أقول ليهو شنو؟

لنفترض أن أحد (الأجانب) وهو يزور بلادنا سألنى واحد من الأسئلة التالية .. أقول ليهو شنو؟

• لماذا يشتغل المسؤولون بالأعمال الخاصة بينما الإسلام والدستور (ذاااتو) يمنع إشتغال المسئولين بالأعمال الخاصة .. أقول ليهو شنو؟
• لديكم الماء والأرض الخصبة الشاسعة ولكنكم تستوردون الغذاء من الخارج .. أقول ليهو شنو؟
• أولاد زعماء المعارضة لديكم مستشارين في الحكومة … ممكن تفهمني الحكاية دي كيف؟ .. أقول ليهو شنو؟
• لماذا لا يبت في قضايا النهب المصلح لديكم بينما يبت سريعاً في قضايا السرقات المنزلية وأنتم دولة إسلامية .. أقول ليهو شنو؟
• كل الدول في العالم نجد أن الدولة توفر المواصلات الدخلية للمواطنين .. بصات .. ترام .. مترو .. لماذا لا تقوم حكومتكم بتوفير المواصلات للمواطنين .. أقول ليهو شنو؟
• لماذا تقتصرون الحدود في جلد السكاري ولا تقتصون من سارقي قوت الشعب .. أقول ليهو شنو؟
• لماذا تقومون بتشييد مسجد داخل مستشفي بألاف ملايين الجنيهات والمرضي بالمستشفي (ذاااتو) يموتون لأنهم لا يجدون ثمن الدواء … أقول ليهو شنو؟
• في كل دول العالم يمكنك أن تحتفل بزواجك حتي صباح اليوم التالي .. لماذا تنتهي حفلات زواجكم عند الحادية عشرة مساء؟ أقول ليهو شنو؟
• بلدكم دي ليها ربع قرن والمسئولين فيها ياهم نفس المسئولين .. إنتو السودان بتاعكم ده ما فيهو غير الناس ديل؟ ؟ … أقول ليهو شنو؟
• وكت أصلو عندكم الوزارات والمؤسسات ممكن تجنب ليها قروش لا تتراجع ولا يتعرف التصرف فيها كيف .. طيب أورنيك 15 بتاعكم ده فايدتو شنو؟ .. أقول ليهو شنو؟
• وكت أصلو (القصة ما دينية) والجنوب وافقتوا على فصلو طيب ليه إنتو قعدتوا تحاربو السنين دي كووولها وصرفتو دم قلبكم على الحرب وألاف من شبابكم مات فيها ؟ .. أقول ليهو شنو؟
• ليه تستغرق صيانة كبري لديكم سنيتن ونص ؟ الكبري ذااات نفسو بيتعمل في مده أقل من كده .. أقول ليهو شنو؟
• المسئول عندكم بيستقيل لمن يجلط ليهو كم جلطة؟ … أقول ليهو شنو؟
• أي فريق كورة عندكم يتغلب يرميها طوااالي في حكم المباراة .. هو أصلو عندكم مافي فريق بيتغلب عدييييل كده؟ … أقول ليهو شنو؟
• في حالات جرئم الإغتصاب المثبته على الأطفال عندكم لاحظت إنو الأحكام متفاوتة مع إنو الجريمة (متماثلة تماماً) … تلاقي قاضي يحكم بالجلد وواحد تاني بالسجن وواحد تالت بالإعدام .. هو شنو كل قاضي عندكم عندو قانون براهو ؟ أقول ليهو شنو؟
• مع إنو قاعدين تسمو شارع (الخرطوم- مدني) شارع الموت وهو شارع غير مطابق لأبسط مواصفات السلامة وقاعد يكتل فيكم بالعشرات ليه الحكومة ما عاوزة تلصلحو ؟
• مع إنو عندكم حرس حدود وجمارك ومكافحة تهريب وهيئة مواصفات ومقاييس لكن كل البضاعة الفي أسواقكم مضروبة وتقليد ! أقول ليهو شنو؟
• الزول العمل ليكم ثورة التعليم العالي وفتح ليهو تلتمية جامعة ده ما كان عارف إنو لازم يوفر فرص عمل للخريجين وللا كان عارف .. أقول ليهو شنو؟
• هل الشريعة مطبقة في بلدكم دى وللا ما مطبقة … ممكن توريني ؟ … أقول ليهو شنو؟

كسرة :
خليكم من الفوق ده كووووولو هسع لو سألني عن الكسرة التحت دي … أقول ليهو شنو؟
كسرة ثابتة :
أخبار ملف خط هيثرو العند النائب العام شنو(ووو وووو ووو)؟

Advertisements

32 تعليق

    1. قول ليهو احنا كدة,, انتوا عندكم شنوووووو؟؟؟؟؟؟؟

      1. احسن يقول ليهو نحنا بتوع النظر مش جدتنا زرقاء اليمامة هع

    2. ههههههههههههههههههههه ,,, خير بالخاء يا علاء ؟؟

  1. انت عارف يا بروف الواوات بتاعت الكسرة بتاعتك دي لمن توصل ١١ واو نعملها فريق عسي ولعل نجيب بيها كأس الامم ولا أي كأس ولو ده حصل حكومة الجن حتتسلبط فيها برضو وتقول كانت قاصداها
    عيد سعيد وفطور العيد سخينة

    1. على الطلاق ما ناكل سخينه ،،،،،، لكن نخليها تبرد ونقول اكلنا برييييييييييييييده ومن زمان …………..عجبى

      1. افو اااا كوكو,, برييييييييدة و اخوك فيلاديمير موجود,, حرررم كان تفطر معاى كسرة بموية,, و تتمها موية,, و جيراننا عندهم شربوت كااااارب بيهضم لينا كويس !!!

      2. يا ناس برييييييدها الهالكنى ريدها ست البناااااااااااااااااااات…

  2. طيب لوفي زول سال عن الطايرات البتضرب وتمشي دي نقول شنو

    1. نقول ليهو بتوع النظر كانو في اجتماع هع بس سهلة

  3. قول ليه يا الخواجة دي اسمها بلد المشروع الحضاري

  4. قول ليهو أنحن كدا والماعاجبو يشوف ليهو أقرب بحر ويشرب منو!!!!!!

      1. يلحس كوع تاجر البندقية (ما عطيل ) مش هو برضو يهودي انتو اليهود ديل انهزموا في اليرموك من المسلمين والله ها ديل الروم (الروم نصارى مو كده ) يا بروف الحقنا بالفهامة الحجم العائلي

  5. قول ليهو دا حكم القوي على الضعيف !

  6. طيب ولو سالك انتو بلدكم فيه رادارات و كل شهر و التناني طيارات و صواريخ تجي تضرب فيكم وريني دي كيف و وزير الدفاع و لا حتى يقدم اعت>ار خلي استقالة تقول ليهو شنو؟

    1. ههههه قبال كلامك يبرد جات في اليرموك اسف اقصد (جنوب الشجرة وغرب يثرب وشمال العزوزاب) لان اليرموك دي بعيدة من المشروع الحضاري الكله اسماء دا (شارع خالد بن الوليد مدرسة نسيبة كلية الرباط والما عارف ايه ) شعارااااااااااااااات ساكت

  7. واحد من البلد دييييييك | رد

    قول ليهوووو….. من القال ليك دى بلدنا !!!!

  8. حكم اب تكوووووووووووووووووو ساكت يا بروف

  9. تقول بالفم الملان تب اسالم انت انا مالى !!!!!!!!!

  10. قول ليهو: دة السودان يااااهو دة السودان ,, اخو الاخوان و و و و و (الى اخر الدعاية و الاعلان),, و عجبى !!

    1. وهي لله هي لله تكبييييييييييييييييييييييييير عجبي حسبنا الله ونعم الوكيل

  11. طيب كلما تحصل ضربة او غارة جوية تقولوا دى اسرائيل لييييه !!؟ اقول ليهو شنو !؟
    وما قعد ترد عليها مالكم او تحركوا اجراء قانونى !!؟ اقول ليهو شنو واودى وشى وين !!؟

    1. اخوي شمباتي قبال ما مدادك يجف طبقوها لينا ثاااااااااااااااااااني

  12. اسقالت الحكومة السودانية عن بكرة أبيها وأمها وحردانين العيد ذاتو وما دايرينو مع أي زول سوداني وللا ما سوداني .. استقالت الحكومة من الخجل بس

  13. اقول ليو : من يهن يسهل الهوان عليه،، و ما لجرح بميت إيلام،،

  14. قوليهو انت الجابك هنا شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: