يا القطعة … يا الفلوس !

المكرم الأخ الأستاذ الفاضل / الفاتح جبــــرا سلمه الله
جريدة الرأي العام
الخرطوم
السلام عليكم ورحمة الله وبركاته ،
أخي الكريم بادئ ذي بدء أشكرك شخصيا جزيل الشكر ولجريدتنا الغراء (الرأي العام ) على ما تبذلونه من جهود لخدمة الكادحين من أبناء وطننا سواء المقيمين فيه أو المشتتين عنها لظروف لا تخفي على أحد ولا يعلم إلا الله المعاناة القاسية التي يلاقيها بالذات المغتربون عند قدومهم لأرض الوطن في البحث عن حقوقهم والركض وراءها الا ان تنتهي اجازاتهم ويعودون بخفي حنين كما يقولون !!.. وسعيكم الدؤوب عبر عمود ساخر سبيل لإظهار الحقائق المؤلمة على أنظار المسئولين والذين يدعون بأنهم ليس على علم ودراية بما يدور في مؤسساتهم التي يشرفون عليها وبذلكم المقدر في ايصال صوت هؤلاء المظلومين إلى المسئولين عن طريق عمود ساخر سبيل جريدتنا (الرأي العام ) التي حالت ظروفهم في متابعة شئونهم في ارض الوطن مع الجهات المسئولة .. ومحاولاتكم المستميتة في الدفاع عن الطبقة الكادحة عبر عمودكم الشيق وتطرقكم إلى أنواع الفساد المستشري في كافة قطاعات الدولة .. وقد شاء الله أن وفقني في الاطلاع على عمودكم بعنوان المادة (38) والتي أشرت فيها إلى معاناة أحد المواطنين المغتربين ، وأحببت أن أعرض موضوع مشابه عسى أن يكتب الله به الفرج على ما تخطه يداك الكريمتان .
أخي الكريم .. اعتذر لك وبشدة على اقحامي لك في هذه المشكلة الخاصة التي أعاني منها قرابة (12) عاما ولم أترك بابا إلا وقد طرقتهعلي أجد حل لمشكلتي والمتمثلة في أنني تقدمت بطلب للحصول على قطعة ارض جنوب السوق المحلي في عام 1999م .. عندما قامت الولاية آنذاك بتخصيص بعض قطع الأراضيكمرافق تجارية ومحلات وورش للصناعات الخفيفة .. وتقدمت بطلب للحصول على قطعة ارض ، وقمت بتسديد مبلغ 4 ملايين جنيه آنذاك كجزء من القيمة المحددة لقطعة ارض (100) متر مربع في مربع 35 جنوب السوق المحلي على ان يتم دفع بقية القيمة عن استلامي لشهادة البحث .. وقد قمت بدفع المبلغ المطلوب مني بتاريخ 3/11/1999م حسب صورة الايصال المرفق والذي لم يظهر فيه اي بيانات من كثرة حملي لها للمتابعة مع الجهات المختصة !! ومنذ ذلك التاريخ وحتى كتابة هذه السطور لم أتمكن من تحديد الجهة التي أتمكن من المتابعة معها موضوعي هذا لكثرتها وكلما ذهبت لجهة احالتني لجهة أخرى .. والنتيجة المحيرة أنني عندما راجعت الجهة التي قامت باستلام الرسوم مني واستخرجت لي ايصال استلام وهي شعبة الصناعات الصغيرة بمنطقة الخرطوم الإدارية وجدتها مغلقة، وبلغت بأنه على مراجعة الهيئة العامة للاستثمار وكان ذلك قبل ثلاثة أعوام .. وحتى تاريخه للأسف ومع مراجعاتي الكثيرة كلما سنحت ظروفي بالحضور للسودان لم أوفق في تحديد الجهة التي يجب علي مراجعتي لها ومن هي الجهة التي ستنصفني في استعادة حقوقي سواء قطعة الأرض التي تم تحديدها لي أم الرسوم التي دفعتها مقابل هذه القطعة .. ولك أن تتخيل القيمة المدفوعة (4) ملايين جنيه آنذاك وآملا أن لا أكون احد ضحايا الفساد الذي استشرى وكما أظهرتها وتظهرهاالصحف هذه الأيام في وطننا العزيز .
آرجو التكرم بعرض موضوعي فيعمودكم الغراء اخي الكريم .. عل وعسى أن أجد اجابة شافية وكافية لاستعادة حقوقي .. علما بأنني مقيم خارج السودان منذ عام 1975م ولم أتوان يوما ما في سداد التزاماتي ومساهماتي من الرسوم تجاه الوطن .. ولكن للأسف كل ماقمت به تجاه الوطن تمت مكافأتي بسلب حقوقي نهارا جهارا ، .. والله المستعان .
ولك خالص شكري وعظيم احترامي .،،،

أخوكم
سيف الدين محمد
السعودية – الرياض

كسرة :
المشكلة بقت إنو محل ما تمشي مافيش زول عشان تشتكي ليهو؟ .. نرجو من الإخوة المسئولين في (الهيئة العامة للإستثمار) الرد على هذه المظلمة .. ولو القصة ما تبعهم يوجهونا نمشي وين وكده !!

كسرة ثابتة :
أخبار ملف خط هيثرو العند النائب العام شنو(ووو ووو ووو)؟

Advertisements

38 تعليق

  1. برنجيييييييية !!!

    1. جرنبييييييييييه ؟؟؟؟

    2. يخسى عليكم يا ناس دا ,, الشى شنو, الواحد اصلو ما ممكن يلاقيلو نفس فيها معاكم ,, !!

  2. برنجيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييية
    بالضمة يا اخوانا

    1. هههههههههههههههههههههههههههاي قال بالضمة قال

      1. هههههههههههههههههههههه,,سيبو يا مندهش ,, دا اتدهول على الآخر !
        هههههههههههههههههههههههه

      2. السلام عليكم ، البرف و الاخوان ، مبروك البرنجيه و تانى برنجيه وتالت ورابع وخامس بسسسسس ، بعد التخميسه بتبقى مره ……………… عجبى

      3. الأخ كوكو ….
        البرنجييية يا أخي جُعلت حلاوتها في مضاعفتها اضعاف ما كانت عليه كانت تخميسة فمرها يصبح حلوا كالشهد
        لان كلما طال انتظارها كثرت حلاوتها
        و كلما احترت في موضعها كلما زينت و كست الموضع المختار بالجمال
        إنتظرها ككل مرة .. بلهفة و اشتياق
        وتحياتي ……

      4. وووب على !!
        دا شنو يا مندهش !!؟
        ادهشتنى والله….

  3. برنجييييييييييييييييييييييييييييييييييييييييييييييية
    بالضمة يا ناس

    1. حتى انت !!؟
      قلبى معاكم,,قلبى معاكم

    2. المندهش .. جيت اهنيك واشارك جيت اقول مبروك عليك ..
      كتلوني ولسه … افرد شراعك ضُمني وااااي ..

  4. البروف والسمار …. سلامات
    الأخ سيف الدبن …. ربنا يعوضك …. خليها للآخرة

    1. ههههههههههههههههههههههههههههههههههههههههههههههههههههههه

  5. الاخ سيف
    الله يكون فى عونك ويرد حقوقك — والسؤال عن حقك بقى مصيعة زمن — نقول زى ماقال الشاعر ===
    حقا تحرسو ولابجيك حقك تلاوى وتقلعو ———- ودة الخلا الناس تتمرد وتكاتل الحكومة

  6. البروف جبرا والسمار سلامات .
    الاخ سيف أحد ضحايا سياسات الحكومة الارتجالية والتخبط الادارى فى كل الخطط والمشاريع ومشروع سندس خير شاهد على أكل مال المغتربين بالحنك وإستغلال حبهم لأوطانهم …
    الله فى …

  7. الاخ سيف…
    سلام…
    هو من بقى فيها (وزارة استثمار-الهيئة العليا للاستثمار-مفوضية الاستثمار) انا عرفت انهم مرقوا للبع بى غضهم وغضيضهم !!
    الله لا كسبهم عافية…

  8. لا حول و لا قوة إلا بالله ..
    كان الله في عونكم الأخ سيف الدين و عوضكم الخير من عنده فرج همكم و رفع الظلم عنكم
    و عنا جميعا برحمته رب العالمين
    و للبروف خالص التحية

  9. السلام ، ده مغترب ما عارف حاجه وكل شوية سنين يجى راجع للمتابعه ههه ، نحنو القاعدين هنا غير الملطشه و مرات البرطشه و الجزمشه و هلمجرا ما لاقين شئ ، وهاك واحده ، فى رمضان التلاجه L G و دى معناها الحياه حلوه ولا جميله ، ما علينا اتصلت بى رقم الخدمات ( اذا عايزه ممكن اديك ليه ، لكن ما فيهو فايده ) والتلفون بعد كم رنه هنا ال جى خدمات الصيانه السلام عليكم ، اذا اردت التكلم بالعربيه اضغط الرقم واحد للانجليزيه اضغط الرقم اتنين (verdamt noch mal ) من الذى يتحدث الانجليزيه الايام دى ، وضغطنا الرقم واحد ، اياها الحيله ، الموظفين مشغولين بمحادثات اخرى ، نرجو الانتظار سوف يتم الرد على مكالمتكم تن تن تن تييييين تن تن تن تيييييييييييين تن تن تن تييييييييييييييييين و بعد التكرار الذى يؤدب الح…. تجيك الموظف السلام عليكم هنا الجى لخدمات الصيانه ، مكيفات ولا تلاجات ، عليكم السلام عندى تلاجه يابتى وقفت ودايرليها تصليح ، تلاجه نوعها شنو ؟ ما ال جى الحياه حلوه يعنى لو كانت كولدير ما كنت اتصلت بى كولدير ولو كانت ايديال كنت اتصلت بى مرسى ، طيب ليها كم سنه ؟ لا خلاص دى بره الضمان (التقول التلاجه ذاته ما بتبوظ الا الضمان ينتهى ) طيب اشتريتها مننا ولا مستورده ( يعنى هم بيصنعوا التلاجه من ساسه لى راسه ، ما ياهو كلو مستورد ) لا يا بتى انا مشتريها منكم وكمان من فرع شارع القصر ، طيب ادينى اسمك والتلفون وعنوانك شنو ؟ منزل رقم 35 مربع 2 محلية ……. معتمدية …… حى …… ، لا اقصد جنب شنو ؟ (طيب الفسفسه ليك شنو ؟ عنوانك لزومها شنو ؟ ) تقصدى اوصف ليك البيت بى وين ؟ أأأأ ى ، المكز الصحى فى الحى شارعه واحد شرق غرب تمشى غرب فى شجر غزير وطويل ( مؤتمر و طنى ) بس الشجر ده قدام البيت و التلفون 0912345678 ، خلاص المهندس لما يجيك حيضرب ليك تلفون .
    وحضر المهندس بعد اربعه يوم ، اشتغل كده وقال داير ليهو زيت ، تخيل ، اديناهو زيت صباح وراح مزيت ليك ولا لى المروحه بتاعت الكوندنسر ولكلكه حبه و ربطها و قال عايز 100 جنيه 50 زياره ( فضيل ) و 50 صيانه ، عموما بعد يومين اتنين وقفت ، وطبعا فى البيت مافيش يمه ارحمينى و راحو مشغلين الديب فريزر و راحت شافطه الكهرباء لحد ما فزعنا وجبنا كهرباء نجده .
    المهم تانى جبنا واحد برانى فكه المروحه وقال الجلب بتاعتها بايظه و لازم تشترى مروحه جديده ، رحنا بى رجلنا لى ال جى الحياه حلوه ، يمكن يعوضونا ولا يرخصو لينا سعر المروحه ، و والله و بالله و تالله القروش الدخلت دى تانى اصلو ما بتطلع ( ليه ؟ هم المرور ؟ ) وجه المهندس وانا اعيط وجه مدير الصيانه و انا اعيط وقال بس يا ابنى انت مش اشتريت المروحه ؟ ان حاديك الفنى عشان يركبها ليك ، تانى الفنى ، على الط…. لو جه ساكت قدام بيتنا الا اركبو عكاز ، بالمناسبه المروحه 112 والتركيب 50 ، عليهو العوض ومنو العوض …………….. عجبى

    1. ياااه يا كوكو,, انت ممكون مكنة قوية شديد خلاس,, الله يكون فى عونك و يعوض عليك فى تلاجتكم و مروحتا ,,, وعجبك !!!

    2. والله ي كوكو LGيعني لجنا وشوف غيرا ..وعشان المروحه لازم تتمروح انتا ف الاول

    3. كوكو … سلامات
      الحياة حلوة ….. والجاتك في مالك سامحتك …. وتبات نار تصبح رماد … وكمان تبات ديمقراطية وتصبح إنقاذ

      1. اى لا حوليييييييي , دا شنو يا حبيب ؟؟؟
        انت ذااااتك غلطان ! ما سمعت فايزة عمسيب قالت : ليييبههاااااااااااااااااااااار !
        تقوم تمشى على ال جى , اللواية التلوى بطن (فلانة) وتصبح ميتة !

    4. كوكو .. انت زاتك ال جي دي قعد تخت فوقا شنو مع الحلل
      البقت كلها ( ماجي ) دي ..!

  10. سلام ياقبيلة،،
    صحيح أخي جبرا لا يوجد زول واحد تشتكي ليهو، وما في زول واحد حا يوجهك تمشي وين، لأنهم كووولهم من طينة واحدة وبالطبع لن تجد منهم من يقوم بوضع الحبل علي رقبة أخيه، والتي هي ستكون رقبته التالية لأنهم وببساطة أصبحوا في الهوي سوا!!!
    وأنا بدلك تمشي وين وتشتكي لي منو…
    والشكوي يا صديقي لغير الله مذلة

  11. بحكم شغلنا بنضطر احيانا للسفر كثيرا للعديد من الدول, عربى و افرنجى و نتعامل مع العديد من الدوائر و المؤسسات,, و للامانة لله مافى جهة او بلد مشينا ليهو و الا كان التعامل على احسن ما يكون, و حتى لو كانت اوراقنا و اجراءتنا ناقصة فنجد انهم يحاولون مساعدتنا لانجاز الشغل, الا فقط فى بلدنا الحبيب دة, اول ما تقدم ورقك لأى معاملة تجد ان اول مهمة الموظف المسئول انو يدور على الشئ الناقص فى ورقك عشان يرجعك, و ابدا ما يعرض مساعدته لك الا اذا فى مقابل (فطور او شاى بالياسمين) على قولة عادل امام,, كان الله فى عوننا جميعا,, و يا اخونا سيف الدين بنا يجبر كسرك فى ال 4 مليون و ارضك و يعوضك احسن منها ان شاء الله

    1. السلام عليكم يا معشر الصابرين.
      زكرتنى يافلادمير عندى نسيبى جاى من بره السودان وليه زى عشره سنين كده ما نزل البلد. واول ما تجى فى مطار اى بلد (معروف بتلاقى منو )اخونا جاى مبسوط ومشتاق للناس والبلد الخريف فى الشرق .يمشى يلاقيهو الموظف بصوت فخيم مرعب ومن غير (حمد لله على السلامه (ياخونا انت اسمك ده مطابق تعال لينا بى جاى (طبعا قريبى اعصابو باظط وعرق وقعد فى الواطة .انا الجابنى شنو. ويعنى شنو لو ما جيت كلو كلو الخريف مابجى.
      الموظف بصوت فخيم رفع يدو لى زميلوا تعال شوف لينا ده.
      وبعد شوية ما قصيرة الموظف التانى جاب الجواز.
      الموظف صاحب( السوط) الفخيم :امسك يامعلم الله مرقك وطلعته منها.
      ولكم ان تقدرو . قريبى جوازوا اجنبى . وعندوا سكرى.
      وووووووالله المستعان

  12. والله اخى الكريم ما عاوز احبطك لكن تعوض الله وبعونه تلقاها قدام

  13. يابروف عليك غير لينا شويه من النايب العام للنايم العام هو داب نوم

  14. والله البلد دي بقي حالا حال الفلم بتاع احمد حلمي المواطن مصري جرجره تقيله ..لو قاعد جرجره ولو مسافر جرجره والدليل السفاره الليبيه اليومين ديل ويا سيف الدين يعوضك صاحب العوض

  15. عرض لطيفة، شكرا لك …. ^ _ ^ …

  16. لا القطعة .. لا الفلوس !
    ما داير احبط الزول ده لاكين هو حقك عدييييل مسجل في
    اسمك يجي زول يسرقوا منك سرقة تمشي تشتكيهو الحكومة تقول
    ليك الزول ده سرقك قبل خمسة سنة وما عندك حق عندو !!
    حكومة زي دي بي قانون زي ده ماشة تضمن ليك حق لسع
    ما بقي حقك ؟!!
    هسع زي سيف ده كان اقتنع بي كلامكم ورجي يوم القيامة
    بعدين ياخد حقوا من منو ؟

  17. قطع وزير المالية علي محمود بان ايرادات البترول ستكون بمثابة الحافز الاضافي للموازنة ولن يتم الاعتماد عليها مستقبلا بعد تطوير وتفعيل اليات تحصيل الايرادات بشقيها الجمركي والضريبي (فبعد ان تمت السيطرة علي المظاهرات الرافضة لرفع الدعم عن المحروقات وحققنا الربط الذي نريده , فنحن قادرون علي الجبايات بشقيها وانتزاعها من جيوب المواطنين ولن يقول احد بغم ). انتهي
    جريدة الصحافة العدد 6872 — 17سبتمبر 2012
    تعليق
    في تحدي اكبر كدا — حسبي الله ونعم الوكيل
    اللهم ارنا فيهم عظيم جبروتك وقوتك
    امين

    1. علي مضرّة لقي هبوبو وضرّ
      آآآي ما مصانعنا شغالة تش وعيشنا لبّن نوديهو وين
      البترول انحنا !!!
      كما قال الشاعر : هذا زمانك يا مهازل فإتلا؟؟ي .
      وكما قال عادل امام : هو انا بتاع خيار دنا ما بحبوووش.
      هسع الزول كان مات , يبقي قضاء وقدر ولا علي محمود وكدر ؟
      ولا هو الحاصل شنو ؟ هو قال شنو ؟
      هسع الجبايات والضرائب دي دايره ليها وزير ووزارة ؟ما
      من قمنا لقينا شيخ الحارة راكب حمارو وبيلقط العتب !!

  18. فى رجالة يا اخوانا اكتر من كدة !!؟
    فى كلمة غير (لعنك الله) ارددها ؟؟
    انا خلاااااص صبرى فات اخر مدااااااااااااااااااااااااااااااااااااا

  19. الغلبان يشاطر صاحب الاربعة ملايين العزاء عليها تغربت مثلة والان بصدد الهجرة النهايئة لان البلد عدموها نفاخ النار والحكاوي كثيرة والاربعة راحت يا ود الناس شالوها ناس اب اربعة في اربعة بعدين اربعات دي جننتنا انحنا في بورسودان والا ايه عموما ما خفي اعظم وبلاوي المغتربين كثيرة وسفاراتنا للجبايات وليس للحمايات كدي امش لي اي سفارة واطلب حماية والله ما تلقى ليك وجيع وينظروا ليك من فووووووووووووووووق بس ويا ناسات البرج العالي سلام وحليل حميد

  20. سلامات حبيبنا سيف الدين

    اسال الله العلى القدير وقاهر الجبابرة ان يرد لك مالك المسلوب ولنا ايضا ما سلب من اموالنا بغير وجه حق نهارا جهارا وان يستبدلنا خيرا منه ومنهم

    في الشعر الشايقي الحديث سطروا على لسان حالنا جميعا قصد منه محبوبة من حبيبها – ولكنه يعني محبوبتنا السودان بدايته ( وقت تتقفل الابواب تسوي شنو ؟؟؟
    واحلامك تشوفا سراب تسوي شنو
    والزول التريدو حقيقه يطلع في الختام كضاب
    عاد تعمل عسي الله اطرش ولا تحش قليبك حش
    ولا تقول ده حال الدنيا اصلها دار مقالب وغش
    والله تقول حليلا ايامنا وتتناسي الزمن دولاب
    ولا تبيع مشاعرك سلعه في سوق الظروف البدعه
    وتمرق في الختام يا قلبي لا دار لا اهل لا سمعه
    والحلم القبيل راجيهو قدامك تشوفو رهااابِ
    ارجوك يا قلبي الحاجي لا تعكر علي مزاجي
    يكفيني العذاب الضقتو في الليل الطويل الداجي
    يا اقبل كمان بالقسمه يا اشرب اساك شراب اخير ياتو ؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: