خبر وتعليق

صحيفة المجهر السياسي
25 يناير 2013م

أفتى الأمين العام لهيئة علماء السودان البروفسيور “محمد عثمان صالح” بأن كل من وقع على وثقة ” الفجر الجديد ” بكمبالا والتي تدعو لفصل الدين عن الدوله بأنه خارج عن الدين ومضى قائلا : ” نحن ضد الوثيقة التي صدرت من كمبالا وتدعو لفصل الدين عن الدولة” ، وكل من وقع عليها يدخل في إطار أنه خارج عن الدين، ونفى في حوار مع ” المجهر ” عن الهيئة اتهامات لأنها تفتي لصالح السلطان وقطع بأن هيئتهم مستقلة وأنها لا تتورع فى تقديم النصح للحكومة كاشفا لفتهم لنظر الحكومة عن حالات الفساد المستشري فى البلاد ومطالبتهم بمحاربته بجانب حسم التفلتات الأمنية ، وأمر الحجاب أضاف قائلا : ” لقد بح صوتنا، ونحن ندعو للطهارة والنزاهة ونجرم الفساد، ثم يقيدنا الواقع، وحال الناس، لكن ذلك لا يمنع سعينا لتطبيق الشريعة الإسلامية في الأنفس قبل الورق” .
وشدد صالح في حديثه على أن الوقت قد أزف لوضع دستور دائم يرضي أهل السودان ويتطابق مع أعرافهم وعقيدتهم، وأن يكون نص الدستور من القرآن والسنة المطهرة، بالإضافة إلى تجارب الأمة الإسلامية، وقد وضعنا بالهيئة الموجهات وسلمناها للجهات المختصة بالدولة حتى تطبق الشريعة الإسلامية.

تعليق :
يعني إنتو هسه ما مطبقين الشريعة؟ … هات الحبوب يا ولد

كسرة ثابتة:
أخبار ملف خط هيثرو العند النائب العام شنو(وووو وووو وووو)+(ووو)؟

Advertisements

27 تعليق

    1. توقفنا عن التدخين

      1. حردتك عيييينة لكن !!
        ههههههههه

      2. حتي لو توقفت برضو مبروك البرنجيه ..
        بالمناسبة فعلا امبارح كانت حقتك بس برنجتك تاهت
        عن الدرب ووصلت متأخره لكن كلامك صاح 10.54
        وموضوعك ده ح نرفعوا لهيئة الافتاء عشان يفتوا لينا
        هل تعتبر برنجية طارق باطلة ولآ صحيحه .

      3. جنوبى,, الافتاء فيها حيكون حسب المصلحة,, يعنى لو معانا تكون حلال و صحيحة و جائزة شرعا ,, اما لو لا سمح الله كنت مع (الخيانة) فهى باطلة و تعتبر خروجا عن اجماع الامة و يمكن تستحق اقامة الحد كمان !!!

      4. اشد من يدك الحالة ما حالت دخااااااااان (جنوبي افهما عدل ما دخان داك دخان سجاير)

  1. برنجيييية

    1. آآآآآآآآآآآيس دي سبارس مو برنجية

  2. الراجل دا ماعندو صكوك غفران يدينا منها !!؟
    وما راى الدين فى من يفرطون فى ارض الاسلام؟
    وما راى سماحة المفتى فى قتل المسلمين من غير وجه حق؟؟
    اهيييييييي..شفيئ يا رااااااقل

    1. مبروكة وتستاهلا وتحياتي لفلاديمير امس كان معاي في واتس اب

      1. مبروكة عليك العاشرة يا العبيد ,, اها بعد دة فى شنو ياربى؟؟ و بعدين انتا ما عندك عيانين تمر عليهم؟ و تييب المخليك مساهر قدر دة شنو؟؟؟

    2. خلصوا والله , آآآآخر صك شالوا الكودة ! ما شفتوا
      استثنوهوا من التكفير !!

      1. الأخ فلا ديمير وبما أني اقتلعت عن البرنجيات بعد اكمالي العشره احب أوريك سر اللعبه
        باستعمالك الموبايل بتجيك رنه عند كل ايميل،، أما عن العيانين والمرور والعياده فكلو منظم وبانتظام والقصه ما جايطه،، عندنا حريه كامله للرد علي الموبايلات وخلافه فنحن يا سديكي نعمل في بلاد الكيو والثانكيو،،فرق الوكت برضو في صالحنا،، إذ ان فرق الوكت بينا والسودان تلاته ساعات وعييييك معاك أربعه ساعات،،

      2. هههههههههههههههههههه,,,,
        بستثنوهو كان حيين ,,
        تفوو عليهم,,,

  3. “لكن ذلك لا يمنع سعينا لتطبيق الشريعة الاسلامية في
    الانفس قبل الورق ”
    طيب ما ياهو كروف زاااتو !!هو الفصل ده كيفن تاني !
    ليه ما يطالبوا الحكومة دي بربط الدين بالدولة
    فعليا بدل الشعارات الليها 23 سنة دي ؟
    انتو هيئة علماء السودان ديل بياخدوا رواتبهم من
    منو ؟ وتيييييييييييييييب

  4. الحبوب كملت ،،، طيب يا ولد خلى أمك تسوى لى كركدى ينزل الدغت ،،،، مافى سكر ،،،،، خلاس أفتح القناه السودانيه خلينى أموت و أرتاح

    1. اسمك ما هين وسموك علي زولان ما هين تب يا ابو الطرق

  5. حبووووووب !!!
    الحبوب الكمل في الصيدليات ده
    بتجيبو من وين !!!!!
    ورينا عشان نلحق نفسنا
    ااااااااخ يابلد

  6. كما ورد و نود لو تفتو لينا في الموضوع ده وأما موضوع فتوي البرنجيه في بطلانها والخ صعبه ولكن فتوي لما سيرد بعده ساهله ولكنا نريد رأي أهل المعرفة وشيوخنا الظريفين ولذيذين وحلوين في الآتي
    1- المصواب
    نكاح عادي مع عقد ونفقة وشهود عيان ، ويصلح لمن وصل سن البلوغ وصار يتلفت يمنة ويسره .

    2- المسيار
    نكاح تتنازل فيه الزوجة عن كل شي حتى النفقة ، ولا يلزم الزوج أداءها إن طلبت الزوجة ذلك ، هذا الزواج يساعد من لم تتزوج مبكرا للحصول على زوج .

    3- المصياف
    نكاح يعقد في بداية اجازة الصيف دون تحديد وقت للطلاق ، طبعا وينتهي هذا الزواج بالطلاق عند انتهاء الاجازة تقريبا ، ويصلح هذا النوع لمن هو ميسور الحال أو من يسافر كثيرا للعمل التجاري والسياحى .

    4- المسفار
    نكاح تم اقتراحه مؤخرا لتتمكن المبتعثات من الحصول على محرم خلال فترة الدراسة في الخارج ، يستفيد من هذا الزواج المبتعثات وطالبوا الزواج والتمتع بالسفر بالخارج .

    5- المطيار( أحلى زواج )
    نكاح للطيارين والمضيفين من المضيفات خلال تكرر الرحلات الطويلة ، ويستفيد من هذا النكاح المشتغلون بالطيران ممن تمنعهم ظروفهم أو (مللهم) من نكاح المصواب .

    6- المصياع
    نكاح يتم بين اهل السياحة المتكررة والوناسة ومحترفات الزواج في بعض الدول لتلافي الوقوع بالحرام بالزواج الصوري ، المستفيد اهل السفر والوناسة .

    7- المحجاج
    زواج بين طالبة لأداء فريضة الحج ورجل يرغب في قضاء الحج فتدفع الزوجة تكاليف الحج ليكون لها محرما، وهو زواج مع وقف التنفيذ لكون الزواج وقت الحج ، يستفيد من هذا الزواج من لم يقض حج الفرض من نساء ورجال .

    8- المسياق
    نكاح يصلح للمعلمات اللاتي يدرسن في مناطق بعيدة ويحتجن محرما لركوب الأتوبيس فيتم الزواج بالسائق ، او بين المدرسات وسائق أتوبيسات النقل ، الى حد أربعة زوجات لكل سائق .

    9- المهراب
    زواج يتم بالخطيفة ، ويكثر بين اهل الشام وعند من لا يشترط الولي في عقد الزواج ، وهذا النوع من النكاح يصلح لمن هو طايح حظه ولم يجد زوجة وكذلك من لم يقبل به كزوج في بلده .

    10- المقراض
    هو الزواج من بنات لديهن عقارات للاستفادة من قرض البنك العقاري

    11- المخدام
    زواج من بنات شرق آسيا لغرض استقدامهن للخدمة بالبيوت

    1. يا د. عبيد : اقوليك حاجه شكلك كده عايز زواج المسفار ..لانك في يو كى .. و المبتعثات على قفا من يشيل .. يا زول ما عندنا مانع بس شوفو لينا المخدام ده .. عشان عندنا بنات شرق اثيوبيا بالهبل ( شرق اسيا ديل لسع ما وصلونا ) .)

      1. سديكي عمك تانقو ما تخاف ما ح أكلم ليك الجماعه سييييير وربنا يعينك ،. وبالمناسبه في زواج الجهجهه للناس الخوافيين. ال ذيييك

    2. ما تنسي زواج البوبار : وده للشايب العايب البتزوج واحده ضغيرة وحلوة ولمن ما يقدر يقوم بواجباته تجاهها يقوم بدل يطلقا يطلِق يدها في خلق الله .
      ياخي ما في حل تاني يعني معقول ما بعرف لعية انقري بقع علي وين ؟ !!!!!

      1. ما فى زواج مكواز و هو الكوز الذى يجند بنات الأقاليم المسكينات فى جامع الجامعه

      2. هههههههههههههه,,,
        لكن يا جنوبى لعباتك ما عينة !!!

    3. كله هين آلعبيد بس النكاح الفيهو هسع نحنا دا شنو

  7. البرلمان يحقق في هل المبلغ العائد من بيع جزء من مشروع الجزيرة دخل خزينة الدولة ام جيوب اشخاص !!
    وانا كواحد من الشعب الفضل داير اسأل البرلمان , هل انت اصلا عرضوا عليك مشروع البيع سابقا ووافقت عليهو ؟
    البترول وشالوا مننا اهلي الجنوبيين وانشالله بالساحق والماحق عليهم . هل فضل لينا شئ غير واطاتنا حقت مشروع الجزيرة دي توقفنا علي حيلنا وسط الرجال ؟
    هم ناس الافتاء ديل ما يشوفوا لينا فتوي تريحنا من المتعافن ده , هسع الزول ده ما بيدخل ضمن الذين يعيثون في الارض فساداً ؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: