حزن وإحتجاب

http://www.facebook.com/note.php?created&&note_id=10150250572624658&id=362557970105

22 تعليق

  1. البرف ،لا و لم و لن نحزن فمنذ العام 55 من القرن السابق و نحن فى حرب ، و منذ ذلك الوقت نحن فى تقتيل و تذبيح ، لم نستطيع طوال تلك المده ان نتفاهم و نتحاور الا على الفدريشن او الكونفدريشن ثم جاء السبريشن ، وقد صوتوا بنسبة 98% للانفصال ، لو اخوك ود امك و ابوك ساكنين فى بيت واحد قال ليك عايزين نقسم عشان ما تحصل مشاكل بينا ترضى ولا تحزن ، عموما وقف فاقان اموم اب جضوم وقال بعد الساعه اتناشر بى ثانيه تانى مافيش عبوديه و دى خلى بالك من دى ، دى العقده كلها ، سؤال خبيث : ياربى كان اديناهم الفرصه يبقوا اسيادنا حيرجعوا تانى ، تف من خشمك ، على الطلاق ( جد جد ) من الاثنين ، ان بقوا جعلتيين ما يبقوا اسيادنا و لا يرجعوا هنا تانى لانو المره ديك حيكون التصويت عندنا ………..عجبى

  2. جدودنا زمان وصونا علي الوطن *** وعلي التراب الغالي الماليهو تمن

  3. والله ما عارفين الصاح من الغلط شنو
    هل نفرح لانو اهل الجنوب قررو انهم ينفصلو وارتحنا من المشاكل والحروب ولا نحزن لانو السودان كدوله مسلمه مفترض يحافظ على اراضيهو وينشر الاسلام
    نرجو من العقلاء فقط العقلاء ابداء رأيهم لاننا مرات نحس اننا فرحانين ومرات نحس اننا ندمانين

  4. يا كوكو – براحه ما يطق ليك عرق – نسأل الله السلامه و نتمنى لسوداننا ( الفضل) الامان و الرخاء و التقدم

  5. احسن الله عزاءكم..

  6. له الحمد والشكر , حاولنا نرضيهم بكافة الطرق , لكن حقيقة مافى فايدة , لو فى (زول ) بافكاره يجنبنا الأنفصال يطرح افكاره . المشكلة فى اخواننا المسلمين من الجنوبيين ,

  7. سودانا الكبيييييييييييييييييير داك خلاص فات -قال وحدة جاذبة قال-ياخ شيل يدك

  8. السلام عليكم ، البرف و الاخوان ، كدى النبقى عاقلين زى ماقال ابو ايه ، اخوانا ديل نحن اضان حمره جايه من السعوديه ، فاحسن لينا نرجع ونخلى ليهم الواطه ، طيب هم اكان دينكا ولا نوير جاين من اثيوبيا ، وكان المفروض نرجعهم لى اثيوبيا مش نديهم قطعه من البلد ، عموما ده كله شغل يهود و اذنابهم ، و المسلمين خلوهم بى هناك ، عشان كده الاسلام المحرقهم ده لازم يشوفوا ليه طريقه و الساهل كان بى طريق الجنوب الوثنى ، د/ ياسين العزاء فى الارض و لا الناس ………..عجبى

  9. كوكو الحبيب..سلام..
    فى الاتنين سوا,,لكن والله حرقة الناس اشد..الحمدلله على كل حال..

  10. السلام عليكم ، د/ ياسين الناس قالوا ما دايرننا تب ، اها شن نسوى ليهم ؟ و الواطه حقتنا لى يوغنده ، وده المفور دم موسىفيني وقال القالو ، و كان ما الله حكم ، كنا قاعدين جوه جوبا ، سؤال خبيث : متين حيمرقوا ……….. عجبى

  11. الاستاذ الكرييم
    يكفينا حرب وقتل ونفاق وغش
    جا اليوم المفروض ان نفرح فيه
    اما قصت الفراق فهو صعب دائما وما احلي ساعات اللقا حين الناس تتلاقي علي وفاق وحب وصداقة

  12. احسن الله عزاؤنا . ونسال الله ان ينتقم ممن فرط في ارض من اراضي الاسلام
    ويا هواننا ويا ذلنا على ما فرطنا فيه
    والجايات اكتر من الرايحات
    وشكلك كده يا بروف ما تنزل صيوان العزاء لانو نحن ركعنا ركعة ما منها قومة

  13. رجاء ترك العواطف جانبا والنظر بموضوعيه للكارثه التى حدثت ,, نحن جيل فرط فى التراب الذى اقسم جنوده وضباطه على ان يحافظو عليه ,,, صاح طباعنا مختلفه وافكارنا مختلفه لكن لان يهدى الله بك رجلا خير لك من حمر النعم والخبر المفرح هو دخول ابن سلفاكير فى الاسلام … والسؤال الذى يطرح نفسه لو صبرنا على الجنوبين هل كانو سيدخلون الاسلام مع التذكر ان الهدايه اولا واخيرا من الله عز وجل
    البترول والثروة كلها زائله والله سيسألنا لم لم ندعوهم للاسلام
    انا اعتقد انا مقصرون مقصرون مقصرون مقصرون مقصروووووووووووووووون
    نحن كحكومه شماليه عندما جلسنا لاتفاقيه نيفاشا كنا فى موضع قوة وكانت الحركه الشعبيه فى اقصى مكان فى الجنوب
    وبدانا بالتنازل فأشركناهم فى السلطه وتركنا لهم حكم الجنوب وتقاسمنا معهم الثروه واخيرا تركنا لهم كل الجنوب
    وتركنا لهم انسان الجنوب البسيط الذى لاحول له ولا قوة
    انا اقتراح ان نبداء بدعوة الجنوبيين الموجودين فى الشمال للاسلام ثم نشرهم فى الجنوب لينشرو الاسلام
    اخيرا اقول امريكا واسرائيل كسبتا هذه الجوله وان واصلنا غفلتنا فدوله غرب السودان ودوله شرق السودان ودوله كردفان و ……………………… كلها دول قادمه فى الدرب

  14. استاذى / ارجو الا نأسى على ما حدث / و ما حدث هو حطأنا جميعا و ان نتحملة بشجاعة و رجولة / لكن تبقى العبرة فى ان لا نفرط فيما تبقى / و كيف السبيل الى ذلك يجب ان يكون مجال بحثنا / و ان اذا كان باقان يرى انه كان عبدا و الان تحرر فهذا شأنه ………….. تحياتى

  15. الاخ جبرا والاخوه الاعزاء
    تحيه
    اخى ابو ايه انت مكبر الموضوع مالك الدعوه للاسلام دى ماممكن تكون فى بلدهم وتدعوهم وهم كما يقولون احرار
    واتخلصوا من العبوديه يعنى كده الدعوه تكون مائه المائه

  16. الأحباء الأعزاء .. لابد للإنسان أن يحزن لفقدان جزء منه

  17. ابدأ من وين ؟ من الاف الامهات الثكلوا و لي يومنا دا دمعتهم علي اولادهم ما جفت؟ ولا من الزوجات ؟ولا من الابناء ؟ و لا الابهات ؟ ولا من وين ؟من بحر الدم الراوي شجر المنقة و الاناناس والبفره و الباباي القايمه من نمولي لحدي محل قطعوه بلا بنج لي كل زول وجعه؟ ولا من مفخرتنا قدام عيالنا انو مافي دولة بتلحقنا في المساحة ديل مليون ميل مربع ؟ احنا الكنا افريقيا الصغرة ونيل مترامي من الحد لي الحد ؟ دا الواحد لما يشوف ليه علم في سارية اكلت الرياح اطرافه ساي بيزعل ؟ امس ما عرفتا اعمل شنو لما شفتا الخريطه مزقه القلم؟ وا………….. عليك يا بلد

  18. موش احتجاب بس ….. لازم تلبس الحجاب
    ولازم نعترف بالنفاق والوصولية وأننا مستعدون للتفريط في كل شيء من أجل يوم من السلطة قد لا تغرب شمسه علينا ونحن فيها
    أين ضمنا الوادي فمن يفصلنا؟
    أين دماء من ضحوا من أجل تراب الوطن خاصة في عهد الإنقاذ … إنقاذ النفاق وتسمية الأشياء بغير مسمياتها؟
    ولكن… مهلا…. هناك بعض العزاء
    وهو أن جزءا من – السودان الذي كان- سيظل سودانا للسودانيين من الدينكا والنوير والشلك وغيرهم بدلا من أين يكون سلة مهملات العالم وبرميل قمامة لكل أفريقيا جنوب الصحراء يستقر فيه كل من طرده أبواه وربما يصير وزيرا اتحاديا خاصة إذا حمل السلاح ضد هذه الدولة التي أتاها مشردا فآوته
    مرحى للجنوبيين فقد ضمنوا أن يكون سودانهم لهم حتى وإن تقاتلوا فيما بينهم …. أما نحن ….. فقد أضعنا الشمال قبل ضياع الجنوب

  19. السلام عليكم لجميع اهل المدونه
    الى بت وراق والجميع انا ما مكبر الموضوع بس اخوك لمن يكون معاك فى بيت واحد ساهل انك تتعامل معاهو بس لمن يكون بعيد عنك حا يكون غيرك مؤثر عليه يعنى الان الجنوبين رحلو والباقى راحل يعنى هناك فى الجنوب حايكونو تحت رحمه الحركه الشعبيه ورحمه اسرائيل وامريكا
    ملاحظه : المسلمين بس اخوانا والباقين الله يهديهم

  20. رايكم شنو يا كبار الكتاب تكتبو لينا عن العملة اليغيروها كل خمس سنوات +

  21. غرغرينا فى الرجل وقمنا ببتر الجزء المصاب لانو كل الادوية ما نفعت ولله الحمد العافية جاية وكفاية 50 سنة مرض وحمى وادوية

  22. psحسبى الله عليكم -يعنى الطيب مصطفى عندوى ملشيات كثيره ومش لوحدو -الجنوبييين دول مش برضك كانو ا اخوان للشماليين فى يوم ما 0 فكرو بعقل اسلامى مش بعقل عنصرى وجهوى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: