لمة المدونين اليوم

اليوم وعلى شرف تواجد عضوي المدونة (أبكرونا) و (د. شمباتي) توجد لمة لأعضاء المدونة أمام برج الإتصالات بشارع النيل ، فمرحباً بالأعضاء والعضوات القدامى والجدد ، للإستفسار يمكن الإتصال بالرقم 0912363016 وشكراً ،،،

Advertisements

63 تعليق

  1. ونحن الناس القاعدين في السعودية نعمل شنو؟؟؟

    1. نعمل زيهم ?

      1. تعمل عمرة

    2. اعمل كدة يا عبدالعظيم !!

      وانت اي جنوبى اوعك تعمل زينا مع عظمة دا ,, بعوقك !! وى وى وى

      1. الحممممد لله قرررربت اكتب ليهو رقم تلفوني !
        اها و ودالخلا قال متغيب ليه ? و بت وراق ما جاتكم ?
        في انتظار الصور يا حبيب وان شاء الله نتجمع في عرسك و الوطن سالم و معافي .
        طبعا بعد شفتك تاني ما بقدر اقول ليك يا باير .

      2. هههههههههه,,شوفتا شفا يا حبيب ,,
        وود الخلا ظهر وجاب معاو بسطونة ! عشان كدة ماف حد قدر يسالو عن سبب غيابو !
        وى

    3. قال ليك عمره بضم العين مش بفتحها تبقى مصيبه

  2. الحاصل شنو
    ونحنا اللي في بريطانيا نعمل واات

    1. و نحنا اللى فى اقصى الشرق الاوربى نعمل شنو؟؟ مع فرق الزمن اللى هنا حتى البرنجية ما لاقين فيها طريقة ,, خليك من لمة عند برج الاتصالات ,, و لاكين على راى المكتول و لسة حى: ان شاء الله لمة فى الحرم ….

      1. تعمل حتى يرى الله عملك والمؤمنين بس مش زي المؤمنين ديل المعانا هنا

    2. ونحنا اللي في برطانيا نعمل واات تخزن الواط وتبيعه لحكومتنا العجيبة وهي تبيع لينا الكيلو واط بالشي الفلاني مع الاعتذار للغة الانجليزية وجماعة الكهرباء

    3. المقداد القداد ….قلت ل قاعد وين ؟؟؟

  3. اليومين ديل الحكومة شغل قفيل ساكت ، بجيكم واحد بكرا من شعبة مكافحة النقاط ، بقفل خشمكم ، ويشيل اسنانكم من ممتلكات الخشم ويتحفظ عليها

    1. كتمت ووالله يا ياسر ما خايفين الا على قمردينتنا من القفله

    2. الحمد لله ما قادرين يقفلوا الهواء

  4. قاصدين النكات جات بالخطاء النقاط الظاهر في نقط كتيره طايره في راسنا

    1. وييينك يا مولانا ؟؟
      ليك وحشة والله…

  5. دحين يابروف كان كدى قنعتا مننا تب تلمنا وهوب باى باى نمشي بهناك

  6. سلامات يا قبيلة
    يا اخوانا اللمة بعد ما طفشنا من البلد —– والله جيت السعودية عندي 31 يوم فقط تقوموا تتلموا … لكن اهو حظنا عشنا وحضرنا حكومة السجم دي وهو في كج يا اخوانا اكتر من كده.
    انشاء الله لمة في الحرم وربنا يحقق الامنيات المستحيلة والممكنة.

    1. وين فى السعودية يا حبيب !!؟
      انا راجع باذن الله بعد ايام قلائل ,, لز لى رقمك على التلفون اعلاه والباقى على …

      1. انا في الرياض الصناعية التالتة
        mhalym74@yahoo.com

    2. ان شاء الله اللمه الجاية من غير كتاحه لمه ووطنا خالي من الجراثيم

    3. السودان كله عاوز يطفش الا ثلة من الاولين ههههه

  7. الاخوة الاحباب ,, سلام من الله عليكم ,,
    والله كانت لمة ولا احلى ,, حضرها قدامى المحاربين المدونين على راسهم الحبيب الساخر الاستاذ الفاتح جبرا و(عزت بقاريتش – ود الخلا – ود الزبير – زوووووول – ود المهدى – البشاوى – التركى – سهيل – استرايكر – مشاكل – ساتنتود – عبدوش – طارق اب احمد – قرن شطة ) وكان معنا على الهاتف الاحباب ( نيام – المندهش – طبنجة – محمد سليمان – حاج السلاوى) ,,,
    فالتحية والتجلة والتقدير لكل من حضر وارجو ان يجمعنا الله مرات ومرات فى رحاب وطن حر ديمقراطى ,,,
    حبى واحترامى…

    1. التحية و التجلة لكل الاحباب اعلاهم و موفقين دايما ,, جزيل الشكر للبروف لجهوده فى تجميع هذا العقد الفريد ,, الله يعز اصلك و يقويك و يسدد خطاك دايما …

    2. شمباتي رسل لي رقم المندهش لو هو في الرياض ولو ما عندو مانع .

      1. ابيييييت,,دا الا بالدرب !

      2. مااا ال normal saline يا شمباتي !
        المندهش المندهش ..

      3. جنوبي
        ياخ إنت مالك كدي !
        ماقال ليك إلا بالدَرب
        دوك شمباتي
        أووووووعك ترسلو ،،، كيتاً فيهو… آآآي

      4. هههههه انت زعلت ؟ ياخي سيطر علي مزااجك مهما
        الدنيا حر .. واشرب مريسة فتريتة شان تقدر تستمر ..
        وكما قال الشاعر : المشتهي الحنيطير يطير .
        ماااااااااا دايرو

      5. وووووب علينا الجنوبي زعل
        كلو منك يا شمباتي ما قلت لي جنوبي شفيف وحسيس قدر ده
        خسمتك بالرسول يا جنوبي كان ما اتصلت علي الليله الخميس
        وده تلفوني 0547025651
        مستنيك سمح ؟

      6. احمد الله يا يابا شفيف وورق خريف واحس من البرنسيس ..
        بالخسيم ال بالرسول ده زميلي مصري بحكي لي قال عندهم
        في الفلاحين من طبع الفرانين انهم بيقلعوا اللباس وهم
        شغالين فيوم الفران اتشاكل مع صاحب الفرن قام زعل
        ولبس هدومو وطلع قال ليك الناس ديل رجال وحريم
        يحنسو فوقو .. يا عم صلي ع النبي وإءلع اللباس ..

      7. هههههههههه,,,
        قوية قوية يا جنوبى ,,
        لكن اوعك تقع فى خية المندهش دا وتدق الرقم دا !
        وااااااااااااااااااااااااى

      8. ههههههه دايما قعد تحذرني متأخر ..
        انا ما شليق دقيتو ووقعت في الخية ! لاكين المندهش
        ده غريق غراقتن ! أمنجي بس ….

      9. جنوبي ثرو شمباتي
        لكن ود الخلا ما طلع خطير ، وبرضو وقع في الخية !! هههههه
        التحية لكم من البعد

      10. هههههههههههههههههههههههههههههااااى,
        عفيت من ود الخلا الجنن المندهش ومن المندهش الجنن جنوبى !
        ولييييه الناس تقول لى لا

    3. بس المره الجايه اعملوها عندنا
      وتكون المدونه مرت من هنا ،

      1. جنوبى..
        اها وألعوا !!؟

        عيبد…
        عندكم وين ؟؟ وليك على اعمل ليك احلى لمة …

      2. الزميل شمباتي
        عندنا المره الجايه في بلاد الكيو والسانكيو

      3. برى !
        دى ما بنقدر نصلها !

  8. هههه
    شوفو تلفزيون السودان كاتب في الشريط الاخباري شنو ( رئيس الجمهوريه يبحث مع الرئيس الصومالي مجالات التعاون المشترك )
    ياربي تعاون في شنو ده البين التعيس و خايب الرجاء

    1. بتاعين التلفزيون ديل عاوزين اي خبر لي رئسهم يملوا بيهو الوقت والله بيملوا بيهو الوقت لانه الرئيس لابس اصفر ولازم ……انت عارف بس كل الحكاية ياااااخ بس واله كتمت كتمت كتت

    2. بعدين اي رئيس للصومال الصومالات بقت كثيره يمكن عاوز ياخذ عبره

    3. جنوبي
      إسألك الله الكلام ده صحي وإنت قريته ؟؟؟ أكان كدي سجمممممنا

      1. آآآآآآلمندهش كمان جنوبي كضاب ليه انت قايلو مؤتمرجي ازول عادي ما شايف علاقاتنا الخارجية شكلها كيف كلها فطايس زي جدادة الانقلاب هع

  9. البروف الحبيب وإخوتي الأعزاء
    رسالة لكم
    أحبكم…….
    رسالة للوطن
    رفقاً ياوطني بأبنائك ، وفر لهم سبل السعادة ، واجمع شمل المتفرقَين ، وامسح دمعة أولئك الأطفال الميتمين ، وداو جراح المكلومين ، واسعد الآباء والأمهات بفلذات أكبادهم ، وأزل أسباب البؤس والشقاء عن مواطنيك .. حينها سيسعدون بسعادتك ، ويفرحون بفرحك ، ويحزنون لحزنك ويتألمون لمصابك ، وسيكونون لك بمثابة الروح للجسد .. فهل ستفعلها ياوطني ؟ .. إن فعلتَ فعلنا ، وإن نكلتَ نكلنا ، وإن أكرمتنا أكرمناك ، وإن احترمتنا احترمناك ، وإن أعطيتنا أعطيناك ، وإن منعتنا وحرمتنا وضيقت علينا وأسأت معاملتنا فلا تنتظر منا عطاءً وبذلاً وحباً وولاءً .
    أسأل الله أن يولي علينا من يسعى لتحقيق سعادة المواطن ، وإزالة أسباب الامتهان والاحتقان والإحتقار والتنكيل والتي لازمتهم سنين عدداً ، وأن يجمع الشمل والائتلاف والالتئام بيننا جميعا وبين الوطن والمواطن

    1. دوما شفيف يا حبيب ,,,
      لم استطع ان اكمل رسالتك للوطن ,,
      عذرا ,, فالدمع لن ينكفئ ,,

  10. نحبك كما تحبنا ..
    اكثر ما يقلقني ان الوطن ليس له افضال علي الجيل الحالي !
    قال : بلادي و إن جارت و إن تفيد ان ليس من طبعها الجور.
    دايما الام بتكون بطبعها حنونه لاكين راجل الام لما يكون وسخ بيقسي الام علي جنياتا .

    1. جنوبي
      والأفضال على الجيل السابق إسترجعته منهم تالت ومتلت
      في صحتهم وعافيتهم وأبنائهم وأموالهم وتغريب وتشريد وتشتيت من الوطن وغربة وفراق وألم ودموع
      الأم يا عزيزي هنا نكرت جتياتا عديييييييل كده و اخدت كل ما عندهم وطردتهم

      1. بس ما تنسي انو الام دي لازم تكون في عصمة راجل وبعد داك كل راجل و حسب فهمو لي نساؤكم حرث لكم فأتوا حرثكم أني شئتم !

      2. جنوبي
        الام أكان ما دايره راجلها ممكن تنخلع منه وتشوفليها محامي نجيض ويحكم ليها بالخلع
        والمحامي جاء لي عندها ولكن جزء من جنياتها رفضو حكم المحكمة ومسكو في راجل امهم
        والام دي برضو عاجبها راجلها ومتكيفه منو أها ،،،، نسوي ليها شنو ؟

    2. ما لاكين امنا كل ما تمشي لمحامي يقعد يتحرش بيها !
      المحامي الجا ليها ده ذاااتو قميصو كان مقدود من قُبل
      ماااا من دُبر ! آآآآآي .
      هي ما عاجبا الراجل لاكين ما بتقدر تنوم بي صمة خشما !
      نسوي ليها ازعاج بالنهار وبالليل نقول عايزين نرضع
      لا نديها فرقة للدخان ولا للكبرته شان راجل امنا ده
      ما يستمتع بيها .

    3. جنوبي
      أمنا دي بترضع في اولاد راجلا كم وعشرين سنة بعد ده عاوز ترضع منها شنو ما خلاص جفّ الضرع
      وبعد كده زااااتو ما عندها طريقة لي دخان ولا كبرته لأنو راجلا ده زهد منها و قرب يخليها بسبب الكبر والمرض برضو دخل
      لكن اولاد راجلا ديل طمعانين في الورثة الخلاها ابوهم
      وأولادها الحال في حالو لا بترضعهم ولا بتشتغل بيهم الشغلة …….وخليهم يبكو بكاهم ا

      1. 25 سنة اولادها ما بقوا رجال لحد اسع عشان يشوفوا شغلهم مع ابوهم والا ايه

  11. كتمت كتمت كتمت عاوزين ماذون للطلاق

  12. 6 مرابطين اللهم اجعله خير

  13. اخوي وسديكي السدوك عمك تنقو
    بان وعليك الأمان وتقبل سلامنا وخاساتان الميقكداد القاداد،
    واهو عازمينك لمه مدونه في شمال غرب بريطانيا ،. تحياتي و ذكرتني نكته عووووور

  14. عيد الاستقلال الفات السيد الرئيس ( لزوم احترام ولي الامر ) خدرنا بتكوين آلية مكافحة الفساد وبما إنو البنج فك نقترح علي السيد الرئيس تكوين ( آلية مكافحة فساد آلية مكافحة الفساد )

    1. جنوبي
      وآلية مكافحة الفساد دي تلحق أمات هيثرو
      ماااااا دايرين

      1. هيثرو شنو يا راجل الاكل يوم بيتغير والثاني بيحمض والثالث بيعفن مابالك بي سنة يكون النائم العام زاتو اااااول انت

    2. انا اعترض اقترح انه يخدرنا تاني هع

      1. أصدر السيد رئيس الجمهورية اليوم الثلاثاء 8/1/2013
        قرار جمهوري بتشكيل لجنة لفحص إقرارات الذمة لشاغلي
        المناصب الدستورية ….( سونا ).

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: