كلمات متقاطعة

أفقى:
1- إسم مستوصف يخرج منه المريض سليماً (ما تتعب روحك) – من وسائل الدفاع الجوي (غير الدفاع بالنظر) – تجدها في (سواطير)
2- يأخذها شرطي المرور (قيمة المخالفة يا وحشين) – يمكن شراؤة بالأقساط (غير الخروف) – إقتربت ذكراها السنوية .
3- تستغرق صيانته سنتان ونصف – – قضية ناااامت (غير الأقطان) – لم يسافر رحلة نيلية منذ شرائه –
4- تدفع للمستوصف قبل معالجة المريض – عملة لم توجد ضمن العملات التى سرقت من منزل المسئول – (نغششك ليها .. الشيكل .. الشيكل) !
5- ريئس حزب تجاوز الثمانين (وعايز يحكم تاااني) – من مؤهلات مذيعاتنا (غير الحناء المنقوشة) – إسم لدواء غير مغشوش
6- مسئول تصريحاتو لا تفقع المرارة (صعبة لكن حاول) – مسئول متزوج من زوجة واحدة (دي إلا تخليها فاضية) – يفصلون الفتوى تفصيلا
7- تمتلئ بالحفر والمطبات– يأتي كل عام فجأة – تقوم بالإغارة وهي طافية نور
8- لا يسمح بالتصديق بها مهما تكون سلمية – إرتفعت نسبة متعاطيها من الشباب – تتناقص قيمته كل يوم (غير المرتب)
9- إختفي من صينية الطعام – وصل سعر الكيلو منه 60 ألفاً – لا توجد إحصائيات بأعدادهم
10- إسم يطلق على شارع (الخرطوم – مدني) – معدن نصدر منه 100 طن سنوياً لكنه لا يدخل الميزانية – كلف علاجها 33 ألف دولار من مال الشعب
11- ليس لها لون ولا طعم ولا رائحة (طبعن ما ممكن تكون الموية العندنا) – يعلمها المال السايب – شعيرة أفتوا بجواز الإستدانة للقيام بها
12- عاصمة عربية لا توجد بها مواصلات عامة – صفة لمن يخرج من حزبه لينضم للحزب الحاكم – يرمونهم في (الكوشة) لتنهشهم الكلاب الضالة
13- خدمة لا تدفع عليها رسوم (فتش إحتمال تلاقي) – إسم جامعة تمنح الدكتوراة لمن يدفع – إنتشرت لحومها في الايام الأخيرة
14- يحتفظ في ادراجه بملفات كتيرة (وبس) – يطالبون بزيادة مخصصاتهم بين الحين والآخر – النوم العميق
15- مشروع زراعي أسس قبل أكثر من عشرين سنة ولم ينتج (بصلة) حتى الآن – بلد يطبق الشريعة ويسعى لسن دستور إسلامي (أيه الحلاوة دي؟)

رأسى :

1- بلد أوروبي يذهب إليه المسئولون من أجل الإستشفاء – سبب هروب المستثمرين) – مساحة المدينة الرياضية (بعد الشرتمة)
2- حكم الزنا في نهار رمضان – يدفعها المواطن صاغراً – صاحب تصريح (أرجعوا أكلوا كسرة)
3- برنامج تلفزيوني يشدك لحضوره (دي دقني لو لقيت) – مرض يصيب الجيوب – يقضي الموظف في تناوله ساعتين (غير الفطور)
4- رسوم تجديدها 150 ألف جنيه (بخلاف رخصة القبادة) – تجدها في (ماكينة لحام) – تستنشقه في السوق المركزي (خلاف غاز النشادر)
5- عكس (البكور) – هيئة يوجد بها فساد (غير الحج والعمرة) – بمعنى (عارف)
6- إستراحة محارب (مبعثرة) – عملية يقصد بها وضع المال العام (على جنبه) – البلدوزر (مبعثرة)
7- أكثر فعل يقوم به النائم البرلماني – حق الرد (مبعثرة شديد) – ماكينات (معطلة) لصرف النقود –
8- من أدوات النصب (غير الزبيبة) – وجه الشبه بين الدلالية والبنك – السنة التي تم فيها تصنيع طائرة الانتينوف
9- يقضي فيه الخريج جل وقته (خلاف الضل) – الإسم الأول للنائب المثير للجدل – الإسم الأجنبي للواقي الذكري
10- جريمة عقوبتها غير رادعة (غير الإغتصاب) – لم نر لها أي اثر في المجتمع مع أنها تأخذ من الغني لتعطى للفقير – وزير يعمل بالبيزنيس (ما مهم أي واحد وخلاس)
11- نهضة لا ترى بالعين المجردة (غير النهضة الزراعية) – يتم عقد قرانهم في مسجد الشهيد و سيدة سنهوري – ما ينقص كرة القدم السودانية (غير اللاعب والجمهور والمدرب والملاعب والإدارة)
12- وباء قامت مؤخراًوزارة الصحة بالتحذير بالتحدث عنه – من اهم وظائف شرطة المرور (غير الكشات) – بمعنى (هرمنا)
13- الما بتشوفو في بيت أبوك – إسم هيئة لا يوجد مثيل لها إلا فى السودان (خلاف الذكر والذاكرين) – يتعاطاه المواطن يومياً (غير الصبر)
14- المنتج السوداني الأول (غير الكلام) – خبراتنا (مبعثرة) – أولوياتنا (معكوسة)
15- إسم الشهرة للمثل المصري (أحمد سعد) – طويل التيلة (الله يرحمو) – إسم من أسماء يوم القيامة (لو متذكرنو) – لحس الكوع (مبعثرة)

كسرة :
أرسل الحل لتفوز بجائزة قيمة عبارة فهامة (صينية) … تصريح واحد و(تبوظ) !!

كسرة ثابتة :
أخبار ملف خط هيثرو العند النائب العام شنو(ووو ووووو ووو)؟ – قريباً الإحتفال بالذكرى السنوية –

Advertisements

53 تعليق

  1. صباحك ورد يابروف
    ياخى دى اسهل كلمات متقاطعة على وجه الارض
    ماعندك سلم وثعبان؟ 🙂

    لورد نعناع 🙂

    1. هههههههههههههههههههههههههههههه ,,,
      برنجيتك تلخم لكن…

      1. انا الليلة صايم !
        ههههههههههههههههههههههههه

      2. ب ر ن ج ي ه يا طبنجة دي كانت مبعثرة عشان كدة ما شفتوها يا خلاني
        دي بالخاينة خبثة يا فردة
        الظاهر عليك بتشوف بالعين المجردة بس

    2. اول مرة تنشينك يجلي يا طبنجة برنجيييييييييييييية باردة تفوتها زي ناس الهلال والمريخ واه يا بلد يا ويلي نسيت الفريق القومي وعمايل الحبشه ناس الهلال قالوا خايفين ثورة النخاس تنسب الكاس لانجازاتها وي رايك شنو يا شمباتي

      1. ههههههههههههههههههه,,,ما بعيدة عليهم المجارمة ديل يا غلبان ياخوى ,,
        الله لا كسبهم عافية …

    3. مبرووكه ليك ياطبنجه
      لكن انا خايف بعد يومين يدفعوك ضريبة البرنجيه او رسوم عتب او
      يقطعوك ايصال مامفهوم المكتوب جواهو شنو غير المبلغ …..وي عجبني ليك

    4. دي اصعب منها الرمة وحراسه (بعيدة والا تفكر فيها) في الوضع الراهن

  2. برنجية!!!!!!!

    1. ههههه
      هارد لك… سورى اى دونت هاف ارابيك كيبورد

      1. معليش …فرقت كم ثانية كده وجابت لود نعناع!!!

    2. كفو عليك و الله يا ام ايمان – فرحتا ليك من جوة قلبى و الله ,, مع انى قاعد حارسا من الصباح بس انشغلت لى فى موقع تانى جيت لقيتا اتجازفت !!!

      1. اجى ياااااا الكدة !!؟
        بتبارك على شنو ؟
        البرنجية اخدها طبنجة بى قوة السلاح !
        تاح تاح ترااااح

      2. فلاديمير زكرتني نكتة التمرجي الضرب الحقنه للولد في يدو ومسح ليهو القطنه في في في رقبتو

      3. من قلبك يا فلادي تلقاك حارقاك والله يا جماعة انا حارقاني شديد قدر ما اتربصت ما حصلتها يمكن يكون دي العين المجردة هههههه سنة يا الزرقاء ههههه عاش اللمبي هع

  3. بس خلاس

  4. السلام عليكم ، البرف و الاخوان ، يا برف مالك علينا مقلب المواجع ، العجب الماعام فى البحر اصلو ، تيس ستى نفيسه ، و تمشى جامع سيده سنهورى الا عريان و برضو حينشلوك ………….. عجبى

    1. جيدا جيت حبيبو….

    2. وعليكم السلام كوكو ليك وحشة
      أووووعك تمشي هناك

    3. اشوفك جيت داخل مع المتقاطعة ,, حبابك الف فى دارك ,, بس بهناك فى شنوووووو ؟؟

      1. احم احم

      2. خلاس عرفتا فى شنو,, شكرن جزيلن !!

      3. ههههههههههههههههههههههههههههه,,,,
        ابرا منكم ومن بهناكم دا !!

  5. رأسى: موجود عند النايم العام من حوالى 11 شهر, سنويتو قربت !!!

    1. بس يا فلادمير ما تخت راسك براسو هههههه تبقى مصيبة وجاتنا في قمردينتنا

  6. والله دا أبو المقالات – طبعا دا ود عم (أم المعارك)

  7. هههههههههههههههههه,,اكتر ما وترنى ((ما مهم أي واحد وخلاس)) ,, لانو ذكرتنى نكتة عجيبة كدة !!

  8. ا ل س و د ا ن

    1. اللي صار جمهورية الخرتيت بحق وحقيقة

  9. نكتة العجلاتي يا شمباتي انت الظاهر عليك ربيت في ودنوباوي فا في شمبات

    1. فى السجانة شارع الغالى !!!

      1. بركية..
        هههههههههههههههههههههههههههههههههههههههههههاااى,,صعب صعب يا على , لقيتك بمبى يا حبيب .. بعدين انا ما من شمبات , دا جدى الله يسامحو اسمو (شمباتى) !!

        فلاديمير..
        اممممممممممممممممممممممممم ,, قريييب منها ,, اشلاق القسم الجنوبى يا حبيب ,, انت كنت معانا ولا شنو !؟

  10. يا استاذ انت غيرت من البينسون (للافضل) والا شنو؟؟؟؟؟؟جهجهتنا معاك ..ههههههههههههه

  11. الاخ / الفاتح
    الســـــــــــــــــــــلام عليكم ورحمة الله
    واحد جنوبي عريان ملط راح لمطعم واكل وشبع وقام خارج من المطعم صاحب المطعم قال ليه هات الفلوس قال مندكورو مجنون وين انا اشيل الفلوس
    دا الحاصل بين الحكومة والشعب السوداني عندك ماعندك تدفع الاتاوة اللي عليك سيك سيك معلق فيك
    لك ودي

  12. كل سنه وانتو سالمين ومغتربين
    ليا شهرين في السودان والمعيشه كلمات متقاطعه تجيب الافقي الرأسي ما يظبط تجيب الرأسي الافقي يبقي غلط .
    (اذا بلغت الحلقوم ) اتخيلو زول يبدو ليهو من اذا بلغت !

    1. اذا بلغت الحلقوم يتعالج في الرياض هع

      1. ههههههههههههههههههههه,,,,واذا ما بلغت يعملوا ليها شنو !؟
        وى وى وى ..
        ليك وحشة والله يا جنوبى ,, ياخ عايزين نتواصل معاك كفاحا ,, كيف الدبارة ؟؟

    2. جنوبي
      ما كان العشم !!! وبركة الجيت وبركة الحرده فكت
      تاني ما تسوي كده عشان خلاص بعد بلغت الحلقوم و بدينا نعمل للحلقوم في العمليات أكيد في نهاية

      1. حبيبنا المندهش انا ماكنت قايل نفسي قليل ادب لاكين جيت السودان لقيتني فوقي الرايات جمب قلة ادب الحكومه وشكلي لمن ارجع حكون اكتر زول مطيع للكفيل انت النسعلك الطيارات الضربت اليرموك دي جات من وين ?

      2. تسعلني انا من الطيارات ياجنوبي ؟
        ولكن حسب البيان الرسمي
        عمك هبنقة قال الطيارات انوارها مطفيات وهو ما لابس النظارات

    3. الغلبان سمعتو لمن قال هناي من سمع قال لي لازم تجي تعمل فحوصات عشان نطمن عليك ?
      حبيبنا شمباتي لا السودان سودان ولا الخرطوم ياها خرطومنا زمان ناس الاقاليم بيجو فرادا ويطبعو بطباع العاصمه هسع جوا جماعات تلو جماعه وطبعوا العاصمه بطباع القريه ناس مشيها في الواطه غلط !
      اوعدك في الرجعه اغشاك بس قبل ما اعمل العمره عشان ما بقدر علي عمرتين

      1. هههههههههههههههههههههههههههههههههاااى,,حتى انت يا جنوبى ! اهئ اهئ اهئ..
        مرحبتين حبابك وحباب عقابك ,,,
        وعن الطيارات فقالوا جات من كدة (واشار بيده الى الفرااااغ)…

    4. سلامات الاخوه السماره قمر القمردينه
      اسع انا قاعد ف البيت سمعت غنيه من فنانه اسم الغنيه اليرموك
      انتو بشه خبرو شنو ؟شايفو هو زاتو ناس المؤتمر خلو يغترب ف السعوديه ولا كيف؟

      1. اليرموك من فوق والا شنو هههههه

  13. هههههههههه البيجاوب على ديل منو ___ عنترة بس ________

    1. mohammedhamza عنترة جاء عند البروف يشرب الليمون اخذ ديله وقال يا فكيك تحياتي

  14. منو الراجى فيكم الساهلة … هو دة كلة من شوية,,,

  15. اذا ما بلغت الحلقوم يعملوا ليها وصلة صيني ههههه بس ما تكون زي فهامات البروف وتاني بجوعر ما سمعت التور اب جاعورة والا شنو

  16. اهم شي تاكل فى خاطرك بس

  17. والله فعلا الحياه ف البلد دي كلها بقت كلمات متقاطعه ….ومش كده وبس بعد مده قصيره حتبقي قاطعه

  18. جبرة ختير و بس

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: