قال .. وقلت

• قال لي : ما أن يشتكي مسئول من علة حتى يذهب مستشفياً إلى (ألمانيا)
قلت له : وما أن يشتكى مواطن من علة حتى يذهب مستمرضاً إلى (المافيا) !
• قال لي : هل سمعت بالمسئول الولائي الذي تم ظبطه داخل شقة دعارة ومعه 4 فتيات في (نهار) رمضان ؟
• قلت له : ياخوانا ما تظلموا الزول ساااكت إحتمال يكون خاتيهم (تصبينة) لما بعد (الإفطار)
• قال لي : وهل تعلم أن في ذمته أيضاً 4 حريم بالحلال ؟
• قلت له : أيه حكاية (رباعي) دي ؟ عربات دفع (رباعي) .. حلال دفع (رباعي) .. حرام دفع (رباعي) شنو ما بعرفو داك دفع (رباعي) !
• قال لي : تم ضبط شحنة من الفراخ الفاسد؟
• قلت له : هو الفراخ الفاسد برضو؟
• قال لي : هل تعلم أن (أبا قناية) قد صرح في فبراير الماضي بأنه قد تم تخصيص رقم الهاتف المجاني 6996 لتلقي البلاغات عن شبهات الفساد لكنه لا يعمل؟
• قلت له : هل تقصد الرقم؟
• قال لي : هل تعلم بأنه يتم تخصيص ميزانية للإستعداد لفصل الخريف .. ثم يتم تخصيص ميزانية لدرء الكوارث التى نتجت عن عدم الإستعداد لفصل الخريف ؟
• قلت له : نريد تخصيص ميزانية لإستيراد فهامات لنا (من الصين طبعن) !
• قال لي : لقد تم إرسال الصندوق الأسود لطائرة تلودي إلى الشركة المصنعة في روسيا .
• قلت له : من الأفضل أن نلزم الشركات المصنعة للطائرات بإنشاء مكاتب لها في الخرطوم مزودة بتقنية قراءة تسجيلات الصندوق الأسود عشان (تقليل تكاليف وكده .. رسلو الصندوق .. جابو الصندوق)
• قال لي : تتخيل يا أستاذ الكهرباء قطعت عن مستشفى الخرطوم قرابة اليومين لنفاذ الجمرة الخبيثة ؟
قلت له : (الجمرة بتحرق الواطيها)
• قال لي : يتحدث العلماء هذه الأيام عن الفساد الأخلاقي وإنتشار الأيدز وإرتفاع نسبة الأطفال اللقطاء وتوزيع الواقي ووو
• قلت له : وهل تحدث أيا منهم عن أصل الحكاية !
• قال لي : لقد بدأ العمل معتمد ثم نائب والي ثم والي ثم وزير ولائي ثم وزير إتحادي ثم سفير فوق (العادة) !
• قلت له : .. فوق العادة .. تحت العادة .. شمال العادة .. جنوب العادة .. (مع العادة) .. يا عزيزي المثل بيقول (اللاقي هبوبو يضري) !
• قال لي : ما الفرق بين النظرية والتطبيق ؟
قلت له : كنت صغيراً .. إستمعت لخطبة ألقاها جارنا إمام مسجد الحي (ربنا يرحمو) .. كانت الخطبة عن الجوار وكيف أن النبي (ص) قد أوصي على (سابع جار) وقال فيما قال : لو أشتريت ليك فواكه .. كيلو كيلوين موز .. برتقان .. أغشي جارك .. أديهو منهم .. في اليوم التالي للخطبة وجدته يتجه نحو منزله وهو يحمل بطيختان فحملت عنه واحدة وعندما إقتربنا من منزله هرولت (ببطيختي) نحو منزلنا … (وعينك ما تشوف إلا النور) ً
• قال لي : إلى متى تظل تشكيلة الفريق ثابتة ؟ لقد أصابنا الملل ؟
• قلت له : لو كنت مسئولاً لقمت بتغيير بعض الوجوه بأخري جديدة (من الفريق ذاااتو طبعن) .. ما معقول يا جماعة الخير الزول يتولد .. ويرضع ويتفطم ويحبي ويتعلم المشى ويمشى ويتعلم الكلام ويتكلم ويخش الروضة ويخش الأساس ويدخل الثانوي ويدخل الجامعة ويتخرج ويشتغل (دى أنا كضبتا فيها) ويعرس (شرحو) ويمشى شهر العسل .. ومرتو تولد .. ويجيب ليهو زول يرضع ويتفطم ويحبى ووو (والتشكيلة هيا هيا ) .. لا زول يعمل ليهو مخالفة يديهو (الحكم) كرت أحمر (فيخرج) ولا زول يصاب (فيعتزل) ولا زول يتعدي السن القانونية …. (للفيفا طبعن) !

كسرة :
قال لي : ما رأيك في لجان التحقيق؟
قلت له : هل تقصد لجان (التلجين)؟ !

كسرة ثابتة :
أخبار ملف خط هيثرو العند النائب العام شنو(ووو ووو ووو)؟

Advertisements

53 تعليق

    1. مبروك ليك يا آمآل
      الاستعجال ليك شنو

      1. افتكر هكذا تنطق اامال هورا

      2. مبروكة عليك يا ( طارق احمد آدم )
        قت ليك .. أيدتو ولا لس ما شيفتو الحِلال

      3. ههههههههههههههههههههههههه,,ما نصاح انتو…

    2. اامال هورا ,,, مبروووكة اليك بالهيل ,, و اللاهى أجبنا ليك شديد و سرا بالنا ,, اللة يهليها ليك !!!

      1. ده كلام هيلو هلاسهالاني ادهاك شديد هلاس
        الله ينسور دينك ياتاخ

  1. GOLD
    قلبت يا اخوانا — من الداخل فقط

  2. قلت ليهو
    الطيارة دي ضربوها ولا وقعت ساي
    قال لي
    الاتنين
    كسسسسسسسسسسسسسرة:-
    هو العيد كان يوم شنو

    1. اول يوم بعد رمضان اظنو !!!

  3. ياجماعه البرنجية دى نحن ماعندنا فيها طريقة

    1. وين تاني مع ناس الاعمال الحره ديل
      اقول ليك خليها ليهم هى ذااااااته ما صحيه

      1. فعلا يا بت وراق,, عشان كدة عايزينها تتغير من برنجية لكورة نشا و الا مديدة, ان شاء الله كباية لبن و الا شاى احمر سااااى ,, و حتشوفى الطوابير الراجياها ,, و ناس ااامال هورا ديل ما ياكلو عيش معانا

  4. البروف والسمار …
    اهديكم الاغنية التالية واهداء خاص لبت وراق وود الخلا وخال فاطنه :
    قالو كتير وقالو وقالو
    كلام الطير واكتر قالو
    وحتى القالو زي ما قالو
    وكل القالو نكر اقوالو …
    اما انا عندي تفسير كلو
    كل ما يقولو قولم يجلو
    لو بس نلقى زول في محلو
    يمين زول بله ما بيحلو .

    1. شكرا ياود مدني على الاهداء
      بس اوعك تكون صدقتهم
      كسره
      شكرا للاخ ودالخلاء والمندهش على سوالهم
      ونقول ليهم ما تفقدوا عزيز

  5. سفير فوق العادة ده ماااا عادي اظنو ( بالاجنحة )!!
    أب اربعة ده قالوا ماكل ستين خريفاً واظنو شاف العمر
    روووّح وقال يلحق يعوّض ..وقالوا من شكله لو صلي
    بيك جنوب تصلي وراهو وانت مطممممممن !!
    يومتا دفع الله قال للجميعابي انت رئيس البنات
    الرقاصات قام الجميعابي قال ليهو الرقيص مالو ؟ وانت
    كان راجل امشي قول الكلام ده للرئيس قام دفع الله بقي
    يتمتم ..انتو الواقي ده عضو في الحزب الشيوعي ؟ مالم
    مكجننو كدي ؟ يا دفع الله ما عذبتنا ..
    الخريف من نبني البيت بنعمل حساب الميلان نحو الشارع
    طيب الحكومة ما تعمل الشوارع ميلان نحو المصارف ويفكونا
    من احفرك ادفنك دي .

    1. هيييييييييييييييي ياجنوبي ما بالقته هي المصارف عامله ميلان نحو الجيوب

  6. البروف والسمار …
    صباحُ ( الأُونسولين ) يا سيدي .. بعد ظُهر ( الكلوركوين ) ياصاحبي … مساء خير (الحبوب المهدئة ) … تمدد علي لحاف الأماسي الكاتمة .. و أرصد سقوط النجوم الثاكلة .. هل هذا ( وطن الجدود ) ؟ … أم حظيرة للجروح الماثلة .. ؟

    1. اوهموني صباحاً باني مريض بالسكري
      وكتبوا لي دواء لبواسير المتقرحه
      فذهبت لاصرفها فاعطاني الصيدلى دواء للعيون الباكيه
      وقال لى ليس لدينا الدواء ولكنه بديل الادويه
      فتركته ودواءه وكل الاطباء
      فذهبت الى بيتي فوجته ملي بكل اجناس السودان المختلفه
      رجال ونساء يحملون دفاتر واقلام مسنده
      فقلت جاءوا ليزيلوا همي فوجتهم يطلبون كل ما عندي
      نفايات ومويه وعوائد والنور كان مطفي
      فتركتهم وهربت بالباب الخلفي
      فزلت قدمي باكياس النفايات وسقط ارضاً
      احمد الله انه كان حلما

      1. حلم وييييين ده في الطيف وفي الصحيان !!
        والله يا بت وراق مره سمعت واحد بغني في ( الصيف ) او
        في الصحيان زورني !!! عليكي النبي ضيفيهو للجو يخمّدوا
        ليكي السلامة ويزيدوا همك ديل …

      2. جنوبى…
        خمدنى حبيبى خمدنى,,وييييييييييييييييييو

    2. المندهش..آآآآه من جرحنا ,, عن اذنك ننشؤرها فى الاسافير…

      بت وراق…سجمنا !! حننتينى والله,,اهئ اهئ اهئ…

  7. شالو الكلام جابوهو ليك ظاهر عليك صدقتهم
    قالو ليك :- لجان خط هيثروا انتهت
    قلنا ليك :- واصل واواتك وكسرتك
    قالو:- عومنا الجنيه عشان نثبت السوق
    قلنا :-لا السوق ثبت ولا الجنيه بيعرف يعوم …. النججججججده اني اغرق اغررق تحت الماء
    قالو :- اربعه فى زمته واربعه احتياطى
    قلنا :- هو الزول دا بياكل شنو

  8. قالوا مالك عقار حايبقى والى للنيل الازرق .
    قلنا وياسر عرمان حايمشى وين؟
    قالوا حايستأنفو ضخ البترول فى شهر ديسمبر .
    قلنا سيظل الجنية هابطا مادام السوق صاعدا .
    قالوا الفورة مليون .
    قلنا سمحة المهلة …

  9. زرت السودان لمده أسبوعين وفعلا كنت أتمني لو كان عندي عربيه فور باي فور، وخاصه العربيات دي ناس الكرين اطلقوا عليها اسما الممثلات المصريات في السابق ولكن مع التطور السوداني اصبحوا يطلقون اسما العربات علي سيدات المجتمع السوداني،،،

    1. اخر اسم سمعتو شنو؟؟ عشان انا طولت ما جيت السودان !!

      1. ما ترد ليهو … ما ترد ليهو داير يودرك

      2. شليق ده !! انت ما تخليهو يرد , اقلو يضيفوهوا لقائمة الشرف
        ويخفف علي فِقرنا دي شويييية ..

      3. هههههههههههههههههههههههههه,,والله كان رد ليهو كان تبقى عليهو حكاية الاطرش !!!

      4. ما تسالوهو الاطرش مالو … ما تسالوهو شمباتي ده سفيه بودركم … تبقي عليكم حكاية الولد الكسر القناية بتاعت ابوهو .

  10. عارف يا بروف و الأحباب ؛
    أقدار الله تمضي فينا و مننا الكتيرين الما هيصدقوا ساعتها إنها مضت فيهم هم !!
    من حبنا الدنيا و الصراع عليها بيناتنا بالحق و الباطل ؛
    و سبحان الله بيناتنا نحنا في ناس مننا من لحمنا و دمنا (بس) هم علينا !!
    و من غرابة أن الإنسان مُسيَّر لما خـُلق له و قـُدِّر له و عليه أن نجد منا من يسعون لخراب بيوتهم بأيديهم ؛
    و يسمحون بل يساعُدون من يريدُ و جاهر بعداوته لنا و كرهنا في ظنهم أنهم (أحكم) و (أعدل) من كلمة الحق إن نطق البسطاء منا بها !!
    و لن يُصدقوا إن حل مكر الله بهم و بنا !!!
    فمن انتبه ؟!
    فمازلنا نـُفتن و من حولنا و بيننا فينا ؛
    فمن يُبصرُ؟
    .. اللهم رحمتك
    ربي لا تُحاسبنا بما فعل السُفهاء منا
    و أصرف عنا شر ما قضيت بنا يا رب

  11. قالو: السودان ارض المليون ميل
    قلنا: ال 600 الف ميل و احتمال زي ما قال ضار علي ضار لو فضلت توتي حانحكمة.
    قالو:السودان سلة غذاء العالم
    قلنا:تمر الفكي السيدو شايلو و مشتهي.
    قالو:امريكا دنا عذابها
    قلنا:الحكومة دي مفتكرة الناس الفضلو في ال 600 الف ميل مربع ديل هم الامريكان.
    قالو:لقو معاهو اربعة في عز رمضان
    قلنا:عيب الراجل كان بشرح ليهم غسل الجنابة (عملي).
    قالو:الشفافية
    وهم قالو: ضبابية و لو رجال شفو ساي

  12. انتو الدكاترة مش قاعدين يقولوا ( الجبنة ) ما
    كويسة مع الرجال !؟ كضابين خلاص !!
    الجبنة التسويها هالف ما بخليهاااااا
    عليكم النبي واحد يدلني علي رابط يكون فيهو صورة
    أب اربعة الشرفنا ورفع راسنا ده …

    1. هع هع هع ,, اب اربعة ما عندو التكتحو !
      خليهو فى جينتو دى !
      وى

      1. ووووب علينا – كيفن الكلام دة ؟؟؟ و احنا قايلين القبة تحتا فكى !!!

      2. هييي ما تصدق شمباتي ده وحاتك غيرة سااااكت ..

      3. ههههههههههههههههههههههههههههاااى,,غيرة من شنو كمان !!؟
        من جنس الفضيحة دى !!؟ وى وى وى

    2. سلام ياقبيلة،،،
      جنوبي ياسديقي العزيز مالك ومال تتبع عورات الناس وفضائحهم، فما فعله هذا الرجل من فعل هو في الأصل يحتاج لشهادة شهود مغلظة لعظم هذا الجرم، وأنا أربأ بك أن تخوض مع الخائضين وأنت رجل تبدو عليك سيماء الصلاح والوقار والتقدير، فمالك ومال الفضائح وأخبار الصحائف الصفراء وخبارات الناس وفعائلهم الموحشة..
      لا أدافع عن باطل يا صديقي، ولا أقر أفعال المجون والسقوط الأخلاقي، ولكن ما فينا يكفينا وزيادة ومثل هذه الأخبار تُلهي الناس عن حقيقة وضعهم والناس خلفها ينجرفون بعلم وبغيره!!
      فلننظر يا أصدقاء كيف يمكننا تغيير هذا الوضع الحزين ولننظر لأولئك البسطاء الفقراء والمعدمين والذين ينتظرون منا أشعال جذوة التغيير وحمل مشاعل النور لأنارة الطريق أمامهم وقيادتهم نحو أفق البصيرة والرشاد،،،
      فهل أنتم معي؟؟؟؟
      اللهم أحفظنا وأحفظ أبناءنا وبناتنا من كل سوء، وأستر علينا بسترك الجميل يا كريم..

      1. سلمت وسلمت يداك ياصديقي

      2. صديقي ودالخلا .. طبعا مشتاقين دي مفروغ منها ..
        شكرا لنصحك وتذكيرك لي دوما وإنك والله صديق صدوق تحب
        الخير لغيرك كما تحبه لنفسك ..
        لا اتتبع يا صديقي ولكن الم يخدع هذا الشخص ناخبيه
        ببرنامجه الانتخابي ووعوده بافشاء الامر بالمعروف والنهي
        عن المنكر ؟ الم يكن هذا هو برنامجه وحزبه ؟ اليس هو
        بقيادي في حزبه ؟
        مثل هذه الاخبار تنير المواطنين من الفقراء والمعدمين في
        كيفية اختيار من يمثلهم في المرات القادمة وان لا يسيروا
        مغمدي العينين وراء كل من يروج نفسه باسم الدين .
        الشهادة المُغلظة يطلبها القضاة .. ولكن كيف رمي هذا
        الشخص بنفسه في الشبهات ؟

      3. اصاب ود الخلا جزاهو الله خير وما اخطأ جنوبي … نحنا ما يانا نحنا ينا نحنا …. وود كثير منا ان يكونوا في مكانه بس من غير طاره ورج … ولكن يا ابن الخلا : هل وافق مظهر الرجل مخبره … وهل ايمانه رسخ في القلب وصدقته الجوارح ؟؟؟ ام هي آفتنا الكبري ان اتخذنا الدين مطية لاغراض الدنيا وما ادناها من اغراض .
        ودونكم ذلك النائب المصري وقصته المشهورة … فهل كان ذلك الدوي ليحدث – وفي مصر بكل ما فيها من فتون ومجون _ لو ان الرجل لم يتمطي الدين دابة تعبر به فوق رؤوس الناس ويدخل بها قلوبهم ويضحك على عقولهم باستدرار عاطفتهم الدينية .
        رحمنا الله واياكم وحفظنا وحفظ اعراضنا واعراضكم … اللهم اجعلنا من اللذين يستمعون القول فيتبعون احسنه .

      4. سلام ود الخلا صبرت كثيرا حتى ارد عليك اها حاكموه يا ربي ليه طالع الصحف وانت سيد العارفين

  13. الاخ ودالخلا اوجزت فكفيت ولكن كيف الخلاص من هذه الهوه التي ننحدر فيها كل يوم
    وربك يلطف علينا

  14. إنت يا جنوبي مالك كمان ما بتعرفو ؟؟؟؟ لما سمعت بي إسمو خفت الهوا يقسمو !! إفتكرتو جون ترافولتا السودان ولكن صراحة البنات ديل غبيانات ساكت ولا إمكن نقول كمان كل حاجة قسمة … !!!

    1. وحاتك ما بعرف اسمو يا المندهش ..
      اريتك خليت الهوا وخفت عليهو من ( الهوي )!!

      1. جنوبي ..
        ما تحلف بيّ …..أممم مصدقك !!!!
        خلونا كدي في القهوة … صحي بتسوي …..؟؟؟

      2. ههههه .. مصدق ولا خايف علي الرويحة !!
        تسوي شنو يا مان .. تعرف الزول ده كان حضرو البرعي كان
        خصص ليهو مقطع في مصر المؤمنة …

  15. ياجماعه .
    أنا الليلة مغبون غيبونة شديدة خلااااااس.
    جودة الله عثمان مدير هيئة مياه الخرطوم قال يدخلو رسوم الموية مع عداد الكهرباء والبيت الفيهو عدادين يشيلو منهم رسوم مضاعفة يعنى لى ماسورة واحدة يدفعوا رسوم عدادين لأن الاب أسرة وإبنة أسرة .
    الله لاجعل لهم بركة …

    1. حنين,,, هااااك سوق المواسير دة… فك ليك ماسورة واحدة و عيش انت و باقى الاهل بالماسورة التانية .. اهو كلو مواسير !!!

    2. بالنسبة للمسابقات الفي الجرايد الشيوخ قالوا لو الزول اشتري
      الجريدة وهدفه بس يقطع الكبون ويشارك في المسابقة بكون حرام ..
      طيب انا لو دفعت حق الموية (الهي اصلا ما قاعدة تجيني ) عشان يدوني
      الكهرباء كدا اكون انا الارتكبت الحرام ولأ جودة ؟ولا ما حرام ؟
      من جابو مناقشة الواقي الذكري في التلفزيون انا عرفت انو الحكومة
      دي دايرة ؟ ؟ ؟ ؟ ؟ ؟ بي حاجه تانية , ان شاء الله بس الحكومة دي
      قاعدة تلبس الواقي ما تقوم تجيب لينا إيدز وطني ..
      هي مياه الخرطوم دي ما كانت ماسكة في اسم خالد مالا جودت كده ؟
      هيييي انا ما داير معاكم تاني انتو قعد تمرّضوني ..

      1. ههههههههههههههههههههههههه,,
        خششششششششششششششششششش يا جنوبى يا ما واعى انت…

  16. حنين … سلامات
    جودة الله والأجر على الله
    إنتو يا جماعة الأسماء دي الحكومة بتجيبها من وين ؟؟؟ ولا إمكن بفتشو ليها عدييييل كده عشان الناس ما تنساها ولا إمكن دي أسماء حركية …. الله أعلم

  17. قال لي : لقد تم إرسال الصندوق الأسود لطائرة تلودي إلى الشركة المصنعة في روسيا .
    • قلت له : من الأفضل أن نلزم الشركات المصنعة للطائرات بإنشاء مكاتب لها في الخرطوم مزودة بتقنية قراءة تسجيلات الصندوق الأسود عشان (تقليل تكاليف وكده .. رسلو الصندوق .. جابو الصندوق)
    ( بس أسالكم من يوم طياراتنا بدت تقع لأسباب معلومة وغير معلومة يوم عطل فني ويوم أحوال جوية ويوم … المهم سمعتو بنتائج الصندوق الأسود ) عوووووووووووووك شفافية يالمنجم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: