إنتو رايكم شنو؟

بينما كان النقيب أحمد بهاء الدين الضابط بإدارة تأمين الطرق والمنافذ يتفقد الحالة الأمنية على الطريق السريع، شاهد سيارة تقف على جانب الطريق فتوجه مع قوة الشرطة لفحصها، وتبين أن بداخلها شخصًا وفتاة فى وضع مخل
بالآداب ـ بحسب رواية النقيب ـ فتم ضبطهما واقتيادهما لقسم شرطة (طوخ) حيث قامت الأجهزة الأمنية بتحرير محضر بالواقع حمل رقم 5794 إدارى مركز طوخ لسنة 2012 !

كان من الممكن أن يكون هذا حدثاً عادياً لا يثير إهتمام صحيفة اليوم السابع الذي قامت بنقله http://www1.youm7.com/NewsSearch.asp?Keyword=%E6%E4%ED%D3

أو يثير إهتمام الإعلامي (وائل الأبراشي) مقدم برنامج (الحقيقة) على قناة دريم المصرية والذي قام بعرض مقطع فيديو (لعملية القبض)

، كان من الممكن ألا تثير هذه الحادثة أى شخص وتمر مرور الكرام لولا أن الشخص الذي تم اتهامه بارتكاب فعل فاضح فى الطريق العام بعد أن تم ضبطه مع الفتاة هو النائب البرلماني (السلفى) عن حزب النور (على ونيس) !
طيب ماذا قال أمين الشرطة الذي قام بعملية الضبط في أقواله أمام النيابة :
قال أمين الشرطة ماهر محمد نصر، من أفراد قوة الطرق والمنافذ، إن أفراد القوة شاهدوا مساء الخميس، سيارة هيوانداى ماتريكس، متوقفة فى منطقة مظلمة، وعندما ذهبوا لاستطلاع الأمر فوجئوا برجل وامرأة فى وضع مخل، وعندما اقتربوا منهما وجدوه رجلاً بلحية وبصحبته فتاة، وباستطلاع الأمر تبين أنه الشيخ على ونيس عضو مجلس الشعب وبرفقته فتاة، فطلبنا منهما النزول من السيارة، إلا أن عضو مجلس الشعب رفض، وعندما كررنا الطلب مرة ثانية ثار النائب، وقام بالتعدى علىَّ باللفظ فيما قال مهدى عبد الغفار، أمين الشرطة الثانى من أفراد القوة، فى أقواله، بعدما تأكدنا من شخصية النائب، قام بتهديدنا بأنه نائب برلماني، فيما قالت الفتاة إنها خطيبة النائب وأنهما سيتزوجان قريباً.
طيب .. ماذا كانت أقوال (شيخ ونيس) :
انكر (شيخ ونيس) ان يكون هناك اي وضع مخل وبان الفتاة (23 سنة) هي خطيبته وقد اضطر لايقاف السيارة على جانب الطريق كونها كانت بحالة اعياء وكان في تلك اللحظة يحاول ان يصحيها من الاغماء لهذا كانت تبدو وكأنها في حضنه كذلك اضطر ان يخلع نقابها ليرش عليها المياه عندما داهمتها دورية الشرطة… بينما تراجع عن أقواله بعد ذلك، وقال إن الفتاة ابنة شقيقته.
وحصل “اليوم السابع” على مقطع فيديو لـ”الشيخ على ونيس” عضو مجلس الشعب، يروى فيه تفاصيل الواقعة فى أحد المساجد، قائلاً: إن ما تعرض له هو محض افتراء، مشيراً إلى ما حدث هو أنه أثناء عودته من مدينة بنها هو وبنت شقيقته تعرضت الفتاة لحالة إعياء ووقف على جانب الطريق لإسعافها وأثناء ذلك قامت قوت الشرطة بطرق باب السيارة بشدة وحدثت مشادات مع أحد أفراد القوة، وقامت القوة بالاتصال بالقيادات وانتظرت فى موقع الحادث. http://www.youtube.com/watch?v=P4JhCwlxdeQ
تجدر الإشارة أنه بعد هذه الحادثة خرجت أعداد كبيرةً من المنتمين للتيار السلفى مسيرات لدعم الشيخ على ونيس قائلين بأن هذا الحادث حادث ملفق قصد به النيل من النائب .
العبدلله رأيو إنو الحادث ده ملفق وإبن ستين ملفق وهاكم الأدلة :
– أولن بالتبادي المتهم شيخ سلفي والسلفية ديل السلام باليد عندهم فيهو رأي كمان جابت ليها وقوف عربات في طريق سفري وبالليل كمان وخلوة غير شرعية؟
– الشيخ قال البت (خطيبتي) وتاااني رجع من كلامو وقال لا (دي بت أختى) وده شئ عااادي إنو في (الزنقات) المتل دي الزول لا يعرف خطيبتو من بت أختو من الشيطان ذااااتو !
– الشيخ قال إن البت كانت في إغماءة عشان كده فتح النقاب عن وشها وقعد يرش ليها في مويه عشان تفيق ومفيش حد يسأل طيب ليه البت كانت واعية (والإغماءة القالا الشيخ فكت؟) لمن الشرطة جات؟ لأنو الإجابه ببساطة إنو البت وهي (مغمن عليها) قامت شافت الشرطة والإغماءة فكت منها !
– بعدين لازم نعرف إنو الشرطة دي كانت عااارفه إنو بت أختو دي ح تجيها إغماءة في الحتة دي بالتحديد عشان كده قامت (حرستم) في الحته دى بالذاااات عشان تشوه صورتو وصورة الإتجاهات الإسلامية وكده !
– طيب ممكن حد (حاقد) يسأل : الشيخ قال دى بت أختو بينما في شريط الفيديو التي عرضته قناة دريم البت كانت بتقول بصوت مسموع (الشيخ ح يتزوجني) .. طيب حد يتزوج (بت أختو) ؟ والإجابه على السؤال ده بسيطة لأنو أى شئ في الزمن الردئ ده ممكن !
– وعشان العبد لله يبرهن ليكم إنو القصة دي ملفقة ومحض إفتراء فـ(شيخ ونيس) لديه زوجتان (في عصمتو) وبالتالي مش ممكن يعمل عملية بايخة ذي دي !
– أها إنتو رايكم شنو؟

كسرة :
الشقي يلاقي الدورية في الطريق السريع !

كسرة ثابتة :
أخبار خط هيثرو شنو(ووو ووو)؟

61 تعليق

  1. برنجيييييييييييييييييييية

    1. د / شمباتى سلام ، الجو كان حااااااااااااااااار ، لكن الايام دى بتاع برنجى جد ، وفكها سريع ………….. عجبى

    2. حاج أحمد السلاوى | رد

      شنباتى .. برنجيتك مبروكة وسعيدة عليك .. إن شاء الله تضوى ليك ..

  2. برنجيه مشترك هديه لجنوبي

    1. ما طوووووووووووووووول منها

      1. بت وراق .. شكرا يا زوق
        كوكو .. ويييييي جاتني من يد بت ورااااق
        ويييي حندووووكك وكيييييييا ..
        شمباتي .. مااااب روووك ( حقت الغتاته ديك )

  3. هههههههههههههههههههههههههه,,والله يا بروف الناس ما بتريح !
    اسه الشرطة خلاااص ظبطت كل شئ وبقت على ونيس دا !!؟ كع
    بعدين ذكرتنى نكتة الراجل الشوفو تعبان وهو ذااتو (تعبان) ! بعد المغرب كابس ليك بت اخوهو , قالت ليهو : سجمى يا عمى ! انا فلانة بت اخوك فلان, قال ليها : يا بت هوى , انا بعد الواطا تمغرب لا عم زووول لا خال زوووول لا بعرف زوول ! وطاااااااااااااااااخ

  4. بت وراق..
    سلام..اها انجهينى !!؟ والله الليلة حرستها حراسة العساكر لى ونيس دا !! وى وى وى

    1. يعني ملفقه ههههههههههههههههههههههههه

  5. جايت ليها تلفيق

  6. طاخ طوخو في( طوخ)
    اكان خطيبته دا شر وكان بيت اخته دي كارسه عديييل كان يصر على الاوله احسن

  7. السلام عليكم ، اها اخير كدى و لا مثنى وثلاث و رباع و احلال و ملك يمين ، وديل عساكر شنو الفقر ديل ، يعنى شايلين نظارات ليليه و لا شافوا الوضع المخل ده بى حاوى ، رحم الله عم الجميع خضر الحاوى ………………..عجبى

    1. يا سلاااااام ياخ .. الله يرحم عمنا الحاوي في زمنا
      الكنا في الابتدائية كنا بنستمتع بزيارات وعروض
      عمنا خضر الحاوي ربنا يرحمه ويغفر ليهو ..

  8. المعني يعني انو الناس ديل كلللهم زي بعض لأنو نفس
    الفلم ده حصل عندنا في القضارف وبرضو كان مسعف
    الفتاة عضو بمجلس تشريعي القضارف وواحد من عرابين
    قانون تزكية المجتمع !!!
    هسع الناس ديل في التحنيك بتكلموا زيّنا ولآ بقولو
    أعطني قبلةً اتلذذُ بها يجزيكي الله خيراً ..!

  9. سلامات
    يعني يا بروف عمك دفع الله حسب الرسول ماغلتان ..

    لكن برضو إن بعض الظن إثم

  10. السلام عليكم الاخوة السمار
    كل مجتمع يحتوى على البطال والجيد وكون انه سلفى فهذا لا يدعو الى السخرية من كل الملتزمين فبعضهم افضل من الف منا وبعضنا افضل من الف منهم وفى النهاية كلنا مسلمين … الرجاء عدم تعميم الشر على الكل فهو من الظلم وارجو ان لا تكون مثل هذة القصص مدعاة للاستهتار من اهل الالتزام ومن جميع المسلمين
    مع خالص التحية للجميع والاحترام والتقدير

    1. ابو اية- اشرف .. سلام
      عندما تتبرأ هذه الجماعات من مثل هؤلاء ويدينوهم
      ويفصلوهم من الجماعة يكون احترامنا لهم , لكن لمن
      يلفقوها ويدافعوا عنهم ( وكمان في المسجد ) تقول عليهم شنو !!؟

    2. حاج أحمد السلاوى | رد

      ابو آية – أشرف
      نفس السيناريو دا حصل عندنا زماااااان أيم الديمقراطية الأولى وكان البطل برضو من نفس المجموعة إياها .. وأذكر إنو المرحوم عزالدين ( كاريكاتيرست ) عمل فيها كاريكتير ساخر جداً وظريف جداً .. ياريت حد من الكواشف يسعفنا بيهو ..

  11. إنت يا جنوبي هسي الخلاك متأكد شنو إنو دا فعلآ حصل ؟؟؟؟

    1. سهيل .. قال ليك جماعة راكبين بص مدني في راجل
      انصاري كبير في العمر وقاعد جمبو انصار سنة البص
      وقع في حفرة الراجل الانصاري قال : يا المهدي ..
      بتاع انصار السنة قام فيهو يا راجل قول يا الله
      المهدي شنو , وبدأ في حصة طويييلة واحد من انصار
      المهدي قاعد ورا الكلام ده حرقو شدييد , جاء لعمك
      الانصاري قال ليهو يابا بكاني داك مريح تعال اقعد
      فيهو عمك مشي وهو قعد محلو , البص جاء في حفرة
      صغيييييرة صاحبنا الشاب نط فوووق وقال يا المهدي
      الخلقتني , انصاري السنة عاين ليهو وقال : والله انت
      عارف الخلقك لاكين داير مشاكل سااااكت .
      هسع شرطة وبلاغ وخطيبتي وبت اختي والشيخ ح يتقوزني
      وتقول لي الخلاني متاكد!!!
      هي تعال نحكي ليك اتذكرتها هسي في بلدنا هناك
      طبعا التاريخ بقول انو الاسلام دخل بي هناك لاكين
      الغريبة انو لسع نحنا من المؤلفة قلوبهم !
      في حريم اتنين قاعدات يتشاكلن وواحدة بتهدي فيهن
      جاء الدكتور بتاع القرية وبقي يهدي وحجزن من بعض
      وعاين للمرة البتحجز ووجه ليها الكلام باعتبار انها
      العاقلة فيهن وقال : بالله يا خالتي ربنا ده شافو
      بالعين ولا عرفو بالعقل ؟ قالت :
      شافو بالإين يا هكيم ..
      سهيل وحات الله انت اكعب من شمباتي وخالد مدني ..

      1. تختني مع الديامه والشوايقة … الله يسامحك بس .

      2. سلام ود مدنى ، الديامه ديل ما الحبش ظاتهم ، اما الشوايقه والحمدلله اسياد بلد ، يقول لك شيخنا الترابى بعد المفارقه سالوه عن الحاصل قال ليهم كنا قايلنها عوارة جعليه لقيناها غتاتة شايقيه …………….عجبى

  12. الزول دا كان ماشي شرم الشيخ لكن الكديسة ما خلتو يجصل اها جاتو في سمعتو

  13. والجاتك في سمعتك فضحتك
    كسرة:
    مافي زول يسلفني عربية صالون انشا الله برادو ساي يا ناس جنوبي وكوكو وشنو الما بعرفو داك

    1. عربيه ما عندي لكن هاك دقني دي وشوف ليك زول
      يسلفك العربية !!

      1. انا علي الدقن والعربية والدورية … تموها انتو

    2. اساغه سلام ، العربيه زى الالم ما بسلفوها ، لكين اذا دعت ممكن نوصلك ، بس ما نبقى سلاقين بيض …………………. عجبى

  14. يا جنوبي .. القصه السردتها فوق دي جميله و معبره .. لكن ماقادر اربط بينها و بين الفلم الفوق دا ..
    أنت يا جنوبي مركب مكنه شنو ؟؟؟ انا و شمباتي و خالد مدني مالنا .. ما هديل زي الفل .. علا إنت بس راقدلك فوق راي ..

    محمد اسحق : إنت لمن ماعندك حق السعوط .. بتسف مالك ؟؟؟
    ثم تانيآ .. البرادو دي بتوديك في داهيه و تلحقك ناس هديب

    1. ما قادر تربط كيف ! ما انت الانصاري الغيّر المقعد مع عمك .. وربنا ما عرفوهو بالعقل يا سهيل ياخ ..
      قالوا لي ديامي .. يا سلاااااام ياخ تعرف الديم دي انا بحبها عشان نقد وعندي فيها عمي الله يرحمه وزوله اسمها عشة آدم بتعرفا ؟
      لكن الشيخ ده مامفتح .. انا لو محلو كنت قلت مرتي وكنت كفّت العساكر كمان وكان مرقت فيهم لساني طول كدي , واكيد عندو مية صاحب مأزون وراس مالا قسيمة بي تاريخ قديم والسلام …! لكن القدر بعمي البصر .. والربنا كاشفا ما بتتغتا ..
      شمباتي .. ريالة شنو ياخوي انت قايلني شال !! شوف ده بالله ..
      خالد وسهيل وشمباتي من كعوبيتكم كل واحد فيكم قعد ينكر التانين …

      1. جنونى سلام ، مالك قايم على ناسك ، تعرف الديم و ما ادراك ما الديم ، كلمه بريطانيه معناها جزء من المدينه ، ديم التعايشه ديم سلمان ديم القنا و هلمجرا فى الخرتوم ، اما فى البورت فكلها ديوم ، ديم مدينه ديم ارب ديم سلالاب ديم شاطئ ديم كوريا وديم سواكن الجنب ديم رمله و كمان ديم سكه حديدهكذا دواليك …………….. عجبى

  15. كوكو…سلام…
    هاك ليها مبلوووولة !

    جنوبى….سلام…
    اممممممم,,يبركوا فوقك خنق ! ياهناى بارك سمح ولا بدفق فيك ريالة فلان ! وى وى وى

    1. د / شمباتى مكنكش فيها اهى سخنت ، روقه شويه ، و لا تانى ما حترجع ليك …………… عجبى

  16. بت وراق..
    ههههههههههههههههههههههههههههههههههه,,,,ملففة او ملفوفة !! وااااااو…

    جنوبى…
    هيييييييييييييييييييييييييييييييي,شخيتك كبيييييير !! انا شن لمانى وودانى لى خالد وسهيل !؟ ديل من زمن الازهرى وصاحبهم حسن كابوس ! انا ولد من الزمن دا ! لوووول (شفت لوول دى كيف) ؟؟

  17. و الله صحى يا بروق, الشقى يلاقى الدورية فى وشو, يعنى مصر بجخانينها و ملفاتها دى كلها اخينا دة ما لقى الا الطريق العام و تزبطو الدورية – عاد الليلة يشد حيلو (و كان وقع الصقر كترت البتابت عيب) !!!

  18. يا أخوانا عاااادي ده ضواكه سااااااي ( مع بت أختو ) وبس

  19. شمباتى – مبروك عودة البرنجية لديارها – بت وراق بكرة اظبطى المنبه بدرى شوية

    1. عودة البرنجيه لديارها اصله (هجليج ) هههههههههههههههه خليهم يورونا شهادة البحث حقتوم
      والله كنت ظابطه المنبه بس طيره منى كوكو دخلته في المدونه السابقه وبديت ارد عليهو لقيت شمباتي (كف خطفه الخطاف الله يجازيهو)

      1. بت وراق11 يونيو 2012 عند 10:51 صباحاً | رد

        هوووي ياكوكو حبل شنو الولدوني بيهو انا ولدوني في مستشفى العيون وحبيت فى البرسلين ورضعوني الاستيم هههههههههههههههههههههههههه
        ———————————
        خليكم شاهدين ، بت وراق ولدوها فى مستشفى العيون ، الحب فى البراكس ولا توضح لينا البرسلين ده شنو ؟؟؟ و اكان رضعت الاستيم سجممممممممممممممها ، ده الما بنريدو ليها ، استيم تفاح ده ظهر قبال 5سنين بس ، يا نونو دوا السقط ……………….. عجبى

      2. موضوع ناس ونيس دا خلاك تتخيل الحبي حب ههههههههههه

        الحبي وهي مرحله قبل المشى يا كوكو وليس الحب.. والبورسلين دا بدل السراميك ……كععع

      3. سلام بت وراق سلام ، اها البورسلين ده دخل البلد متين ، اتارى البنات يا ابوى غير لينا ال سيَر ميك ده بى البورسلين و انا اقول البنسلين ده ياربى هو الكانو بغنو ليهو البنسلين يا تمرجى نادى الحكيم و انت امشى ولا ده بنسليناً آخر ، ونحنو الحبوب دى ما شفناها الا فى السؤ نما ، ودى ما سمعتى بيها …………….. عجبى

  20. المندهش – صحى برضو, و ممكن بيزودها ببعض خبراتو اصلو (متزوج اتنين وكدة)

  21. دي أريتها كان وقعت في دفع الله كان وراها الصح وخلى ريحتها طير طييييييييير

  22. أب أحمد (المعدل) | رد

    معليش بالإسم الجديد إستجبنا لتوجيهات صاحب القمردينة عشان نقدر (نأبر أن شؤورنا وكدا)

    أما موضوع شيخنا … لو دايرين يعرفو الحقيقة يسألو المرة الأولى …. (علي وعلى أعدائي) تفتو ليهم لامن يآمنو !!!!

  23. الليله البروف أصابنى بالغبن ولكن تنفست الصعداء عندما قرات تعليق أخونا أشرف أبو آية (((السلام عليكم الاخوة السمار
    كل مجتمع يحتوى على البطال والجيد وكون انه سلفى فهذا لا يدعو الى السخرية من كل الملتزمين فبعضهم افضل من الف منا وبعضنا افضل من الف منهم وفى النهاية كلنا مسلمين … الرجاء عدم تعميم الشر على الكل فهو من الظلم وارجو ان لا تكون مثل هذة القصص مدعاة للاستهتار من اهل الالتزام ومن جميع المسلمين
    مع خالص التحية للجميع والاحترام والتقدير))).
    يجب علينا إستشعار المسؤولية فيما نكتب وفى ما نقراء

  24. نقول ولا نسكت …نقول واليحصل يحصل
    تصور لو المشهد الانف ذكره حصل في شارع مطرف في السودان وجاء الضابط بنفس الرتبة ونفس قوة النظر واكتشف الحاصل وقامو دهمو العربة ووجدو انه فعلا نايب برلمان كان حصل واحد من اتنين يا اعتذرو ومشو يا كمان عملو ليهم ساترعشان ياخدو راحتهم….ولا من شاف ولا من سمع وكان الضابط وكل الدورية اخدو علاوة ولا ترقية .اها كان ما طلع نايب برلمانى ولا زول مهم يعنى مواطن سودانى ساااى كان حصل واحد من اتنين يا جلدو الراجل والبت في حتتهم وبعدين ودوهم القسم وتانى يوم كل الجرايد تكتب عن بسالة ضباط الشرطة العيونهم سهرانة عاى حماية البلد(حقة تشيف قندرانى ما تشيف) يا كمان دقو الراجل علقة نضيفة وخلو يمشو اما البت ف انتو تمو الباقى ….
    كان اخير نسكت مش كدة

  25. استاذى جبرا شنو يعنى الفساد الجوة كمل قبلت على الدول المجاورة

  26. جنوبى….
    ههههههههههههههههههههههههههه,,الشينين منكورين ! آيييييي..

    كوكو…
    طيب ما فى تلجة نبرد بيها ؟؟

    1. د / شمباتى سلام ، لازم تبرد على الطبيعه ، لكن عاوزه ليها سحابة صيف فى كوز كبييييير …………….. عجبى

  27. فلاديمير…
    الله يبارك فيييييك,,ودوما الحق يعود لاهله ولو بعد حين ! اححححححح…

    بت وراق…
    تانى تشميها قدحة فى الزمن المافيهو لمحة دا ! كاااااااااااااااااااك

  28. كان يقول دي سبية حرب قبضتها في ميدان التحرير.. تشبهن

  29. الاخ حنين والسمار
    بصراحة حاولت ارد على الشباب بس ومن غير زعل حسيت انو الموضوع بقى ما جادى وما بيستاهل الرد
    الاخ جبرة الرجاء قيادة السفينة لمجراها الصحيح والا ستكون القمردينة مكان للتعليقات الساخرة فقط ,, صحيح انك تتمتع بروح السخرية وتتناول المواضيع بنوع من السخرية ولكنك تبحث عن المعالجة التى من المفترض ان تكون بمناقشة جميع السمار لكنى اصبحت احس ان الردود بالذات صارت ساخرة فقط من غير معالجة للمواضيع
    ان كانت القمردينة تهدف لحل مشاكل مجتمعنا فنحن مع القمردينة وان كلنت للسخرية فقط فالله المستعان
    الرجاء عدم الزعل والروح الرياضية ياناس كوكو وجنوبى وكل العقد الفريد

    1. ابو اية- اشرف .. سلام و احترام .. معاك في ما ذكرت لاكين الموضوع ده بالذات لا نملك فيه سوي السخرية من هذا المنافق وبما ان الجماعة لم تتبرأ منه فأديناها شوية معاه . اما بقية المواضيع التي تخص وطننا فأبحث داخل معظم ردود الاعضاء الساخرة ستجدهم يعرضون حلول مغلفة بالسخرية . البروف جبرا يجعلنا في الصورة لنحكم عليها بأنفسنا دون تدخل او فرض رأي وكل عضو يمكنه ان يعبر عن رأيه دون حجب الآخر وايضا بدون زعل كما قلت نرجو ان نعرف رأيك كما قال اخونا المندهش ..
      صدقني النقاش حلو .. وانت ممكن تكون في سنار ونحنا في الدويم ونجي نتلاقي في المقرن ونمشي سوا ..

    2. ابو آيه سلام نحنو نزعل ، ملعون ابو الزعل ، نحاول قدر الامكان تلطيف الجو ، و القمردينه من يومها ساخره ، لكن هل تعتقد انو الشعب المصرى هو ونيس ، وهل ونيس هو هذه الحاله فقط ، يعنى كل ايامو هيك وهيك قال صلى الله عليه وسلم : كل ابن ادم خطاء و خير الخطاؤن التوابون ، و قال فى ما معناه لو لم تذنبوا و تستغفروا لخلق الله قوما يذنبون ثم يستغفرون ، و العساكر باقى ليك ما لعبوا دور ، و الا ككيف فاز احمد شفيق وهو من هو فى نظام المخلوع ، القصه كلها ساخره و مسخره ما بعدها مسخره ، البرش ده ماشاف البوس فى السؤ نما و المسفه على عينك يا اللبرالى و لا داك اكل عيش كما قالت احداهن ، و راقد معها فى سرير و بى قميص نوم ، انت الجماعه ديل ما عندهم شعور و…………… عجبى

    3. الأخ ابو آية جزاك الله خير على نصيحتك للأخوة بالتزام الجدية حتى نستطيع الرد على سؤال أستاذنا جبرا (رأيكم شنو) وندعو الجميع الى تذكر قول المولى عز وجل ( ياايها الذين آمنوا اذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) ولا نتهم من نقل الرواية من الأخوة المصريين بالفسوق – لا سمح الله – ولكن لنحاول العمل بروح التشريع وعدم التسرع فى اتهام الناس ، فالآية تدعونا للتثبت قبل اصدار الأحكام على الآخرين ونسأل الله أن يكرمنا وإياكم بالستر فى الدنيا والآخرة وأن يعيننا وإياكم على أن نرى عيوبنا قبل أن نبحث عن عيوب الآخرين ونتتبع عوراتهم.وكما قال الإمام الشافعى ( لسانك لا تذكر به عورات إمرىء .. فكلك عورات وللناس ألسن .. وعيناك إن أبدت لك عورات إمرىء .. فقل لها ياعين للناس أعين).

  30. الاخ ابو آية – أشرف
    الموضوع يا عزيزي أكبر من أن يرد عليه والبروف سأل ( إنتو رأيكم شنو ؟ ) وإعتقد أنه منتظر الرد من الجميع
    لو كان هذا الشخص والمدعو ونيس من عامة الناس أو حتى من أي حزب آخر لما لفت موضوعة أنظار الناس ونحن نعرف مصر جيداً ولكن أن يكون هذا الشخص من حزب يدعو للفضيلة والشرف والعفة والعفاف والتمسك بالشريعة والتي حرمت الإختلاط والإختلاء والذي يفترض من هذا الونيس أن يكون قدوة في المجتمع ولكن أن تأتي منه مثل هذه الأفعال فقل لي بربك من يصدقه بعد ذلك وكيف سيكون تأثيره على الحزب وأعضاءه ومن ثم تأثيره على الإسلاميين بصورة عامة وما يحدث بمصر ينسحب علينا ، ندعو الناس وبإسم الشريعة للأمانه والنزاهة والشرف وعدم أكل أموال الناس بالباطل والرحمة والمواساة و المساواة ، وما يحدث فأنت تراه بأم عينيك ولا يحتاج لتعليق ولذلك لدي سؤال ( إنت {ايك شنو ؟؟ )

  31. حاج أحمد السلاوى | رد

    أنا فى الحقيقة مستعرب جداً من تصرف النائب البرلمانى السلفى دا .. السبب شنو إنو يمارس العملة الشينة دى فى الطريق العام ؟ ما سمع بمقولة إذا بُليتنم فاستتروا .. ؟غايتو يستاهل يبشعوا بيهو ويلعنوا سنسفيل أجدادو لأنه أساء إلى حماعته والناس كايسه ليها سبب ..
    ويا جماعة الخير سؤال سغيروووووونى كدا .. الموضوع دا ممكن يكون تلفيق فى تلفيق من جماعة .. شفيييق يا راااااااااجل ..؟؟؟

    1. يعني نظرية المؤامرة والإستهداف تاااااني يا حاج أحمد السلاوي
      إعتقد النظرية دي الضيعتنا وضعنا معاها

  32. الاخ المندهش تحياتى
    اذا افترضنا كل الحزب فاسد فهذا لايدعو للسخرية من الملتزمين عموما وللاسف الشديد بعض الاحزاب يقوم ولائها للشيوخ او روؤسائها ومن المفترض ان يكون الولاء لللدين اولا وعموما الموضوع خارج بلادنا ولا نستطيع الحكم على شئ لانها كلها اقوال منقولة ,,, ولكنى اضم صوتى الى صوتك بوجوب نزاهة اصحاب الشعارات الدينية بالذات لانهم يتحدثون باسم الدين وهذا كلام عام ليس لحزب معين بعينة ,,,
    الاخ كوكو شكرا على الروح الرياضية ,, الله يعين الاخوة فى مصر للخروج من الازمة التى هم فيها
    الاخ جنوبى كلنا امل فى الخروج بسوداننا الحبيب من الكوارث الواقعين فيها بسبب الجماعة اياهم
    ام محمد للاسف الاسيف جدا كلامك صحيح
    مع خالص التحية للجميع

    1. ابو آيه ما المخوفنا انو نفس السيناريو بتاعنا يتكرر و نبقى من جرب المجرب فعقله مخرب ، نفس القصه بتاعت ونيس حصلت هنا ، لكن و الحمدلله الناس بتنسى و ……………….عجبى

  33. مالو اربحاء وعقاب شهر !!!مافي برنجيه !!
    قالوا شيخ ونيس شاحد التوسان من صاحبه وصاحبه
    المسكين راجيهو يباركا ليهو بي مشاوير في خدمة
    المسلمين …

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: