تهنئة

By الفاتح جبرا on

الأعزاء الأحباء : تقبلوا مني أطيب التهاني وأصدق الاماني بمناسبة حلول عيد الاضحى المبارك أعاده الله عليكم بالخير واليمن والبركات ,,

Posted in: ساخر سبيل

50 تعليق

  1. ANWAR | رد

    و أنت بخير و ربنا يحقق أمانيك و يسعدك ويحفظك أنت و عائلتكم الكريمه و عموم المسلمين و أهل السودان. و أنشاء الله القابله تكون في الحج … امييين

  2. Mazin | رد

    وعلينا وعليك يتبارك،
    والأمنيات للشعب السوداني (الفضل) بأن يعيده علينا والخرفان رخييييييصة، والماهية قدر احتياجاتنا، وكمان بنوفر منها لليوم الأسود
    تحياتي لكل المجاهدين يومياً للقمة العيش الشريف

  3. سهيل | رد

    كل عام و الجميع بألف خير وفي اتم صحه و عافيه

  4. ود مطر | رد

    ربنا يجعلو عام خير وبركة على السودان والعالم الاسلامي

  5. بت وراق | رد

    كل الاحبه بخير وعام سعيد وعمر مديد وخروف هشه

  6. Muhalabasha | رد

    الاخ الفاتح
    بقيت تعيد قبضت الخروف خلاص ولا شنو
    الاخوان جميعا
    اعاده الله علينا وعليكم باليمن والبركات وكل عام وجميعكم بخير والسنة القادمة ونكون بنقوم في الحكومة الجديدة لانو حيجو سودانيين برضو وعلي بال مايشبعوا ويفسدو وكدة نكون لحقنا امات طه .
    لكم تحياتي جميعا ودمتم في حفظ المولي عز وجل

  7. كسلاوى | رد

    الله يبارك وربنا يتقبل

  8. حنين | رد

    البرووووف جبرا وسمار القمردينة .
    كل عام والجميع بألف خير .وأعادة الله علينا وعليكم وعلى الامة الاسلامية والسودانية باليمن والبركات والخير الوفيروالامن والسلام والعاااااااافية…
    أعفو مننا…

  9. mahmoud bilal | رد

    كل عام وأنتم بخير شكلك عاوز تتفرغ للخروف مهنينا قبال تلاتة يوم !

  10. المحتار | رد

    كل عام وانتم بالف خير وعمنا جبر باتم صحة وعافية

    والسنة الجاية تكون سنة خير وبركة على كل الشعب السودانى

    وينعم بالامن والامان والرخاء ويزيل الله عنو البلاء والغلاء والفحشاء

    والقابلة على امانيكم كلكم

    وربنا يتقبل من كل الحجيج حجهم ويردهم سالمين غانمين

    وبحبك ياسودان

  11. حاج أحمد السلاوى | رد

    كل عام والجميع بألف خير ..
    أها الرحلة وين السنة دى .. ولا طناش .. يا زناتى ..؟؟

  12. ابو ايه -اشرف | رد

    د.عائض القرني يكتب قصيدة العيد في طُغاة العرب

    العيد حل وقد قامت له العرب **** والبشر اقبل والأفراح والطربُ

    غابت وجوهٌ أراد الله ذلّتها **** كما تحطّمت الأصنام والنصبُ

    مباركٌ كُبّلت في السجن قامَتَه **** وزين تونس أفنى عمرَه الهربُ

    أما معمّر فالأبطال تطلبه ****كأنه الفأر غطّى رأسَه الذنبُ

    والشّام تنصب للسفاح مشنقةً ****بشرى لبشار فالساعات تقتربُ

    وصالحٌ أُحرقت بالنار طلعته ****والشعبُ زمجر والتأريخ يلتهبُ

    والشعبُ زمجر والتأريخ يلتهبُ ****ألذّ أن تبصر الجلاّدَ ينتحبُ

  13. أب أحمد | رد

    كل عام والجمبع بألف خير .. والعفو لله والرسول لكل من إتلومنا معاهو بكلمة أو بإشارة .. وربنا يعيد علينا العيد والبلا قد إنجلا .. واليلد تكون تكون ماشة لي قدام … آمين

  14. OSMAN | رد

    وانت طيب وربنا يحقق اماني الجميع
    نسال الله ان يعيده علي الامه الاسلاميه بالخير واليمن والبركات واتم عافيتها,,,

  15. MUJAHID SHIGIELA | رد

    البروف الغالي والسمار الاعزاء, كل عام وانتم بألف خير والقابله كلنا تامين ولامين ونكون زوار لي بيت الله, وسوداننا يبقي اعلي واحلي, وبالمناسبة انتو كلكم مدعوين لي حفل زواجي يوم الخميس خامسة العيد في مسرح سبأ في شارع المطار جنوب مطعم باندا, والله بي جيتكم الفرحة بتكتمل

  16. mobarak salman | رد

    كل عام و انت بالف خير و صحة و عافية

    و كل الجميع بسعادة و هناء

    و اطيب الاماني الغالية ان ينعم سوداننا بالخير و النماء

  17. محمد عمر | رد

    تهنئة :
    عزيزي شمباتي أقرا دي .. بس عليك الله خليك مصحصح المرة دي !!!!!!!!!!! لن أقول كل عام و أنتم جميعاً بخير .. لكن أقول أنتم الخير لكل عام

  18. ياسين شمباتى | رد

    البروف وبقية العقد الفريد…
    كل عام وانتم وبلادنا والمسلمين بخير وصحة..

    العزيز محمدعمر..سلام..
    انا صااااحى بس الصحصحة بقت صعبة الزمن دا !

  19. محمد عمر | رد

    انت ملصق في الكيبورت

  20. محمد عمر | رد

    بالمناسبة دي ياشمباتي عندي ليك صنف يخليك فوووووق السحاب بس انت تعال أضرب معاي الحمة في تاني يوم العيد لأنو أول يوم بتكون مشغول .. شربوت شربوت ما تفهمونا غلت عليكم الله

  21. كوكو | رد

    السلام عليكم ، البرف الاخوان / ت كل سنه و كل واحد مننا عاض ليه شطر يرضع منو
    كل سنه و كل واحد عندو كونتينر يصرف منو
    كل سنه وكل واحد عندو عماره ساكن فيها
    كل سنه و كل واحد عندو عملات حره زى ود المهدى
    كل سنه و كلنا نعمل رحله حول العالم ان شاء الله كدارى
    كل سنه بعد ضرب الحكومه ناس الوكالات ما يهمبتونا ( يقول لك 3500 حاج مؤشرين ما سافروا )
    سؤال برئ : اى ام سيسى عمل قروش بعد ما استوزر معناه تاجر كبير ابن تاجر اكبر وورث الفلوس ابا عن ام عن زوجه ……………. عجبى

  22. dr.jobara | رد

    وانت طيب والسنة الجاية تلقاك بخير وقد ذهب الفساد الي غير رجعة

  23. بشار أحمد بشار(إبن برد) | رد

    كل عام والجميع بخير.

  24. osman osman | رد

    كل عام و انتم بخير

  25. محمد عمر | رد

    نصائح العيد : نقلاً عن منتديات النيلين
    بعد جولة مضنية في اسواق الخرطوم وام درمان خرجت بهذه النتائج ؟
    شارع عبيد ختم بالقرب من شركة كنانة الخرفان متوزعة على رصيف الشارع على شكل قروبات وحقيقة لم تعجبني لأنها ضعيفة جداً وكبيرة في عمرها مما ينعكس سلباً على لحمها فيما بعد إذ أن الخروف الكبير ليس هو السمح كما يعتقد الكثير فلحمه عند الأكل لا يمضغ بالسهل ( زي اللبانة ) فالخرفان الصغيرة في عمرها لحمها هش ومذاقه طيب ( الدعول أو البج) واسعار الخراف في هذه الناحية تتراوح من 400 الف إلى 300 الف رغم البضاعة السيئة وكنت أرى الافندية يأتون بسياراتهم ويوقفونها ثم يركبو التونسية ويطلعو من السوق فأصحاب البهائم ذوي الخبرة في البيع والشراء والبيع احيانا يكون بالغصب …
    ثم توجهت إلى شارع الامتداد والصحافات والسوق المركزي وحقيقة الخراف هناك سمحة لكن اسعارها غالية تتراوح من 350 الف و 300 الف و 250 الف وهذا الاخير حمل صغير مثل القطة …
    ثم توجهت لامدرمان قاصداً هذه المرة السوق الشعبي ففي طريقي عبر الكبري الجديد من الخرطوم مررت بالمهندسين وهنالك ايضاً وجدت الخراف على شكل قروبات بالقرب على الطريق فاندهشت للاسعار الهادئة فصاحب الخراف يبدأ لك من 300 الف و 280 الف لخروف سمح ومستكمل شروط الشرع فخراف ام ردمان ترد إليها من النيل الابيض وكردفان وخراف الحمر هي الاطيب بلا منازع وتتميز بقصر صوفها ورفاعة أقدامها عكس خراف الجزيرة كثيرة الصوف وطويلة الزيل … وحقيقة الاسعار هادئة جدا ف 220 الف في امدرمان تشتري بها خروف ال 350 الف في الخرطوم واصحابها يستعجلون البيع فهم يأتون من مناطق بعيدة في السودان بكي يبيعو ويرجعو إلى اهلهم عكس خراف الخرطوم التي يسكن اصحابها في الجزيرة بالقرب من الخرطوم وعادة يتباطئون في المكوث فبعد العيد لديهم ايضاً كرامات الحجاج ؟
    — ويجب على من يريد أن يشتري خروف أن يتأكد اولاً من عدم وجود دمامل أو خراجات على سطح جلده فبالمس على ظهر الخروف ورقبته وفخذيه يتم ذلك …
    جس الخروف في منطقة الظهر والعجز وتحت الزيل لتتأكد من كثرة اللحم به وسمنه …
    رفع الخروف من تحت الرقبة وتحت الفخذين لتتأكد من امتلاءه باللحم …
    التحقق من شروط الاضحية الشرعية مثل بروز القرنين والعمر …
    نظافة الخروف مهمة …

  26. محمد عمر | رد

    يا خوانا أنا مشيت شرق النيل شارع العيلفون الخرفان هناك بلدية وسمحة واسعارة ما بين 300- 500 وجايبنها من البطانة

  27. abbas alnazer | رد

    كل سنه وانت طيب والسنه الجايه انشاء الله انشاء الله في وضع احسن من كده

  28. ودالخلا | رد

    سلام ياقبيلة،،
    أعاده الله علينا وعليكم بالخير واليمن والبركات، وأن شاء الله تكون الأحوال أفضل مما هي عليه، وان شاء الله السنة الجاية كلنا حاجين وتامين ولا مين، وان يعطي كل منا سؤله فيما يرضيه عنا أن شاء الله بفضله ورحمته وبركاته،،،،،
    ربنا سألناك بالرسول محمد صلي الله عليه وسلم وبما تلاه من الكتاب المنزل ان تُمنن علينا بتوبة تمحو بها ما كان منّا في الزمان الأول..

  29. إسترايكر | رد

    كل عام والجميع بخير وعافية

  30. ياسين شمباتى | رد

    محمد عمر..
    محل ملصق بعرفو برااااااى ! بعد اللحمة مافى ليها طريقة الا تشققها وتعلقها فى الحبل لحدى ما اجى ! اسه مش (الكلمة) ديك كان اسهل ؟؟وى..
    بعدين شاااايفك استغليت الموقع وعملت دعاية لى خرفانكم ! كع

  31. محمد عمر | رد

    دايمن فاهمني بالعكس ( ما تبطلو الهباب البتشربو ده ) وبعد ده أنا عازمك شيه وشاربوت ( انتا وديتني ليتوا قبيلة الحمر واللى البطاحين ) ؟!! ياخوي ما تتعب نفسك أنا أصلاً حابي سااااكت تركي منتظر الحكومة تقول رايا في المولدين الزينا ديل عشان يرحلونا وده الفضل ……………

  32. ياسين شمباتى | رد

    محمدعمر اردوغان !! سلام وصباحك فل..
    فاهمنى دايما مبتسم…..

  33. محمد عمر | رد

    شمبات الصحافة البعد داك ما جابت ليها نشيف لحم أو (….) يقوم واحد من العرب يدخل ساخر سبيل يفهم السودانيين غلت … و للأمانة أنا ما أوردغان خالس .. فيني عرق قوي جداً من نهر النيل

  34. ياسين شمباتى | رد

    يا قسيم الريد الريد فوقك النبى….

  35. كوكو | رد

    السلام عليكم ، د/ شمباتى صاحبك جنى عمر ده ما سمع بى ( التركى و لا المتورك ) ، وبعدين بصراحه و الصراحه راحه ، نحن اتربينا بى الشرموط و ملاح الويكه ، وبعد الضحيه كان الواحد يشيل ليه ورك شرموط فى جيب الجلابيه يلوك فيه لامن الحصص تقضى ، ما زى ناس اسيستم يلوكو فى اللبان ، سؤال خبيث : …………………….عجبى

  36. محمد عمر | رد

    يا كوكو :
    شكلك عندك مناعة من الشرموط البيلوكوهو في جيب الجلابية بس أنا لا لوقت لبان ولا اتحنكشت وكمان ما حصلت مرحلتك دي

  37. ياسين شمباتى | رد

    كوكو..
    وعليكم السلام ورحمة الله..والعجبك عبجنا,,تموتو فى اللواكة دى ! وى..

  38. محمد عمر | رد

    تصريحات عنتر بن شداد 2011 م :
    قُلِ اللَّـهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ ۖ بِيَدِكَ الْخَيْرُ ۖ إِنَّكَ عَلَىٰ كُلِّ شَيْءٍ قَدِيرٌ ﴿٢٦﴾ يقول والي الخرطوم : (الما قادر على المعيشة في الخرطوم ما يقعد فيها ) وهدد بنزع الأراضي الزراعية غير المستغلة من أصحابها، مشيراً الى أن مسألة النزع ليست خرافة وسيراها الناس ، وقبله يصرح البشير : ( اللي عايز يُسقط الحكم يجرّب لحسة كوعه ) .
    وتقول قناة روسية جراء تصريحات عنتر بن شداد أقصد عمر احمد البشير المشير : ( اعترف السودان على لسان البشير بتزويد الثوار في ليبيا بالسلاح ) ثم تضيف قائلة : (هذه الفضيحة تأتى على خلفية فضائح خطيرة وهى الجرائم البشعة لثوار مصراته في ليبيا ) ثم تعرض القناة عشرات الجثث في مناظر مؤلمة للغاية تشبه الابادة الجماعية وذكرت انها تكتشف في كل لحظة خاصة في سرت ، اناس ابرياء قتلوا بالرصاص لمجرد انهم انصار القذافي الذى اغتيل ايضا في جريمة بشعة كما طالبت جمعية حقوق الانسان بإجراء تحقيقات دولية حول هذه الجرائم ، وقررت ان دماء ضحايا ما وصفته بجرائم وانتقامات سياسية قبلية في ليبيا انما تقع كلها في ذمة السودان ( اتفضلوا ) .
    وكانت ( الشرق الأوسط ) قد نقلت عن الدكتور إسماعيل قوله أثناء المؤتمر الصحافي ردا على سؤال حول طريقة تعامل الخرطوم مع الأزمة الناجمة عن مذكرة اتهام الرئيس عمر البشير قائلاً : ( الشعب السوداني كان مثل الشحاتين حينما جاءت هذه الحكومة لم يكن هناك سكر ، وكان يشرب الشاي بالجكه يعني الهرولة ( كناية لشدة الفقر والعوز ) كما يقال : ( جرى حفيان ) .
    مسطول سألوه : الفرق بين زمان واسي شنو ؟
    قال ليهم .. زمان كان بجيبو الاكل يختوهو .. الناس بيقولوا : ( بسم الله ) ويأكلوا .. ولامن ينتهوا بقولوا ( الحمد لله ) .. و اسي لما يجيبو الاكل يقولو الحمد لله الاكل جابو .. ولمن ينتهو يقولو بسم الله ده متين كمل .. !!
    وآخر حاجة : عمكم البشير داير يخش حرب جديدة مع الدولة الجنوبية الجديدة ، حيث صرح في الكرمك عقب صلاة العيد قائلاً : ( وان اعتدي الجنوب سنرد عليه بقوة وصرامة منبها للدروس والعبر التي تلقتها الحركة الشعبية في ابيي وكادوقلي والدمازين ) – الناس ديل غير الخراب ما بعرفوا شى كدى انتهي لينا من مشاكل الغرب دى واجعد معى سلفاكير ده وسايسه شفوا مالو ياخي 22 سنة وما تعلمت .

  39. ياسين شمباتى | رد

    الشربوت اشتغل !!!

  40. محمد عمر | رد

    هاك دى يا دكتور شمباتي : المصريون الى مبارك
    هتاخد ايه يا ريس لما تندفن
    هتاخد ايه معاك غير الكفـن
    بالباء أولاً
    تاخد نفوذك سلطتك
    يوم الحساب
    تاخد وزارة ترشدك
    ايه الجواب
    تاخد حراسة تحرسك
    تمنع عذاب
    هتاخد ايه غير متر بس
    من الوطن
    بالكاف ثانياً
    تاخد ملابس تُستُرَك
    أحدث موديل
    ومكيفاتك تنعشك
    اليوم طويل
    وكرسي فخم يريحك
    مالهوش مثيل
    وعطور باريس تعطرك
    تاخد ذنب شعب بدلت حاله
    وافتقر
    تاخد ذنب أب موت عياله
    وانتحر
    تاخد ذنب فرد زوت ماله
    واحتكر
    تاخد ذنب كدب بعتونا بيه
    من غير تمن

  41. kareb | رد

    كل عام والجميع بألف خير
    وكل سنة وانتوا ضابحين

  42. ياسين شمباتى | رد

    والاهداء موصول الى (فلانة) !
    ابدعت يا محمد..

  43. بشار أحمد بشار(إبن برد) | رد

    يا محمد عمر االحكاية كيفنها يا ولدي شوتك كلو بقى ضفاري وبالبوز ولا الشربوت ده كان مدفون ليهو كمين يوم زي ما قال د/شمباتي؟؟

  44. محمد عمر | رد

    مدفون ليه 22 سنة

  45. محمد عمر | رد

    اللهم انعم علينا بعمرٍ كعمر آميييييين :
    لما تلقى عمر بن عبد العزيز خبر توليته انصدع قلبه من البكاء، وهو في الصف الأول، فأقامه العلماء على المنبر وهو يرتجف، ويرتعد، وأوقفوه أمام الناس، فأتى ليتحدث فما استطاع أن يتكلم من البكاء، قال لهم: بيعتكم بأعناقكم، لا أريد خلافتكم، فبكى الناس وقالوا: لا نريد إلا أنت، فاندفع يتحدث، فذكر الموت، وذكر لقاء الله، وذكر مصارع الغابرين، حتى بكى من بالمسجد .
    يقول رجاء بن حيوة : والله لقد كنت أنظر إلى جدران مسجد بني أمية ونحن نبكي ، هل تبكي معنا !! ثم نزل، فقربوا له المَراكب والموكب كما كان يفعل بسلفه ، قال: لا، إنما أنا رجل من المسلمين، غير أني أكثر المسلمين حِملاً وعبئاً ومسئولية أمام الله ، قربوا لي بغلتي فحسب، فركب بغلته، وانطلق إلى البيت، فنزل من قصره، وتصدق بأثاثه ومتاعه على فقراء المسلمين.
    ــ ثم نزل في غرفة في دمشق أمام الناس؛ ليكون قريبًا من المساكين والفقراء والأرامل، ثم استدعى زوجته فاطمة، بنت الخلفاء، أخت الخلفاء ، زوجة الخليفة، فقال لها: يا فاطمة، إني قد وليت أمر أمة محمد عليه الصلاة والسلام – وتعلمون أن الخارطة التي كان يحكمها عمر، تمتد من السند شرقًا إلى الرباط غربًا، ومن تركستان شمالاً، إلى جنوب أفريقيا جنوبًا – قال: فإن كنت تريدين الله والدار الآخرة، فسلّمي حُليّك وذهبك إلى بيت المال، وإن كنت تريدين الدنيا، فتعالي أمتعك متاعاً حسنًا، واذهبي إلى بيت أبيك، قالت: لا والله، الحياة حياتُك، والموت موتُك، وسلّمت متاعها وحليّها وذهبها، فرفَعَه إلى ميزانية المسلمين.
    وذات يوم دخلت عليه امرأته وهو في مصلاه تسيل دموعه على لحيته فقالت يا أمير المؤمنين ألشيء حدث ؟ قال : يا فاطمة إني تقلدت من أمر أمة محمد صلى الله عليه وسلم أسودها وأحمرها فتفكرت في الفقير الجائع والمريض الضائع والعاري والمجهود والمظلوم والمقهور والغريب والأسير والشيخ الكبير وذي العيال الكثير والمال القليل وأشباههم في أقطار الأرض وأطراف البلاد فعلمت أن ربي سائلي عنهم يوم القيامة فخشيت ألا تثبت لي حجة فبكيت .

  46. جنوبي | رد

    يعود علينا بحكومة اوسع مشاركة واقل فسادا وان يبدلنا عمر الراقص بعمر الباكي

  47. جنوبي | رد

    شمباتي..‏ هانت الخراف فهضمت بالشامبيون ‏..‏ تلفون فيصل لو سمحت

  48. بشار أحمد بشار(إبن برد) | رد

    يا محمد عمر/الجنوبي هل تعلمان أن سمك القرقور ذو الشوكات الثلاثية بيقيف للتمساح في حلقو لامن يخنقو يجيب خبرو دحين يا فراوده نحن نفسنا قصير وبنقطع والتمريرات الطويلة البتقص الضهر دي ما بنقدر عليها!!!!!!!!!!!
    جميل ما أتيت به يا محمد عمر عن سيرة أعدل خلفاء بني أمية.

  49. محمد عمر | رد

    يا عمنا بشار :
    أنا لم أوعى لنظام الصادق الوزاري ولا أعي ما تطالب به الأحزاب الأخرى من ديمقراطية إنما أعي شيئاً واحداً فقط : أن الحزب الحاكم حزب عاجز عن خطابه السياسي ، وعاجز عن بناء هيكله الاقتصادي ، وما أعتقده حقيقةً أن العقلية العسكرية لا تعي ولا تفهم ولا تفكر وانها لو تعي إنما تعي سياسة الحرب ، و تفهم فن الفقر ، والإحباط ، ولا أظن أبداً أن السودان هو سودان التسعينيات فنحن شباب واعي ولنا فكرنا الخاص ، والذي نحب أن نقدمه إليكم أيها المتحمسون لتكونوا أول من يحرق فتيل الثورة القادمة فهل أنتم قدر المسئولية ، وإليكي ما أطلبه من هذا الرئيس :
    1. مراجعة سياسته تجاه الغرب وأن يقف حيال الدول العظمى موقف الناظر المتأمل والمتعلم النبيه لتكون السودان دولة الثورة الإنتاجية بدلاً من دولة الحرب والحقد والعنصرية .
    2. إعادة الصياغة الإدارية لهذا الفساد الإداري المحبط نريد ادارة حديثة سهلة من غير رشاوي أو جبايات أو نفايات ، في الدواوين الحكومية والجامعات فقد حرمنا من تعلم الإدارة الحديثة والطب الحديث والهندسة الحديثة فكل ما نراه صورة مشوهة لحكمٍ الفاسد .
    3. نريد ثورةً انتاجية لتصدير اللحوم إلى العالم ، والألبان ، وتصنيع الحديد ، وفتح الأسواق الحرة ليأتي العالم أجمع إلى السودان بدلاً عن دبي .
    4. نريد أن نحيا مع دول الجوار في سلام نريد لغربنا الحبيب التنمية والمخالطة ولشمالنا الحر الأبي الرفعة والسمو في تواضع ونريد لشرقنا الحبيب النماء والعلم ولوسطنا الأبي الطيب الرخاء والوئام .
    فإن لم يستطع فنحن نريد إسقاط النظام .

  50. ياسين شمباتى | رد

    انتو يا جماعة البوست دا تهنئة ما مناحة ! وى وى وى ….

اترك رداً على ياسين شمباتى إلغاء الرد