عن إذنكم ..

الأحباء الأعزاء وخاصة قدامى المحاربين
تكونوا تابعتم شكوى عدد من الإخوة الأعضاء بسبب لون الصفحة الفاقع وتأثيره على البصر عند القراءة .. نزولاً على رغبتهم فقد قمت بتغيير الصفحة إلى هذا القالب الذي ترونه والعمل متواصل لإدخال اللون القمردينى على الإطارات والأجزاء التى هي بعيدة عن نافذة المقالات وحتى ذلك الوقت لكم كامل إعتذاري …

Advertisements

20 تعليق

  1. اعتذار مقبول يا بروف
    و مع ان الناس اصلا عندها طشاش من زمان و غلبتهم الحيلة
    و لك و للجميع الف مليون و 17 تحية نرجسية وردية قمردينية بالابري الابيض

  2. امممممممم…
    نقول شنو عاد,,,قسمة وارادة…
    وكلوووو معاك باذن الله يا حبيب…

  3. السلام غليكم ، البرف و الاخوان ، جميل التغيير ، من باب الواحد ما يزهج من الوتيره الواحده ، كان فى طريقه يابرف تخليها لينا زى صفحات الميل تلونها حسب المزاج ، و المراسيل لى السوق ، زاويه حاده : اقترح لون القمردين ده يختفى شويه شويه ، …………. عجبى

  4. سلام يا بروف
    شكراً على الإستجابة لطلبنا أصلو أنا واحد من الناس العيونو لاحقات أمات طه وياريت لو حكومتنا بتستجيب زيك كده كان (كان دنيتنا شفناها وردية )

  5. يا بروف ما مشكله يكون قمردينى بيجى تركوازى عسلى أو حتى لون زينب
    بس المهم لون بستميار لازم يمشى لون و يجى لون
    راجينك يا مبدع

  6. سلامات يا احباب …

    تبتبا تبتب تبتب تبتب .. باكر تعرف تقرا و تكتب..

    مامهم اللون .. المهم اللمه

  7. سلام
    اتعودنا على اللون القمردينى وبعدين الحكومه كدا حا تدفعك ضريبه لانك حا تخلى الناس مفتحه ياجبرة
    وزى ما قال سهيل مهمه اللمه والاهم يكون عندنا دور فعال فى المجتمع

  8. مالم ومال القمردين ..نحن متناقمين معاهو حتى لا نصاب في رمضان بحمى المكسرات والقمردين حتى لا نصاب بالإحباط .ونصل لمرحلة القناعة منو في رمضان ..وتتكون في دواخلنا القناعة الغير مزعجة لأنو ما بنقدر نشتريهو قُبال كم سنة فما بالك عندما يأتي رمضان القادم إن شاء الله..دي طبيعة .

  9. حاج أحمد السلاوى | رد

    بالرغم من إنى من المعارضين لتغيير اللون القمردينى لأنو إرتبط بمعرفتنا بالأخ ابو ناجى وبقية قدامى المحاربين الذين سقطوا سهواً فى خضم معترك الحياة ..ولكن حتى لا نوصم بتهمة التسلط وكوننا ديمقراطيون حتى النخاع نوافق على رغبة الأغلبية ( وإن شاء الله ما تكون صامتة)ونقول ليهم مبروك اللون الجديد ..
    شنباتى .. اللون الجديد مش يشبه لون زينب البقولوا عليهو ..ولا أنا غلتان ؟؟ غايتو أظنو خاتف لونين ..
    مع تحياتى للبروف وكل الأصدقاء القدامى والجدد ..
    وما تقطعوا الجوابات ..

  10. كدا مظبوط يا سعادتو ولو اننا اتعودنا على ذلك اللون رغم تاثيره لنا

  11. لكن يا بروف انت غيرت اللون بعد ما قفلوا البلف ودموع ابو العفين سالت وملت صحاري ود بندة .. يا ربي العلاقة الخفية بين الحاجات دي شنو… والغريبة انو السيجارة عادية يا جنوبي

  12. عادييييه ؟ مخير الله يا محمد اسحق دي خلتو يتصرف زي ناس الحكومة يغيّر المنتخبنو بلا شورة … غايتو انا وانت جداااد الكلام ناس حاج السلاوي وشمباتي وقدامي القمردينيين ما ياخدوا بعض ويمشوا نيالا لأنو كلام كوكو ده ماااا كلام زولا رضيان .
    انت يا بروف خلي الكتابة تكون بالقمرديني عشان المشاعر وكده .
    اما نحن فوالله لو استعرضتم بنا قوس قزح واخترتوه لاخترناه معكم
    يا ربي ود الخلا حيعتبر ده بداية تغيير ولآ راح لون القمردين الشُم شمار في مرقة …..
    يا ربي تحسبا لينا بي تغيير بسمتيار .. أجي حتي الدقاقات قالوا داقاهن المطرة وكانن سكن للعنكبوت …

  13. شكرا استاذنا ومنتظرين يضمونا انشا الله لي الدبابين موش ؟ قدامى المحاربين وتحياتي

  14. عاااااااادية !؟ مخير الله يا محمد اسحق دي خلتو زي ناس الحكومة يغير المنتخبنو بلا شورة ..
    نحنا جدااد الكلام ناس حاج السلاوي وشمباتي وقدامي القمردينيين ما يقوموا ياخدوا بعض ويمشوا نيالا لأنو كلام كوكو ده ماااا كلام زول رضيان .
    يا بروف والله لو استعرضت بنا قوس قزح واخترته لإخترناه معك فإننا نعشق القول التمام .
    جبيرة :
    حفاظا لمشاعر قدامي القمردينيين خلي الكتابة بالقمرديني يمكن شويييه يريّحُم .
    شلاقة :
    قولوا لي ود الخلا تعال خلاص بدينا التغيير من انفسنا ……….

  15. الاخ جبرا والاخوه الاعزاء
    بماأن الدوله اوقفت الاستيراد فاحسن لينا نحنه برضو نقير القمردين بالتبلدى
    واهو نكتب مما نزرع

  16. سلامات اولا للبرف سيد البلد ….
    وسلامات ثانيا لرواااااااااااااد القمردينة الزمان وخصوصا نذكر منهم الذين قابلناهم فيس تو فيس في رحلة الجريف الكانت ليها زي 3 سنين وودقداقة بتاعت كم شهر كدا …
    دكتور عزت ود ياسين شمباتي وعبدوش وسمسمة وسهيل والرائع الذي لا ينسي افليقا واسترايكر تقريبا بس الاسم بقي لي طشاش طشاش وهاتفيا كان في الخط علي ما اذكر حاج احمد السلاوي وود الزبير ….
    معليش طبعا البرسسر المعالجة بتاعته بقت تعبانة زي حال البلد المايل وممكن نكون نسينا بالغلط واحد من الناس الجد كانو اكثر من رائعين بقيادة قائد الاسطول البرف جبرا ….
    معليش لكن اللون الحالي دا بالجد هو البطشش العيون والقمرديني ولا احلي منه لون ورائحة…
    الشعب يريد ارجاعه اللون القمرديني للقمردينة ياجبرا وياؤيت لو زي القمرديني الزمان دااااااااااااااااااااك …..

  17. الشعب يريد ارجاع اللون القمرديني ,,,,,,
    الشعب يريد ارجاع اللون القمرديني ,,,,,,
    الشعب يريد ارجاع اللون القمرديني ,,,,,,
    الرجاء عمل انتخابات جديدة نزيهة يشارك فيها الاغلبية لانه ماحضرنا الانتخابات المزورة الفاتت
    وبالجد اللون الجديد دا والله مامفهوم ….
    الشعب يريد ارجاع اللون القمرديني ,,,,,,
    الشعب يريد ارجاع اللون القمرديني ,,,,,,

  18. شوف ياباشا التغيير دائما كويس حتي لو فى الألوان بس نشعر أنو في حبة تفتيحه

  19. انحنا جينا وسى يابدوى سى !!!
    سلاوى…اممممم,,زينب منو يااا انت !؟؟ دا قنقليسى زى ما قالت بت وراق !
    جنوبى..احنا اهل افرحة جينا,,وزى ما قلت ,لو استعرض بنا البتاع لهناى ذاتو ! كع..
    تحياتى وحبى للجميع…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: