبلون,التأمين الصحي, الدواء الدائري, ادارة السدود, الطرق والكباري , البنية التحتية , البنية الأخلاقية , مبنى جامعة الرباط المنهار , المركز الاستشاري الهندسي لوزارة الداخلية , المشروع الحضاري , شهداء الجنوب, الأستفتاء , الأنفصال , التكلو أبشر. الكترابة

  13. السودان لانو الوحيد الما حاولو يسقطوا فيه النظام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: