• قبل خمسين عاماً كان المواطن السوداني يركب الطائرة لسببين .. لقضاء شهر العسل مع عروسته أو للتجارة الآن أصبح يركبها لسبب واحد (الأردن) !
• قبل خمسين عاماً كان الفاشلون يلتحقون بالمارس الخاصة والآن يلتحق بها الناجحون
• قبل خمسين عاماً كان عدد الوزراء لا يتجاوز أصابع اليدين والآن عدد الوزراء يتجاوز شعر الرأس بقليل (غير المستشارين) مع إنو البلد (كشت) !
• قبل خمسين عاماً كانت جرائم المال العام تساوي (صفر) الأن المال العام أصبح (صفر)
• قبل خمسين عاماً لم تكن البلاد تعرف (جريمة الإغتصاب) والآن (أفتح أي جريدة)
• قبل خمسين عاماً إستطاع فريق المريخ أن ينشئ إستاده الحالي والآن (الدولة) لا تستطيع إنشاء مدينة رياضية
• قبل خمسين عاماً كانت هنالك بيوت دعارة علنية ولم تكن الأمراض الجنسية منتشرة والآن لا توجد بيوت دعارة علنية بينما تنتشر الأمراض الجنسية.
• قبل خمسين عاماً كانت هنالك ست (مطربات) والآن القاعدات يمشو (نيجريا) أكتر من ستين
• قبل خمسين عاماً كانت شوارع الخرطوم تغسل يومياً بالصابون والآن الغالبية لا ما لاقنو للإستحمام
• قبل خمسين عاماً بدأ بث التلفزيون القومى ومع ذلك (ما عاوز يتطور) !
• قبل خمسين عاماً كانت الجنسية السودانية تمنح للسودانيين فقط والآن (وارغو) عندو جنسية
• قبل خمسين عاماً كان شرطي المرور ينظم (حركة) المرور والآن شرطي المرور ينظم (كشات) المرور
• قبل خمسين عاماً كانت صيوانات حفلات الزواج أكثر من صيوانات تلقي العزاء والآن (القصة معكوسة) !
• قبل خمسين عاماً كان مرتب الخريج الجامعي يكفيهو ويوفر منو والآن مرتب الخريج الجامعي مواصلات ما يكفيهو (ده كان إشتغل طبعن)
• قبل خمسين عاماً كان لينا خط سكة حديد يربط بين الخرطوم ,وادي حلفا, عطبرة,بورتسوان, كسلا,سنار, كريمة,الأبيض, الرهد,بابنوسىة, نيالا ,واو والآن (البركة فينا) !
• قبل خمسين عاماً كانت المساحة المزروعة بمشروع الجزيرة مليون ونصف فدان والآن تقلصت إلى المساحة إلى نصف ذلك !
• قبل خمسين عاماً كانت خطوطنا الجوية تهبط وتزدهي بها أشهر المطارات الدولية أثينا,روما,فرانكفورت.باريس.هيثرو.بيروت الآن مافيش حد (عارف) بنهبط وين؟
• قبل خمسين عاماً كان يمكن للمواطن أن يقوم بإستخراج أوراقه الثبوتية دون أن تتأثر ميزانيته , الآن (إلا الواحد يدخل ليهو صندوق) !
• قبل خمسين عاماً كان لدينا (6) كباري والدولار (بي 25 قرش) والآن لدينا 25 كبري والدولار والدولار بي (6 ) ألف !
• قبل خمسين عاماً يتم الإستعداد للخريف (بالفعل) والآن يتم الإستعداد للخريف (بالقول) !!
• قبل خمسين عاماً لم تكن علامة صلاة على الجباه متفشية .. الآن (حكاية عجيبة والله) !!
• قبل خمسين عاماً كان هنالك باب بالصحف اليومية إسمه (أين تسهر هذا المساء) .. كولوزيوم .. النيل الأزرق .. الصافية .. الجى أم إتش الأن (السهر مع الباعوض) !!
• قبل خمسين عاماً لم تكن حبوب منع الحمل معروفة ومع ذلك لم تكن ظاهرة الأطفال اللقطاء منتشرة الآن حبوب منع الحمل تباع في الصيدليات ومع ذلك تكتظ دار المايقوما بالأطفال .
• قبل خمسين عاماً كانت الفتاة إذا أرات الخروج من منزلها بعثوا معها حارساً لمرافقتها الآن (الحارس الله)!
• قبل خمسين عاماً كانت المدارس تطلب من التلميذ قص أظافره وحلاقة شعر رأسه والآن تطلب من التلميذ (جنيه) فطور الأساتذه وطباعة الإمتحان .
• قبل خمسين عاماً تم القبض على موظف (عشان سايق ليهو تاكسي) لجمعه بين الوظيفة والعمل الخاص , الآن وزراء (سايقين ليهم) شركات ومشاريع زراعية وبيصرحو بيها في الصحف كمان !
• قبل خمسين عاماً كان (الجزار) يقوم بتغطية اللحم بقطعة قماش بيضاء ومع ذلك يزوره (مفتش الصحة) ، الآن يقوم الذباب بدور (التغطية) ومع ذلك لا يزوره مفتش صحة ولا يحزنون .
• قبل خمسين عاماً كان المواطن يشيل القروش في جيبو ويجيب الخضار في قفه والآن يشيل المواطن القروش في قفه ويجيب الخضار في جيبو .
• قبل خمسين عاماً كان حفلات الزواج تمتد لأكثر من شهر والآن من الساعة تسعة لحداشر !
• قبل خمسين عاماً كان القانون يلزم سائقي المركبات العامة بإرتداء الزي السوداني كاملاً الآن (في سواقين ركشات لابسين برمودا وفانيلة حمالات) !
كسرة :
• قبل خمسين عاماً لم يكن خروف الضحية يشكل هاجساً للمواطن .. الآن أكبر هاجس .. والدليل الجرسة المن هسه دي وكده !
كسرة ثابتة :
أخبار ملف خط هيثرو العند النائب العام شنو(ووو ووو ووو)؟
الفاتح جبرا 
برنجيه
ابو ( هناي ) جينا نبارك ! وحبسني حابس ومكاني حيث حبسني …….
مقبوله بس مع انها فيها شويه ريحه؟
هههههههههههههههههههههههههههههههههه,,,ما يحبسك الا القوى ! كع
حلال على البرنجية؟
شكرا تحلا ليك العافيه.
برنجيييييييية….. ترلم ترلم ترلم
المندهش .. علي الطلاق مبروكة
عليك .. كيتا في ولد الزول الشالا
منك ده !..
لا حوووووول ،،، متين جيتو شكيتكم علي الله !!!!
تعيش وتخمس غيره.بس ما تزيد الاندهاشه اكتر من كده؟؟؟؟
مبروكة البرنجية وإن شاء الله تتهنأ بيها … وفعلاً تستاهلها
يا ابو عمر لكن ما خلعتو خلعه شديدة خلاس … عافي منك يا الضرس .
البروف العزيز
الآن تركب الطيارة لسبب واااااحد … الحصول على الشهادة
قبل خمسين عاماً كان الناس يقيفون صفوفا في بيوت الدعارة ولكن الآن الجماعة بيجيبو البنات ( أربعة أربعة ) و بالصف وهم منتظرين
اخي الفاتح السلام عليكم واجزت كل شئي ولم تترك لنا غير شئي واحد وهو قبل خمسين عام كان السودان 2مليون ميل مربع والان لا نعرف مساحة السودان كم بالتحديد
يا نجم الدين ما عصرت علي الناس ديل شوية … مليون ميل داير تشيلها ليهم في ذمتهم ؟
كسرة :
ذكرتني نكتة العريس القال ليهم : كويس … لكن ما عصرتو علي شوية !!!!
الله غالب يا جبرة
خمسبن سنة الكتيرة دى ؟؟ قبل خمسة سنة بل قبل خمسة شهور بل قبل خمسة اسابيع بل قبل خمسة يوم ، الحال ما كان ياهو الحال بس الحمدلله على كل حال.
🙂 يا بروف لكل زمان رجاله و .. و نساءه و جماله كمان ,
و كل جيل له من زمانه فرحة و حسرة
و حنين دائم لأماكن و أزامن.
.. خمسون سنة هي عمر مضى و عمر حاضر و عمر قادم ؛
و السودان أرض طيبة بأهلها رغم فعال كل الأتظمة و الحركات التي تعاقبت على حكمها و التمرد فيها.
خمسون سنة لو أعطيها من رحلوا عنا لما فرطوا من لحظة فيها منها!
خمسون سنة قد تسوى عند البعض و للبعض هي لا تسوى !!
و الحساب يوم الحساب
عارف يا بروف و الأحباب .. و خارج نص أستاذنا الفاتح 🙂 لكن قريبا من موضوع الزمن
منا من يأتي فيسُبُّ من غيظه و حنقه و قلة حيلته و قهره الزمن ؛ و ينسى أن ما هو (الزمن) و الدهر!!
هنا وقفة و اقتباس من هنا إن أذن البروف بوضع الرابط للفائدة :
http://www.islamweb.net/fatwa/index.php?page=showfatwa&Option=FatwaId&Id=50029
فالبعض منا تأخذه الزفرة من ألم و هم و حزن فيسُبُّ الزمان ـ زماننا ـ و هو في هذا يسُبُّ ربَّ الزمان و ربُّنا
فالله شاء و قدر و على الإنسان السعي آخذا بالأسباب فالتسليم بالقضاء ـ قضاء الله ـ
و ما ضاع حق وراءه مُطالب مُتعلِّق بالله وحده حاميا و وكيلا ناصرا
الأحباب 🙂 .. الأعمار منا ناقصة و نحن نظنها في ازدياد !!
فلا الحزن على ما فات منا يُرضِي لا الهمًّ يُصلِحُ فينا باقي الحياة !
الأخ / محمد حسن …. سلامات
يقول الحق تبارك وتعالى : ( وابتغ فيما آتاك الله الدار الآخرة ولا تنس نصيبك من الدنيا وأحسن كما أحسن الله إليك ولا تبغ الفساد في الأرض إن الله لا يحب المفسدين ) و تفسير هذه الاية :
( وابتغ فيما آتاك الله الدار الآخرة ) أي اطلب فيما أعطاك الله من الأموال والنعمة وهو أن تقوم بشكر الله فيما أنعم عليك وتنفقه في رضا الله تعالى ( ولا تنس نصيبك من الدنيا ) أي لا تترك أن تعمل في الدنيا للآخرة حتى تنجو من العذاب ، لأن حقيقة نصيب الإنسان من الدنيا أن يعمل للآخرة ( وأحسن كما أحسن الله إليك ) أي : أحسن بطاعة الله كما أحسن الله إليك بنعمته . وقيل : أحسن إلى الناس كما أحسن الله إليك ( ولا تبغ الفساد في الأرض ) من عصى الله فقد طلب الفساد في الأرض ( إن الله لا يحب المفسدين ) وما نراه من عدم شكر النعم والإنغماس في الفساد بكافة أشكاله وأنواعه ممن ولاهم الله أمرنا مما لايخطر على قلب بشر …. وفي قوله سبحانه وتعالى : ( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون ) السبب والمتسبب والنتيجة والعلاج
السبب نحنا نرميهو في الحكومة
والحكومة ترمي فوقنا ..
المتسبب هي الحكومة شات هي
بي كلام نفر واااحد ممكن تغير
الحاصل لاكين نحنا الا بي كلام
ملايين مننا .والنتجة لم ينجح احد
والعلاج تعدت مراحله
انا ساويهو رد للمندهش الجابو
هني شنو !؟
انت ياجنوبي ملاحظ معاي انو المدونه دي بقت عندها (حركات )وانا خايفه بعد يومين تشيل السلاح وتطلب التفاوض
ههههههههههههههههه,,تفاوض ولا انفصال عدييييل ؟؟ وى وى وى
يا ريت يا بت وراق لان احسن ناس في البلد اهل المدونة دي لما الواحد يشيل هم بلده مش ناس اب اب اربعة ديل
شيل السلاح هنا صعب شوية لا غابة نندس فيها لا جبال بس ممكن نتفق على مظاهرة سلمية ونستخرج تصريح ليها بس بعد ما عددنا يكمل 113
هييييييييييييييييييييي
انا داير كبير مساعدين
وبالعدم مستشار
والنشوف اخرتا شنو (بعد اذن سلولو)
المدونه بقت مسكوووووووووووووووووووونه
شنو يعنى يابت وراق نمشى نطلع شهادة بحس بغرض التاكد؟
افتينا يابروف
فى شتات حاصل! يكون من شنو؟؟؟؟
مسكونة بي حب الوطن ودا جميل
مسكونة بي حب الوطن
هيييييي !! لم جنس سواتك دى عليك !!
جنوبي يظهر المندهش مؤتمر
مرحب بالأخ المندهش 🙂 .. و صدقت و نعم بالله و الحمد لله
أما عن تعليق أخيك محل تعليقك فمازال ناقص مما أنقص معنى كلامي و أخل بالمقصد. و في انتظار موافقة أستاذنا الفاتح على تعليق سبقت به كلامي عن سب الزمان هنا و منه و معه يفهم المقصد و رابط إستأذنت البروف في نشره
🙂 .. أهلا بأخي المندهش و قد أحسنت فيما كتبت
؛
و كما القول من لا يعرفك يجهلك
يعني الناس تعمل شنو .. بالله خلونا نتذكر الماضي الأحلى من هسع ممكن المغصة الكاتلانا دي تخف شويه
هذا هو تعليق أخيكم قبل التعليق 🙂 و لكن مع حذف الرابط حتى يظهر لكم 🙂
—————————–
تعليقك بأنتظار الموافقة بالنشر.
عارف يا بروف و الأحباب .. و خارج نص أستاذنا الفاتح 🙂 لكن قريبا من موضوع الزمن
منا من يأتي فيسُبُّ من غيظه و حنقه و قلة حيلته و قهره الزمن ؛ و ينسى أن ما هو (الزمن) و الدهر!!
هنا وقفة و اقتباس من هنا إن أذن البروف بوضع الرابط للفائدة :
اخخخخخخخخخخخخخخخخخخخخخخخخخخخخخ من وجعتنا الما بتخلص,,
البلد الوحيد اللى راجع كل يوم لى ورا !!!
دى نسميها ازمة ضمير ولا امة وطن ولا غفلة ؟؟؟ والله الواحد طشه بوصله.
هو موش كويس انو في ورا نرجع ليهو ما كملو لينا ورانا
بت وراق .. بركة الجيتي
ابوعمر…
غفلة من الحكام عن يوم العرض وغفلة من الشعب عن اقتلاع الشر,,,حسبى الله على اللى كان السبب…
بت وراق..
ههههههههههههههههههههههه,,,والله انا خايف يكمل و رب نقع على قفانا ! احححححح
د/ شمباتي …. طبيعي نرجع لي ورا
قبل خمسين عاما كنا نسمع الطير المهاجر والوكر المهجور الآن بنسمع هييييييي مقدرة .. راجل المرا دا حلو حلا … و ورا ورا ورا
هههههههههههههههههههههههههههه,,,,صدقت يا مندهش,,ألتقهقر لم يحصر فى الوضع الاقتصادى وا السياسى,,حتى الجانب الفنى صاحبته الملافظ الغير طيبة , من شاكلة الورا ورا والنبق والما بقدر اجيب اسمو ! اخخخخ يا بلد…
البروف والسمار .
سلام .
قبل خمسين سنة كان فى مثل سودانى بقول (بليله مباشر ولاضبيحة مكاشر ).
الليلة الناس بقت شغالة بالمثل البقول (أطعم الفم تستحى العين )…
قبل خمسين سنة مافى مرا بتمشى السوق تشترى …
الليلة السوق غير الحريم مافيهو راجل ببيع …
ياجماعه انتوا ظالمين خلاص انتو اظلم من ظلم قبل خمسين عام كان دخل الفرد 1800 دولارد يا مفترين
بت وراق .. هيييي يا بت ها ..
قبل خمسين سنة كانو بيقيمو
دخل الفرد بالجنيه السوداني يا
بت امي …هينين ولا لينين كنا !
عاد ماش ناكل زمنا وزمن غيرنا
الدولار لقي هبوبو وضر ..
ويا سعد الولد ضر ضر,,,
او كما قال حميد …
البروف سلام
قبل خمسين سنة السودان بساعد السعودية
وهسي كافي البلا الاقامات بالشي الفلاني
ااااااخ يابلد
والله خمسين دى نحن بره منها لكن ممكن نقول ٨٩ الدولار ب١٢ جنيه البقا دنيار واسى الجنيه بعادل ١٠٠٠ جنيه والدولار ب ٦٠٠٠ ( سته الف جنيه ) وهم بقولو سته جنيه وسمعنا اهلنا بقولو للزول الطزيان انت قايل عندك نص الف اسي الورنيش بجنيه يعنى الف جنيه
اها النائب العام صحى عشان يشوف الملف دااااااااااااك
يا خوي لخبطنا انت والحكومة كدي عيد الحسبة دي تاني
قبل خمسين عام كان … بيقعد فى الكرسي ما بين 4 الى 5 سنوات وهسع أظن الكرسي شايلو وداسيه ما عارفين حا يقعد لمتين
قبل 50 سنة كان اسمنا جمهورية
السودان الديمقراطية هسع اسمنا
جمهورية السودان وبس خلاص .
قبل 50 سنة كنا بنقوم بدري
ونسابق الزمن هسع الزمن بقي
يقوم بدري ويسبقنا ( اجي يا البكور !
شمباتي .. انت اعتراضك علي
راجل المره حلو حلا ؟ ولآ نوعية
الغنا ؟ إممممممممم
شنو ياجنوبى؟ انت راس السوط وصلك؟؟؟
هههههههههههههههههههههههه,,,راجل المرا ما ضقنا !!
لكن الهبوط كان اضطرارى ! وى
ياجبرا ما تقول لينا شي في البتاع الحاصل دا
1/ قبل خمسين سنه كنا بنأخد [ ريال=عشره قوش] لفطور الاسبوع تفطر وتحلي كمان ..المفعوصة دايره ليها 10 ج يومي للجامعه لومشت بكرعيها تصل في 5 دقائق ..وبرضو النقة حاصلة مع وزير الداخلية أمها ..لتحسين الاجور ليها .
2/ قبل خمسين سنة عطبره تنوم من الساعة 9 م ..وتصحى الساعة 3:30ص .خمسة ونص في مكان العمل .هسه عطبره بتنوم 2:00 ص وتصحى الساعة 8:30ص والساعة 9:30-10 يادوب المكاتب بتتملي .(دفتر الحضور طبعاً 100% ) ولا حد جايب خبر.
كفاية الوجع كتير ..محمد حسن ما تنطط وترقص برا الداره ..الله بنعرفوا ..وعارفين قدرتوا ..وعارفين نحمده على نعمته .
والادهى والامر من كل ذلك قالوا لينا كانت مساحة السودان قبل خمسين سنة مليون ميل مربع !!!!
واليوم مساحة السودان كم ؟؟؟
واحد ..واحد ..واحد….
تست ..تست ..تست ..
الو ..الو..
خمسين سنة كشتينة الحكومة لاعبة معانا كنكان وغالبنانا
خمسين ههههه الحكومة لاعبة كونكان وغالبانا
عشرين سنة والحكومة طاشه شبكة
اقصد الحكومة جرت الشعب خمسييييييييييين كنكان يعني
لبنت وراق او ولده من المفترض ناس المدونة لما يحصلوا 113 يعملوا مظاهرة واهو عدد المسلمين في غزوة بدر علشان نوريهم الاسلام الحقيقي او نموت ونخليها ليهم يحكموا كده والبلد والبلد تكن كده زي ما هم عاوزين سمبلة ساكت
الغلبان !!
شنو (113) المسكت فيها دى !!؟
قول يا لطيف….
قبال خمسين سنة كنا لامن نشوف المعلم فى الشارع نجرى ونخلى ليهو الشارع .. الآن بقا المعلم لامن يشوف الطالب يجرى ويخلى ليهو الشارع .. يا ربى دا يكون من شنو ؟
قبل خمسين عام كان الزمن زين والشعر مغطي الاضنين
أبو مازن ..إذنك معاك يا حبيب .. كبير مساعدين ومستشار شنو .. نحنا بنقبل بوظيفة والى أو معتمد ..موسم موسمين وتروح المعاش بكامل مخصصاتك ..عاوز شنو احسن من كدا ..؟
بس باقى ليك كدا أخرتا مش بقت مكشوفة ..ولا لسه فيها حبة امل ..؟