إنتو ما مسلمين؟

ترجل والي المسلمين من ناقته المدغلبة (خمسة شنكل) ودخل إلى خيمة الحكم الوثيرة ونده على حاجبه
– يا علقمة .. يا علقمة
– نعم مولاي
– أبحث لي عن عشرة أشخاص من أفراد الرعية المعدمين ؟
– كل الرعية معدمة يا مولاي
– قم بإختيار أكثرهم فقراً وبؤساً
– إنهم كثر يا مولاي
– بقول ليك ايه .. بلاش لماضة وأمشي جيب أسماء أي عشرة مواطنين
يخرج علقمة بينما يمسك الوالي بهاتفه الجوال :
– مسؤول الزكاة؟
– نعم يا مولاي .. أريدك الآن في خيمتي لإجتماع عاجل
– حاضر يا مولاي
يدخل الحاجب وهو ممسك برقعة من الجلد يسلمها للوالي :
– هذه يا مولاي إسماء عشرة أفراد من الرعية المعدمين تماماً
– وماذا تعني بتماماً هذه
– يعني يا مولاي ما عندهم أبوالنوم
يخرج الحاجب ثم يعود :
– يا مولاي مسؤول الزكاة يستأذنك في الدخول
– إإذن له
يدخل مسؤول الزكاة وهو يرتدي حلة من الحرير الأبيض ويمسك بيده على عصاة من الأبنوس
فيطلب منه الوالي أن يجلس
– أريدك أن تذهب معي في (مشاوير) لتفقد بعض أفراد الرعية المعدمين ؟
– ومالو يا مولاي .. جدأ
– مالو مين وبتاع أيه .. حضر ليك عشرة ظروف وخت في كل ظرف ألف درهم !!
– من أين أقوم بتحضير هذه الأموال يا مولاي فالديوان على الحديدة !
– (في إستغراش) : على الحديدة؟ أين تذهب هذه الأموال التي تتم جبايتها
– يا مولاي لقد تبرعنا لقناة الضحي بخمسين ألف (دولار) .. وإشترينا لينا كم ناقة (برادو) وهناك العديد من (الإختلاسات) والباقي (البفضل) بشيلوهو العاملين عليها !
– تصرف .. تصرف يجب أن أقوم بتنفيذ هذا البرنامج (الراعي والرعية)
– حاااضر يا مولاي سوف أقوم بالتصرف وأحضر لك المبلغ المطلوب .. هل تأمر بشئ يا مولاي؟
– نعم لا تنسي أن تخبر جميع الصحف ووكالات الأنباء والقنوات الفضائية لمرافقتنا وتسجيل هذه الحدث ..
مجموعة من النياق البيضاء (المظللة ) تدخل إلى أحد الأحياء الطرفية وتتوقف أمام أحد الخيام البالية
بينما عددا من كاميرات التصوير توثق للحدث :
– (الحاجب يطرق باب الخيمة) : يا أهل الدار !
– (صوت ضعيف من الداخل) : من الطارق
– هذا برنامج (الراعي والرعية) .. مولاي والي المسلمين على الباب
– تفضلوا تفضلو .. يا مرحبا يا مرحبا !!
والي المسلمين (والرهط) المرافق له يدخلون إلى (الخيمة) البالية التي لا يوجد بها غير بساط بال و(قدر) قديم يغلي على النار
– (الوالي يهمس لحاجبه) : أقول ليك (معدم) تجيب ليا زول (شادي ليهو حاجة في النار)؟
– صاحب الدار يرحب (بالوفد) وينده على زوجته وأطفاله فيدخلون في ثياب رثة مهترئة وأجساد نحيلة ضامرة ..
– (الوالي يسأله) : كم لديك من النساء ؟
– برضو ده سؤال يا مولاي ؟
– معذرة أقصد من الأطفال
– هؤلاء الذين أمامك
– وهل يذهبون إلى (المدارس) ؟
– مدارس مين يا مولاي وهل لنا طاقة بتكلفتها !
– إذن فهم يعملون !
– كانوا يعملون ..
– ماذا تقصد ؟
– لقد تبرع فاعل خير لكل منهم (بدرداقة) ليعملون عليها في سوق (عكاظ) لكن قامت السلطات بنصادرتهم ثم إيجارها لهم !
– (الوالي يخاطب المصورين) : الحته دي بعدين أعملوا ليها مونتاج !
– (مسؤول الزكاة) وهو يقدم (الظرف) لصاحب الدار وسط اضواء الكاميرات :
– هذه مساعدة من مولاي (الوالي) تعينكم على مواجهة الحياة نرجو أن تتقبلوها منه
– من ناحية بنتقبلا بنتقبلا لكن بكرة ما تكشفوا حالنا وتجيبونا في تلفزيون (يثرب) وكل صحف (الجزيرة) .. إنتو ما مسلمين ؟
– (الجميع) : بلي
– طيب وكت مسلمين ما سمعتو إنو الصدقة دي بيدوها بالدس حتي إنو من يعطيها لا تعلم يساره ما أعطت يمينه ؟ (مواصلا) والله لأحب لنا ان نعيش على (كمونية السمك) التي تغلي في ذلك (القدر) على أن نصبح (فرجة) لكل الناس !!

كسرة :
المجد والخلود للشهداء الأبرار …

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو)+و+و+و؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو)+و+و+و؟

Advertisements

22 تعليق

  1. مستغرش رقم واحد من الماده85

    1. مبروكة و عيدية سعيدة عليك – و الله لاكن يا العبيد الظاهر عليك ناقتك البتجى فاكى بيها دى (8 سلندر تيربو) توووووووش بتوصلك دايما اول واحد ,, مااا تخلى معاك فرقة لاخونا الغلبان دة, تلاقى ناقتو قايمة دفرة !!!

      1. الغلبان ناقته صادروها في بوابة وناقة ما فيها اي وسم ماشه ساكت سمبلة زي ما كل النياق هنا والدواب ماشه سمبلة بدون طارقة (شوف الاسم طارقة للوحة السياة) انا كنت مفتكرها من الطوارق مش هم في شمال افريقيا وكده طلعة نمرة السيارة طارقة والبلد كلها ما فيها سيارة مرة على المرور رغم انها جديدة لنج عموما شكلنا من هنا لي كاودا لانو اتعودنا على صوت طاخ طاخ وبعدين لما نجي ام درمان ويدخرونا يقولوا ليك ديل عاوزين يعرسوا ندى القلعة عليك حكومة هههههه

  2. ظريفه كم النسا دي
    هو كم من النسا دي بعرفوها هم
    وحقو تتعمل قائمه في عدد الوزرا اللي عندهم اكتر من زوجه وحقو تتخت في تبريه الذمه من اين لك هذا وهل قبل الوزاره ام بعد الوزاره

    1. سلامات يا فلاديمير ولاخونا الغلبان بنهدي ليهو البرنجيه،
      مبروك يالغلبان البرنجيه

      1. كفاية شعورك الطيب لو خمسنا ساكت البطن بتبرد لك تحياتي اخي العبيد

  3. ههههههههه ااااال ايه
    لوالي يسأله) : كم لديك من النساء ؟
    – برضو ده سؤال يا مولاي ؟

    1. ديل عندهم كله دفع رباعي غير ما ملكت ايمانهم في رمضان (يكون زواج متعه دا يا ربي)

  4. هكذا الدولة الإسلامية ولا بلاش !! قلنا ليكم هي لله .. هي لله .. ماصدقتونا ..

    1. امريكي لا تبكت الله يخليك لانه خلاص وصلت الحلقوم وبلحق ليك ناس عمك فلادمير بالجد وببقى لينيني او ماركسي او حتى فردريكي انجلز ياخ ديل مودننا على الدرب الاحمر مالهم درب الدم ودرب الاتجاه تقبل مروري امريكي وانا والله بفتش لي في جنسية زيك رايك شنو تاهيتي

      1. غلبان اخوي .. تقبل تحياتي ومروري .. وكل الشلة الكريمة .. أفوو عليك ياغلبان .. اتاريك انت واحد من العشرة ؟؟ وكمان عندك أربعة ؟؟؟؟ اقسم بالله ياغلبان امس الجمعة مارقين من الجامع كان عندنا عقد .. هناك جمب رويال كير .. الاماكن النطيفة ديك .. حصل شفتها ياغلبان ؟؟ اها شفت ليك الزول داك ..سميييييين ولونو زي الدهب التقول معرس عشرة !! ازيدك حبة هو كمان ( ادروج ) .. شغل مخك ياغلبان امكن تفوزلك بعربية من ناس زين …

      2. غلبان يا أخوي والله اتمني لكل زول يهاجر لبلاد العم سام ، هناك في حرية وعدالة وهواء نقيييي .. دحين انت ياغلبان ( دابتك الرابعة مظللة ) اصلو قالوا عملوا التسوية 1000 جنية ، وكان عايز تتخارج تحت تحت دايرلك 500 جنية !! شفت جنس العمارات دي ؟؟؟؟؟

  5. واحد مم البلد ديييييييك | رد

    في التمنيات يا معلم

  6. – (الوالي يخاطب المصورين) : الحته دي بعدين أعملوا ليها مونتاج !
    في دي انت شنيع يا جبرا .. خلوه يتم فضيحتو

  7. يابا التماسيح مسلمين ؟؟
    لع ,, مجرمين !!

    1. آآآآآآآآآآآآآآآآآشمباتي سلام التمساح بيمضع والا بيبلع جب ديل ما اظنهم تماسيح ديل حاجة ثانية ديل السعلوة امنا الغولة شئ كده ما معروف جنس دا ما سمعنا بيهو ربي يستر الى كاودا ايها الناس كلاشنك ولكلاشني لانه سلمية مافي شكلها كده وشكله مش السودان الجديد اكيد الصومال الجديد

  8. آآآآآآآآآآآآآآآآآآآآآآآآآآناس كتمت كتمت كتمت 21/10/2013 قررررررررررررررررررب صحو النوم

  9. العزيز أستاذ الفاتح
    كل علم وأنتم بخير وبني ادميين
    الرحمة والمغفرة للشهداء الخالدين الباقين في جنات النعيم بعون الله والصبر لأسرهم الكريمة الصابرة حتى على البكاء والنحيب في وضح النهار،،،،،
    اولا نشكر الله ان بيننا أناس يوثقون لما يحدث في هذا البلد المغلوب على أمره ،،،،، ونسأل الله ان يأتينا الفرج من حيث لا نحتسب،،،
    عارف يا أستاذ الفاتح أنا خاتة صورة طالب الثانوي المقتول بالرصاص الغادر خلفية في موبايلي وكل يوم بالمغرب يترحم عليهم بالجملة وبذرة دموع غزيرة على ميتتهم المغدورة ونفسي اطلع في شارع النيل وأدق لي صيوان وأفش عبرتي وعبرات الأمهات الثكلى ديل كلهم وبعد المغرب نرفع البلد الاندفن ٢٤ سنة،،،،،، يا أستاذ الفاتح كلنا بنسال عن عناوين تلك الأسر المكلولة ولم نجد دليل نرجو مدنا بها ان كانت طرفكم
    مع شكري وتقديري

    Sent from my iPad

    >

  10. البروف والسمار .
    كل سنة وإنتو طيبين.
    والله لأحب لنا ان نعيش على (كمونية السمك) التي تغلي في ذلك (القدر) على أن نصبح (فرجة) لكل الناس !!
    والله يابروف خليت العبرة تخنقنا من القهر والذل والهوان .
    الله فى …

    1. عبرت ببلاغة ياحنين لك كل الود والتحايا ..الله يذلهم ويقهرهم بقدر ما فعلوا بهذا الشعب الطيب المسكين المغلوب علي أمره .. قولوا أمين يارب العالمين ..

  11. الحبيب جبرا :
    سلامات وكل عام وانت بخير ودوام الصحه والعافية والتحيات لك وللاسرة الكريمه
    التحية لك وانت لا زلت قابضا على الجمر سلاحك البك القديم ووريقات تبث فيهن همك وهمنا
    التحية لك من مصر الكنانه
    ساعود ان مد الله فى الاجال
    غسيل الاعمال القذره يحسبونه يخفى على الله فمن اوهمهم بان الله لا يرى من خلف التظليل اوهمهم ايضا بان الله تنطلى عليه هذه الحيل الماسونيه قاتلهم الله انى يؤفكون
    سلام تانى وشوق ومحبه

  12. وعليكم السلام ورحمة الله وبركاته الحبيب افليقا ,,,
    وانت بالف خير وعافية واسعدتنا الطلة البهية واثرت فى شجونا كنت اكتمها عفا واذكر (ايامنا تلك) هيمانا ,,,
    كن بخير فى المحروسة ومن بعدها البلاد المسيوسة ,,
    وما تقطع مننا جواباتك ,,,

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: