إتخرجوا شنوووو ؟

من أكبر مشكلاتنا كحكومة وكشعب عدم التخطيط السليم (ومرات بدون تخطيط ذاااتو) ، ما من مشروع نقوم به إلا وتفاجئنا أشياء لم نضع لها حسابا والأمثلة (على قفا من يشيل) ودونكم ما يعرف بثورة التعليم العالي والتي نتجت عنها كوارث إقتصادية وإجتماعية وتربوية وأكاديمية لا حصر لها حيث تنفق الاسر (دم قلبها) في تعليم أبنائها ثم ما أن يتخرجوا حتي يجلسون على الرصيف ينتظرون التوظيف الذي لا يأتي .. عدد مهول من الجامعات والمعاهد العليا والكليات تعج بها كل مدن السودان بعضها جامعات وكليات (غير مسجلة) صرح المسؤولون على أنها تعمل (كيري) خارج مظلة الوزارة (عليكم الله ده سمعتو بيهو) وبعضها يقوم بتخريج طلاب مجهولي الهوية كما هو الحال بالنسبة لطلاب ﻗﺴﻢ ﺍﻹﻟﻜﺘﺮﻭﻧﻴﺎﺕ ﺑﻜﻠﻴﺔ ﺍﻟﻌﻠﻮﻡ ﻭﺍﻟﺘﻘﺎﻧﺔ (ﺟﺎﻣﻌﺔ ﺍﻟﻨﻴﻠﻴﻦ) .
ﻫﺬﺍ ﺍﻟﻘﺴﻢ ﺍﻟﺬﻱ ﻣﻦ ﺍﻟﻤﻔﺘﺮﺽ ﺃﻥ ﻳﺨﺮﺝ ﻛﻮﺍﺩﺭ ﺑﺤﺜﻴﺔ ﻣﺆﻫﻠﺔ ﻓﻲ ﻣﺠﺎﻝ ﻓﻴﺰﻳﺎﺀ ﺍﻹﻟﻜﺘﺮﻭﻧﻴﺎﺕ ﻟﻠﻤﺴﺎﻫﻤﺔ ﻓﻲ ﻧﻬﻀﺔ ﺍﻟﻌﻠﻮﻡ ﻭﺍﻟﺘﻘﺎﻧﺔ ﻓﻲ ﻫﺬﻩ ﺍﻟﺒﻼﺩيقوم بتخريج طلاب (مجهولي الهوية) فمنذ ﺇﻧﺸﺎﺀ ﻫﺬﺍ ﺍﻟﻘﺴﻢ ﻓﻲ ﺍﻟﻌﺎﻡ 1997ﻡ ﻭﺇﻟﻲ ﻳﻮﻣﻨﺎ ﻫﺬﺍ، ﻻ ﻳﻮﺟﺪ ﺃﻱ ﻣﺴﻤﻲ ﻭﻇﻴﻔﻲ ﻣﺤﺪﺩ ﻟخريج هذا ﺍﻟﻘﺴﻢ.. ﻭﻟﻢ ﺗﻄﺮﺡ ﺃﻱ ﻣﺆﺳﺴﺔ ﺳﻮﺍﺀ ﺃﻛﺎﻧﺖ ﺗﺘﺒﻊ ﻟﻠﻘﻄﺎﻉ ﺍﻟﻌﺎﻡ ﺃﻭ ﺍﻟﻘﻄﺎﻉ ﺍﻟﺨﺎﺹ ﺃﻱ ﻭﻇﻴﻔﺔ ﺑﻬﺬﺍ ﺍﻹﺳﻢ ﺣﺘﻲ ﻳﺘﺴﻨﻲ ﻟﺨﺮﻳﺠﻲ ﻫﺬﺍ ﺍﻟﻘﺴﻢ ﺍﻟﺘﻘﺪﻳﻢ لها .
ﻭﻣﺎ ﻓﺎﻗﻢ من ﻤﻌﺎﻧﺎﺓ خريجي هذا القسم ;(كما أفادوا) ﻫﻮ ﺭﻓﺾ ﺟﻬﺎﺕ ﺍﻹﺧﺘﺼﺎﺹ ﺍﻟﻤﻌﻨﻴﺔ ﻭﻟﺠﺎﻥ ﺍﻹﺧﺘﻴﺎﺭ ﻟﻠﻮﻇاﺌﻒ منحهم ﻓﺮﺻﺔ ﺩﺧﻮﻝ ﺍﻟﻤﻌﺎﻳﻨات ﻟﻠﻮﻇائف ﺍﻟﻤﻌﻨﻴﺔ ﻭﺃﺻﺒﺤﻮﺍ ﻳﻄﺮﺩﻭﻥ ﻣﻦ)ﺍﻟﺸﺒﺎﻙ) بحجة ﺃﻧﻬﻢ ﻟﻴﺴﻮا ﺑﻤﻬﻨﺪسي إليكترونيات ﻭﻻ ﻓﻴﺰﻳﺎﺋﻴﻴﻦ (يكونوا صيادلة) .. فإلي أي شطر يا جماعة الخير يولوا وجوههم وأﻳﻦ ﻳﺬﻫﺒﻮﻥ ؟
ﻭﻧﺴﺒﺔ ﻟﻬﺬﻩ ﺍﻟﻤﺄﺳﺎﺓ ﻭﺍﻟﻤﻌﺎﻧﺎﺓ ﺍﻟﺤﻘﻴﻘية ﺩﺧﻞ ﻃﻼﺏ ﺍﻟﻘﺴﻢ ﻓﻲ ﺇﻋﺘﺼﺎﻡ ﻋﻦ ﺍﻟﺪﺭﺍﺳﺔ ﻣﻨﺬ ﻳﻮﻡ ﺍﻟﺴﺒﺖ ﺍﻟﻤﻮﺍﻓﻖ \7ﺩﻳﺴﻤﺒﺮ2013\ ﺁﻣﻠﻴﻦ ﻓﻲ أن يساهم ﻫﺬﺍ ﺍﻹﻋﺘﺼﺎﻡ ﻓﻲ ﺣﻞ ﻫﺬﻩ ﺍﻟﻘﻀﻴﺔ ﺍﻟﺘﻲ ﺗﺠﺎﻫﻠﺘﻬﺎ ﺇﺩﺍﺭﺓ ﺍﻟﻘﺴﻢ ﻭﺍﻟﻜﻠﻴﺔ، ﻭﺣﺘﻲ ﺇﺩﺍﺭﺓ ﺟﺎﻣﻌﺔ ﺍﻟﻨﻴﻠﻴﻦ نفسها .
ﻭﻟﻘﺪ ﺇﺗﺒﻊ ﻃﻼﺏ ﻗﺴﻢ ﺍﻹﻟﻜﺘﺮﻭﻧﻴﺎﺕ ﻛﻞ ﺍﻟﻘﻨﻮﺍﺕ ﺍﻟﺮﺳﻤﻴﺔ ﻹﻳﺠﺎﺩ ﺣﻞ ﻟﻬﺬﻩ ﺍﻟﻤﺸﻜﻠﺔ، ﻭﺑﺎﻟﺘﺴﻠﺴﻞ ﺇﺑﺘﺪﺍﺀﺍ ﻣﻦ ﺭﺋﺎﺳﺔ ﺍﻟﻘﺴﻢ ﻣﺮﻭﺭﺍ ﺑﻌﻤﻴﺪ ﻛﻠﻴﺔ ﺍﻟﻌﻠﻮﻡ ﻭﺍﻟﺘﻘﺎﻧﺔ، ﺛﻢ ﻣﺪﻳﺮ ﺟﺎﻣﻌﺔ ﺍﻟﻨﻴﻠﻴﻦ ﻭﻟﻜﻦ ﺩﻭﻥ ﻓﺎﺋﺪﺓ ﺗﺬﻛﺮ ﻟﻌﺪﻡ ﺇﻋﺘﺮﺍﻓﻬﻢ ﺑﺄﻥ ﻫﻨﺎﻙ ﻣﺸﻜﻠﺔ ﻳﺠﺐ ﺣﻠﻬﺎ مما ﺩﻓﻊ ﺍﻟﻄﻼﺏ إزاء هذا التجاهل ﻟﺮﻓﻊ ﺷﻌﺎﺭ)ﻳﺎ ﺗﺘﻌﺪﻝ ﻳﺎ ﺗﺘﻘﻔﻞ ( !!
ولعلك عزيزي القارئ تصاب بالإستغراش إذا علمت إن إدارة الجامعة لم تتفق حتى الآن على مسمى محدد لخريجي هذا القسم الذي يحمل خريجوه شهادات بمسميات مختلفة ﻓﻤﻨﻬﻢ ﻣﻦ ﻳﺤﻤﻞ ﺷﻬﺎﺩﺓ بمسمى )الإليكترونيات ﻭﺣﻮﺳﺒﺔ ﺍﻟﻔﻴﺰﻳﺎﺀ ( ﻭﻣﻨﻬﻢ ﻣﻦ ﻳﺤﻤﻞ ﺷﻬﺎﺩﺓ ﺑﻤﺴﻤﻲ )ﺍﻹليكترونيات ﻓﻘﻂ ( ﻭﻣﻨﻬﻢ ﻣﻦ ﻳﺤﻤﻞ ﺷﻬﺎﺩﺓ ﺑﻤﺴﻤﻲ )ﻓﻴﺰﻳﺎﺀ ﺍﻹﻟﻜﺘﺮﻭﻧﻴﺎﺕ ( ﻭﺁﺧﺮﻭﻥ ﻳﺤﻤﻠﻮﻥ ﺷﻬﺎﺩﺍﺕ بمسمى )ﺍﻟﻔﻴﺰﻳﺎﺀ ﺍﻟﺘﻄﺒﻴﻘﻴﺔ-ﺗﺨﺼﺺ) شفتو الماساة دي كيف؟!
العبدلله وعبر هذا المقال يود أن يلفت نظر المسؤولين إلى ﻫﺬه ﺍﻟﻘﻀﻴﺔ ﺍﻟﻌﺎﺩﻟﺔ مطالباً ﺟﻬﺎﺕ ﺍﻹﺧﺘﺼﺎﺹ ﺳﻮﺍﺀ ﻛﺎﻧﺖ ﺍﻟﺪﻭﻟﺔ ﺃﻭ ﻣﻤﺜﻠﺘﻬﺎ ﻭﺯﺍﺭﺓ ﺍﻟﺘﻌﻠﻴﻢ ﺍﻟﻌﺎﻟﻲ ﺍﻟﻨﻈﺮ ﻓﻲ ﺃﻣﺮ ﻫﺬﺍ ﺍﻟﻘﺴﻢ ﺍﻟﻤﺠﻬﻮﻝ ﺍﻟﻬﻮﻳﺔ ﻭﺇﻳﺠﺎﺩ ﺣﻞ ﺟﺰﺭﻱ ﻟﻬﺬﻩ ﺍﻟﻘﻀﻴﺔ (المهزلة) ، نحن لا نرجو منكم أن تخبرونا كيف حدث هذا؟ ولكن فقط نطالبكم بتصحيح الأمر وعمل (سماية) لهذا القسم حتي يعلم أولياء أمور هؤلاء الطلاب أولادهم إتخرجو شنوووو؟

كسرة :
وحيث أنه لا توجد مشكلة كما قالت إدارة الجامعة فقد قامت الدكتورة رئيسة القسم بتعليق الدراسة فيه إلى أجل غير مسمي ومنع طلابه من الدخول إلى الحرم الجامعى .. (طيب لو في مشكلة يحصل شنووو) ؟؟

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)+و؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)+و؟

Advertisements

26 تعليق

  1. السلام عليكم ، أها الليلة أنا البرجي رأيكم شنو ؟؟؟

    1. البرنجى مااااا عندكم يا نانو ،،،، بالهناء ،،، غايتو بتدفى شوية فى البرد دة !!!!!

    2. مبروووووووك البرنجية و دي الظاهر عليها بنكهة الإليكترونيات ﻭﺣﻮﺳﺒﺔ ﺍﻟﻔﻴﺰﻳﺎﺀ

  2. تصويب: معليش العتب على النظر والكسيبورد المقصود (البرنجي) للمذكر وليس (البرنجية) للمؤنث !!

    1. آآآآي مرات البرنجية بتخلع
      كلو من عبيد وامريكي ديل دخلو فينا الخلعه

  3. عا ماغفلتيني غفلة شديدة خلاص ، علي كل حال نقول مبروك ..

    1. أونكل سام،، كنتا نايم برضو و الا شنو؟؟

  4. صلاح محمد الحسن | رد

    عليك الله يا استاذ جبرا انت لسة ما قنعت … والله انت بتنفخ في قربة مقدودة ومطرطرة كمان … البلد دي تاني لا تنفع قربة ولا تنفع جراب

  5. السلام عليكم ، ما تسحروا لينا حبة السقط ده ، شايفين السوريين فى الخيام و الجليد ، ده ساهل المشكله لما يذوب الجليد ………. عجبى

  6. يا تتعدّل يا تتقفّل .. قبل ما نسمع بي حركة تمرد اسمها حركة تصحيح طلاب قسم الالكترونيات..
    عااااادي ندفع حق النفايات وما يشيلوها لاكين ندفع رسوم دراسة الاولاد وما يخرجوهم !!!

  7. أنت شكلك (دنقلاوي) غفلتيني دي شنو ؟؟ أنا عمال أقول للمذكر وليس للمؤنث الحكاية شنو !! والبروف كمان غلط زيي قال: ذاااتو بدل زااااتو !!. قال ليك مدرس عربي (دنقلاوي) في مرحلة الأساس كتب جملة في السبورة ” أكلت محمد الطعام ” وقال مين يعربها !! كل الطلبة سكتوا سااااكت إلا واحد مهرج رفع أصبعو فقام المدرس قال ليه أها أعرب .. قال الطالب بتهكم: (ضرب) فعل ماضي .. والتاء ( تاء الدناقلة) ههههههههههه …
    تحياتي لك ود العم ساااام ولكل المستغرشين بدوووون فرز .. ومالك يا بتي نونا قاطعتي القروووب عسى ما شر ؟؟؟ مع تحياتي ..

    1. اهااااااا ده كلام العرب البجنن بوبي ذاتو ! مش كتر خيرنا اتنازلنا عن لغتنا ونضمنا لغتكم !!

      1. لأنكم ياتا يا جنوبى؟؟ عربى جوبا ؟؟؟؟

      2. ههههه هقاره تا أرب ده ياهو كلي جنوب انفسال

  8. هي جامعة النيلين دي مش حكومية !!؟ سمح كيف يضبحوا كيري جوه السلخانة !!؟؟؟؟؟

  9. السلام عليكم مره تانيه ، بما انى موجوع من قصة مهندسين الالكترونات ، لانه حقيقه ليسو لهم اى صله بالموضوع لانه مافى ورش ولا مختبرات و كلو فى كلو نظرى ، يعنى حاج نظريه و خلاص ، الجامعات دى يحولوها لمركز النفط الفنى و لا المركز السودانى التركى ، ويشوفوا مهندسين عاملين يقروا الطلبه و يدربوهم ، ما يجيبوا لينا دكاترة نظريات …………. عجبى

  10. السلام عليكم ورحمة الله وبركاته استاذ الفاتح جبرا او البروف كما اطلق في تعليقاتى

    اذا تحدث مقال البروف عن المشكلات بصفة عامة الف حباب ومليار مرحبا ولكن تخصيص الالكترونيات ( هندسة ولا علوم ) بجامعة النيلين – اقول اهل مكة ادرى بشعابها وانا خريج هندسة الكترونية اقول وبالفم المليان الما درس (هندسة ولا علوم ) في النيلين ما درس واتحدى اي خريج في المجال المذكور اذا اخذ نفس الجرعة خلال السنوات الاربعة علوم او الخمسة هندسة بنفس مقدار البياخدو دارس المجال في النيلين – والبيقول دراسة نظرية سمعو سمع وليس من سمع كمن مر وحضر ونال من فيض النيلين الفياض علما وعملا من جامعة النيلين – القيادة والريادة عند البروف عوض حاج على مدير الجامعة والتنفيذ عند الدكاترة الاجلاء ابوبكر وعبدالله صالح وارتولى و………….. بدءا بالبروف اسماعيل الازهرى ومن قبله أ.د.عوض صديق …. وبالنسبة للخريجين من الكترونيات النيلين كلية العلوم وصية خاصة الحل بسيط جدا وموجود ( قبلما تدخل ولمن اخترت من الدليل رمز القسم سالت نفسك حتشتغل شنو وهل المجال موجود في السودان ولا لا ؟؟؟؟ اذا سالت نفسك عليك الامان اصبر واحتسب وانتظر دورك لانو غيرك الاف الاتخرجو والحيتخرجو من نفس المجال واذا ما سالت نفسك شهادتك بتشغلك اي مجال ( يعنى منو الشغال بى شهادتو في الحكومة اقصد في السودان – ما مهندس ولا طبيب ولا محاسب شغالين سواقين وطباخين وعمال يوميات ) … المجال ضيق جدا جدا في السودان في تخصص الالكترونيات ( علوم ولا هندسة ) شوف طريقة مخارجة برا البلد ( الدكاترة والمهندسين اتخارجو قبلك )

    يا بروف الا جامعة النيلين … اقوى مقررات – اكفا الاساتذة … افضل منهج علمى … اقوى المعامل … اقوى دراسة نظرية وعملية

    والله والله والله درسونا كورسات في ثالثة نفس الدكاترة كانو بيدرسو لطلاب ماجستير في جامعات الخرطوم والسودان والاسلامية … وكانو بيجو النيلين لحل الواجبات مننا لانو ما عندهم معامل — المامصدق يسجل زيارة تنكرية ويجلس مع اساتذة هندسة وعلوم ويطلع بالدايرو منهم ……………….

    قال تعالى ( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ ) فيا ريت ياريت لو الناس تتحقق قبل المشاركة ويا ريت يابروف – بروف اسماعيل الازهرى عميد هندسة النيلين قريب منك ود.مصطفى احمد حسن برضو لو اخدت منهم تفاصيل عن الالكترونيات والمقال الجايى هنا يكون توجيه للمسؤولين يتجهو بينا للاكترونيات – لاننا بالالكترونيات لو قبلو علينا سنة بس ( انشاء الله يدونا رسوم النفايات البيلموها ويخموها مننا سنة بس ) بنفوت الصين واليابان والكوريتين ) بالله مساحة ماليزيا واليابان والهند يساوي كم ؟؟؟؟

    1. ي إبني منو الجاب سيرة للمقررات والتجهيزات والأساتذة؟ إنتو بتبهتوا الزول في صمة خشمو؟ أنحنا قلنا وعلى لسان طلاب القسم إنو في مشكلة في تحديد المسمى الوظيفى وبس وأفتكر ده الحاصل .. لكن لا إتكلمنا عن مقررات لا عن جودة أكاديمية لا غيرو … راجع المقال يا ولدي

  11. المدوناتية . كيف حالكم .
    الطلبة ديل أخير ليهم يقروا ساهى ويتخرجوا ويقبلوا بى أى مسمى وفى النهاية حايقعدوا زيهم وزى أى خريج هندسة نفط ولا محاسبة ولا شريعه وقانون . هم قايلين إسم الشهادة هو البوظف .أبدا بتوظف الواسطة والمحسوبية .
    ياخى فى ناس عندهم شهادة سودانية إكمال بقوا وزراء . الارزاق بيد الله ….
    الله فى …

    1. علي الاقل بكون عندهم فرصة عمل خارج السودان , للكن كده المساكين ديل ضايعين جوه وبره ,,
      انا المحيرني كيف جامعة حكومية يكون فيها كلام زي ده !؟ هسي دي ما سرقة عديييييييييييل …

      1. طبعا سرقة,, و على المتضرر اللجوء الى القضاء..
        اتقول القضاء زاااتو حيعمل ليهم حاجة – ما ياها دى الملفات كلها مكومة قدام القضاء من تقاوى لى هيثرو لى غيرو و غيرو,,, و مافى حاجة اتعملت..
        ملف جديد زيادة ما بيضر,, ختوهو و لوكو الصبر ,, ان شاء الله ببنظر فيو و ندى تعليماتنا و توجيهاتنا بشأنه عشان يتم تقديم المسوءلين عنه للمحاسبة ,, و ما حنخلى زول,, و العندو معلومة عن تقصير فى المجال دة طوالى يجيبا و يجينا, ابوابنا مفتوحة و شبابيكنا كمان مفتوحة !!!

  12. مقهورين وساكتين | رد

    الغريب في اﻻمر ان الدولة بتقول انها بتصرف دم قلبها في تعليم الشعب الفضل
    واﻻسر دافعة شنو طيب
    لكن من اغرب اﻻشياء قوانين شئون الخدمة التي تطل فقط لبعض الناس وتعرقلهم وبعض الناس يتجاوزوها زي المشي في ضل الضحى
    وتقولوا طﻻب نيلين ده حتى المتسمين ومعروفين مافي ليهم وظائف

  13. تم نشر كل التعليقات يا بروف ليه حقي في انتظار الموافقة بالنشر ؟؟؟

  14. أنا اسمى الممكون ومسجل عندكم قبل كدا ووردث تعليقات منى قبل ذلك وتصلنى المقالات تباعا | رد

    يا سيدى دى ماعيزه ليها درس عصر ولا حاجه . مسمى هذه الوظيفة هى مهندس بالنظر . وخلصونا بأه

  15. ﻗﺎﻡ ﺃﺳﺘﺎﺫ ﺟﺎﻣﻌﻲ ﻓﻲ ﻗﺴﻢ ﺇﺩﺍﺭﺓ
    ﺍﻷﻋﻤﺎﻝ ﺑﺈﻟﻘﺎﺀ ﻣﺤﺎﺿﺮﺓ ﻋﻦ ﺃﻫﻤﻴﺔ
    ﺗﻨﻈﻴﻢ ﻭﺇﺩﺍﺭﺓ ﺍﻟﻮﻗﺖ
    ﻭﻋﺮﺽ ﻣﺜﺎﻻ ﺣﻴﺎ ﺃﻣﺎﻡ ﺍﻟﻄﻠﺒﺔ ﻟﺘﺼﻞ
    ﺍﻟﻔﻜﺮﺓ ﻟﻬﻢ .
    ﻛﺎﻥ ﺍﻟﻤﺜﺎﻝ ﻋﺒﺎﺭﺓ ﻋﻦ ﺍﺧﺘﺒﺎﺭ ﻗﺼﻴﺮ،
    ﻓﻘﺪ ﻭﺿﻊ ﺍﻷﺳﺘﺎﺫ ﺩﻟﻮﺍ ﻋﻠﻰ ﻃﺎﻭﻟﺔ ﺛﻢ
    ﺃﺣﻀﺮ ﻋﺪﺩﺍ ﻣﻦ ﺍﻟﺼﺨﻮﺭ ﺍﻟﻜﺒﻴﺮﺓ ﻭﻗﺎﻡ
    ﺑﻮﺿﻌﻬﺎ ﻓﻲ ﺍﻟﺪﻟﻮ ﺑﻌﻨﺎﻳﺔ، ﻭﺍﺣﺪﺓ ﺗﻠﻮ
    ﺍﻷﺧﺮﻯ، ﻭﻋﻨﺪﻣﺎ ﺍﻣﺘﻸ ﺍﻟﺪﻟﻮ ﺳﺄﻝ
    ﺍﻟﻄﻼﺏ: ﻫﻞ ﻫﺬﺍ ﺍﻟﺪﻟﻮ ﻣﻤﺘﻠﺊ؟
    ﻗﺎﻝ ﺑﻌﺾ ﺍﻟﻄﻼﺏ: ﻧﻌﻢ .
    ﻓﻘﺎﻝ ﻟﻬﻢ: ﺃﻧﺘﻢ ﻣﺘﺄﻛﺪﻭﻥ؟
    ﺛﻢ ﺳﺤﺐ ﻛﻴﺴﺎ ﻣﻠﻴﺌﺎ ﺑﺎﻟﺤﺼﻴﺎﺕ
    ﺍﻟﺼﻐﻴﺮﺓ ﻣﻦ ﺗﺤﺖ ﺍﻟﻄﺎﻭﻟﺔ ﻭﻗﺎﻡ
    ﺑﻮﺿﻊ ﻫﺬﻩ ﺍﻟﺤﺼﻴﺎﺕ ﻓﻲ ﺍﻟﺪﻟﻮ ﺣﺘﻰ
    ﺍﻣﺘﻸﺕ ﺍﻟﻔﺮﺍﻏﺎﺕ ﺍﻟﻤﻮﺟﻮﺩﺓ ﺑﻴﻦ
    ﺍﻟﺼﺨﻮﺭ ﺍﻟﻜﺒﻴﺮﺓ …
    ﺛﻢ ﺳﺄﻝ ﻣﺮﺓ ﺃﺧﺮﻯ: ﻫﻞ ﻫﺬﺍ ﺍﻟﺪﻟﻮ
    ﻣﻤﺘﻠﺊ؟
    ﻓﺄﺟﺎﺏ ﺃﺣﺪﻫﻢ : ﺭﺑﻤﺎ ﻻ ..
    ﺍﺳﺘﺤﺴﻦ ﺍﻷﺳﺘﺎﺫ ﺇﺟﺎﺑﺔ ﺍﻟﻄﺎﻟﺐ
    ﻭﻗﺎﻡ ﺑﺈﺧﺮﺍﺝ ﻛﻴﺲ ﻣﻦ ﺍﻟﺮﻣﻞ ﺛﻢ
    ﺳﻜﺒﻪ ﻓﻲ ﺍﻟﺪﻟﻮ ﺣﺘﻰ ﺍﻣﺘﻸﺕ ﺟﻤﻴﻊ
    ﺍﻟﻔﺮﺍﻏﺎﺕ ﺍﻟﻤﻮﺟﻮﺩﺓ ﺑﻴﻦ ﺍﻟﺼﺨﻮﺭ ..
    ﻭﺳﺄﻝ ﻣﺮﺓ ﺃﺧﺮﻯ: ﻫﻞ ﺍﻣﺘﻸ ﺍﻟﺪﻟﻮ
    ﺍﻵﻥ؟
    ﻓﻜﺎﻧﺖ ﺇﺟﺎﺑﺔ ﺟﻤﻴﻊ ﺍﻟﻄﻼﺏ ﺑﺎﻟﻨﻔﻲ .
    ﺑﻌﺪ ﺫﻟﻚ ﺃﺣﻀﺮ ﺍﻷﺳﺘﺎﺫ ﺇﻧﺎﺀ ﻣﻠﻴﺊ
    ﺑﺎﻟﻤﺎﺀ ﻭﺳﻜﺒﻪ ﻓﻲ ﺍﻟﺪﻟﻮ ﺣﺘﻰ ﺍﻣﺘﻸ .
    ﻭﺳﺄﻟﻬﻢ: ﻣﺎ ﻫﻲ ﺍﻟﻔﻜﺮﺓ ﻣﻦ ﻫﺬﻩ
    ﺍﻟﺘﺠﺮﺑﺔ ﻓﻲ ﺍﻋﺘﻘﺎﺩﻛﻢ؟
    ﺃﺟﺎﺏ ﺃﺣﺪﺍﻟﻄﻠﺒﺔ ﺑﺤﻤﺎﺱ:
    ﺃﻧﻪ ﻣﻬﻤﺎ ﺃﻥ ﻳﻜﻮﻥ ﺟﺪﻭﻝ ﺍﻟﻤﺮﺀ ﻣﻠﻴﺌًﺎ
    ﺑﺎﻷﻋﻤﺎﻝ، ﻓﺈﻧﻪ ﻳﺴﺘﻄﻴﻊ ﻋﻤﻞ ﺍﻟﻤﺰﻳﺪ
    ﻭﺍﻟﻤﺰﻳﺪ ﺑﺎﻟﺠﺪ ﻭﺍﻻﺟﺘﻬﺎﺩ.
    ﺃﺟﺎﺑﻪ ﺍﻷﺳﺘﺎﺫ: ﺻﺪﻗﺖ .. ﻭﻟﻜﻦ ﻟﻴﺲ
    ﺫﻟﻚ ﻫﻮ ﺍﻟﺴﺒﺐ ﺍﻟﺮﺋﻴﺴﻲ ..
    ﻓﻬﺬﺍ ﺍﻟﻤﺜﺎﻝ ﻳﻌﻠﻤﻨﺎ ﺃﻧﻪ ﻟﻮ ﻟﻢ ﻧﻀﻊ
    ﺍﻟﺼﺨﻮﺭ ﺍﻟﻜﺒﻴﺮﺓ ﺃﻭﻻ، ﻣﺎ ﻛﺎﻥ ﺑﺈﻣﻜﺎﻧﻨﺎ
    ﻭﺿﻌﻬﺎ ﺃﺑﺪًﺍ .

    ده كانت نظريات زمان لكن اسي النظريه ي المبيت ي الربيت
    سياسه التعليم العالي مابتفهم الا ف الجامعات الخاصه ونفس المشكله واقعه ع طلاب الهندسه الطبيه الحيويه يعني ديل مهندسين ولا دكاتره

    1. قوية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: