الكلمة الشاذة

إستخرج الكلمة الشاذة في كل من الكلمات التالية :
1- الملاريا – الرصاصة – تصريحات المسئولين – اللغم
2- موية النار –الموية المعدنية – الموية المقطرة – موية الحنفية
3- الدولار – الأسانسير – درجة الحرارة –الطائرة
4- الفكى – الطبيب– المطرب – البصير
5- ديوان الزكاة – هيئة الحج والعمرة – وزارة الأوقاف – وزارة السياحة
6- النفايات – الأوكسجين – المغادرة – الوصول
7- الصيدلية – محلات قطع الغيار – صناديق الإنتخابات – بنك الدم
8- الكندوم – الغلاء – شيرين – الختان
9- المجلس الوطني – المجلس الطبي – المجلس الهندسي – المجلس البلدي
10- كنبة – طاولة – سرير – كرسى
11- القاضي – المحاسب – أمين الخزنة – رجل المرور
12- شارع الجمهورية – شارع البلدية – شارع عبيد ختم – شارع الأربعين
13- الشلوخ – علامة الصلاة – الشامة – دق الشلوفة
14- الكرباج – تلفزيون السودان – الكهرباء – الموز
15- استادات كرة القدم – المسارح – الجامعات – الحدائق العامة
16- المايسترو – الأمة والإتحادي –مدرب الأسود – راعي الأغنام
17- نيجريا – الكونغو – مالي – غانا
18- الذبابة – الأميباء – كريات الدم – الرغيفة
19- الصلصة – الطحنية – الشيبس – الوزير
20- الفيل – وحيد قرن – المسئول – الحصان
21- السرقة – الإغتصاب – النشل – الإنقلاب
22- اللخمة – الزحمة – الزكمة – اللحمة
الإجابة :
1- الملاريا لأنها بتدي الزول فرصة وكده !
2- موية النار عشان بنملأ بيها البطاريات وبناكلا مع الفواكة (2 in 1)
3- الدولار لأنو الوحيد بينهم كان طلع ما بينزل تاني
4- البصير فهو الوحيد بين هؤلاء الذى لا يشترط عليك أجرة وبياخد الشئ البتديهو ليهو
5- وزارة السياحة لأنها الوحيدة بينهم التي لم تشهد فساد مالي وإختلاسات (بالله عليكم الله ده إسمو كلام؟)
6- الأوكسجين لأن البقية عليهم رسوم (على الأقل لحدت هسه)
7- بنك الدم فهو الوحيد بينهم محتوياته غير مضروبة أو مغشوشة (الصين والخج) !
8- الغلاء فهو الشئ الوحيد بينهم الذي لم يتحدث فيه العضو البرلماني المثير للجدل
9- المجلس الوطني لأن له إستخدامين (مجلس) و (مكان للنوم)
10- كرسى لأنو الوحيد بينهم الذى يمكن أن يتشبث به المسئول (عمركم شفتو ليكم مسئول إتشبث ليهو بى كنبه؟)
11- رجل المرور فهو الوحيد فيهم الذي يقوم بأعمالهم جميعاً
12- شارع عبيد ختم (عشان ختم بالفاء)
13- الشامة عشان هي الوحيدة الطبيعية وما ممكن يعملوها عمل
14- الموز لأن البقية كلهم أدوات تعذيب
15- الجامعات عشان كميات البنقو فيها أكتر من البقية
16- الأمة والإتحادي لأنو هم بيمسكوا العصا ية من التص والباقين من الطرف
17- نيجريا لانها الوحيدة بينهم التي تتابع برنامج نجوم الغد
18- الذبابة فهي الوحيدة بينهم التي ترى بالعين المجردة
19- الوزير فهو الوحيد الذي ليس لديه تاريخ إنتهاء صلاحية
20- الحصان لأن جلدو ما تخين كما البقية
21- الإنقلاب فهو الجريمة الوحيده بينهم التي إذا نجحت في إرتكابها فإنك لا تعاقب (وإذا فشلتا وكده فشيل شيلتك)
22- اللحمة لأنو الزول ممكن يكون ملخوم أو مزحوم أو مزكوم لكنو ما ممكن يكون ملحوم !!

كسرة :

السؤال : العميد – اللواء- الفريق – المشير

الإجابة : (الفريق) عشان ممكن يشيل ليهو كاس ……………… (ده لو ما كشفوهو قبل ما يشيلو وكده) !!

الكسرة الثابتة :
أخبار ملف خط هيثرو العند النائب العام شنو(ووو ووووو ووو)؟ – الإحتفال قريباً بالذكرى السنوية-

Advertisements

43 تعليق

    1. برنجية لي براي

      1. خلصت المره الجاية

    2. يوسف … ما كده لكن ؟؟؟؟

      1. ههههههههههههه,,خليهو ,,
        نشوة الفرح وكدة ! وى

      2. والله يا دوك دي شكلها نشوة حاجة تانية مااااا فرح وبس ،،،،

      3. انا اشك في يوسف يكون ولد البروف ومسميه على والده مش هو برضه الفاتح يوسف جبرا هع

    3. ما تكون كحيت لانك مدخن جديد اهلا وسهلا بك في القمردينة وحياك الله

    4. يوسف – لاكين دى ما قلبتا فيها هوبة عديييييل كدة ,, ناس قوية و ناس ما قوية قاعدين مرابطين ليها من اول امبارح ,, و جيت انتا كف جازفتها ,, لاكين برضو مبروكة عليك و نحنا دايما نشجع اللعبة الحلوة (دى طبعا بنقولا لمن نتغلب!!!)

  1. واالله يا يوسف شركتا ليها لكن النت بتاعي نقيل
    مبروكه عليك …

  2. يا بروف ،،،، لا لا لا الليلة قوية خااااالص إنت كنت في الجامعة ؟؟؟؟

    1. الليلة البروف برنجيتو كانت مزبطة صاح الصاح ,, ودى مش من طرف الدولاب ,, دى من اقاصى سويداء القلب فى ابعد بطين جنب الشنو داك ما عارف ,, بارك الله فيك و اصلح لنا و لك ما بقى من السودان يارب …

  3. استخرج الكلمه الشازه
    خط الاستواء -خط سته -خط تمنتاشر -خط هيثرو

    1. خط هيثرو لانو ما موجود في زاكرة النائم العام

      1. قالوا فى الذكرى الاولى حيرجعوا الملف تانى الى لجنة تحقيق مختلفة عن الاولانية للمزيد من الشفافية و لاجراء المزيد من التحقيقات ,, و على سعادة البروف ان يبدأ العد من البداية تانى (و – و – و – و – ,,,,,,,,,,)!!!

      2. والفين واربعاتشر تاني كمان زي ما قال الاخ فلادمير لمزيد من الايضاحات

  4. استخرج اها من تحت
    المره الأولي -المره التانيه-سفيره-المره الرابعه
    المره الأولي -عماره وقعت-المره التانيه-الرادار
    المره الأولي -قروش الحجاج-المره التانيه-الأولي طشت

    1. غايتو فيها ريحه اللمبي واشار بيده للفراغ

  5. 🙂
    ====
    10- كرسى لأنو الوحيد بينهم الذى يمكن أن يتشبث به المسئول (عمركم شفتو ليكم مسئول إتشبث ليهو بى كنبه؟)
    =======
    و الحاصل فينا دا كلو ما من شبيك (الكنبه) يا بروف 🙂

    1. كنبة – طاولة – سرير – كرسى بس ديل ياخي ديل اتشبكوا في تولا

  6. البروف والسمار .
    سلامات .
    والله يابروف حيرتنا . تعرف إنت بالطريقة دى الليلة شتت أفكارنا فما عارفين نعلق ليك على شنو ونخلى شنو . يعنى نعلق على الغلاء ولا على مدة صلاحية الوزراء ولا على الموية ولا على الفريق الما بيشيل الكاس ولا ….
    عملت لينا لفت راس .
    الله فى ….

    1. آآآآآآآآآآلحنين كده هبش زي ما هبش البروف يمكن تطلع بنتيجة ثانية

    2. الفريق الما بيشيل الكاس يا تووووووووووووووو في السودان هنا والا عباس الفي الكورة شال الكاس والا قصدك هلال مريخ فريق قومي والا ايه

  7. هههههههههههههههههههههه,,لا لا دى من بيت الكلاوى !
    وفريقى وفريقك شن فرقهم (من الفراق والافتراق والتفريق) !!؟ امممممممممممممممم

    1. كل مرة اخوي شمباتي الفريق بيتفرتق شوية شوية لمن نلقى البلد خلا وييييييييين انتو ود الخلاء

      1. ود الخلا دة اخر مرة كان طاشى بالخلا من جنس العلينا دة,, و قال الخلا و لا الشريك الفسل !!!

      2. الغلبان..
        دحين لا يوم الليلى هى ما خلت ّ!؟ لبنت وادوها الطير ! وى…

        فلاديمير..
        امممممممم,,الشريكين مالهم !!؟ اححححححح

  8. يا بروف الليله بقت علي حكاية الزول السأل استاذ مكي سناده في مسرحية خطوبة سهير عليك الله جبتو من وين ?
    يوسف : ماااالك جايب العداوه لي روحك انت ماعارف البرنجيه دي مسكونه ? .

    1. عشان بداية التدخين جديد

  9. يا جماعة الخير العكه دي كوووووووووولها اسمها ام ضبيبينه

  10. البروف والسمار سلام
    والله يا جماعة أنا ما شايف أي كلمة شاذه في الكلام ده ولكن الشذوذ في الشعب الفضل
    وطبعاً كلنا شذاذ اآآفاق !!!!

    1. المندهش يااخوي لحس الكوع وبقينا شذاذ اآآفاق
      عاد التسمم بتاع الاسرائلين ده لي صاحبك والمرحوم الحبشي ده بعالجوه بي شنو ؟

      1. ديل بخلوك تظاهر بي حرية وشفافية ديل ما لحس الكوع وكسر الرقبة واقولك كله بنقدر عليهو لكن وصلونا مرحلة رزق اليوم باليوم يعني لو ظاهرت يوم واحد اولادك واهلك يجوعو بس كل المسالة انا لو عندي قوت ثلاثة ايام بظاهر يومين عه

      2. التسمم آزول ديل بقوا يضربوا عدييييييييييييييييل

    2. قصك نسوي ليهم المظاهرات

    3. حلوة شذاذ آفاق على قول ترافولتا (الراقص) افهمها ساهلة دي مش عاوز فهامات البروف دي فهاماتها صناعة حلبة ساكتي

      1. من هسه وكل شوية بطل عليها ان شاء الله احصلها في الضفاية هع تخياتي

  11. كلو ملخبط زي الكسره بالطماطم بالدكوه بزيت السمسم شان كده حقو الناس تعمل نايمه زي النائب النام وبس خلاص

    1. حليلك آآآآآآبراهيم ود عوض سيلت ريقنا هو فضل فيها اكله مدنكله زي دي

  12. وبرضه حارس البرنجية هع وكيتا عليك ال عبيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: