الذئب أصله خروف

بعدد صحيفة القرار بتاريخ 24 سبتمبر 2013م أهداني صديقي القاص البارع والأديب المتمكن (يحي فضل الله) مقالاً بعنوان (صناعة الشهيد – إلى الفاتح يوسف جبرا – تحديداً) وهو مقال للكاتب التركي الساخر (الراحل) عزيز نيسين ولم يكن هذا الإهداء من الصديق (يحي) إلا لعلمه بشغفي وحبي لأعمال الساخر عزيز نيسين بما تحمله من رمزية تفضح القهر والإستبداد ، إسمح لي أيها القارئ أن أهدي إليك وإلى الأخ (يحي) هذا العمل من أعمال نيسين وهو بعنوان (الذئب اصله خروف) .

في مكان مجهول لا تعرف موقعه بسهولة يعيش راع وأغنامه وكلابه لكن الراعي لا يشبه الرعاة الآخرين فهو لا يعرف للرحمة معنى ولا يعتقد أن للألم وجوداً كان ظالما يحمل بدل الناي صفارة وبيده هراوة والنعاج التي يحلبها ويجز صوفها ويبيع أمعاءها ويأخذ روثها ويسلخ جلدها ويأكل لحمها ويستفيد من كل ما فيها لا يكن لها شفقة أو محبة يحلب الأغنام يوميا ثلاث مرات حتى يسيل الدم من أثدائها وعندما تشكو ذارفة الدموع من عينها ينهال عليها ضربا على رؤوسها وظهورها.
لم تحتمل النعاج وحشيته فكانت تتناقص يوما بعد يوم لكنه ازداد قسوة وفقد عقله وجن لأنه كان يحصل على حليب وصوف أقل مما كان يحصل عليه وراح يطارد الأغنام المتبقية في الجبال والسهول حاملا هراوته في يده ومطلقا كلابه أمامه كان بين الأغنام خروف نحيف كان الراعي يريد حلبه والحصول منه على حليب عشرين جاموسة وكان غضبه أنه لا يحصل على قطرة حليب منه لأنه ببساطة خروف وليس نعجة وفي يوم غضب الراعي منه وضربه ضربا مبرحا جعله يهرب أمامه فقال له الخروف :
– ياسيدي الراعي أنا خروف قوائمي ليست مخصصة للركض بل للمشي الأغنام لا تركض أتوسل إليك لا تضربني ولا تلاحقني
لكن الراعي لم يستوعب ذلك ولم يكف عن ضربه ومع الأيام بدأ شكل أظلاف الخروف يتغير لكثرة هروبه إلى الجبال الصخرية والهضاب الوعرة للخلاص من قسوة الراعي القاتل طالت قوائمه ورفعت فازدادت سرعة ركضه هربا لكن الراعي لم يترك إليته فاضطر الخروف للركض أسرع ولكثرة تمرغه فوق الصخور المسننة انقلعت أظلافه ونبتت مكانها أظافر من نوع آخر مدببة الرأس ومعقوفة لم تعد أظافر بل مخالب
مرة أخرى لم يرحمه الراعي فواصل الخروف الركض فكان أن شفط بطنه إلى الداخل واستطال جسمه وتساقط صوفه ونبت مكان الصوف وبرة رمادية قصيرة وخشنة وأصبح من الصعب على الراعي أن يلحق به لكن ما ان يلحق به حتى يواصل ضربه وإهانته وهو ما جعل الخروف يرهف السمع حتى يستعد للهرب كلما سمع صوت قدوم الراعي أو كلابه ومع تكرار المحاولة انتصبت أذناه وأصبحت مدببة قابلة للحركة في كل إتجاه على أن الراعي كان يستطيع أن يصل إليه ليلا وضربه براحته فالخراف لا ترى في الظلام وفي ليلة قال الخروف له :
– سيدي الراعي أنا خروف لا تحاول تحويلي إلى شيء آخر غير الخروف
لكن الراعي لم يستوعب ما سمع فكان أن أصبح الخروف يسهر ليلا ويحدق بعينه في الظلام ولكثرة تحديقه كبرت عيناه وبدأت تطلقان شررا وغدت عيناه كعودي كبريت في الليل تريان في الظلام أيضا
كانت نقطة ضعف الخروف هي إليته فهي ثقيلة تعطله عن الركض لكن لكثرة الركض ذابت إليته واستطالت وفي النهاية أصبحت ذيلا على شكل سوط ورغم فشل الراعي في اللحاق به فإنه كان يلقي الحجارة عليه ويؤلمه وكرر الخروف على مسامع الراعي :
– إنني خروف يا سيدي ولدت خروفا وأريد أن أموت كبشا فلماذا تضغط علي كي أتحول إلى مخلوق آخر ؟
لم يكن الراعي يفهم فأخذ فضاعف من قسوته بجنون فاضطر الخروف أن يستعمل أسنانه لكنه لم يستطع ذلك لأن أسنانه داخل ذقنه المفلطحة وبعد محاولات دامت أياما بدأت أسنانة تنمو وفيما بعد استطال لسانه أكثر واصبح صوته غليظا خشنا ولم يستوعب الراعي ذلك وواصل ما يفعل وبالقسوة نفسها .
ذات صباح شتوي استيقظ الراعي مبكرا ليجد المكان مغطى بالجليد وتناول هراوته التي سيحث بها نعاجه المتبقية على حليب عشر بقرات وذهب إلى الزريبة لكن ما ان خرج من الباب حتى وجد بقعا من الدم الأحمر فوق الثلج ثم رأى أشلاء أغنام متناثرة لقد قتلت كافة النعاج ومزقت ولم يبق منها ولا واحدة وظلل عينيه بيديه ونظر بعيدا فرأى الخروف كان الخروف قد مد قائمتيه الأماميتين قدامه وتمدد بجثته الضخمة على الثلج وهو يلعق بلسانه الطويل الدماء من حول فمه ثمة كلبا حراسة يتمددان على جانبيه دون حراك ونهض الخروف وسار بهدوء نحو الراعي كان يصدر صوتا مرعبا وبينما الراعي يتراجع إلى الخلف مرتجفا قال متمتما :
– يا خروفي .. ياخروفي الجميل
عوى الخروف قائلا :
– أنا لم أعد خروفا
كرر الراعي ما قال ، عوى الخروف قائلا :
في السابق كنت خروفا ولكن بفضلك أصبحت ذئباً
وجرى وراءه … !!

كسرة :
أكيد أكلو !! (هههههه)

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو)+و+و+و؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو)+و+و+و؟

Advertisements

43 تعليق

  1. الليلة انا المستغرش رقم واحد،،، من المادة ا١٠٠٠ يا ود العبيد ،،، و التحية للغلبان ،،،

    1. سلامات وأشواق يا ود بوتين،
      تعرف الماده ١٠٠٠ دي ما شبهنا دي بتاعه التليت والربيع وأحسن تزوغ منها ولكن الماده٨٥ دي بتاعه المستغرشين البجو السودان في الإجازات ،
      اما المواد بتاعه هيثرو والغسيل وخلافو فمن الماده ألفين وانت طالع وعلي العموم انا كلمتك وبي طريقتك تشرح للمدام

      1. غلبان .. شماتي .. المندهش .. عبيد .. جنوبي .. نانو .. وووو .. عوووووك .. شيلوا شهادات ميلادكم وعدل علي مجلس الوزراء .. قالوا الوزير من 55 سنة ومادون .. انت كم يا بروف والله محتاجين ليك شديييييد في المالية .. كسرة : ماتنسي تبدأ لينا بالعجور يا بروف !!!!!!

    2. تسلم اخي فلادمير وانا لو اردت البرنجية او اكون الاول الا بالتحانيس لاني في بلد طيرا عجمي لك تحيتي مرة ثانية

    3. يا فلاديمير ما سمعت بالعواصف العندنا ولكن ربك ستر

  2. حلوووووووووووووووووووووة

    1. تحياتي مقهورين وساكتين (وغلبانين)

  3. عووووووووووووووووووووووووووووووووووووو….. بدل الباااااااااع، برنجية تركية اصييييلة

    1. اين انت بعاتي لك التحية وعن جد شكلك ما فاضي ليك وحشة وغيبة لا تكون غيبة امام الشيعة

  4. والله أنا عندي ليكم قصة واقعية ( تالتة ) عن الخروف البحلبوهو ده ، لكن المرة دي داير موافقة بالاجماع من كل الأعضاء ،، وانت يابروف عشان لقيتنا شعب طيب عملتنا نعاج ؟؟ مقبولة منك ..

    1. والله أنا عندي ليكم قصة واقعية ( تالتة ) عن الخروف البحلبوهو ده ، لكن المرة دي داير موافقة بالإجماع من كل الأعضاء .. وانت يابروف عشان لقيتنا شعب طيب عملتنا نعاج .. مقبولة منك ..

      1. اها كان ما نعاج يا امريكي الرجعنا زرائبنا شنو بعد ما طلعنا منها

  5. كل واحد فيكم يمسك ( اليته ) عليه !! اصلو الراعي ده ظاهر عليه ( شرفان ) ..

    1. هههههههههههههههههههههه,,
      والما بمسك ما بدوهو عجورة !!؟
      وى وى وى

      1. ياشمباتي .. انت السوق المركزي بتاع شمبات قريب منك .. أحجز لينا معاك عجور !!!

      2. هههههه,,حليييييل الاسواق !
        انا بعيد بعيد من هاتيك الاراضى ,,
        اخخخخخخخ

  6. والله دى ما عاوزا ليها در عصر ولا شنو يا باشا

  7. لا حول ولا قوة الا بالله !
    ليتنى امسك بعجيزته !
    اخخخخخخخ,,
    آآآووووووووووووووووووووووووووووووووووووووووء

    1. نعلو دا الراعي اأآآآآآآآآآآآآآشمباتي

      1. هههههههه,,
        من تيسر !
        احخحححححح

  8. والله الواحد ما فاهم حاجة ذاته، احنا النعاج ولا الخروف ولا الراعي ولا شنو بالضبط؟ احنا كلللللو بالمناسبة لكن اكتر شي اظنو مناسب هو ( كلبين الحراسة ) الماتو ديل، ولا يا ربي عملوا تايهين؟. ، بمناسبة دي انا المستغرقة رقم واااااحد

    1. ايها الأعضاء الكرام لقد سمعتم بالزواج الجماعي بنهر النيل .. هبوا أيها المستغرشون إخوانكم العرسان في امس الحاجة للعجور !!!!!

    2. انا ماسح يا اخت نونا وعاوز اعرف كلبي الحراسة

  9. إستغراش من أمو.. قالو ليك احد نواب البرلمان واسمه حسب الرسول دفع الله وهو يحث الذين فازوا بجوائز شركات الاتصال التي قدمتها الأسابيع الماضية يطالبهم بالتنازل عنها للفقراء والمساكين، بالله يا حلات لكلك وكمان الشغلانة جابت ليها حسد ياخي جاتم من الله وبرضو عايزين تقلعوها والله انا خايف يطلع قرار بدفع جمارك وزكاة وضريبة اي ممكن!! استنكاح كده ساي لانو الشئ الحاصل للناس ده استنكاح عديل كده وموضوعات من شاكلة زيادة ورفع دعم والفاظ ذات مظهر برئ لكن باطنها خبيث وحقير.

    1. حسب الرسول لقاهو كم دي دولة الاقطاع وعهد الكنيسة يا خ خ خ خ جننونا وخرجونا من الملة

  10. البروف الحبيب
    والبروفات الأحباء
    مستغرش شديد شديد من الخروف البقى ذئب ده !!!!
    و أحلف وأجزم بأن هذا الخروف لم ولن يكن في دولة أمازونيا هذه لسبب بسيط هو أن خروف دولتنا يعيش خروفا ويموت خروفا وموته يتم من كثرة حلبه ،،، هل لديك دفوعات أو إعتراض يا جنوبي ؟؟؟؟

    وانا شخصياً يا امريكي عجور معاكم ما عاااايز احمد سيدي شبعاااان
    فطرت بي بيتزا وإتغديت بي كلب الحر و قشيت دهن الهوت دوغ في طرف قميصي ودولابي ملياااان قمصان
    أنا كمان زي ناس فلان وعلان وهناية
    شمباتي ،،، البلد نوووووورت

    1. المندهش ،، تحياتي ،، الليلة أنا اندهاشي واستغراشي زالا واتاكدت انك من الجماعة اياهم بتوع مثني وثلاث ورباع !! قال بروفات !! وين الذكور يا حبيبي ؟؟ ثبتت عليك .. وإنشاء الله دائماً شبعان ورويان .. والبركة في راعي البهائم .. الاكلكم الأكل ( المسترود .. أي المسترود .. ) .. بعدين أنا طلبت منكم موافقة جماعية لسع ماعبرتوني !! والله قصة خروف محلوب حقيقية تجنن !!

      1. يا اخي امريكي لو ما عاوزين يسمعوها رسلها ليا خاصة على عنواني شكلهم كلهم خارج الشبكة والا اكتبها كدي كيتا عليهم ما هو كل شئ في بلد الخرتيت صار خنق فطس

      2. ياغلبان خرتيت دي حلوة خلاص الله يجازي اللي كان السبب !!!

    2. الله يسلمك يا حبيب والنور نورك ,,,
      جاهزين للدردقة ؟؟
      آآآهـ ؟؟

    1. انت ياغلبان شابكنا كتمت كتمت ، انت ماسمعت صلاح دولار ( أسف كرار ) قال شنو ؟؟ قال الجماعة العندهم جوازات أجنبية جاهزين To Take off .. لكن ياغلبان والله العظيم أقابل لي واحد هناك كان افش فيه غبينتي .. طبعا ياغلبان هناك في بلد ال Hot dog ,you can run your mouth but you can’t touch .. أنا عارفك ياغلبان انت مغبون شدييييد عايزني اتفشي ليك معاي ؟؟ والله ياغلبان أمريكا فيها عجور .. تتمناهو ..

  11. بيان عاااجل لكل المستغرشين : إنتو مالكم ومال الخروف البقى مرفعين!! خليكم في النعاج وزي ما قالت بتي (نونا) مساك الله بالخير وينك قطعت فترة ؟؟ وكمان معاك جنوبي مسكين كشوهو بلدو ما عندهم نت هناااك ودايرين يقلعوا منهم أبيي عشان كده قطع موية ونور والله ليهو وحشة !! ومساك الله بالخير والسرور يا ود العم سااام (أمريكي) وحكاية الكلبين دي حكاية تااانية دايرا ليها درس عصر ونعود لحكاية النعاج قال ليك واحد من الرؤساء الأفارقة المسلمين أتزوج (9) مرررررة وااااحدة !! قالوا ليه يا ريس شرعاً ما يجوز كيف تحلل تسعة مرة وااحدة ؟؟ قال ليهم عندي دليل من القرآن يقول الله تعالى: (مثنى وثلاث ورباع) الجملة تطلع تزعة .. عشان كدي العندو لي (عروسات تزعة) على غرار الرئيس الأفريقي الأقول لي عووووووك وأنا حااااضر علينا جاااااي …

    1. سلام اخي نانو،. غايتو كان كتمت عندك مالينا دخل. بعدين أخونا أمريكي ليك الأمان تحكى كمان و كمان بس اووووعي تعمل فيها حسب الله ولا الرئيس الأفريقي ده، جني و جن حقارة الرجال و الكضب و ملاح القرع

  12. ككؤنؤنؤ تايؤاءؤشء تؤتؤسءءشس
    جنوبيشمباتيمندهشركس
    دا باقي الخروف
    مرحب بيك يا يس

    1. ههههههه,,
      خروف برضك !!؟
      هيييق

  13. انتو يا مستغرشين وين اخونا جنوبي بالله طمنونا عليهو،ليهو وحشه والقمر دينه ما ياها من غيرو،نطالب بالبحث عن جنوبي وإذا عندكم اي اتصال بيهو بلغوهوا سلامنا واشواقنا

    1. الزول ده متزعم الاستفتاء في أبيي وتحت تحت سمعنا قالوا قاعد يحضر لاستفتاء الجنوبيين في الخرطوم ، بالله عليكم الله شوفتوا الهنا ده !! شالوا بترولنا وابيي خلاص بابح وكمان عندهم نشاط وقوة في ( الخرتوم ) ،، ونحنا الراعي بتاعانا ساكي الخروف وكمان يقبضوا من ( آليته ) ، بالله عليكم الله شوفتوا جنس الشغل ده ؟؟؟!!!

      1. ورد في الأخبار ان : برلمانيون : الأسواق باتت مثل الغول ولابد من (آلية ) لضبطها .. والله يابروف جاطت واتلخبطت في دماغنا !! عايزين نعرف يابروف الفرق بين ( آلية ) و ( آليته ) ؟؟ كسرة : بسرعة يابروف …

      2. الحبيب جنوبى بخيير وصحة وهو فى مهمة رسمية !!!

  14. ما قلنا ليكم جنوبي كشوهو الكيزان ودو بلدو وقالو ليه !! Go home never come back K or we shall kill you والله فعلاً ليه وحشه فبالله لز واحد عارف عنو حاجة يقول لينا ويبلغوا أنو كل المستغرشين بسألو منو شديييييد .. سلاااام ..

    كسرة متحركة:
    يا ( تسفاي ) -أقصد وزير الداخلية- حصل شنو في قضية بتنا نسرين السرقوها وسط الخرتوم (بشارع النيل) نص نهار رمضان الفات؟

    1. نانو تحياتي .. الإجابة موجودة داخل استغراشك .. Shoot to kill ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: