خبر وتعليق

(الصحف الصادرة اليوم الأربعاء الموافق 21 نوفمبر 2012م)

قالت مصادر موثوقة إن سعر جوال السكر الجديد من مؤسسة السكر السودانية سيبلغ 269 جنيهاً للتاجر في اعقاب فرض وزارة المالية لرسوم جديدة على السلعة وصلت 44 جنيهاً فيما حددت شركة كنانة سعر الجوال زنة 50 كيلو بـ 271.4 جنيهاً تسليم التاجر .

تعليق :

طلعنا البترول زادت اسعار المحروقات .. زدنا مصانع السكر قام سعر السكر زاد .. باقي ليكم الفهامات ذااااتا بتقدر تفهم الكلام ده ؟؟

كسرة ثابتة :
أخبار ملف خط هيثرو العند النائب العام شنو(ووو ووووو ووو)؟ – قريباً الإحتفال الذكر

60 تعليق

    1. مبرووووك البرنجية 1

    2. شدو & عبيد الليله برنجيتكم زي حدود ستة وخمسين الليله غايتو الا نعمل ليها تحليل اثبات النسب 😀

      1. ههههههههههههههههههههههههههههههههه,,,صباحك خير يا الماك واعى !

    1. مبرووك البرنجية 2

    2. ههههههههههههههه,,مبروكة عليكم الاتنين ,,

      1. لا والله يا شمباتي التلاته يستاهلون لأن التلاته ساهرون ويحتسبون .. والفرق كلو ثواني مش تمانية دقايق ههههه

      2. ههههههههههههههههههههههههههههه,,حامضة منك يا حقود انت !
        وى وى وى

      3. ما تخليك كدة يا المندهش ,, انتا لسة ماسكة ليو؟؟؟

    1. مبروك البرنجية 3

  1. هههههههههه لا متاخره يا يوسف

    1. كنت عايز اول مشاركه معاكم اسرق البرنجيه

      1. يوسف أصالة عن البروف ونيابة عن السمار مرحباً بك بيننا

      2. و لايهمك يا ابويعقوب,, واظب عليها,, و مصيرك تصل لنفس منها ,, و انا لو حكم كنتا حسبتها ليك قون ,, و مرحب بيك فى مركبنا العامر !!!

  2. تعرف مره قلنا لمدير الجامعه ذيد لينا المرتبات ياخ؟؟ قال لينا الناقص ليكم من احتياجتكم عوضو معاينه في بنات جامعتي الحلوات ديل!!!!!!!!!!!!!!!!!!!!!!!!
    هسه الناس تاني تحاول تطعم بحاجات تانيه غير السكر!!!

    1. فضل شنو نقدر نطعم بيهو

      1. حتي التطعيم طلع مضروب …والله مع الزيادات دي غايتو السكر ده الا يكتبو ليك ف رشته

  3. الصينين نفسهم بقو محتارين في الفهامه دي يبقوها تفهم قدر دا كيف

    1. هل تعلم أنو الحكومة بتحاول تصل لاتفاق مع الجهات البتصنع الفاهامات علشان يرفعوا سعرها وما في زول يقدر يشتريها علشان ما فى زول تاني يفهم حاجة .. احد أصحاب المصانع ضحك وقال ليهم .. انحنا علشان نتعامل معاكم محتاجين لينا برضو لفهامات بس التكنولوجيا بتاعتنا ما وصلت للدرجة النقدر نصنع فهامات تفهمنا ونقدر نفهم الحاصل عندكم شنو، ما الوزراء كل واحد بتطلع بتصريح مختلف عن التاني وكده فى دولة الشفافية

    2. خلاص يايوسف وابو غسان نشوف لينا مكوة فهم

      1. المغلبان بحب الفحم مش الفهم ههههه ادي انا فحمتها هع

  4. غنو زي الكابلي سكر سكر سكر وحات عيني سكر ، وشنو يعني الناس لو بطلت السكر صدقوني حا يجنوا فوائد كثيرة أولها لمرضى السكري حا ينزل عندهم السكري وبالتالي النتيجة الحتميه صحة جيده وتوفير لحق الدواء ، والماعندهم سكري ما حيجيهم سكري وبالتالي ما حا يكونوا مصابين بالسكري نُهااااااااااائ … أصلاً دي سياسة الدولة علشان تخفض مخصصات علاج مرضى السكري قالوا احسن حا جة نعملها اسوة بتقليل مخاطر التدخين برفع الضريبة عليه – نجي نغلي السكر علشان الناس تقيف منو ونشرط فاتورة أدوية السكري .ز ناسين ان السكر برئ ( براءة الذئب من دم يوسف ) وما عندوا علاقة بإصابات الناس بالسكري ، وانو المسئولين هم السبب فى تفشي هذا المرض فى الشعب الغلبان ده .. لكن هيهات برضو برجع وأقول للناس مقولة سيدنا عمر بن الخطاب رضى الله عنه حينما ارتفعت أسعار اللحوم (( أرخصوه بتركه )) لكن المشكلة أنو زمان لمن حكم سيدنا عمر كان فى ناس بتسمع الكلام وعلى قلب رجل واحد ، وهسع لو الناس عملت كده ، حا تلقوا الناس الوصوليين وأغنياء الحرب والسياسة هم حا يشتروا السكر وما حا يكون هناك تأثير على التاجر ،، والدليل أضراب الناس عن اللحمة لمدة أسبوع الحصل شنو اهو السعر بقى 70 الف جنية للكيلو لانو فى ناس عايشه وما بتحس بوجع الغلابة .. والغريب فى الأمر أنو زمان كانوا غلابة بس لمن عملوا المليارات فى عصر الإنقاذ يقولوا ليك لا دي نحنا وراثينها من أجداد أجدادنا وكان دقيت حديدهم بتلقى حاجات عجيبة وغريبة.. معليش الهترشة من هنا وهناك وده راجع لانو السكري ارتفع وبقى الواحد ما قادر يركز مع شنو ولا شنو .. واهي ماشة والحمد لله . ربنا ينتقم من كل ظالم وسارق وفاسد ونسأل الله أن يرد كيدهم فى نحرهم .. ما تجي اسرائيل دي وتضرب لينا مجلس الوزراء أثناء اجتماعاتهم ويموتوا كلهم ونرتاح منهم

    1. يضربوهم كلهم دي انا حلمت بيها وخايف يكون حتى حلمي اضغاث احلام

  5. أريتو خبر السواد و الرماد !¡
    سكرنا مسختو .. مسختو سكرنا ..
    حكومه بت كلب

    1. كلب بت حكومة هع والا شنو يمكن الفهامة ما اشتغلت

  6. الناس ديل زادو اسعار سكر السكري
    خوفو يقوم يزيدو عدد جلدات السكر….وي

    1. هييييي يا قويه تف من بؤءك هو بلا الشي ده المصبر الناس شنو !
      انتو ناس الحيكومة ديل مش قبل ده قالو 2012 دي نهاية الضيق الحاصل ده ? شحدت ربي يضيق عليهم كل شئ إلا نسوانن

      1. يااااااه يا جنوبى , انتا لسة من زمن الشئ المصبر الناس ديل – برى برى , كان كدى انتا طلعت زول قديم خلاس !!
        و بعدين الحيكومة قالت ليك بنهاية 2012, هل هسه 2012 انتهت؟؟ لوك الصبر شوية , و ان شاء الله تنتهى مع ملف هيثرو سوا سوا !!!

      2. انت فاكر شنو 2012 الجاية ههههه 2012 ديل قاصدين 2012 يعني 20122012 فهمت حاجة

    2. لو كان الاقل من السكر ضرب عشوائي انت ما شفت شريعة قدو قدو والا شنو

  7. قريباً الإحتفال الذكر……
    زكري الخط ولا السكر ولا الوقود ولا …اوووووف غايتو احتفالاتنا بتكتر ف البلد دي ونقضيها زكريات سااااااي

  8. فضل الفهامات ، يعني الرطل اقصد الكيلو بي كم لانو فهامتي ماداير استعملها خوفا عليها

    1. اوعك تستعملها ادخرها لليوم الاسود لانها اكيد راح تضرب

  9. يا جماعه الخير انا ما عرفته انو الخبز بتاعنا زباله الا لما طلعت من السودان!!!!!!!

    1. نحنا جوة السودان و عارفينو زبالة – (كان ما متنا , شقينا المقابر) ,, صدقنى فى الصومال الكحياااانة دى, عيشهم احسن من بتاعنا ,, خليها لربك يا مؤمن !!!

    2. هههه احبك واحب ود مردس

  10. ههههههههههههههههههههه,,اريتها تقيف عند الخبز بس !!

  11. طبعا حتي الزباله دي انا شوفت سودانيه في العباسيه باعت ترابيز البيت عشان تشتريهو للعيال افطروا بيهو!!!!!!!!!!!!!!!!!!!!!

    1. شفت حراااااااااااااااااام عليك يا خي انا بعت

  12. اممم .. ((وزارة المالية)) و أعوذ بالله من سوء الظن أولا و ثانيا من (سرّ) ما فيها.
    زي ما الكل عارف يا بروف و الأحبة الوزارة دي ليها (فتره) ـ هي فترة الوزير الفيها ـ
    و هي بتلد و تبشر بكل مُصيبه و مُصيبه !
    في حاجه يا بروف في حاجه (ما مريحه) أبدا في الوزارة دي ؛
    و الأكتر من كدا السؤال (لماذا) تـستمر (وزارة المالية) في الضغط (دون خوف) على أو حتى من المواطن في معيشته و رزقه و كرامته ؟
    .. و السؤال الأهم لماذا الإبقاء على من في هذه الوزارة ؟
    .. امممم .. أ
    أعوذ بالله من شياطين الإنس و الجنـّة

    1. (وزير المالية) … اممم ؛
      بيننا و بينك الله

      1. الخبر خبر و لا تعليق حتى يتحقق الخبر

    2. حسع يا بروف و الأحبه لمن (ناس الدولة) يبشروا (شعب الدولة) بأنوا في مُصيبة جايّه عليهم و هتحصل فيهم ؛
      الفكرة من (التبشيره) العلى شكل (تحذيره) دي شنو؟!!
      هاكم الخيارات :
      1- جس نبض الشارع
      2- إستباق الحدث بعذر أقبح من الذنب نفسو
      3- حركة على شكل (حكمة) و خبرة و (استخبارات) و كده
      أم هي 4- ((تحريك)) و إشعال الشارع ؟

      1. هههههههههههه,,,عفيت منك آلحامض !
        لكن بينا وبينو الله والعرض يوم العرض الاكبر,,,,

      2. من الاخر الفكرة انكم يا شعب يا همج يا رعاع يا رجرجة يا دهماء ولا شئ فهمت شئ

    3. يا محمد حسن, ما قالوا ليك دى حكومة شفافية,, يعنى كل واحد يقول العايزو و يعمل العايزو و يبرطع فيها على كيفو و لا حد يكلمو – انتا برضو ابقى وزير و صرح و اتكلم و اعمل زى ما عايز !!!

      1. فلادمير انت يا شفافية

  13. وزير الماليه مره شطب الربط بتاع شركه السكر السودانيه من 40 الي 60 و خلي ليك المحاسبين في استراحه الشركه جنب سكر كنانه قاعدين شهر احاولو اعوضه ال 20 من منصرفات الشركه و الاسبيرات و ….و الكلام بعرفوا ناس الشركه كويس؟؟؟ و بعرفوا كمان انو في مرتبات بتطلع من شركه السكر السودانيه لفئه من وزاره الصتاعه ك مرتبات عشان حال الشركه امشي!!! و الرشاوي دي تضع في النهايه كجزء من منصرفات الشركه!!!! و يا دار ما دخلك شر…

  14. الشارع ********في امه و ح اطلع اصلا…و لا احد يدعي البراءه…الفساد اصبح امنا التي تجهز لنا شاي الصباح..

  15. الحيكومة ماشية بالمثل البقول (كان غلبك سدها وسع قدها)

    1. لكن دا وسع بي شكل ما داير اقول الوسع منو هع

  16. تعليق :
    طلعنا البترول زادت اسعار المحروقات .. زدنا مصانع السكر قام سعر السكر زاد .. باقي ليكم الفهامات ذااااتا بتقدر تفهم الكلام ده ؟؟
    انتوا يا جماعة الخير ما فاهمين حاجة ساكت,, زى ما ذكر البروف انو اى حاجة زدناها قامت الحيكزمة زادت لينا سعرها,, و المغزى من الحركة اللى على شكل وردة دى انو مافى زول فيكم يحاول يجتهد و يزيد لينا اى حاجة ما ناقصين زيادات اسعار تانية,,
    زدنا ارتفاع خزان الروصيرص و مروى , زدنا عليكم اسعار الكهرباء ,,, زدنا انتاج و تصدير المواشى لمصر و ليبيا زدنا عليكم اسعار اللحمة ,, زدنا عدد المستشفيات زدنا عليكم اسعار العلاج و استوردنا ليكم امراض جديدة كمان ,, بس الحاجة اللى فعلا ما فاهمينا ,, انو نقصنا ليكم مساحة السودان و بالتالى كمية الاراضى , و بالمقابل نقصنا ليكم رسوم تسجيل الاراضى !!! و عجبى

    1. فلادمير هي ناقصة انت عاوز تجننا لا الفهمات فهمنا بيها لا كلامك فهمناهو خلينا كده تور الله في برسيمه

  17. باب القياس
    اذا تراجعت الحكومه عن 44 جنيه من سعر السكر بعد كل محاولة انقلابيه فاشلة فكم يحتاج شوال السكر من محاولات انقلابيه ليرجع لسعره الحقيقي ?

    1. احبك انت يحتاج كلام ابو امنة حامد عليه الرحمة رجعونا مكان ما كنتوا عاوزين تنقذونا بس

  18. جنوبي، شمباتي ،السّماااار
    ويكأن يا دوك شمباتي ولا مش كده ؟؟

    1. هههههههههههههههه,,آيييي ويكأن ,,
      بس قول ما شاءالله…

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: