الكلمة الشاذة

1- رفع الدعم – الدائرة – الخط المستقيم – الشكل البيضاوي
2- المستشارون – الخبراء – القطط – المتسولون –
3- الخريف – الموت – الزواج – الإمتحان
4- عربة الإسعاف – عربة التاكسي – عربة المسؤول – عربة النفايات
5- فيل – وحيد قرن – مسئول – حصان
6- الملاريا – الطلقة – تصريحات المسئولين – اللغم
7- المصعد – درجة الحرارة – الطائرة – الأسعار
8- الفيروس – الأميباء – كريات الدم – الرغيفة
9- الكف – المعصم – الكوع – الزند
10- الطائرات – السراويل–الطواقي –العراريق
11- بيت البكا – بيت العرس – بيت الشعر – بيت الأدب
12- الفطور – الشاي – الصلاة – قراءة الصحف
13- البنزين – موية النار – موية الحنفية – موية زمزم
14- الصقعة الكهربائية – الصبغة – سم الفار – التصريحات
15- ماليزيا – البرازيل – الإكوادور – الأرجنتين
16- السجن – المستوصف – المستشفى – الإستاد
17- الأحزاب – الأسمنت – الطوب – الرمل
18- الفتاوى – الفساتين – البناطلين – البساتين
19- برامجنا التلفزيونية – الموبايل – سلك الكهرباء – السوط –
الإجابات :
1- الخط المستقيم .. (عندو آخر) !!
2- القطط (من ناحية أعداد وكده) !
3- الإمتحان لأنه الوحيد الذي لا يأتي فجأتن (الزول بيكون عارف إمتحانو متين)
4- عربة التاكسي لأنها الوحيده فيهم الممكن تقيف ليك
5- الحصان لأنه أقلهم تخانة جلد
6- الملاريا .. بتديك فرصة
7- الأسعار .. الوحيده فيهم كان طلعت ما بتنزل
8- الرغيفة .. يمكن رؤيتها بالعين المجردة (على الأقل لحدت هسه)
9-الكوع .. الوحيد الذي لا يمكن أن تلحسه بلسانك (لحدت هسه .. مين عارف)
10- الطائرات لأنها الوحيده التي نقوم بتصنيعها بينما البقية نستوردهم من الصين (شفتو كيف)
11- بيت البكا .. لأنه الوحيد الذي نناقش فيه السياسة والرياضة وكده
12- قراءة الصحف .. لا تأخذ وقتاً من الموظف أثناء أداء عمله كالأخريات (بس ما يكون فيها كلمات متقاطعة)
13- موية زمزم .. الوحيده الما بتعمل ليك مضاعفات لو شربتها
14- سم الفار .. لا يقتلك على الفور
15- ماليزيا .. الوحيده بينهم التي يعتمد إقتصادها على إستثماراتنا فيها (شئ فنادق وشئ فلل وشئ ما بعرفو شنو)
16- الإستاد .. الوحيد فيهم ممكن تمشي ليهو وتجي راجع !
17- الأحزاب .. كووولهم أداة بناء إلا هي أداة هدم (الكلام ده عندنا بس) !
18- البساتين .. لا يمكن تفصيلها بينما البقية (ممكن)
19- الموبايل .. الوحيد بينهم الـ (ما أداة تعذيب)

كسرة :
(دي كيف؟) : مصر- تونس- السودان- ليبيا !!!

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)؟

33 تعليق

    1. أجابة الكسرة
      السودان – ﻷننا جربنا الخريف قبلهم وهم يادوب جاهم الخريف العربي

    2. مباركة و بخيتة عليك برنجيتك الاولى يا (بتنا)،،، و بالزيادة كمان،،، قولى امييين ،،، كيتن فى العبيد !!!

      1. انا من الحاسدين في البرنجية دي ليبيا خلت برنجياتنا الا بالتحنسيس زمان بنختفا ختف تقبل مروري اخي فلادمير

  1. من الكلمات الشاذه
    دبيل،تليت،ربيع،غسيل دي كلها شاذه وما دايره زكاه اصلها واضحه أوي

    1. اقصد ذكا
      الكي بورد وكدا
      ولكن برضو زكاه الحاجه الشاذه عندنا
      لغفي سااااكت

    2. دبيل وتليت وربيع ما يبقي زي تلاجاتهم البيملوها اكل دي ولاااااا بياكلوهوا !!

      1. امال الحايمين و بايتين فى شوارع الله ديل ياكلو شنو ……………. عجبى

  2. القطط المتسولون رفعوا الدعم !!!

    1. القطط المتسولون رفعوا الدعم !!!

      1. انتا مالك بتدبل يا (انكل سام) ؟!

    2. حلو صوت الصدي ده ,,,,
      امريكان ياخ ..

      1. هههههه والله ما عارف اذا فرجه سااكت زي التلاجات المليانه اكل والله انتا يا جنوبي بتشوت جنس شووووت

      2. هوووي ياعبيد أخوي جنوبي دا حبيبنا ، وانت كان فاتك الميري ادردق في ترابو !!

      3. يا عبيد .. تدردق لي الباص وتلومني !
        امريكي .. يعني انا ميري انا ميري هههه سمعت حقت يعني انا واطه ؟ اتنين متشاكلين جاء واحد يحجز بيناتم وبعد سمع المشكلة مسك واحد فيهم ( ويحسبه اعقلهم ) وقال ليهو ياخ البتجي من السماء بتحملا الواطه , داك خلي الاول ومسك الحجاز : يعني انا واطه ؟ انا واطه ؟ انا واطه ..

      4. موش اخير مايكون مؤتمر واطئ ؟؟!!

  3. اجابة للكسرة يا فاتح ياخوى …… كلهم……… الا واحد واللبيب بالاشارة يفهم

  4. اولا تحياتي لكل القمردينية وثاينا كتمت كتمت كتمت

    1. الغلبان
      والله العظيم مشتاقين ووحشتنا شديد يا راجل
      وانشالله نتقابل في ساعه خير وتقبل تقديري واحترامي

    2. الغلبان .. بعد الشوق , انت يا خوي كتمت دي لا بتين ؟ فتش غطاك ده لا يكون فيهو قد ضغيروني ,,,

  5. ههههههههههههههههههههههههه’’
    والله كسرتك الاولى دا خترييية يا بروف !!
    دى كيف !@
    وااااااااااااااااااااااااااااو

    1. يمكن الريس عاوز يضم البلاد دى ونحن ما عارفين ………..

      1. ههههههههه,,ضم لا يا حبيب !
        لاااااااااااااااااااااااااااااااااااااا

      2. ضم ..يا مفترين .. ديل فتحوها عدييييل كدا …

      3. اخر خبر .. صفقة بين طيران الإمارات وشركة بوينغ تنص علي شراء 150 طائرة مقابل 76 مليار دولار !!! كلام شاذ .. موش كدا يابروف ؟؟ كما ورد في اخبارنا ان الحكومة واتحاد المخابز يتشاورون لتحديد أوزان وسعر الخبز !! هو نحنا عندنا حكومة ؟؟؟!!!

      4. ههههههههههههههههههههههههههه,,
        اروينى اروينى يا دمعة المحزون , لا الصبر قادر اطيق لا الضم معاهو سكون !

      5. كوكو .. خليهو اول اليضم شلاضيمو ديل عليهو البلد براها بتنضم !

      6. جلاطيمو دي يا جنوبي شبعانة عنب وتفاح انت شلاليفك ما لاقية فول مدمس !! انقرع يا جنوبي !!

    2. يا سلااااااام يا شمباتي ياخ .. احلي حاجه الضم ده !!
      أنـا مـن بعيـد جاييـك شـارد مــن الاحــزان
      غفلتـا قــدرى وجـيـت لاقيـنـى بالاحـضـان
      لفينـى فـى جيـدك طــوق والبسيـنـى كـمـان
      ورينـى كيـف بيكـون دفء الحـنـان بحـنـان
      ما انتى لى وانـا ليـك رغـم اليكـون والكـان
      انــا شـاعـرا غـنـاك فـــى اروع الالـحــان
      وانا بين يديـك فنـان والفـن جنـون و جنـون
      شن داير اقولـك عـاد مـا القـول علـى تقيـل
      انـا والنجـوم شـهـاد مــن ديــل اتـابـع ديــل
      تنكش كلاب الشوق فى جوفى طـول الليـل
      لامـن لحقتـا المـوت المـوت ابـانـى عـديـل
      يـومـا يلمـنـى فـيـك يـومـا صـعـب بالحـيـل
      كـتـرتـلـو التـحـنـيـس كـمـلـتـلـو الـوســيــل
      حـلـفـتـو بـالـقــران خـصـمـتـو بـالانـجـيـل
      وناديتـو مـن سجيـل خيـب رجــا الممـكـون
      ولهـان عليكـى قليـب يهـواك يحبـك مــوت
      صبـرتـو بـالآمـال صـبـرا غزلـتـو خـيــوط
      شـان مـا يميـل للغيـر كرهتـو فـى البـنـوت
      وسـدتــو بـالاحــلام ختـيـتـو فـــى تـابــوت
      رهبنتـو ليـك رهبـيـن فـوّتـو فــوت الـفـوت
      ياخ انتي مرقتي دي من وين ؟ ديكك ياخ ,, الغنية كان غنوها لي مرتين برجعوني …

      1. ايوه كدا يا جنوبي
        أتحفنا بمشاراكاتك الساخره

      2. أوووووووووو ,,,
        طلعت ممكون وصابر يا جنوبى !
        ارقد يا رز

      3. والقال ليك صابر منو ؟ مصبّر مصبّر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: