السياسة عندهم وعندنا

هنالك أقوال كثيرة عن السياسة .. تعالوا نقرأ ما قالوه عن السياسة (عندهم) والسياسة (عندنا) :
• السياسي المحافظ هو عبارة عن رجل يجلس ويفكر، وغالباً يجلس فقط. – وودرو ويلسون
• عندنا (ولا يجلس ذاااتو… نايم على طول) !
• السياسي المحافظ هو رجل لديه ساقان جيدتان تماماً لكن لا يتعلم أبداً كيف يسير إلى الأمام. – فرانكلين د. روزفيلت
• عندنا (ولا للخلف .. بس مكانك سر)
• بما أن رجل السياسة لا يصدق أبدا ما يقوله، فإنه يفاجأ إذا ما صدقه أحد. – شارل ديغول
• عندنا (روحو ذاااتا ما بصدقا)
• إذا كانت العربة هي السياسة والحصان هو الاقتصاد، فيجب وضع الحصان أمام العربة. – محمد بن راشد آل مكتوم
• عندنا ( مش لمن يكون عندنا حصان)
• تتطلب الديمقراطية الصحيحة مجتمعاً لائقاً، كما أنها تقتضي منا أن نكون شرفاء وكرماء ومتسامحين ومحترمين. – تشارلز و. بيكيرنغ
• عندنا (تتطلب الديمقراطية حل كل الأحزاب الموجودة)
• السياسي المتحرر هو رجل أو امرأة أو طفل يتطلع قدماً إلى يوم أفضل وليلة هانئة ومستقبل مشرق لا حدود له. – ليونارد بيرنشتاين
• عندنا (يظهر معندناش سياسي متحرر)
• إن السياسي الجيد هو ذاك الذي يمتلك القدرة على التنبؤ، والقدرة ذاتها على تبرير لماذا لم تتحقق نبؤته. – ونستون تشرشل
• عندنا (على السيد وزير التجارة أن يستعد لتبرير نبؤته بأن سعر الخراف سيكون 450 جنيها) ده بإفتراض أنه سياسي جيد (طبعن)
• السياسة هي علم الأحياء التطبيقي. – إرنست هيكِل
• عندنا (هي علم الموت الأكلينيكي)
• سيفعل السياسي أي شيء للحفاظ على وظيفته، حتى لو اضطر لأن يصبح وطنياً. – ويليام رونالدولف
• عندنا (يا جماعة الخواجة ده سوداني؟)
• السياسة هي حرب من أجل مبدأ نبيل يشرف الأمة. – ألبرت بايك
• عندنا (يقرف الأمة)
• السياسة الداخلية قد تخذلنا ليس إلا، أما السياسة الخارجية فبإمكانها قتلنا. – جون كنيدي
• عندنا (بتكتلنا الداخلية) !
• رجل السياسة الحق هو ذلك الذي على استعداد للمخاطرة. – شارل ديغول
• عندنا (الإستعداد للمفاصلة)
• فن السياسة يتضمن أن تعرف بدقة متى يكون ضروريا أن تضرب خصما تحت الحزام بقليل. – كونراد أديناور
• عندنا (فوق الحزام بكثير) !
• السياسة فن منع الناس من التدخل فيما يخصهم. – بول فاليري
• عندنا (ده الحاصل الخواجة ده كان معانا وللا شنو؟)

كسرة :
عندهم السياسة العمل بها ليس مهنة وخمسة .. عندنا مهنة ونص وخمسة .. شفتوا ليكم رئيس حزب عندنا (شغال)؟ ما كووولهم قاعدين ساااااكت !!

كسرة ثابتة :
أخبار ملف خط هيثرو العند النائب العام شنو(ووو وووو ووو)؟

Advertisements

24 تعليق

    1. ولا سمحة !

      1. عشان اوريك ! خخخخخخخخخخخخخ

    2. البرنجيه عندهم للكيف
      والبرنجيه عندنا بالطينجه

    3. ياخي انت طبنجة والا توما هوك يا خي حيرتنا انت منتظر البرنجية قبل الطبع والا ايه

  1. السياسة
    ساس يسوس والناس سواسية كأسنان المشط بس السياسة عندنا تسوسي بينا جب تقع بينا رب
    يا جماعة انا عرست لي اربعة شهور ولي هسه ديون العرس ما اتحليت منها .!
    والظروف صعبة للغاية .
    هل ممكن اضحي بالدين برضو ولا ( أسايس الموضوع واعمل رايح )

  2. طبنجة ما كهرتناااااااا

    1. وبرضو كرهتناااا

  3. عزيزي البروف صباحاتكم نديّه
    سياسة أيه اللي إنت جااااي تقول عليه
    ده ترف نحنا ماقدرو ورقيص ماعندنا ليهو شعر
    نحنا بنفتش ل ( اللقيمه والجغيمة ) موية الله دي مافي
    أعطني خبزاً اعطيك شعبا آمناً ومثقفاً
    وليس بالخبز وحده يحيا الإنسان ولكن بدون الخبز والماء يموت و قرّط على كده
    أخخخخخخخخخخخخ

  4. إذا كان وجهك قبيحا فليس هذا عيب المرآة ( مكسيم غوركي ) عندنا لا هذا عيب المرآة رضت ولا أبت

  5. عزيزي البروف
    يبدو أنك جاهدت لكي تحافظ على مشاعر القراء وتعمدت
    تجاهل المقولة الخالدة “السياسة لعبة قذرة”
    لأنو عندنا السياسة ……. أستغفر الله العظيم

  6. الثياثه ثقافه ث(ص)ينيه الثنع ثوداء الملامح والجوامح — ثياثي بيتكلم بالثا وبريل في الشعب الثوداني..
    استغفر الله واتوب اليه…

  7. البلد سمبلة والحكم حكم اب تكو

  8. و الله ما عارف اقول شنو ولا اكتب شنو,,, غايتو الله يكون فى عوننا جميعا اخوانى و اخواتى ببركة هذه الايام المباركة ,,, كل عام و الجميع بخير

    1. وببركة هذه الايام والايام الجاية (عيد باي حال عدت يا عيد بما مضى ام لامر فيك تجديد) يكون فيه تجديد ويكون القلع للدقون وحتى لا نظلم احد الدقون الحمست

  9. والله وما طابني حليفه حقو النائب النام ده دحين تفك شوطو تب الزول ده مكبر دماغه ونائم من اصلو وحات الله انا لو كنت في بكانو كان خلاليت خلو يبقني وزاير العدل عديل كده شان انفك من (شنو و و و و) كرهتونا لعب البلي زاطو

    1. تقدص النائم العام بتاع خط هيثرو والا النوام الفي البرطمان

  10. • السياسة الداخلية قد تخذلنا ليس إلا، أما السياسة الخارجية فبإمكانها قتلنا. – جون كنيدي
    • عندنا (بتكتلنا الداخلية) !

    وكندي دا زاتو غير الداخليه الكتلو شنو ؟؟؟

  11. هههههههههههههههههههههههه,,,,حااامضة منك يا ود الفريق !!
    حامضة حامضة

  12. السياسة عندنا تاخدطلقة في ج………….. الشمال تبقى والي
    ترفع اصبعط و تهلل و تكبر و انت صلاتك في تلتلة تبقى مسئول سياسي
    اهم صفة انك تكون جاهل بابسط ابجديات العمل علشان تسير زي ما عايزنك و كمان نهم لي جمع المال باي طريقة
    السياسة عندنا مؤتمرات و مهرجانات و اجتماعات و فساد و تبديد مال عام و بعد دة ولا 1% انجاز
    اقول ليكم حاجة (………………)الساسة و (………………………)السياسة
    ما مشكلة الشعب السوداني كولو بفهم سياسة
    و هو مافاهم التكتح

    1. كنت عاوز املاء الفراغات بس قدر ما حاولت املاؤها وجدت نفسي بذي قلت في نفسي المسلم ليس بلعان وهي لله هي لله هع

  13. غايتو الغلبان بيشوف السياسة من منظور غلبان يعني لو بس صلحوا اللقمة شوية (اللقمة يا ناس ) اما مسألة لماذا لم تسوي لها الطريق يا عمر مش عاوزنها ان شاء الله نعتر ذاتو والله ها دا كان للبغلة يا ريتنا بي بغال امير المؤمنين هع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: