المستحيلات 50

شرطي مرور يقول ليك (سامحتك المرة دى)
مستوصف خاص يدخل المريض بدون (أمنية)
مدرسة حكومية مكتملة الكتب والمدرسين والمقاعد
معاملة حكومية مجانية دون دمغات ولا يحزنون
مسئول يستقيل براهو كده
رئيس حزب يتنازل
إعلان لا توجد به فتاة
مذيعة لا تخطئ فى النطق
مسئول توجد فى حوذته أقل من سيارتين
مرتب موظف يكفي لآخر الشهر
مواطن يكسب قضية ضد الحكومة
شركة تقوم بردم الشارع بعد ما تحفرو
مسئول يعترف بالخطأ
مسئول يعاني من الفلس
مطرب لا يردد أغاني الغير
تواجد موظفى إستعلامات المطار فى أماكنهم
توقف عربة النفايات في الحى
إعطاء تصديق من السلطات لقيام تظاهرة سلمية
إكتمال الإستعدادات للخريف
توظيف أكثر من 1% من الخريجين
إختفاء المتسولين من الشوارع
مجانية التعليم أو العلاج
مغادرة الطائرة السودانية في موعدها
عدم تعيين المدير لأحد أقربائه
وصول الزكاة لمن يستحقها
عدم تغيير أثاث مكتب المدير الجديد
إنهاء معاملة حكومية دون دفع (المعلوم)
التوصل إلى السارق دون إنفاق ما يوازى نصف قيمة المسروق
حضور الفنان إلى الحفل في موعده المحدد
أن يحرر شرطي مرور مخالفة (لزميل)
إحتراف لاعب سوداني فى ناد أوروبي
الفوز بأى عطاء دون لولوة
دعوة شريف نيجيريا للفنانة (حوة الطقطاقة)
إنخفاض سعر سلعة بعد إرتفاعه
خطيب جمعة يتحدث عن (المعاناة) في (الدنيا) وليس فى (الآخرة)
فتوى تعارض وجهه نظر الحكومة
مسئول بابه مفتوح للجمهور
منظمة خيرية لم تستفد من الإعفاءآت الجمركية
دكتاتور يتنازل عن الحكم دون سفك دماء
طبيب أخصائي تقل قيمة كشفه عن 50 جنيه
أن يقضى (الميرغنى) شهرين متتالين بالسودان
أن يصمت (الصادق) شهرين متتالين عن (الكلام)
إنسياب الكهرباء في الصيف دون قطوعات
أن يتعالج مسئول داخل السودان
العثور علي شركات الدولة (الرايحة)
ملء المسئولون لإقرارات الذمة المالية
أخذ التار من (الصهاينة) فى حادثة بورتسودان
التنازل عن الشريعة (بس هى وينا؟)
التفريط فى وحدة السودان (الفضل)
أن يكون المدير (ما فى) إجتماع

كسرة :
من سابع المستحيلات إعادة المحالين إلى الصالح العام إلى وظائفهم … لأن معظمهم قضى نحبه أو يكاد (ما القصة طولت) وكده !!

10 تعليقات

  1. تحيه وسلام

    يا بروف انا بتفق معاك في حصر المستحيلات لكن عندي رأي في ترتيبها … مثلا نمره واحد من وجهة نظري مفروض تكون إستقالة المسعولين برااااهم دي .. دي الكنته ذاتها يا فرده .. ( واحد يترجم لعمكم السلاوي)

    1. حاج أحمد السلاوى | رد

      سهيل ….
      تالله إنك لفى ضلالك القديم ..

  2. والله يا بروف المستحيلات عندنا بقن كتار كترة .. أحسن العنوان يكون 50 من المستحيلات في أمازونيا .. لأنو لو بدينا مستحيلات ولاية الخرطوم في الخريف بس .. دي براها بتحصل 500 .. والعجب الشيخ بسمتيار المتعافي .. وديوان الزكاة .. وعييييك … !!

  3. البروف جبرا..سلام..
    (تواجد موظفى إستعلامات المطار فى أماكنهم)..ياخى ديل ناس مرض جدا,,لا بقعدوا لا برفعوا سماعة كان قعدوا,ولو لقيتهم ما بتلقى عندهم معلومة مفيدة! حسبى الله عليهم..
    ومن مستحيلات الصادق والميرغنى ان يتفقا ايضا,,وعلى قول اب احمد,,ديل فى امازونيا بس..الله المستعان..

  4. اضيف 5 مستحيلات
    – ان يفتح شباك حكومي يتعامل مع الجمهور في موعدة
    – ان تمر بشارع من اوله الى نهايته بدون ان تقابلك اوساخ او حفر
    – ان تخرج وتعود الى البيت بدون ان تجبر على اهدار وقتك بلا مبرر سوا من رجال المرور
    او الموظفين او زحمة الطرق.
    – ان تمر سنة كاملة بلا اي ديون
    – ان تجد مستشفى حكومي يوفر اخصائي طوال 24 ساعة

  5. معليش يا بروف ..

    من المستحيلات ايضآ ان تجد اكثر من تلاته مدونين أون لاين كان بهنا كان بهناك .. ليه كده يا اخواننا

  6. حاج أحمد السلاوى | رد

    ومن المسحيلات .. ( رقم 51 …زى الولايات المتحدة المريكية ) ..
    أن تعود الخدمة المدنية فى دولة أمازونيا العظمى إلى سابق مجدها وعظمتها..بالرغم من التقنية الإلكترونية المتقدمة الموجودة..
    سؤال سغيروووووونى كدا ..هل صحيح أن اساتذة الكونترول فى تصحيح إمتحانات الشهادة السودانية ( والعمل الطيب ) توقفوا عن العمل بسبب المادة المساعدة للحياة ..؟؟؟ مجرد شمارات ..لا أكتر ..ولا أقل.

  7. كدي واحد يترجم كلام عمكم السلاوي دا .. خلي بالك الآيه اتعكست ..
    مادة شنو يا عمك .. الواحد يغيب يومين يجي يلقى ناس سلولو بقو كباتن و قابضين الجو ..
    والله ياااااا

  8. حاج أحمد السلاوى | رد

    سجم خشمك يا سهيل .. ما عرفت المادة المساعدة للحياة ؟ يعنى إلا نقول ليك الكنجالات …ولا المهلقات أو الضحاكات.. من حسه بديت تدقس علماً انت يادووووووبك ليك شهر واااحد جوة الجك..
    ويا فارة اعمل حسابك نحنا بقينا عارفين كل حاجة …
    غايتو لاكين … جنس .. دقسه..

  9. اقعد ساي يا عمك .. بس حبيت اطلع بيك تستا .. ماشاء الله عليك تقول متربي في المنشيه .. كلامك درر ..

    كسره : انا طلعت فاره .. يعني عمك سلولو يكون شنو ؟؟ جقر ؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: