نكات عن الفرعون

لظروف قاهرة لم أتمكن من كتابة مقال اليوم ولكن لا بأس من بعض النكات التى أطلقها الشعب المصري على (الفرعون) الذي يكنكش فى الكرسي رغم هذه الثورة العاتية

(1)

مبارك : عارف يا ابليس ياخويا, انا عاوز اعمل في الشعب المصرلظروف قاهرة لم أتمكن من كتابة مقال اليوم ولكن لا بأس من بعض النكات التى أطلقها الشعب المصري على (الفرعون) الذي يكنكش فى الكرسي رغم هذه الثورة العاتية

(1)

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي …..وش وش وش وش مبارك : لالا يا ابليس الفكره دي مش نافعه , عاوز حاجه أشد أبليس : طب خد دي …… وش وش وش وش مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه – وش وش وش وش وش – ابليس : لا يا راجل حرام عليك

(2)

 واحد اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه قاله : الرئيس حسنى مبارك خطفوه و الفدية 5$مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل: ” و في المتوسط الناس بتتبرع بكام” الرجل الثاني : ” من 5 الى 10 لتر بنزين

 (3)

مره حسنى مبارك راح مدرسه ابتدائى فلما جت فتره الاسئله ولد رفع ايده مبارك ساله اسمك ايه فقاله رامى فقاله – ايه سؤالك يا رامى ؟ رامى : انا عندى اربع اساله 1

 – ليه انت رئيس بقالك 25 سنه ؟

2 – لسه معينتش نائب ؟

3 – ليه ولادك ماسكين كل حاجه فى البلد

؟ 4 – ليه مصر حالتها الاقتصاديه زفت و انت مبتعملش حاجه ؟

 ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟ ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

 تامر : انا عندى 6 اساله

1- ليه انت رئيس بقالك 25 سنه ؟

2- ليه  لسه معينتش نائب ؟

3- ليه ولادك ماسكين كل حاجه فى البلد ؟

4- ليه مصر حالتها الاقتصاديه زفت و انت مبتعملش حاجه ؟

 5- ليه جرس الراحه رن ربع ساعه بدرى ؟

6- فين رامى ؟؟؟؟؟؟

(4) الريس : أخبرنى بصراحة يا نظيف ولا داعى للمجاملة أو النفاق . نظيف : أمرك يا ريس الريس : أنا الأفضل ولا عبدالناصر ؟ نظيف : انت طبعا يا ريس .. جمال مين اللى كان بيخاف من الروس !! الريس : طيب أنا الأفضل ولا السادات ؟ نظيف : سادات مين ياريس اللى كان بيخاف من الأمريكان !! الريس : طيب أنا الأفضل ولا عمر بن الخطاب ؟ نظيف : انت طبعا يا ريس .. عمر بن الخطاب كان بيخاف من ربنا .. انت لأ

 (5) مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل. ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات. الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟ عمنا صفوت :78 لفة. الريس: يخرب بيتك أنت؟ ده أنت خربت البلد!! عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف

(6) كان فى سرير المرض حينما أخذ يلقى بوصاياه الأخيرة لوزيره نظيف : – وصيتك الحكم من بعدى يا احمد .. – فى رقبتى يا ريس .. كله تمام والسلطة هياخدها جمال .. (ثم راح فى غيبوبة .. أفاق منها بعد قليل ) – وصيتك الشعب من بعدى يا احمد . – ما تخافش يا ريس .. الشعب ياكل الزلط … (ثم راح فى غيبوبة .. أفاق منها بعد قليل ) – احمد – نعم يا ريس؟ – ماتنساش .. توكيل الزلط لعلاء

 (7) بعد ما الرئيس مبارك مات وبدأ يتعذب جم خيّروه بين 3 طرق تعذيب: 1-يتعذب انجليزى يعنى ساعه جلد وساعه حرق وباقى اليوم راحة 2-يتعذب امريكانى 6 ساعات جلد و6 ساعات حرق وباقى اليوم راحة 3-يتعذب مصرى يعنى 12 ساعه جلد و12 ساعه حرق ومفيش راحة هواختار الطريقة الانجليزى فبعد اول يوم تعذيب شاف كمال الشاذلى معدى بيقولوا :انت بتتعذب ازاى؟ قاله:مصرى قاله:طب ده مفيش راحة قاله : لااااااااا اصل الفرن قافل والجلاد مجاش

(8) بيقولك مره شيخ اتمسك فى امن الدوله و سابوه فامن الدوله مراقبينه . اول يوم لقوه ماشى فى شارع الهرم راحوا مكلمين الريس و قالوله الشيخ تاب ياريس تانى يوم لقوه فى كباريه قالوا الشيخ تاب و اناب ياريس تالت يوم لقوه فى الاتوبيس بيسرق واحد قالوا الشيخ تاب و اناب و بقى من الحزب الوطنى ياريس

(9) ذهب نظيف عندما كان نائبا الى نزهة فوجد تمثالا للجندي المجهول يققف ممسكاً ببندقيته فاقترب منه وأخذ يتأمله، فقال له التمثال: لقد تعبت من الوقوف فأحضر لي حصاناً أركب عليه، فتعجب نظيف مما حدث ، وعندما عاد أخبر مبارك بما جرى، فلم يصدقه ، وطلب من نائبه أن يذهب سوياً للتحقق من الأمر وعندما وصل نظيف ومبارك واقتربا من التمثال قال : التمثال لنظيف: لقد طلبت منك حصاناً وليس حماراً

(10) بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.

(11) بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.

(12) اشتكى حسنى مبارك لحبيب العادلى إن “حمو النيل “ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.

 (13) سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى.

(14) حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله: ابقى اشربها على وضوء يا ريس.

 (15) حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون

(16) مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك الراجل استغرب سال السواق مين اللي انت معلقهم صورهم عندك قالة دا جمال عبد الناصر الزعيم المصري الراحل ودا انور السادات قائد حركة السلام والامن في البلد ودا حسني مبارك أبو علاء شريكي في التاكسي

 (17) حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا

(18) فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم

(19) مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم

 (20) بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس

(21) قرر مبارك ان يعين سكرتيره , فلجا الي نظيف مبارك : اهم حاجه يا نظيف في اللي يشتغل معايا الامانه نظيف : يا ريس احنا عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك , كل واحده فتحت الكيس لقت فيه الفين جنيه , واحده حطت الف ورجعت بألف , التانيه حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا ريس هتعين مين ؟؟؟؟؟؟ مبارك : اللي لابسه جيبه ميكرو طبعا

Advertisements

14 تعليق

  1. إزيكم ياناس
    لظروف (قاهرة) ذى ماقال البروف __لكن شنو قاهرة الشابكين فيها دى ؟ _انا كنت فىإجازة مرضية …الناس زيتا طالع وانا بعيد عنكم زيتى كملان!!!!المهم إشتقت ليكم كلكم .
    لما قالو لمبارك تجهز خطاب لوداع الشعب قال ليهم هو الشعب رايح فين؟ تفتكرو فى أمل ذى ماسأل البروف مرة ؟؟؟؟

  2. البروف : هو عليك الله كونو مبارك يمشى ذاتو مش نكته ؟؟ عادل امام فى حوار فى مسرحية :
    نائب الرئيس : احنا عاوزينك تبقى الريس ؟
    عادل : والرئيس لما يعرف حيعمل ايه ؟؟
    النائب : الريس مش حيعرف لانو مات .
    عادل : هأأأأأاااى هو فى رئيس بيموت يا باشا ؟؟
    النائب : ااه الريس مات مش هو بشر زينا ؟؟
    عادل : الريس ربنا يطوللنا فى عمرو مات ؟؟ الله يحفظو مات ؟؟ هىىىىىىىى وانا مين حيهشتكنى بعد كده ؟؟؟

  3. السلام عليكم / ن ، البرف ، كفاره لى نوره وسلامتها الف سلامه .
    تنوعت المشاركات ما بين نكت، واسكيتشات كوميدية سريعة، اكثرها انتشاراً، ما اطلقوا عليه افلام جيل ثورة 2011، مثل افلام ( أبي فوق الدبابة، عودة النت، المندس والأجندة، الرصاصة المطاطية لاتزال في جيبي، في بيتنا بلطجية، جاءنا الرئيس التالي، نحن لا نرمى المولوتوف، مهمه في ميدان التحرير، الريس عمر سليمان، حرميه في لندن، البحث عن دستور، ستاتيوس هزت عرش مصر، وأخيرا ليلة القبض على عز)
    حتى الاغاني لم تسلم من تعليقاتهم اللاذعة، فأغنية، انا قلبي مساكن شعبية، تحولت الي “لجان شعبية”، اما التعليقات، فابرزها ما قالوه عن اتهامات الاعلام الرسمي لهم بالخيانة :”الاعلام الحكومي يؤكد شباب التحرير، قابضين وخونة وعملاء لإسرائيل وأمريكا وقطر والإخوان وايران.. ومعهم أجانب وباكستانيين وأفغان.. مش ناقص غير يقولوا ان بينهم ..كائنات فضائية”.
    وتعليق اخر يتنقد ما قيل عن وجبات كنتاكي التي وزعت علي الشباب،:” طب يعني يوم ما الناس تقول الاخوان بيجبولهم اكل .. مايقولوش كنتاكي.. لو كانوا قالوا ساندوتشات من مؤمن.. حتي الكدب حنعلمهولهم”. ويضيف اخر :” كنتاكي مش بتاع ثورات.. كنتاكي امريكي بتاع ساندوتشات”.
    تخصيص ايام بعينها للمظاهرات المليونية، كانت محلق تعليق الشباب أيضا، فيقول احدهم: “التظاهرات المليونية حد وتلات وخميس…والكنتاكى والاجندات سبت وأتنين وأربع”. وتطالب فتاة بفض الاعتصام لتعود لعملها سريعاً، فتقول:” الشعب يريد اخلاء الميدان.. عايزة ارجع الشغل بقي”. ومن التعليقات التي انتشرت، ما نقله احد الشباب من تصريحات احد البلطجية لقناة اجنبية، قال فيها:” العيال المتظاهرين عمالين يرموا علينا قنابل بلوتوث”.
    اما النكت، فللأسف ما يمكن نشره منها حالياً قليل، ربما بعد 6 اشهر تكون الظروف مواتية اكثر للنشر، ابرز النكت، كانت عبارة عن رسالة من احد التلاميذ للمتظاهرين:” بالنسبة للثورة بتاعتكوا.. اكيد هتنزل في كتب التاريخ، واحنا اللي بنحفظ.. فاتمني ان تختصروا”. وفي اطار جو الكوميديا المدرسية.. جاءت هذه الاسئلة فى مادة التاريخ سنة 2050″ أذكر ما تعرفه عن.. جروب خالد سعيد، جمعة الغضب، ميدان التحرير، موقعة الجمل

  4. الأحباء الأعزاء
    سلام

    نورا : إنتى وين ليكى مدة ما بنتى؟ أجازة شنو ؟ بعد الزيت أقصد الشر عليكى !
    أفلايقا : وين يا ولدنا مختفى؟ ما تقول ليا إنتا فى الجنوب؟ تانى إلا تعمل تأشيرة وكده !
    كوكو : قلتا ليا قنابل (بلوتوث) ههههههههههه !

  5. السلام عليكم من مصر ..

    للاسف كنت من حين لاخر ازور مدونتكم و استمتع بالتجول فيها و لاكن و ان كنا المصريين معترضين على مبارك ام لا و ان كان البعض من المصريين لا يدركون خطاء التكلم بهذا الاسلوب على رئيس مصر و احد رموز حرب اكتور كنت اتوقع منكم احترم اكثر لشعب مصر

    شكرا

    1. ذهب الطاغية .. ولم ولن يشفع له أنه حارب فى أكتوبر أو كانون الثانى .. أن تكون جندياً دافعت عن الوطن لا يخول لك أن تركب على ظهره .. شكراً لمداخلتك القيمة

  6. قالوا الملك عبد الله حجز جناح فيهو 5 غرف
    بن علي نزل في واحدة
    مبارك قال اصبروا الم التوريدة الاخيرة دي وأجي
    والباقين في السكة

  7. الأخ أبوناجي والأخوة الأفاضل
    السلام عليكم ورحمة الله
    قيل أن اتحاد النجارين اتصل بمبارك وسأله عن نوع الغراء الذي يستعمله للتثبيت على الكرسي…
    بتاعنا ده ما في زول يسألو ليه؟ لم يكن مشاركا في حرب ضد إسرائيل… وليس لديه نصيب من الخطابة أو البلاغة او الرزانة… والأسعار عندنا أضعاف أضعافها في مصر … وليس لديه حرص على وحدة السودان أو راحة السودانيين, وكلما زادت كرشه يطالبنا نحن بشد الأحزمة… فهل سره في عصاه؟
    من الغريب أنني كنت أول من ذكر شيئا عن هذه الثورة في مداخلاتي والحق يقال ما كنت أتوقع أن تزيد على مظاهرة يوم واحد…. والآن …

  8. البروف أبو ناجي سلام

    الحبان في كل مكان سلامات وأشواق

    هسة عليكم الله مش المفروض نكون عاملين الخوجلاب وكدة، يعني فتيات القاهرة يبقن أرجل من ناس الحارة بنخوضها، والنار ولعت بي قلبي بطفيها، والجاري إن وقع نحن بسندو، والشنو ما بعرفوا داك، ياخي قوموا شتتوا…. تسندوا شنوا هو إنتوا قادرين تمرقوا خليكم من تقيفوا وتسندوا … ههههه
    ومافي شيء حارق جازي قدر إنفصال الجنوب، يعني الجماعة شالوا وش الملاح وكبوه في ماليزيا وغيرها وخلوا باقي الحلة للجنوبيين، وتيب الشعب الفضل ده حيولع بشنو يعني هههههههههه

  9. بروف
    الموقع القديم ما بفتح معاى
    عمونا الحمد لله وصلنا بس بعد لفه

  10. هاشم : ده ما غراء .. صباع أميييييييييييييييييييير !
    مخير : الخوجلاب دى فوتناها بى غادى !
    أب أحمد : ياتو موقع يا طارق؟ !

  11. اسماء المحلات التجارية فى السعودية بعد كم سنة :
    مطعم( نواز شريف ) البخارى
    صالون( زين العابدين بن على) للحلاقة
    مخابز وتموينات ( مبارك)
    خيام ومظلات (القذافى)
    العجلاتى (على عبدالله صالح )
    (بشار الاسد)للكبة والغنوش
    كوفى شوب( الحريرى)
    بنشر (البشير) رقع وغيار زيت
    (نافع) للكوارع

  12. قالوا مبارك قابل عبد الناصر والسادات يوم القيامة
    قاموا سألوهو : سم ولا رصاصة؟
    قال ليهم: لا فيس بوك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: