خبر وتعليق

صحيفة الخرطوم
عدد اليوم الأربعاء الموافق 29 مايو 2013م

الخبر :
قال النائب البرلماني دفع الله حسب الرسول إن دخول كاودا وحسم التمرد بشكل نهائي ممكن بإتجاه الرجال للزواج مثنى وثلاث ورباع ودعا النساء لإعانة أزواجهم في الزواج مرة أخرى لإنجاب مزيد من الأبناء حتى يكونوا سنداً للجيش في الحروب .وخطب حسب الرسول في نواب البرلمان أثناء جلسة أمس المخصصة للتداول حول أحداث (أب كرشولا) قائلاً : (صنعنا السلاح ونحتاج الآن لصناعة الناس نحتاج أن يتزوج الرجل مرة وإثنين وثلاث وأربع وكل إمراة يجب أن تعين زوجها ليتزوج عليها وقال إن الأمة مستهدفة وتحتاج إلى الرجال) وتابع (إذا أي واحد سلمنا خمسة أطفال خلال سبع سنوات سيصبح لدينا 35 مليون شخصاً بعد داك نفتح أمريكا مش كاودا )
التعليق :
أذا كان بالبرلمان مثل هذا العبقري فلن نفتح علبة صلصة …

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو)+(و)+(و)

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(و)+(و)؟

37 تعليق

  1. هههههههههههههههههههههههههههههه والله علبة الصلصه صعبه ,,,الله يديك العافيه يا أبو ناجي ضحكتني والله ، لكن وقت عندنا متخلفين زي ده و في البرلمان كمان نمشي نشوف لينا بلد تانيه نقبل عليها

  2. هو دفع الله ده بس شايل هنايو ده وحايم !؟
    يعني الصينيين ديل يحتلوا العالم ؟

    1. جنوبي ،،،
      دا زي هنااااي لما قال ليها جيييييييييتك
      وهي قالت وااااااي وااااي
      الصينيين شعب عملي والبيان بالعمل مش زي ناس هناي وهناي

      1. اهن شفت زي دفع الله ده كان نام جمب الحيطة كان تلّب
        ليهم . هههههههههههههههه

  3. طيب ما نعمل جمعيه (صندوق) مع دول الأتحاد الأفريقي ونقبض الصرفه الأولى بدل مانستنى سبع سنوات ,,لانه فكرة الجماعه يعرسو والواحد يدينا اولاده الخمسه (زي الحاجه الكعبه) دي قصه طويله ويمكن المره تطلع ما بتلد او عندها مشكله في الغده وكل مره الجنين بسقط وهو لسه في رحم امه او يطلع حنكوش ومن أولاد ميكي ,,,أحسن شئ نعمل حكاية الجمعيه ونقبض الصرفه الأولى لأنه نحنا العاملين الصندوق

  4. انتو ال 35 مليون ديل… جيش ولا روضة؟؟؟

  5. إختشي…الشاب السوداني واغلب الشباب الآن غير المتزوجين أعمارهم قاربت الأربعين إن ام يتجاوزوها… فهل سأل نفسه لماذا؟ كأنما يتحدث عن شعب آخر … قوم لف

  6. ياخوانا كدى نحلل كلام البرلماني الشايل هنايو و حايم زي ما قال اخونا جنوبي  :
    اولا انحنا قلنا للزول ده عايزين ندبل ؟؟
    تانيا ديل رجال شنو اللي بياخدوا ليهم الاذن من زوجاتهم ..
    ثالثا الزول ده عندو كم ولد شغال في الجيش؟؟
    اترك الاخوه ليضيفوا الاسئله

    1. يا تنقو .. ده ماااا زول دانه وجبخانه , ظنيتو مغرّغ لي جهاد النكاح !

      1. جهاد النكاح دا أريتو جهاد السرووووور
        لكن الشفع ابو سبعة سنوات ديل ؟ والله غلبني البقولو !!!!!

  7. ها ها ها الزول ده بيجيب الافكار دي من وين ؟

  8. من المعطيات :
    1- كم زوجة يحتاجها الرجل لإنتاج 5 أطفال خلال 7 سنوات ؟
    2- كم عدد سكان السودان الحالي ؟
    3- ما هو تخصص دفع الله حسب الرسول ؟
    4 – في خلال سبع سنوات بنفتح أمريكا ففي كم سنة سنحتل العالم ؟
    5 – كم عدد الأطنان التي سنحتاجها من عشبة بن علي اليمني في خلال 7 سنوات ؟
    دفع الله !! قوم لف ،،،، شحدت ربي عليك إلف فيك قطر طافي النور

    1. ههههههههههههههههههه
      اريتو بي دعوة فلانة لي ديك العدة .. الرطوبة
      التمسكو تريحنا منو دفع الله ده .!!

      1. هههههههههههههههههه,معطياتك صعبة يا مندهش ,,
        والرطوبة اريتها تجى لى نافع فى حلقو دا !
        سُب عليهم فردا فردا ,,,

      2. أأأأأأأأأأأأأجنوبي سلام صاحبك دا ما بتمسكه الرطوبة ربنا يخلي ليهو الخواجة الكافر بتاع البتاعه الزرقاء هااااااااااك زرقاء اليمامه دي تحياتي

  9. والله عمك ده شكلو منكتتاتي درجة اولى وشاغل خانة شمال الواحد، ويا قول عادل امام “ماهو انا اقعدش زى انبوبة البوتجاز….لن اقبل”

  10. يا دفع الله ما عذبتنا

  11. البروف والسمار .
    مشتاقبن
    والله دفع الله دة حيرنا .
    الزول دة نايب دايرة ولا عضو منتدب ولا عضو م…..ب.
    يعنى أسى دى من أسى الزول يمشى يشوف ليهو طريقة عرس عشان يخت فى راسو إنو داير يعرس من أجل زيادة الجيش .
    أريتو الجيش مازاد…؟

  12. بعدين نغني ليهو جيشنا ياجيش دفع الله

  13. تنكح المرأة لجمالها و مالها و حسبها فاظفر بذات الدين تربت يداك
    أبو الدفاع رئيس لجنة النكاح في مجلسنا الموقر زاد عليها واحدة و لإنتاج ذرية عسكرية

  14. اذا كان يريد الرجال عليه بتزوج كل الشباب الموجدين حاليا وعلي نفقته الخاصه او علي نفقه الحكوميه هههههههههاي قال مثني وثالثه وربع خلي يزوج بناتو للشباب مجانا لو هو فعلا ارد الرجال

  15. السلام عليكم ورحمة الله وبركاته
    اولا التحية لاستاذنا جبرا الخلانا نتلاقي هنا وكمان زاد عليها اخونا شمباتي وخلانا نتلاقي وجها لوجه مع كل من الاخوة عباس ركس (يا خبرة) والمندهش (الخطير) وشمباتي (البشوش) وشخصي (الضعيييييييييييييف) واخونا جنوبي (الشرامي) ما احلاها من جلسة
    وشكر خاص لجنوبي الذي تكبد المشاق واوصلني اتخيلو بس من الرياض لامبدة …. ربنا يجعلو في ميزان حسناتك
    آآآآآآآآآها نجي لموضوعنا : دفع الله (ما عذبتنا) الله يعذبك شحادك يا رب ترحيو من هنايو الحايم بيهو وتعدمو التعريفه الايشتري بيها عشبه بن علي او قوة الحصان زاتو ….
    والله صح بلد نوام برلمانو عينة ديل راجين منها خير تاني ….التراب كالكم
    يا الناس الهناك رسلو لينا تقرير عن دفع الله اصلو الفكره راودتني قلتا الواحد يدق صدرو ويعمل ليهو مزرعه متخصصه عشبه بن علي ويمشي يطلب واحد من بناتو واهو نكون ساهمنا ولو بالقليل في زياده الجيش السوداني للوقت داك لو فضل ….
    يا ربي فيضان من النيل يشيل البرلمان بي نوامو واريحنا منهم
    كسرة:
    شكرا لكم …. ايها السودانيون
    لانو الحصل دا ما بحصل الا في بلد الاصالة والجلابية

    1. كتلوني ولسة حي
      في ديلاك ما قلنا حاجة !! لكن إنت ( ضعيييييف ) ؟ هيييي ياااا يا اخي انت الروعة تمشي على قدمين
      وأوووعك من راودتني وراودتها دي !! قالو تاااني عاوزين يطبقو قانون الشروع
      أعمل مزرعة خاصة ل حسبو دفع رباعي دا لأنو بعد كده ح بحتاج لها

      1. آآآآآآآآآآآآ المندش اهل عوض دكام ……. عليك النبي حسبو دا ممثل ياتو دائرة ولا (داعرة) من الدوائر الما انتخابية الغشو بيها الشعب السوداني نفسي راودتني عشان اعرف

    2. شراااااامي !ّ!ّ
      التوصيلة ديك كووولها ما طمرت فيك !ّ؟ الله ما ظلمك لما بقاك من هامش السودان وهامش الخرطوم وهامش الرياض كمان !ّ
      دفع الله ده انا خصمت المره شارع الموردة حدها سوق السمك وتدي ضهرا الاذاعة وهي راجعة وانا ذاااتي كان اتروجلت ووصلت هناك بدي ضهري قصر الشباب الزول ده مااا مضمون يوم بعيق ليهو زول …..

      1. هو قال ليك قاعد في البرلمان …؟؟؟؟؟؟ ياخي دا حارسا من الدايات …..اخير ليك شارع الموردة اختاهو انتا وعيالك
        اما بخصوص الهوامش التلاته اعلاه فهي تهمه لا انكرها وشرف لا ادعيه ….. وطالما هي عرفتني بكم فيا لها من هوامش
        اعتز وافتخر بالانتماء لها .
        واخيرا انا حالف دفع الله ما بخليهو ؟؟؟؟شفت كيف

      2. سعدت جدا بلقاكم يا حبايب , بغض النظر عن الخبرة والضعفة والشرومية والختورية !
        وسمعنى سلام (احلى صحاب) ,,,

      3. .. كتلوني دفع الله ده ظنيتو من تالا الجموعية وبدل يقلعلهم حقهم في تعويضات المطار وسواقي جدودهم سواها عرس وطهور وقعد …
        انت مكجن دفع الله ! سمح تقول شنو في اللمبي الرسل جنودو لي ابكرشولة ومشي دخل الكورة ؟!
        الهوامش دي الاتنين الاوائل معاااااك الا التالتة متحسبين الله نبري ونستبري من الرجال الحايمين بالاسكيرتي !
        هههههههههههه
        شمباتي .. سلام وعقبال نتلم مع بقية قمرديناب الرياض .

  16. الشباب قادر علي واحده لمن يعرس اتنين الزول واحد من اتنين ام عبيط او عبيط ؟؟؟؟؟؟؟؟؟؟؟

    1. ابراهيم عوض
      الشباب في بلدنا 25% أو أكثر منهم بشرب البنقو !!
      ولكن البسطلو ناس حسبو ديل !!! شفت المغسة ؟

    2. ياخي دا هو الاتنين ذاتو ….الله يقطعو

  17. كنت اتمني لو يدافع عن حقوق المظلومين بدلا من التفكير دائماً تحت الصره،ياليته لو اثار موضوع غسيل الأموال والشبهات التي تطال احد اللي قام جديد ،حاجه مقرفه خلاص وبلاش ضحك علي العقول،غسيل الأموال في السودان موضوع اطلب من النائب دفع الله اثارته في البرلمان

    1. حتي لو اتطوع نائب تاني وفتح موضوع غسيل الاموال دفع الله حينط ويقول غسيل الاموال ظاهرة خطيرة ومتفشية في السودان زيو زي عدم ختان البنات والبت الما مختونة عفنة والبنات 1ذاااتن ملن الشوارع ولازم الرجال يتزوجوا مثني ورباع و… و .. و .. ويقلب الموضوع من غسيل اموال لغسيل لباسات !ّ
      ( كل لما يسر له ياخوي !ّ!ّ)

      1. هههههههههههه — والله انتا فقرى عديييل كدة يا جنوبى !!!!

      2. غسيل أموال غسيل لباسات اي حاجه بس يختانا العضو المنتصب دا

      3. هههههههههههههههه,,انصبنى وتفنن !!

      4. بمناسبة الرجال الحايمين بالاسكيرتهات دي والله حيرونا وعقدونا تقلي الواحد لابس اسكيرت و (بدون) كمان !!!!!!!
        لكن من حسناتا خلتنا في المسجد لازم تكون في الصف الاول لزوم غض البصر وكدا
        الله يقرفهم …ويمرقنا من محل سكنم ….كر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: