إحتجاب .. إعتذار و تهكير !

الأحباء الأعزاء .. أعتذر لكم عن إحتجاب مقالي لهذا اليوم بسبب إنشغالي بإستعادة موقعى علي الفيسبوك والذى تمت سرقة كلمة المرور خاصة الأدمن منه ! إلى اللقاء في مقال الأربعاء القادم بإذن الله تعالى

18 تعليق

  1. لك الله يا أستاذ !!!
    الناس ديل سرقوا جمهورية بحالا ..ناس إيميل وحساب فيس بوك دي حاجات خفيفة

  2. اللي جاءتك في كلمتك سامحتك
    و عادة اللي بيسرقوه بيكون انسان غني – غني عن التعريف و التعريفة و غني عن القرش و غني عن المليمة
    و أهو اعتذار ام حداد ( ما شايفك لابس الاسود )
    عموما اتمني ان تعود الامور الي طبيعتها و اذا طلبوا فدية نحن مستعدون من قرش الي قرشين .

  3. كلو من لسانك المتبري منك ده
    خط هثرو سرقوا خط هثرو سرقوا اها وروك السرقة الما بتعرفا ..
    لكن يا حبيب قعدت تتوقع للناس وما اتوقعت لي نفسك !!!
    متييييين نغني حرامي الادمن مسكو خلاص ارتحنا منو …

  4. بسم الله الرحمن الرحيم
    المغوار البروف الفاتح لك التحية ولجميع اصحاب اقلام الحق والحقيقة
    لا شك ان هذا الاستيلاء لهو استفتاء مجاني قدمه لك ولنا متابعي قلمك الرصين في ان ما تقدمه احدث اثرا ورجع صدى بالغ
    لان كان اهل الاعلام بشكل عام واصحاب الصحف والقنوات والوسائط الاخرى يبذلون المال من اجل اجراء مسوحات عن مدى التاثير فلعل من يخافون الحقيقة اغنوك عن هذا بدلا من ان يقابلوا الحجة بالحجة ارتكبوا هذا الافلاس فالتحية لك ولعل هذا الانقطاع نفسه يمثل وقفة من وقفات ساخر سبيل القادمة
    اما الزبد فيذهب جفاءا اما ما ينفع الناس قيبقى في الارض.
    مع جزيل امتناني
    وكامل تضامني معك ومع موقعنا الرصين هنا وفي الفيسبوك (ساخر سبيل )
    حسن فضل
    صحيفة صدى الاحداث السودانية الالكترونية

  5. سرقونى ليه ليه سرقونى ليه انا ما جنيت

  6. حاج أحمد السلاوى | رد

    البروف الفاتح .. الجاتك فى مواقعك سامحتك ..

  7. الأحباء الأعزاء .. شكراً لكم لا أراكم الله مكروهاً في عزيز لديكم .. وما مشكلة بنعمل غيرو ونحصنو تحصين تمااام طالما لبقصة بقت كده !

  8. السلام عليكم ، الاخ البرف احسن الله تعويضكم ، ادخل الميل البديل و غير انت كمان الباس ورد ، وخليك مع التهكير ، زى ما قالوا اخوانا اولاد بمبه ( فتح عينك تاكل ملبن ) سؤال خفيف : اهو خلو لينا القمر دين ه …………….. عجبى

  9. نشكر استاذنا الجليل الفاتح جبرا انا محمد عبد الرحمن بابكر ود توتي امنيت حياتي ازورك في السودان انا اصلن مقيم في السعودية في مكة المكرمة ياريت لو تسمح لي انت والظروف ازورك في البيت

  10. الحبيل الفاتح..
    كفارات وشئ متوقع من الغجر دول,,,اليومين ديل سمهم الالكتورنى فاير !
    عندى اتنين من اصحابى اتعرضوا لى القصة دى قبل اسبوعين كدة,,,وطبعا دا ضمن حملة اسمها (الجهاد الالكترونى) ضد الخونة والمارقين والمندسين والعملاء !
    لكن شفت سرقتك دى مرقت درر كيف !! مبارك وجنوبى وايمن ما خلوا ليك صفحة ترقد عليها !
    واحد بيسرق ملاية وتانى بيسرق خروف السماية,,تصدق فى واحد بيسرق ولاية !؟ كع كرع رع..

  11. بكون من لسانك ده ….لابد واحد وصلو راس صوتك.. أقصد راس لسانك

  12. الله يعينك يا استاذنا ونحن فى انتظار جديدك

  13. ياجماعة الخير دى ماسرقة دى معاملات وكده احتمال واحد عجبتو كلمة المرور تبعك وحبه يستلفه

    بعدين كلمة المرور تبعك دى ياعم جبر مرخصة ولا نخلى ناس المرور يقطعو ليها ايصال

    واوالجاتك فى كلمة المرور سامحتك اعمل حسابك على اليوسرنيم زاتو الزمن غدار وغدرو مابندار

  14. غيب وتعال تلقانا نحنا يانا نحنا
    لا غيرتنا الدقون ولا هدتنا محنة
    كم بعنا في المواقع واشترينا
    غير مدوّنتك ما ربحنا
    غيب وتعال تلقانا بنفس المبادئ الواضحة
    مشتاقة لاحرف كلامك
    *****
    ما قالوا ثورة التعليم العالي !!! هم قايلين الشغلة شنو ؟ ما ياهو ده التعليم العااااااااااااااالي .

  15. حاج أحمد السلاوى | رد

    البروف الفاتح .. مش كويس الما سرقوك إنت زااااااتك ..؟؟
    غايتو خلى معاك دااااايمن بودى قارد .. الزمن بقا ما معروف .. وكل شى جايز ..ووارد ..

  16. احمد الله انو ما دقوك ولا ساقوك ركبوك طيارة
    بركة السرقوك بس كعب تصفيات كاس العالم

  17. ياعمنا جبرة لك نصائحى الاتيه :
    1- لازم الباسورد تكون معقدة زى حال بلدنا
    2- لازم تكون مكونه من احرف وارقام وعلامات يعنى تكون متعددة زى التعدديه فى السودان
    3- لازم تخلى كل الحروف تشارك زى مشاركه الاحزاب للحكومه
    4- لازم تغير الباسورد كل فترة زى التغيير الوزارى عندنا
    5- اخيرا لازم تكون طويــــــــــــله زى روح الجماعة الما دايرين ينسترو ولا يتخارجو ديل
    الجاتنا فى سودانا سامحتنا
    وسلام للكرام

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: