سؤال وجواب

س: بماذا تنصح التشكيلة الجديدة من الوزراء والمسؤولين؟
ج: عدم التصريحات المفضية إلى الهلاك (هلاك الشعب طبعن)
س: ما تعليقك؟ إذا علمت أن «30%» من سكان العاصمة أجانب
ج: نحتاج إلى سفارة سودانية بالخرطوم
س: هل نحن دولة زراعية أم صناعية أم بترولية ؟
ج : دولة رعوية .. (إي زول يرعي زي ما عايز)
س: ما تعليقك لو علمت أن أكثر من 20% من المواطنين يكلمون أنفسهم وهم نائمون
ج: عادي .. ما الـ «80%» الباقون يتكلمو مع روحهم وهم صاحين
س: هل يمكن للمرتب أن يكفي حتى آخر الشهر؟
ج : نعم إن كانت معه مخصصات
س: ما هو الفرق بين المستشفى الحكومي والمستوصف الخاص؟
ج: الزمن الذي تقضيه وانت بتطلع في الروح
س: من هو أكثر شخص يؤدي عمله في همة ونشاط في البلد دي؟
ج: رجل المرور
س: إلى أين يذهب مواطن مصاب بإنسداد في الشريان التاجي؟
ج: إلى (فكي) طبعَن.
س: ما هو الفرق بين (الرقص) في الحفلات والرقص في الإحتفالات .
ج: الصالات بتكون مغلقة
س: لماذا نجد أن قانون (النظام العام) مفعل أكتر من قانون (محاربة الفساد والإختلاس)؟
ج: حتى لا تشيع الفاحشة بين الناس.
س: هل تعتقد أنو ح يجي يوم نتعلم مجاناً؟
ج: ما أهو هسه نحنا بنتعلم مجاناً
س: هل ستتم معاقبة من قاموا بإستيراد التقاوى الفاسدة؟
ج : نعم .. يوم يفر المرء من أخيه
س: لماذا اتجهت البنوك لبيع العربات للمواطنين (وخلت شغلا)؟
ج: لأن العربة هي الشئ الوحيد الذي ينقص المواطن.
س: متى نستطيع أن نأكل من فواكه (سندس)؟
ج: في الجنة طبعَاً.
س: أذكر واحدة من عجائب الدنيا التي لم تذكرها الكتب؟
ج: المدينة الرياضية
س: ما هو دليلك على ارتفاع نسبة العنوسة عند (النساء)؟
ج: ارتفاعها عند (الرجال)
س: هل نجحنا في مسألة (الإكتفاء الذاتي)؟
ج: أيوه مش (الفينا مكفينا)
س: ما الفرق بين الزوجة والسكرتيرة؟
ج: 30 كيلوجراماً على أقل تقدير
س: متى سوف تنتهي ظاهرة تزايد أعداد الفنانين؟
ج: عندما يصبح هنالك فنان لكل مواطن.
س: ما هو تبريرك لإنتشار باب تفسير الأحلام في الصحف؟
ج: إنتهاؤنا من تفسير الواقع.
س: لماذا يطلق الأزواج على زوجاتهم لقب (الحكومة)؟
ج: لصعوبة تغييرها مهما تسببت في كوارث.
س: هل توافق على أن يكون لأحد المسؤولين مصنع لإنتاج اللحوم؟
ج: نعم على أن تكون مذبوحة على الطريقة الإسلامية.
س: ما هو سر إمتلاء الأسواق السودانية بالمنتجات الصينية؟
ج : الجودة طبعَاً.
س: ما هو الفرق بين الشرعية الثورية والشرعية الدستورية؟
ج: ممكن تديني فرصة أفكر وأنحت مخي عشان أجاوب.
س: هل صحيح إنو (المال تلتو ولا كتلتو)؟
ج: بيعتمد على الجهة المعاها المال.. لو الحكومة طرف في الموضوع يبقى صحيح تلتو ولا
كتلتو
س : ماذا سوف يعمل الذين تمت تنحيتهم في التشكيلة الجديدة ؟
ج : طبعن في الاستثمار .. هو دي عايزه ليها كلااااااام
كسرة :
س : هل أنت متفائل بأن التشكيلة الوزارية الجديدة سوف تنجح في (نجدة) البلاد ؟
ج : أنا متفائل بأنها سوف تقوم (بإنقاذ) البلاد ….. تااااااني

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)+و؟

Advertisements

35 تعليق

    1. مبروك فلادمير أخوي ، بس لقيتني نائم !!!

      1. يا زول بارك مباركتك ساكت بطل الجرسة شنو حركات كمال عبد اللطيف دي ؟!
        مبروك يا فلاديمير وكده ,,

      2. لكن الكوز دا عملها شينه خلاص ، معاه حق يا جنوبي تاني يغرف من وين ؟؟!! والله قالوا ليك الراجل بقي مرآة عدييييييل كده .. موش حرام عليك يا جنوبي تشبهني عليه !! افوو أنا أبوك يا احمد …

      3. حاشاك من يشبهوك بي زي ديل ,, شبهنا الموقف بس هههه

      4. بردت حشاي .. يديك العافية ..

    2. مبروكة يا ود بوتين وانا ما شالتني نومه ولكني اعتزلتها الي حين أشعار ااخر وتحياتي للغلبان ونونا ،

  1. يا بروف وين الكسرة التانية حقت توجيهات السيد الرئيس

    1. ود الحكووووووومة | رد

      يكون البروف مُنتظر توجيهات السيد الرئيس الجديد (هو نفس القديم)

    2. الكسرة التانية الظاهر البروف عايز يخت نقطة و يبتدى سطر جديد مع الحكومة الجديدة دى…
      مش برضو مع تغيير الوزارة حيكون فى تغيير فى النايم العام العندو الملف!!!! يبقى خلاص نبتدى بواو جديدة و (الحسابة بتحسب) !!

      1. احسبوا .. قولوا واحد .. امبارح حرامي المالية الجديد قال سوف نعمل لرفع الظلم عن المواطن !! اول حاجة عملها رفع ليكم سعر السكر .. شوفوا جنس الرفع دا !!!

      2. وبرضو قول اتنين .. رفعوا اسعار الكهرباء !!
        يا ربي يكونوا قايللنا نحنا الظلم وقايلين الظلم نحنا !! ؟
        قالت ليهو يا جون انت شغال وين ؟ قال : تلبه في الامارات تلبه في الامارات !! وجون ولاااااا شغلتو

  2. بعااتي و ما فاضي | رد

    الكسرة مع التشكيل الوزاري

  3. يا بروف كسرة توجيهات الرئيس و ين الليلة ولا؟؟؟؟؟؟؟؟؟

  4. مبروك فلادمير أخوي .. بس لي علمك شالتني نومة ..

  5. والله بضحك من اول سؤال لاخر جواب ,,
    مره اتخيل البيسألوا ده رباطابي ومره اتخيلو مسطول ههههه .

  6. يا أخوانا كدي قولوا لي : الداير يرجع البلد يستقر فيها بعد غربة طوييييلة يسوي شنو ؟؟ وخاصة مع الكيزان ديل المحتكرين كل حاجة الله يقلعم وكمان يتخارج كيييف من الحرامية البقطعوا الطريق نص نهار رمضان ( زي تجربة بتي نسرين ) !! والبلغفوا كل شيئ يقع تحت أيديهم ؟؟ لأنوا الواحااااد خلاااااس تعب وكررر ودبرس وزهج من الغربه داير يرجع بلدو لي أهلوا ( والعرجة لي مراحها ) !! بالله عليكم الخاض التجربة دي يقول لينا عشان نستفيد منو !!!!!!!!!!!!! سلاااام للكل بدوووون فرز ….

    1. مش لما هي تستقر اول !!
      طبعا كنت داير اتهور قبل كم شهر بس المندهش وركس وكتلوني ولسه حي قعدوني في الواطه , فعلا مشيت وجيت بدون ما افهم أي شئ

    2. نانو تحياتي .. تجربتي للعلم والاستفادة أنا عايش في بلاد العم سام 15 سنة أسرتي كانت معي ، أحضرتها الي الوطن 2005 لتعلم اللغة والدين ، وأصبحت بعدها كابن بطوطة ، وكلما احضر الي السودان ليست لي علاقة بأي مرفق حكومي ولا احب ان آري كوزاً بصراحة كده مابقعد في السودان إلا للشديد القوي ، الآن قاعد مع الأولاد للامتحانات ، البلد أصبحت فساد في فساد ، وأنا عندي مقولة قرأتها في روز اليوسف قبل ان أهاجر وكانت لاحد المستعمرين قالها في عيد ميلاده ، قال : ان الاستعمار ترك ثلاثة أشياء في السودان لن تزول وستكون سببا في انهياره .. الفساد والرشوة والمحسوبية ، وهذا هو مانعاني منه الآن . وطبعاً الكيزان مطبقين هذه المنظومة بحذافيرها ، لذلك لا يلوح في الأفق بوادر أمل للاستقرار في هذا البلد .. بس ألوم البروف الظاهر عليه الشاشمندي ما كانت قوية وإلا كان عرض عليكم مليون سؤال ومليون إجابة .. لا ادعوا للتشاوم ، بل أدعوكم ان تسألوا الله ان يزيح عنا الغمة والطغمة .. سلام ..

      1. كما ورد
        12-11-2013 06:41 PM
        ناصف صلاح الدين

        عقد بـ 2 مليور دولار لاعادة هيكلة وزارة المعادن وسمسار الصفقة نجل عثمان الهادي

        وقع كمال عبد اللطيف قبل مغادرته الوزارة عقداً مع شركة BGS International البريطانية لاعادة هيكلة الوزارة بـ(2)مليون دولار وكان سمسار الصفقة نجل عثمان الهادي.

        وسبق إتفق مع لواء متقاعد على شراء عقار له بمساحة 4000 متر مربع كمقر جديد لوزارة المعادن ، وذلك بمبلغ 50 مليون دولار ، فى صفقة لم تتبع فيها الاجراءات الحكومية المعروفة في الشراء والتعاقد ، وكلف الوزير المقال مدير الشئون المالية والادارية بالهيئة العامة للجيولوجيا (الشيخ حسين الشيخ) باتمام الصفقة . والشيخ حسين الشيخ احد كوادر الامن الشعبي الذين فرضهم الوزير علي الهيئة رغم انه غير ديواني ( اي لم يعمل فى السابق بديوان الحسابات ويفترض فى اي مدير ادارة مالية حكومية ان يكون منه) وطرد من سنار في قضية فساد مالي ولكن كمال استوعبه لينفذ به سرقته لاموال الجيولوجيا . ويعطى الشيخ حسين المدير التنفيذى لمكتب كمال عبد اللطيف 40 مليون جنيه شهرياً كنثرية مكتب ، مما يشير الى حجم الاموال الاخرى التى تذهب الى كمال .

        وكان قد إنتابت كمال عبد اللطيف الوزير المقال عن وزارة المعادن نوبة بكاء مع موظفي الوزارة ، أثناء حفل أقيم لوداعه صباح امس.
        وتضيف المصادر ان كمال كان أحدث حالة من الهرج والمرج أثناء إجتماع المكتب القيادي للحزب الحكومي ، وعقب البت في أمر إقالته من الوزارة كان غاضباً وطفق يصيح (هذه مؤامرة .. هذه مؤامرة )، ليعود وينفجر بالبكاء داخل مقر وزارة المعادن صباح امس الاول

  7. صادق التعازي لأخونا د. شمباتي في وفاة خالته
    واسأل الله لها الرحمة والمغفرة ولآلها الصبر وحسن العزاء
    وانا لله وانا اليه راجعون

    1. أخونا شمباتي أحسن الله عزاكم ونسأل المولي الكريم ان يجعلها من أصحاب الدرجات العلي من الجنة .. ( انا لله وانا اليه راجعون ) صدق الله العظيم ..

    2. العزيز شمباتى الدوام لله ،، أنا لله و أنا اليه راجعون ،، ربنا يرحمها و يغفر لها و يجعل مثواها الجنة أن شاءالله

    3. الأخ والابن والزميل شنباتي
      للفقيده خالتكم ألرحمه ،
      نشاطركم الأحزان وتقبلها الله قبولا حسنا وانا لله وانا اليه راجعون

    4. عمنا شمباتي أحسن الله عزاكم في وفاة الخالة وربنا يرحمها ويغفر لها ويجعل الجنة مثواها .. ( انا لله وانا اليه راجعون )

    5. العزيز شمباتى الدوام لله ،، أنا لله و أنا اليه راجعون ،، ربنا يرحمها و يغفر لها و يجعل مثواها الجنة أن شاءالله

    6. أخي شمباتي
      أحسن الله عزاءكم ونرجو الله أن يغفر لها ويرحمها انه هو الغفور الرحيم

      1. جزاكم الله خير يا احباب وما نجيكم فى شينة

      2. شكرك مردود عليك ياشمباتي .. شينه اكتر من النحنا فيها دي ؟؟!! داير لينا اكتر من كده شنو يا شمباتي ؟؟!! جابوا حكومة نحنا ميتين طيروا حكومة نحنا زفت في طين .. شكلوا حكومة لقونا مدفونين .. لا تشكرنا ولا تجينا يا شمباتي يا أخوي .. كان فيك نفس أترحم علينا .. مسامحنك ..

  8. أحسن الله عزاؤكم، ( كان ما عزاء ، خشمي ما كان فتحتو)

  9. قلنا ارحل

    ﻧﺤﻨﺎ ﻟﻤﻦ ﻗﻠﻨﺎ ﺃﺭﺣﻞ ..
    ﻛﺎﻥ ﻗﺼِﺪﻧﺎ … ﺍﻧﻮ ﺗﺮﺣﻞ ..
    ﻣﺶ ﺗﺒﺪﻝ ﻓﻲ ﺍﻟﻜﺮﺍﺳﻲ … ﻭﺍﻟﻄﺮﺍﺑﻴﺰ ﺍﻟﺪﻭﺍﻳﺮ ..
    ﻭﺍﻟﺘﺮﻻﺕ ﺍﻟﺒﺘﺎﻛﻞ … ﻓﻲ ﺿﻬﺮﻧﺎ ﻭﻻ ﺑﺘﺨﺠﻞ ..
    ﺃﺭﺣﻞ .. ﺃﺭﺣﻞ ..
    ﻳﻌﻨﻲ ﺷﺘﺖ ..
    ﻳﻌﻨﻲ ﻓﺎﺭﻕ ..
    ﻏﻮﻭﺭ ﻓﻲ ﺳﺘﻴﻦ ﺍﻟﻒ ﺟﺮﺩﻝ ..
    ﻣﺎ ﺑﻴﻔﺮﻕ ﻟﻮ ﺗﻐﻴﻴﺮ ﺍﻧﺖ ﻧﺎﻓﻊ ..
    ﺍﻭ ﺗﺨﺖ ﻓﻲ ﺑﺪﻟﻮ ﺷﺎﻓﻊ ..
    ﻭﻻ ﻣﺠﻨﻮﻥ ﻻﻓﻲ ﺣﺎﻳﻢ ﻓﻲ ﺍﻟﺸﻮﺍﺭﻉ ..
    ﺍﻭ ﻣُﺴﻄًﻞ ..
    ﻧﺤﻨﺎ ﺩﺍﻳﺮﻳﻦ ..
    ﺯﻭﻝ ﺯﺭﺍﻋﺔ .. ﻳﻌﺮﻑ ﺍﻟﻮﺍﻃﺔ ﺍﻟﺒﺘﻨﺘﺞ ..
    ﻳﻌﺮﻑ ﺍﻟﻤﺤﺼﻮﻝ ﻭﻧﻮﻋﻮ ..
    ﻭﺍﻟﺒﺬﻭﺭ ﺍﻟﻤﺎ ﺑﺘﻔﺸﻞ ..
    ﻧﺤﻨﺎ ﺩﺍﻳﺮﻳﻦ …
    ﺯﻭﻝ ﺗﻤﺮﺟﻲ ..
    ﻳﻌﺮﻑ ﺍﻟﻤﺮﺽ ﺍﻟﻤُﻮﻃًﻦ ..
    ﻟﻴﻨﺎ ﻳﻜﺸﻒ ﻛﻞ ﻋﻠﺔ ..
    ﻣﺎﻫﻮ ﺑﺲ ﺩﻛﺘﻮﺭ ﻭﻳﺼﻬﻞ ..
    ﻧﺤﻨﺎ ﺩﺍﻳﺮﻳﻦ ..
    ﺯﻭﻝ ﻣﺪﺭﺱ ..
    ﻳﻤﺴﻚ ﺍﻟﻄﺒﺸﻴﺮﺓ ﻳﺸﺮﺡ ..
    ﺗﻤﺮﻕ ﺍﻟﻤﻌﻠﻮﻣﺔ ﻣﻨﻮ …
    ﻟﻲ ﺍﻗﺎﺻﻲ ﺑﻼﺩﻧﺎ ﺗﻮﺻﻞ ..
    ﻧﺤﻨﺎ ﺩﺍﻳﺮﻳﻦ …
    ﺯﻭﻝ ﻣﻬﻨﺪﺱ …. ﻳﻔﻬﻢ ﺍﻟﻤﻜﻦ ﺍﻟﻤﻌﺼﻠﺞ ..
    ﻳﺮﻛﺐ ﺍﻟﺘﺮﺣﻴﻞ ﺟﻤﺎﻋﻲ ..
    ﻳﻠﺒﺲ ﺍﻻﺑﺮﻭﻝ ﻭﻳﺴﻬﺮ …
    ﻳﻠﺤﻖ ﺍﻟﻔﻲ ﺍﻟﺮﻳﻒ ﻣُﻌﻄًﻞ ..
    ﻧﺤﻦ ﺩﺍﻳﺮﻳﻦ ..
    ﺯﻭﻝ ﺣﻘﻮﻗﻲ … ﻗﺎﺿﻲ ﻳﺤﻜﻢ ﺑﺎﻟﺘﺴﺎﻭﻱ ..
    ﻳﺴﺘﻤﺪ ﻣﻨﻬﺞ ﻗﻀﺎﻫﻮ … ﻣﻦ ﺷﺮﻳﻌﺔ ﺭﺏ ﺃﻋﺪﻝ
    ﻧﺤﻦ ﻣﺎﺍﺍﺍﺍﺍ ﺩﺍﻳﺮﻳﻦ ﻛﺮﺍﺳﻲ …
    ﻻ ﻻ ﻣﺎ ﺩﺍﻳﺮﻳﻦ ﻣﻨﺎﺻﺐ …
    ﻧﺤﻨﺎ ﺩﺍﻳﺮﻳﻦ ﺑﺲ ﺑﻠﺪﻧﺎ …. ﺗﺒﻘﻲ ﻟﻴﻨﺎ ..
    ﻭﻧﺒﻘﻲ ﻓﻴﻬﺎ … ﻭﻧﺒﻘﻲ ﻟﻴﻬﺎ …
    ﻭﻫﻞ ﺗﺼﺪﻕ .. ﺷﺎﻥ ﺩﺍ ﻳﺤﺼﻞ ..
    ﻻﺯﻡ ﺍﺑﺪﺍ …. ﻛﻠﻮ ﻛﻠﻮ … ﺍﻧﺖ ﺗﺮﺣﻞ .. ؟

    1. كووولو من اوكامبو الله لا كسبو !!
      هو حار بيهو الدليل وداير يرحل الا خايف من البيت الجديد وانو ما حيلقي جيران زينا يسكن وسطهم نحنا ما لهايييين وديك لاهاييييييين

  10. امبارح شيخ الكاروري في خطبة الجمعة أشاد بالقضاء المصري الذي افرج عن بنات الاسكندرية ( اخوات مسلمات ) المعتقلات في المظاهرات المصرية الاخيرة . طبعا الكلام الزي ده بفرحنا ويحسسنا انو شيوخ الدين واقفين في صف المواطن المطحون في كل بقاع الدنيا . بس ما قال أي شئ عن حكم القضاء السوداني بعقوبات تصل الي 5 سنة سجن في حق اولاد مسلمين ( بدون اخوان طبعا ) المسكوهم في المظاهرات السودانية الاخيرة .
    عاد يا شيخ الكاروري لقيتك شجرة دليب و رامي ضُلك بره !!!!
    واااا شماتة فاروق ابو عيسي فينا ..

  11. حكومة جنوب افريقيا تقدم اعتذار رسمي لفئة ( الصُم ) من مواطنيها للخطأ الذي حدث اثناء ترجمة بث تأبين مانديلا حيث قام بالترجمة شخص غير مختص !!
    واعلنت انها بصدد سن قانون ينظم هذه المهنة حتي لا يتكرر الخطأ أبدا !!!!
    سبحان الله الطرش حقينهم دايرنهم يسمعوا البقولوا وحقننا يطرشوا البيسمع !!!
    العطارين يجربوا فينا السنمكه وبودرة العُشر وعيون كديس يموت من يموت وتفشل كلي من تفشل ولاااااااا زول فكر يعمل قانون يعرّف العطار !!!!
    قال دولة رسالية قال !!!!!! دي دولة تودي الارسالية !!

  12. حبيبي البروف
    وأحبتي البروفات
    من تجاربكم الإستثمارية الفاشلة أو التي ستكون أقول لكم والعلم عند الله أننا قوم لعننا الله فصرنا يهود زماننا !!!
    فقد كتب علينا في هذه السنين العجاف أن نتيه في الأرض ووطأت أقدام محمد أحمد كل زنقة في العالم
    فهل هذا التوهان من اجل جلب ذُبر حديد العلم والمعرفة والمال لبناء هذا البلد أم فقدان لبوصلة التفكير و المعايشه مع الواقع المُر في الداخل ؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: