بقينا ملطشة

منذ أن بدأ العبدلله الكتابة الصحفية قبل حوالى عشرين عاما فهو يميل إلى عدم تناول الأحداث التي يكتب عنها الزملاء الكتاب ويتناولها العديد من المواطنين على المنتديات والمواقع الأسفيرية وذلك من منطلق أن الموضوع ( بيكون أخد حقو في الكتابة) .. غير أن ما نحن بصدده اليوم وعلى الرغم من تناول العديدين له وجدت نفسي غير قادر على السكوت عليه فهو يمس حياء المجتمع السوداني ويجرح كبريائه .
نعم عزيزي القارئ الأمر يخص ذلك الإعلان الكارثة الذي نشرته صحيفة (الإنتباهة) قبل ايام ذلك الإعلان الذي دفعت به إلى الصحيفة وزارة تنمية الموارد البشرية (إدارة إستخدام السودانيين بالخارج) وهذه الوزارة لعلم القارئ الكريم يرأسها ثلاثة وزراء (ما تخلوهم أربعة) والإعلان المذكور يبحث عن موظفات للعمل بدولة خليجية في مجالات المبيعات والفنادق والضيافة والاستقبال وحجز تذاكر الطيران والكول سنتر والمبيعات والتسويق (يعني أي حاجة وكده) !
طيب لنري المواصفات (لشغلانية الأى حاجة دي) ..الشرط الأول : العمر من 21 إلى 35 (عمر الزهور) أما الشرط التاني فهو (جمال الشكل على أن تكون اليشرة غير داكنه) … يعني حلا وبياض !
أما بقية الشروط (الحاشرنها ساي نظام توجد شروط) فهى مستوى متوسط للغة الأنجليزية وإجادة إستخدام الكمبيوتر والذكاء وسرعة الفهم (عشان تفهمها وهي طائرة) !
طيب عشان المتقدمة تتحصل على الوظيفة (الياتا ما معروفه من الوظائف الفوق دي) تعمل شنو.؟ تقول فقرة (المطلوب) في الإعلان :
– صورة جواز سفر ساري المفعول لمده عام
– صورة آخر مؤهل دراسي (ولم يتحدث الإعلان عن أي مؤهل دراسي) لأنو الشغلانية فيما يبدو ما عندها أي صلة بالدراسة كما سوف يتضح لاحقا عند التوقف في (المؤهلات التانية)
– المؤهلات التانية يا سادة يا أفاضل تقول عنها الفقرة :
– عدد 3 صور ملونة تبين الشكل من الرأس إلى القدم (مش لازم يتأكدوا من المؤهل) على أن تكون مختلفة (يعني ما من زاوية واحدة .. ودي للإطمئنان أكثر إحتمال تكون كاسرة ركبه في حتة أو حالجة صواميل)
– معلومات عن الطول والوزن والأمراض والعمليات الجراحية إن وجدت (يعني المؤهل الداخلي) يكون مافيهو أي تشويهات .. ضربة شومة طعنة سكين .. عملية زائده (لأنها ممكن تأثر في العمل) !
طيب (البت) المؤهلاتها (ظابطة) تعمل شنووووو؟ يقول الإعلان مجيباً على هذا التساؤل :
– تقدم الطلبات بمكتب أبوجمال للإستخدام الخارجي تلفون رقم كذا !! يوميا من 8 صباحا وحتى 5 مساء !! (وأبو جمال يقعد 9 ساعات في اليوم ينقي في المؤهلات) !
إنتهي الإعلان البائس المقرف الحقير .. والذي للأسف الشديد قامت بالتصديق على نشره أحدي وزارات (المشروع الحضاري) ! مما يجعلنا غير مندهشين إذا أقدمت الوزارة هذه بالدفع بإعلان عن وجود وظائف شاغرة غير محددة (للجنس اللطيف) في إحدى الدول الخليجية بمؤهلات أكاديمية هي (القراءة والكتابة) والتعامل مع (الويندوز) على أن تكون المتقدمة :
رقراقة الوجه بضة الجلد ملساء القدمين ردماء الكعبين .. ناعمة الساقين.. ضخماء الركبتين.. لفاء الفخذين .. ضخمة الذراعين .. هيفاء البطن .. ممشوقة الخصر.. رخصة الكفين.. ناهدة الثديين.. حمراء الخدين.. كحلاء العينين .. زجاء الحاجبين.. لمياء الشفتين.. بلجاء الجبين شماء العزبين .. شنباء الأسنان.. محلوكة الشعر.. عطرة الثغر .. غيراء العنق .. طفلة الملمس.. عطبولة العنق .. عيطموس !

كسرة :
والله العظيم بقينا ملطشة !!

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو؟

Advertisements

70 تعليق

    1. إنت من زمان كنت متعود على (((الختِف دا))

    2. قلتا ليك ياسيد ويندوز العلبه ما بتمها اصبر بس …..مبروكه

    1. الف و17 مرة قنا الاستاذ بتاع بينسون بس
      ياخي ماتعكرو مزاجو

    1. هى لا !!

  1. هههههههههههههههههههههههههههه
    لنا عوده

  2. هى المواصفات الفوق دي المفترض تكون فى المراع؟
    كان كدي نحن وقعنا بي قد القفه ههههههههههههههههههه
    هذا زمن المهازل !!!!!!!!!!!!!!!!!!!!!!!1
    الموضوع دا ليهو علاقه وثيقه بالموضوع السابق يحلقوا للاولاد ويعرضو البنات

    1. ارعي سااااكت الحبه دي ما بتجيك ..
      الا الخوف بكره ناس كينيا والكونغو يقولو دايرين !

    2. بعد ما ادريس دبيي عرس من بناتنا ارجو عروض التشادين ساااااااااااااااااي

  3. فيها شنو يعني؟ موش هو الخليجيين بيحبونا زيّ أخوانا الكوايتة!! !

  4. كم يحتاج هذا الوطن من عمليات الإغتصاب حتى يحس أن شرفة ينتهك ؟ ولا أصبح شاذ ونحنا ما ناقشين . تبا لكم

  5. يا جبرا يا فنان يا مجاهد بقلمك وبي قدومك ده الله ما جاب يوم شكرك الكتبتو ده كله عرفناه وقرينا وسمعنا بيه وكمان شفنا بس عليك الله ( عيطموس ) دي جبتها من وين يطرشنا في الزبور ما سمعنا بيها / الله يجازي محنك

  6. الفاتح جبرا تاكد لنا كل يوم باهتمامك بالانسان السودان وكرامته اكثر من الحيكومة التى فقط تتفنن فى ازلال واهانة كرامة هذا الانسان فلك الشكر ووفقك الله الى الخير والصواب دوما…..
    يا جبرا بالنسبة للمشروع الحضارى فاقول لك باننىاكتشفت الان اننا كنا فاهمين الحكومة غلط كم وعشرين سنةونحنا فاهمين الحيكومة غلط يا جدعان … اتاريهو دا هو المشروخ الحضارى(المشروخ) …. عشان كدة عمك بشة كان بيقول انا حصل غشيتكم انا حصل كضبت عليكم اتارى نحنا كنا ظالمين الراجل ساى …. غايتو الله يغفر لينا فى سوء ظننا فى الحيكومة دى …. وشكرا.

  7. ما فوكا حاجه الموضوع إيزي جدا .. وين ده من الشغل بتاع تركيا والبيوت الفي حلتنا المعروفه للكل ما فضل الا يعلقو فيها رايات حمراء

    1. وهو الطمعن فينا شنو غير بناتنا الفي مصر والامارات والسعوديه (كيلو 10)….مع الاعتزار للاغنيه

  8. اصلو حاكمنا استبدّ وقال هو الله بدون شريك
    والفضايح كل حته
    والمذلة بقت معزة
    شفتو كيف الزولة ديك ؟ …
    القبيل جابت اخوها ..
    يبقي ليها ضرا ولصيق
    في بنات الناس توزّع .. للكوايته و للـ لو؟؟طه
    كيفما تاجر الرقيق ..
    يامطر عزّ الحريق يا مصابيح الطرق
    فت وين دنيانا رحت ؟
    هل اتاك النبأ الصفيق !؟
    التجارة بقت بناتنا !!!
    صورة اولي وواحده تانيه وصورة تالته تفيد ..
    التأكيد ..
    ونحنا ذاااتنا .. يانا ذااااتنا
    سير سير ادم سفير

    1. انتا ياجنوبي كتاب حلاص ممكن نلقي عقد ف السلطنه لانو قالو قابوس ده مايعرفش يمه ارحميني وبحب الشعراء وال……….لكن ناس المؤتمر ال ديل والله الا بعد ده نخلي ليهم البلد دي نجيب اولاد يغتصبوهم بنات صغار برضو يغتصبوهم بنات كبار يسفروهم كبار شديد نيجريا كبار خالص ديوان الزكاه شباب يحلقوهم ويكوزنوهمم ويخدروهم رجال كبار ينزلوهم معاش او فايض عماله والله ماعرفنا نعمل شنو ولا نشكي لي منو

      1. بري يا ده ! ابرا واستبرا .. ماااالك في اخر عمري
        دار توديني لي احفاد قوم لوط يبشتنوني..
        انا داير امشي الكويت , قالو كان ما صدام دخل
        كانو قاب قوسين او ادني من تسجيل نقابة الرجال
        الماكويسين ..

      2. انا ماشة نيالا اوو ااوووووو عاجبنى جمالا !!

  9. ياأستاذنا لا ملطشة ولا حاجة. دي عادية جدا جدا في عهد التوجه اللاحضاري القديم جدا!!! ما كل مرة فالقنا بمثل هذه الترهات المسألة وما فيها انها عملية في غاية البساطة كم سمعنا من قصص وحكاوي عن احبابنا وحبيباتنا المغتربين والمغتربات!!! استغفر الله اللهم استرنا واستر اعراضنا. الليلة نحن بقينا في مشكلة الرغيفة وياما بكره تشوف … النجوم في عز الضهر!!!!

    1. ان في قانون يمنع سفر البنات بدون محرم راحت فين القانون دا .. ولا ذي ارنيك 15 يمكن تجاوزه عشان الناس البيحبونا

  10. والله يا جماعة أنا ما عارف بعد دا باقي يعملوا لينا شنو ؟ والله على قدر ما كنا نتخيل ملطشة ما كنا قايلين بوصلونا للمستوى دا … لكن نحنا نستاهل … يتعمل فينا اكتر من دا طالما ساكتين ودايرين نشوف آخرتا لحدي ما آمنا العجوز اتصافحت …!!
    بعد شوية جاهر عندنا مدارس لتأهيل العمالة الخارجية .. لتعليم فنون المؤهلات المطلوبة … ودراسات عليا كمان !!!!
    الله في … وليهم يوم نراه قريبا …

  11. دي شريعة الحكومة ونظامها العام يحلقوا للاولاد ويعرضوا ويبيعوا في البنات. انا عندي لغز بس يحلوهو وزراء العمل ال3:
    استخدام خارجي + جنس لطيف + جمال ولون بشرة فاتح + صور من اجزاء الجسم المختلفة (…….الخ) =………! ماهي المحصلة النهائية لاجتماع هذه الميزات عند الخلايجة؟؟؟؟؟؟؟؟

  12. عفوا تصحيح ….. بعد شوية تظهر (مش جاهر) عندنا مدارس لتأهيل العمالة الخارجية …… معليش.

  13. الفينا مشهودة
    عارفنا المكارم نحن بنوقدها
    و الحارة بنخوضها,,,,
    دي تاني حا تكون من امثال زمان نحكيها لصغارنا و نقول ليهم دي كانت اخلاق ناس ابونا و جدنا.. و حاتكم نحن في امريكا كنا شايلن هم في تربية اولادنا في بلاد العم سام و كونا بنفكر نرجعهم السودان عشان يتعلموا مكارم الاخلاق لكن بالطريقة دي اخير ناس مايكل جاكسون…..

  14. المهم أبو جمال فاتح واللا قفل؟؟؟ لأنو نحنا عندنا ملفات المفروض نسلمها ليهو.

  15. هذا زمانك يا مهازل فامرحى.
    ولا نقول عشنا وشفنا. ،؟

  16. في عيال الناس توزّع .. للكيزان و (الكوايته)

  17. عفواً
    في عيال الناس توزّع .. للكيزان (الكوايته)

  18. بقينا ملطشة مادايرة كلام لكن نستاهل اكتر من كده

  19. حسبنا الله ونعم الوكيل

  20. الاستاذ الفاضل فى الكسرة الثابتة اديك اقتراح بدل الواوات الكتيرة دى تضع الواو تحت الاس لانها ممكن تصل لحدى واو اس مليار

    1. حرام عليك ياهنايه ناس الامن يقولو لي هس وانتا تقول لي اس

      1. هههههههههه,,قوية قويييييييييييييييييييييييييية منك يا قوية !!

  21. رقراقة الوجه بضة الجلد ملساء القدمين ردماء الكعبين .. ناعمة الساقين.. ضخماء الركبتين.. لفاء الفخذين .. ضخمة الذراعين .. هيفاء البطن .. ممشوقة الخصر.. رخصة الكفين.. ناهدة الثديين.. حمراء الخدين.. كحلاء العينين .. زجاء الحاجبين.. لمياء الشفتين.. بلجاء الجبين شماء العزبين .. شنباء الأسنان.. محلوكة الشعر.. عطرة الثغر .. غيراء العنق .. طفلة الملمس.. عطبولة العنق .. عيطموس.
    انجليزي دة يامرسي .اها ياجماعة الخير والزالطات وشوشن ديل يقبلن وين؟
    قال لونها فاتح قال

    1. ههههههههههههههه اها فرعوني ولا سنه …غايتو جنس غايتو

    2. الظالطات وشوشن بالكريم والبدره
      دايرين صورة كامله
      شان يغارنو اللوووووولوووووووون
      ما تخاف عليهن يا خوي ديل زاااتن دورن بجي بعد ناس
      يوغندا يحبونا زي الكوايته

  22. كدى اشرح لى حتلقى فراغ تكتب فيه الواو وين ؟

  23. الإعلان المذكور شاركت فيه وزارة تنمية الموارد البشرية ونشرته صحيفة القواد الأكبر الطيب مصطفى وغضت الطرف عنه بقية مؤسسات الدولة بما فيها مؤسسة الرئاسة التي يجلس على رأسها التنبل الأكبر البشير ، طيب لماذا لا تفكر الحكومة المفلسة وبعد أن قطت مواردها في إنشاء وزارة جديدة للدعارة واللواط تحت الإشراف المباشر لمؤسسة الرئاسة على أن توكل الوزارة لوزير نشط وخبير في هذا المجال الحيوي مثل نافع علي نافع أو قطبي المهدي أو مصطفى عثمان أو الخبير الوطني ربيع عبد العاطي وأن توفر الميزانية اللازمة لعمل الوزارة واختيار الكادر البشري من العاهرات والغلمان من الموالين للنظام خصوصا منتسبي المؤتمر الوطني

    ولا ممكن الاشراف ع الشيخ وممكن التصدير يكون عن طريق بورتسودان مع ختم نائب الوالي اصلو مابعرف رمضان ولا خميس

    1. قوية،،،
      (أعلنت لجان الحسبة وتزكية المجتمع، عزمها على مخاطبة وزيرة تنمية الموارد البشرية والعمل، اشراقة سيد محمود ، رسميا ودعوتها للالتزام بالحجاب الشرعي من باب الغيرة على الدين وقررت محاسبة الوزيرة التي ظلت تظهر خلال الصحف كثيرا وهي حاسرة الرأس، مبينا انه سيقدم لها نصيحة ووصية ويدعوها للاحتشام)
      تصدير مافي مشكلة لكن لازم الشعر اكون مغطى مااا احتشام وكده !!!!!!!
      اححححححححححححححححححححححححححححح

      1. وزيرة العمل الطيرة ليها 5000 وظيفه بدولة قطر الموقعه بين وزير العمل السابق ووزير العمل القطري بالله لو كل فرصه حافظة على توازن ثلاثة اسر يعني 15 الف اسرة دا غير كرنكتها على الناس الغلابة العاوزين يتخارجوا ليبيا رغم زيارة وزير العمل الليبي وفتحه لفرص العمل هناك حتى للذين ليس لديهم خبرات يعني خريجين جداد لنج انا ما عارف الحكومة دي عاوزه تذل مواطنها لمتين يا ربي فاكرين نفسهم شنو دعوات الملايين عليهم وبرضوا بحشدو جماعتهم في الساحة الخضراء عجبي (المسالة ما حشود نفس الاستغفال النميري والبو علي والقذافي والاسدي) اسهل حاجة احشد الخلق واسخر مال الدولة لذلك ادام سفير دا غبي والا شنو هع كع كرع

      2. لما اسمع لجانالتزكيه والحسبة والكلام الكبير بحتااااااااااااااااااااااااااار والله بحتااااااااااااااااااااار

    2. يلا تعالوا نعاين للاعلان ده بي عين اخونا ودالخلا
      الاعلان نزل الخميس وطبعا الجمعه عطله والسبت زاتو
      عطله لاكين يوم السبت 15 بت قدمن صورن كااااامله
      لي مكتب ابو جمال .. ولا مكتوب في الاعلان اتصل نصل ,ولا
      اشراقه طلّعت عربات جابتن من بيوتن !

  24. أنتبهوا ……………………………………………………..
    هل سمعتم بتجنيد مرتزقة اليومين دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  25. يا ناس بقينا ملطشة من زمان بس انتو ما جايبن خبر … ما تشوفو المزيعات فى القنوات الفضائية …. هل منظرهن يرضى بشر على قول الحاجة الواحدة منهن ما فضل ليها غير الرقيص لانها احسن من العروس فى ليلة عرسها … والامّر من كدى … السيد الرئيس ما بتتذكروا رقيصه مع مجروس فى القاهرة امام الكل …. يا حليل سودان زمان ….. اللهم أرنا قدرتك فى هؤلاء …. و لك التحية و التقدير أستاذنا الهمام

    1. مجروس منو يا مخلص !؟
      اوع تقول لي (عبد الله مجروس) بتاع بيوت الهناي داك !

  26. ملطشة و نص على قول نانسى عجرم ….. وعشان ما نزع أحد المحترمين … ” ملطشة و نص” أس مليــــــــــــــــــــــــــون

  27. عاااااااااااااااااااااااادي يا استاذ، ما احنا في ظل المشروع الحضاري لحكومة الانقاذ الوطني الله يديهم العافية ويخليهم لينا عشان يكتموا انفاسنا زيادة وزيادة، بقينا زي الحبش بل واسوأ، لكن الحبش ما عليهم لوم لانه ده فكرهم ودي تربيتهم وثقافتهم (ولا اسيئ للحبش ولكن اقصد في تحرر بناتهم بمعرفة الاهل)، لكن احنا رجالنا ماتوا في كرري ولو ابو جمال ما عارف كده ما كان اتجرأ اصلا في الاعلان ده ،،، كلمة ملطشة لا توصف حالنا يا استاذ، عليك الله شوف لينا كلمة اسوأ

  28. البروف انت قاصد مطومسه ولا عطومسه شان نحنا نفهم بس

  29. انا عايز العيطموس دى !
    بس لا تطلع عيدروس !!
    وااااااااااااااااااااااااااى

    1. دى الحور العين
      يا شمباتى

      1. هههههههههههههههههههههههههههههههههههه,,
        يعنى حوراء عوراء مصقول عوارضها !؟
        ههههههههههههههههههههههههههههههه

  30. أهمممممممممممممم حاجة عيطموس دي

  31. أغلب التعليقات خرجت عن النص كتييير فياريت مايحصل كدا علشان في كم هائل من الناس بتقرا المقال دا

      1. نخرج الشااااااااااااااااارع آآآآآآآآآآآآيس اخوى

  32. بقينا ملطشة !!!!
    لسه الجاااي ورا
    شوفو دي
    (شرع عدد من البرلمانيين في جمع توقيعات لإثناء الرئيس عمر البشير عن نيته عدم الترشح مرة أخرى لرئاسة الجمهورية ، وفيما قالوا إن عدم الترشح سيأتي بنتائج كارثية على تماسك البلاد ، شددوا على ضرورة تراجع الرئيس عن رأيه . لما يتمتع به من شخصية إستثنائية)
    عليييييييك الله يا البشير إترشح عشان ما نكون ملطشة
    اهئ اهئ اهئ ….. إستغفر الله

    1. بيلقوا فى سماعاتهم ودماعاتهم ,,,

  33. حتى فى التعليقات نكتم نفس الناس يابت مدنى ماكفاياهم كتم الله يعين الجميع

  34. ماقلنا نكتم في نفسنا لكن نتكلم بشوية موضوعية ومافي داعي للكلام إياهو

    1. تحيتي بت مدني الناس كنت آآآآآآآآآآوختي الكنينه

  35. لا اخوض معكم لكن كتمت كتمت كتمت

  36. قلنا الشارع لسه بنادي
    للجاي والغادي
    امرقو ساي والله الحبا دي ما تجيكم
    بس اختو ناس السندكالي والبقرة الضاحكة

  37. هذا مقال الخال الرئاسى الذى نشر بصحيفة الغفلة قبل ايام من الاعلان المسئ
    بين هيفاء وهبي وندى القلعة!!

    التفاصيل
    نشر بتاريخ الإثنين, 11 آذار/مارس 2013 08:26
    كلَّما رأيتُ صورة هيفاء وهبي في صحافتنا السياسيَّة وأحياناً في الصفحة الأولى وكلَّما رأيتُ غيرها من الممثلات اللبنانيَّات والمصريَّات وغيرهنَّ من «البيضاوات» ألحَّ عليَّ سؤال استنكاري: هل فكَّرت صحافتُنا وهي تستخدم هؤلاء الممثلات الأجنبيات في تسويق بضاعتها… هل فكَّرت في الآثار الاجتماعيَّة والنفسيَّة بل والعنصريَّة المدمِّرة التي ينطوي عليها تصرُّفها هذا؟!
    سؤال آخر: هل تتفضَّل وتتكرَّم الصحافة المصريَّة واللبنانيَّة بنشر صور مطرباتنا ومذيعاتنا السودانيَّات أم أنَّه حُب من طرف واحد يعكس حالة الهزيمة النفسيَّة والشعور بالنقص الذي يسيطر على بعض نُخبنا؟!
    هل يعلم القائمون بأمر صحافتنا أنهم يبيعون مبادئ سامية بثمن بخس حين يروِّجون للون الأبيض على حساب الأسود الذي ينتسب إليه وطنُهم السودان اسماً ومعنى؟!
    هل يعلمون أنَّهم يُسهمون في صرعة تبييض البشرة التي يسمُّونها (تأدُّباً) بالتفتيح والتي اجتاحت ولا تزال نساءنا في الريف والحضر بل والتي أقنعت كثيراً من شبابنا بأن يبحثوا عن (البياض) كشرط لشريكات حياتهم؟!
    هل يعلمون أنَّهم ربما يكونون قد أسهموا في ارتفاع نسبة العنوسة وأهم من ذلك في تكريس عقدة النقص لدى الكثيرين ممن ترسَّخ لديهم جرَّاء عوامل كثيرة من بينها هذا التهافُت على الاحتفاء باللون الأبيض كرمز للجمال والأناقة التي يرَونها يومياً متمثلة في هيفاء وهبي وسميَّة الخشاب وشاكيرا وغيرهنَّ من اللائي بتنا نتابع أخبار حَمْلهنَّ وطلاقهنَّ وزواجهنَّ بل وأخبار أزواجهنَّ وأخواتهن؟!
    الأمرُ أكبر من أن يُناقَش من خلال هذه الأسطر القليلة وأرجو أن يُناقَش بعُمق بعيداً عن الغضب ممَّن طرحه بهذه الصراحة بالرغم من أنني لم أتناول الجانب الشرعي من إبراز مفاتن هؤلاء الممثلات.
    لعلَّ أكثر ما يُؤلم أنَّ هذه الصَّرعة انتقلت إلى فضائياتنا التي بلغ الأمر ببعضها البحث عن البياض بتوظيف مذيعات لبنانيات وشاميات عديل!!
    أخــي الرئيس… هل تعلم ما يحدث للاجئين السوريين؟
    خلال عملنا في اللجنة العُليا لإغاثة الشعب السوري طُرحت مُشكلة اللاجئين السوريين الذين قدموا بالمئات إلى السودان أفراداً وأُسراً واليوم تلقيتُ رسالة استغاثة من أحد الإخوة السوريين الذين شرَّدهم نظام البعث الطاغوتي من أرض الشام التي بارك الله فيها للعالمين وتفرَّقوا أيدي سبأ بين الدول العربيَّة والأوربيَّة ونزح عشرات الآلاف منهم إلى تركيا ومثلهم إلى الأردن ولبنان ومصر.
    لن أتعرَّض إلى مأساة الأخ إبراهيم العبود الشخصيَّة لكنِّي أكتبُ اليوم عن المشكلة الهامَّة التي يعاني منها كلُّ اللاجئين السوريين الذين لاذوا بالسودان.
    من أسفٍ فإنَّ السُّودان هو الدولة الوحيدة التي تفرض رسوماً وغرامات على اللاجئين السوريين في إدارة شؤون الأجانب.
    في مصر تقوم المنظَّمات الإسلاميَّة بتوفير كل احتياجات اللاجئين أمَّا هُنا فقد انقطعت السبل بالإخوة السوريين وكل الذين أتى بهم حظُّهم إلى السودان لا يجدون وسيلة للانتقال إلى بلد آخر بسبب تذاكر السفر فقد شكا إبراهيم من عجزه عن توفير التذكرة إلى الجزائر التي تتوفَّر فيها فرص عمل أفضل كان من الممكن أن تُعينه وأسرته ومن يعول في سوريا المنكوبة.
    أرجو من الأخ الرئيس أن يُصدر توجيهاته لوزارة الداخلية بإعفاء اللاجئين السوريين من الرسوم والغرامات فهذا أقل ما ينبغي أن يُوفَّر لهؤلاء الإخوة الذين اضطرَّتهم الظروف القاهرة لمغادرة وطنهم الغالي أما المنظمات فإني والله أشعر بالخزي أن تعجز عن تقديم العون لهؤلاء المكروبين إلى حين انجلاء الأزمة التي تعاني منها دولتُهم المباركة.
    إني لأدعو المنظَّمات أن تتحرَّك مجدَّداً كما فعلت في مناسبات كثيرة قدَّمت فيها الإغاثة لمسلمي الروهينغا والصومال ولإندونيسيا فكيف تعجز عن إغاثة من يعيشون بين ظهرانينا وداخل بلادنا؟!
    ترزية الفتوى!!
    عجبتُ من خطيب الجمعة بمسجد النور وهو يُنكر الأخبار المتواترة عن التنصير والإحصائيات التي أوردها من لا يشك أحدٌ في صدقهم فقد قال الرجل لا تصدِّقوا هذه الروايات فليس هناك تنصير!! يقول هذا بالرغم من أنَّ بعض الصحف أوردت أسماء وصور من تمَّ تنصيرُهم ممَّن تحوَّلوا إلى قساوسة ينصِّرون أبناء وبنات السودان!!
    قلتُ لبعض من تحدثوا معي بعد الصلاة مستنكرين قول الرجل (إنها الدغمسة التي بلغ من تبرُّجها أن تطلَّ من منابر الجمعة) لكن أودُّ أن أسأل: هل تراه كان سيقول ما قال لو كان يصلي في مسجد آخر غير (النور)؟! أكثر ما يُؤلمني بعض الخطباء الذين (يفصِّلون) الخطبة وفقاً للمسجد الذي يؤدُّون فيه الصلاة ويؤمُّون فيه المصلين!!
    خطيب مسجد النور شكَّك كذلك في وجود الكنائس وقال إنها مهجورة وليته لو علم أنَّ جنوب كردفان حيث مملكة تقلي الإسلاميَّة في جبال النوبة أُقيمت فيها خلال الفترة الانتقاليَّة حوالى (400) كنيسة!!
    لستُ أدري هل كان إمام الجمعة الراتب د. عصام البشير سيشعر بأي حرج أو خوف إن هو تحدَّث حول هذه القضيَّة؟!

  38. ياشماتة ابلا ظاظا في
    ابلا ظاظا مييييين ………..
    امانة المصاروة ماحيشمتو !!!
    قال السودانيين ناس اخلاق قاااااال
    يخخخخخخخص

  39. سلامات يا استاذنا والله ده كلام عجيب وانا عن نفسى لمن قريت الاعلان فى الجريدة شعر جسمى كشه منو وحست انو فى ان في الموضوع وطبعا الان معروفة هى شنو من المواصفات الخاتنها للمتقدمات

    1. عزوزة
      ان الصغيرونة دي !!!!!!
      مابالغتي عدييييل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: