الأفعال الناقصة

هي أفعالٌ تدخلُ على الجملةِ الاسميّةِ المؤلّفةِ من المبتدأِ والخبرِ، فيبقى المبتدأُ مرفوعاً ويُسمّى اسمُها، وتنصبُ الخبرَ ويُسمّى خبرُها، وسُمّيت ناقصةً لأنّها لا تكتفي بمرفوعِها لإتمامِ المعنى، وإنّما تحتاجُ إلى الخبرِ،و الأفعال الناقصة هي :
كان –صار-أصبح- أضحى-أمسى- بات- ظل- ليس- مازال- مادام- مابرح- ماانفكّ- مافتئ
– (كان) ٌ: كانَ النائب نائماً … كانَ: فعلٌ ماضٍ ناقصٌ مبنيٌّ على الفتحِ، النائب: اسمُ كانَ مرفوعٌ وعلامةُ رفعِه الضّمّةُ الظّاهرةُ.غائباً: خبرُها منصوبٌ وعلامةُ نصبِه الفتحةُ الظّاهرةُ.
معانيها: كانَ: تدلُّ على حدوثِ الفعلِ في الماضي، (راجع المثال القلناهو) بتاع ٌ: كانَ النائب نائماً ً. طبعن (لحظة إجازة الميزانية)
– صارَ: تدلُّ على التّحوّلِ، مثالٌ: صارَ الإغتصاب عند الوزير تحرشاً
– وأيضاً (بمعنى صار) أصبح- أضحى-أمسى- بات،
أمثلةٌ:
– أصبحَ شراء الدواء مستحيلاً ً (حالتو مضروب)
– أصبحت المدينة الرياضية (ميدان باسكت)
– أضحى الفلس مزمناً (مية الف ما تكفي أصغر أسرة)
– أضحت الحرب بالسواطير (الأليكترونية طبعن) !
– أمسى الدولار منخفضاً (مقابل اليورو طبعن)
– أمست البطون خاوية (ربع البصل وصل 32 ألف)
– باتَ السائق قلقاً (هي كشات نصاح؟)
– باتت الأغاني هابطة شديد (بعد ما كانت هابطة بس)
ليسَ: تدلُّ على النّفيِ، مثالٌ:
– ليس كل مستوصف يطلب أمنية نقدية عند دخول المريض (ممكن دهب المرا)
– ليسَت المحسوبية شرطاً في التعيين (في إنجلترا وكده)
– ظلَّ: بمعنى بقيَ، مثالٌ: ظلَّ التحقيق مستمراً (ح يكون في شنو يعني)؟.
– ظلت الكهرباء مقطوعة (حالتو بعد السد)
مازال- مادام –مابرح- ماانفكَّ- مافتئ: تدلُّ على دوامِ الحدوثِ، وأخبارُ هذه الأفعالِ جملٌ فعليةٌ غالباً.
أمثلةٌ: مازالَ المريض حياً (ده لو في مستوصف خاص)
ما زالت الأمية متفشية (مع الجامعات الكتيرة دي)
سيستمر الفساد مادام العقاب معدوماً (من أمن العقوبة ساء الأدب)
ستختفي الحقائق ما دامت هنالك لجان تحقيقات (ياتو لجنة تحقيق توصلت لحقائق؟)
مابرحَ الخطيب يدعو على الأمريكان (مع إنو فيهم مسلمين)ِ
ما برحت المواصلات معدومة (لمتين ما معروف)
مافتئَ المواطنون يعانون (مع قفة أقصد كيس الملاح)
ما فتئت النساء يطلبن في المحاكم الطلاق (لعدم النفقة)
ماانفكَّ النواب يطلبون زيادة مخصصاتهم
ما إنفكت الحكومات تطالبنا بربط الحزام (وين مش تعرف)

كسرة :
جبنا ليكم أفعال ناقصة عشان عارفنكم ما (ناقصين) ) !
كسرة ثابتة :
أخبار خط هيثرو العند النائب العام شنو(وووو وووو وووو)+(وو)

Advertisements

45 تعليق

    1. الحاصل شنو ليه متاخره وناقصه ،

      1. متاخرة يا سقد والله نافعك فرق التوقيت بس

    2. يا ابني انت يادوبك ……دا احنا مولعنها من الفيس والراكوبة قال برنجية قال
      بايتة شوف غيرها

      1. عاوزينك تولعها في شارع الله مش هي كتمت اها ورينا

      2. هههههههههههههههههههههههه,,يا مكتول وحى ,, حسادتك عينة لكن !
        مبروكة يا عبيد كيتا فيهم ,,
        وسب عليك برضو !!

      1. بس بقت علي فرق الكم ثانية دى؟؟؟؟؟؟

    1. مبروك ام ايمان البرنجية ..
      ( مع رمق آخرين بطرف العين وازاحة الوجه عنهم )

      1. يباركوا ليك السمح ان شاء الله

      2. بااولاك يا واد يا قنوبي انا نفسي تعب من التدخين و ديا الخامسه يعني نص الصندوا بتاع البرنقي،

      3. بي صندوق البرنجي ده يا عبيد .. قالوا سوداني جاي
        كرت نزل من الباخرة ومشي البقالة صاحب البقالة
        مصري , السوداني دخل وشال بيبسي الحجم العائلي
        ورفعا في فد نفس ونزلا , المصري يعاين ساااكت بعد
        البيبسي قال للمصري في سجاير ؟ جيب علبه .. المصري
        مد ليهو العلبة وداك طوالي فتح العلبة , المصري خت
        يدو في علبة السجاير وقال ليهو : إوع تكون حتشربها
        هنا يا ابن النيل ..

      4. كلامك ظريف خلاص يا جنوبي بس هي ام ايمن ومش ام إيمان ،، والله انا ذاتي شايفها تقيله أكمل باقي العلبه وما مشكله نخمسها الخمسه الباقيات

      5. ههههههه .. لا لا يا عبيد انا ما قصدت برنجيتك ياخوي
        حلال عليك والله .. بس انت قعد تستخدم ياتو تقنية دي
        البتخليك تشوفا بدري كده مع اننا بنكون عشرة قاعدين
        وبعد ده تختفا انت ..
        ام ايمن .. انتي مااالك مجهجهانا معاك مره تكتبيها
        بالـ a ومره بالـ e !! علي كلٍ مبروك البرنجية مع
        الاحتفاظ بباقي الكلام كما هو كيتاً في واحدين كده ..

      6. الأخ جنوبي كلامك لطيف والظاهر عليك برضو عندك عامود في الجرائد ، كلامك فيهو سلاسه وانا بقول ليك إذا ما كنت صحفي ولا كده فانا أشجعك بان تقتحم ميدان الكتابه الساخره و برضو الأخ فلاديمير نفس الشي،
        ،، أخوك وهو العبدلله بختف البرنجيات وبس(ختاف برنجيات)و كده ال نتم الصندوق وبعد داك نعتزل الختفي

      7. مبروك ام ايمن مع نفس نظرة جنوبى لاخرين !!

  1. الوريف بروف الفاتح
    ليس عجباً،،،،،،،!!!
    بل صدقاً،،،،
    نحن ( الآن ) * أيها الوريف من أكثر الأمم استعمالا لـ ( هذهـ ) الأفعال الناقصة،،،،!!!
    كأنها أٌنِقصت لأجلنا حتى نقوم باكمالها،،،
    يا ربي ( نتم ) شنو و( نخلي ) شنو،،،،،!!!!
    ( هو ) الكامل عندنا ( شنو ) غير ( الناقص )
    لو كانت الأمم السابقة يساورها مجرد احساس عن حال ( أمتنا ) التي ( هي )
    لربما ( أُكملت ) أو ( أكملوها ) رفقاً بحالنا،،،،،،،،،،!!!!
    هذهـ هي ( الأفعال ) الناقصة،،
    كا جاءت إلينا ( من ) مصادرها،،،،
    فما بال ( الأعمال ) التي نحن ( مصدرها )،،،؟؟؟؟
    ..
    ..
    ..
    ..
    سترك ولطفك يا رحمن يا رحيم
    سترك ولطفك يا رحمن يا رحيم
    سترك ولطفك يا رحمن يا رحيم
    سترك ولطفك يا رحمن يا رحيم

  2. ما إنفكت الحكومة تطالبنا بربط
    الحزام ..( حتي إنفك الحزام يطالبنا بربط الحكومة )
    ما برح الخطيب يدعو علي الامريكان ( حتي ظننا ان
    الامريكان هم من يجنبون اموال الدولة ويرفضون تقديم
    إقرارات الذمة )
    أصبحت شقيقة الرئيس ترشح الخليفة .. ( حتي ظننا
    اننا نعيش في كنف الخلافة العباسية )
    باتت الاغاني هابطه شديد ( حتي اصبحنا نطرب للهابطه بس )
    ما زال التحرش مستمرا .. ( طالما المتحرش بطفل بيمرق
    بكفالة والمتحرش بشيك يبقي لحين السداد !)

  3. من الأفعال الناقصة بان يبدأ العلاج في السودان و بعد ذلك يبدأ من الأول في بلد ااخر،. ليه كده

    1. والله يا عبيد انا قبل شهر كنت في السودان ظهر لي
      ورم في الشفة المهم بعد ناس الجلدية استنذفوني واحد
      فيهم قال لي كدي شوف بتاعين الاوردة ومشيت لواحد بتاع
      اوردة واوعية دموية رسلني لي بتاع موجات صوتية بالاسم
      عملت الموجات وقال كل الاوردة والشرايين سليمة رجعت
      للدكتور وبدوره تاااني حوّلني لبتاع جلدية بالاسم
      قلت ليهو الزول ده انا تابعت عندو قبل كده, قال
      لي لا امشي ليهو تاني وكتب لي تقرير وقال لي اديهو
      الظرف ده صراحة انا ما عرفتو كتب شنو ( لاكين يبقي
      لي زي القال ليهو حامله امره لا يهمني فاستنذفو ) لانو
      بتاع الجلدية من قرأ الكلام قال لي احولك لبتاع
      الليزر المهم قلبي اكلني وعندي قريبي جراح قديييم بتاع
      قلب مشيت ليهو مجرد ما عاين لي قال مشكلتك دي اوردة
      قمت اديتو التقرير بتاع الموجات الصوتية قراهو وشاف
      الصور وضحك وبدون ما يشاورني رمي التقرير في سلة
      الزبالة وكتب لي محلول اجيبو من الصيدلية جبت المحلول
      بي خمسة جنيه سوداني آآآي والله خمسة جنيه وبقيت امشي
      ليهو يوم بعد يوم يديني حقنة 1سي سي وبعد الحقنة
      الخامسة الورم نزل وهسي زي القرد والحمد لله .
      قريبي ده قال لي البلد فيها اجهزة متطورة لاكين مين
      اللي بيستخدمها ..

      1. ما برحت البرنجية لك مادام عايش سقد جننت البرنجي يا خ

      2. ما لاقانا ورم شلوفة زى حقك دا !
        ابن افصح يا جنا ,,,

      3. شمباتي .. سُب عليكا آآآ الممسوخ

    2. اصابعيك ما زي بعض آآلعبيد

  4. واحد من البلد ديييييييك | رد

    اضحت زرقاء اليمامة سلاح استراتيجى .. يعنى زى الاسكود و كده !!!!

    1. ما انفكت البرنجيه وما برحت وما دامت و ما كانت وما أصبحت الا واختتفت،، اها يالغلبان أعرب باقي الكلام الناقص

      1. ما انفكت معاك فرق التوقيت لاعب لمصلحتك وما برحت تصطادها وما دامت الا لك وماكانت الا اليك وما اصبحت الا في ايدك وما اختفت الا مع ظهورك دا انت عامل زي امنا ال ……… يتمها ليك البروف احسن

      2. فرق التوقيت ما بين هنا والسودان تلاته ساعات بس
        يعني حسه عندنا الساعه 20:22 وفي السودان 23:22

      3. فرق التوقيت بالقديم والا الجديد عشان اعرفك وين هع ديل لخبطوا خطوط الطول يااااااااااخ

  5. !!!!!!
    ياربي لو كان شاعر الاغانيه
    وطن الجدود نفديك بالاروح نجود

    حي لي اس كان غير كلمات الاغنايه لي شنو

    1. كان كتب واحدة زي يا قلبي المكتول كمد

  6. ما برحت كاتمه ،،، كتمت شديد، تصبحوا علي خير

  7. الناقص الاكبر !!

    1. ماذا تعني أرجو الإفادة مع الشكر يا زميل

      1. ههههههههههههههههههههه,,,
        وضحت ليك بهنااااك ,,
        قصدى فلااااااانة الماذيانا !
        ما تبقى حسيس اكتر من اللازم ياخ,,,

  8. لو شفتوا وصول جنازة محمود عبد العزيز وكثرة الخلق الفرتقوها بالبنبان لمه تفرتق حكومة وهي تهتف لن ننساك يا سودان كان عرفتو كل الافعال الناقصه في البلد دي انا بعد دا عودي فيها عود مرا يمن ثلاثة دا ما السودان (وعلى العموم ربي يرحمه)

    1. الغلبان ياخوي ده جيل وجد من الحوت التطريب وتنفيس
      الهموم بموسيقاه لذلك يرد الجميل من المطار وحتي اواخر
      الليل بالمقابر ووجد من هيثم مصطفي الامتاع وتبريد
      نيرانهم الداخلية بهزم الخصم الخطأ وتستمر النشوي ايام
      وايام يجابهون بها نيران خصمهم الحقيقي معاناة المعيشة
      لذلك تجدهم معتصمين ومهددين بالانتحار لاجله . لكنه
      لم يجد من الوطن شئ يدفعه لرد الجميل وهذا ما يجعل
      الحكومة تهتف لنا الموت الموت وما بنفوت كما هتف هذا
      الجيل الحوت الحوت ونحنا نموت ..

      1. رحم الله موتى المسلمين اجمعين ,,
        والغريب فى الامر انى طالعت فى بعض الصحف والمواقع الاسفيرية ان معجبيه ومستمعيه اقتحموا مطار الخرطوم واحتلوا مهبط الطائرات كرد على عدم اعلان موعد وصول الطائرة !
        فهلا ثاروا واحتلوا المطار من اجل قتلى جامعة الجزيرة او عوضية شهيدة الديم او ازدياد الاسعار دون زيادة فى الرواتب او من اجل اى شئ يمس الكرامة والحرية ؟؟
        ان هؤلاء الثوار ليسوا باحرار يبغون الحرية والحق , بل هم عمون ,,
        وايضا وجدت بعض الكتاب والصحفيين يحاول ان يصور وفاة المطرب (محمود عبدالعزيز) على انها حادثة قتل من تدبير واهمال الحكومة !
        والله انه للعجب العجاب !! فهل هذا من باب القاء القميص اياه ام من باب (الحدر فى الضلمة) ام هى محاولة لاستفزاز مشاعر المواطنين والخروج بهم فى ثورة !!؟
        اتقوا الله فى موتانا يا هؤلاء ,,,,

      2. صحي كلامك عشان نحنا جيل الملحمة وحانبنيوهو البنحلم بيهو يوماتي وحميد قلبنا يقلي البن بس الجماعة ديل بتين بيجيهم سفر البن

  9. ومازال خط هيثرو العند النائب العام بارح فى ادراجه ومازال النائب العام فى مكانه

  10. stick your finger in your nose
    الكلام دا ليك يا شمباتي
    وانا مالي ومالو
    شمبات الحلة جوار الكباشي

    1. هههههههههههههههههههههههههه,,النوس برضو يا كبير !!

    2. كتلوني مالك بتحوم بشارع المعونة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: