مش طلعت سليمة؟

هذا الإعلان نشر صباح الأمس الأحد في الصفحة الأولى في معظم الصحف اليومية .. شئ يحير تماماً .. غايتو يوم بتكتلو ليكم زول !

بسم الله الرحمن الرحيم
إدارة مشروع الجزيرة
قسم ري شلعي
روابط قسم الهدى

ا الموضوع / التقاوى التركية

تشهد روابط قسم الهدى الزراعي بأن القمح التركي امام اثبت نجاحاً كاملاً في كل ري من المياه يزداد جمالًاً ، عليه نؤكد بأن ما جاء في الصحف والإعلام كاذب ونؤكد لكم أن التقاوى التركية ناجحة بنسبة 98% وندعو كل جهات الاختصاص إلى زيارة منطقة الهدى حتى نؤكد للجميع بما جاء كاذب ونعتذر لإدارة البنك الزراعي للاتهامات الموجهة من بعض الصحف لهم ونقول لهم التقاوى ناجحة في مشروع الجزيرة وندعو اللجنة العليا ووزارة الزراعة والبحوث الزراعية والأمن الاقتصادي زيارة رسمية لمنطقة الهدى حتى نؤكد لهم ما جاء في الصحف والإعلام
• رابطة ترعة الفرع
• رابطة ترعة دبل الفرع
• رابطة ترعة معانا

إنتهي الاعلان العجيب .. الذي يناقض تقارير رسمية سابقة أشارت إلى أن هذه التقاوى فسدت بسوء التخزين وأن نسبة إنباتها متدنية وأن إتحاد مزارعي الجزيرة بصدد رفع دعوى للتعويض ، هسه أنحنا نصدق ناس المختبرات الفحصو التقاوى دي ولقوها ضعيفة وللا نصدق لجان التحقيق وللا نصدق المزارعين الزرعو والتقاوى ما قامت وللا نصدق الجماعة ديل … .. بعدين الإعلام كاذب كيف؟ أنحنا جبنا حاجة من أهالينا .. قال أيه 98% …. هات الحبوب يا ولد

كسرة :
العبدلله غايتو عجبتو حكاية (في كل ري من المياه يزداد جمالاً دي) .. سؤال ساذج : هسه الناس دي كان قالوا ليهم مصلحتكم شنو تدفعوا ملايين الجنيهات في الاعلان ده يقولوا شنوووو؟

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)+و؟

كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)+و؟

65 تعليق

    1. مبروكة شدييييد

      1. يبارك فيك يا حبيب وشديييييييييييد

      2. أونكل سام لسة بردان ،، أنتا برضو بردان و الا شنو يا العبيد ؟؟؟

    2. مبروكة بالحيل يا جنوبى ،،، و ان كانت بعد حين ،،،،
      قرايبك ما عايزين يروقو المنقة شوية ؟؟ و قالو عايزين يوقفو إنتاج النفط !!! نحنا ما صدقنا حكاية أقفل البلف و افتح البلف دى انتهت ،، تقومو تانى ترجعوها لينا !!!!

      1. والله البلف ذاااتو كره ابو اليوم الاتركب فيهو !
        تاني ذهب اسود يجيكم مننا الله اعلم , لاكين زول اسود جاييكم كتيييير , جهزوا لينا معسكرات نازحين ,,

      2. شقاوتنا شقاوة يا جنوبي .. نحنا نلقاها منكم ولا من ناس تسفاي !!!

      3. ههههههههههههههههههههههه,,,
        البرنجية دى شكلها من هناية امس !
        وى وى وى

      4. اخي فلادمير لك التحية وديل جوكم عديل بلا بلف ههههههههههه هاك الشتات ده

    3. هلا اخي جنوبي تقبل التحايا بعد غيبة لانه هنا عينك ما تشوف الا النور اما البرنجية نشمها هنا قدحه لوبيا

      1. وينك انت يا غلبان ؟ عامل شنو مع جهاز المغتربين ؟ اصلوا الناس ديل عاملين زي ناس النفايات يجمعوا في القروش والشوارع وسخانة !!

  1. اها تااااني طلعت ليكم (البرنجي) ويييييه !!!

    1. وييييييييييه !! ولاااااا طلعتاااا

  2. يا جنوبي شكيتك علي الله أنا لمن سجلت البرنجي أنت كنت مافي !! طلعت من وين كنت مدسي في حفرة ولا شنو؟؟

    1. أخونا جنوبي ما كان مدسي .. اصلوا الايامات دي هو عامل فيها ميسي !!!

      1. يا امريكي خلي الحوامه بي بره بره وتعال البيت بارك , بلا ميسي معاك 1 طالبنك مباركات كتييرة .

      2. جنوبي .. لك المباركات حتي ترضي ..

      3. حفرة شنو !!؟

      4. انت يا شمباتي بقيت تجيب سيرة حفرة الدخان طوالي !! انت شيخ البرلمان قريبك ولا شنو ؟؟ ما تخلينا نضرب الصفائح ونطلع الفضائح …

      5. آآآآآآآآآآاميريكي بارك اوباما ساكت البرنجية دايره سهر ونحنا هنا السهر كتلنا هههههههه طاخ بم ليبيا كاتمه عندكم كيف

      6. يبركوا فيك خنق يا الغلبان .. كمان عايز تقارن بلاد الحرية بليبيا وناس المؤتمر الوثني ؟؟ سامحك الله ..

      7. شوف كتمت السعودية ياغلبان .. قالوا ميزانية 2014 855 مليار دولار .. تحك رأسك لي بكرة ياغلبان ما تقدر تحسبها .. انتوا ناس قريعتي راحت لسع شغالين البلف فتح والبلف قفل !! الله يقفل امخاخهم كمان وكمان .. قال بلف قال !!

      8. ههههههههه,,والله يا امريكى ياخوى عندنا موجة برد ومحتاجين نسخن شوية !
        اححححححححح

  3. الحكاية ما ظاااااهرة يا بروف ما دايرة ليها درس عصر .. الناس ديل عصروا ليهم عصرة جااامدة ( نظام لغفي وكده ) عشان يبيعوا باقي التقاوي البقت بايركس ما لاقيه زووولن يشتريها !!! الله لا يعافيك يالمتعافي هسع بعد شلحوه من الوزارة تلاقي قاااعد في ماليزيا يلقط إيجارات الفنادق والفلل السواها من دمنا وعرقنا … (دعوة مظلوم أكلو حقو في مشروع سوبا شرق) قولوا آااااامين …

    1. اسكت اسكت ما تجيب سيرة البيع يقوموا يبوعوها لينا اكل نروح في ستنين داهية من اكل التقاوي الفاسدة

  4. هو مشروع الجزيرة خلوا فيه حاجة ، بعد ما دمروه وسفوه أدوا الباقي لناسهم بقيادة واحد بدأ مشواره (مُراسلة) بمكتب ثمّ سواق ومنها صعد كسائق “تانكر” وبعدها للنقابة وبعد كدا مشت معاهو حتى أصبح مُديراً بشهادة أقل من الثانوية ،،،
    ربنا موجود و[كل لحم نبت من سحت فالنار أولى به]

  5. أنا يادوووب قمت من النوم !!! قريت السخافة دي .. دائر أنوم تااااني ….

  6. هسي ناس روابط قسم الضلال ديل السألم عن جودة القمح التركي منو !؟ ما عارفين انو من زمااان اللجنة الفنية بعد اختبار انواع كتيييرة وقع اختيارم لتلاتة انواع ومن ضمنها ( امام ) والمواسم الفاتت كلها بنزرع فيهو وناااجح !
    بس يقولوا تور يقول احلبو .. الناس بتتكلم عن تقاوي فسدت جوه مخازن البنك يا ناس روابط قسم الضلال !! والله صحي أبلم مو شقي , شقي البتكلم معاهو !!
    في كل ري يزداد جمالا دي زي دعاية الكريمات ..
    اوسخ حاجه يا ناس روابط الضلال انو الزول يكون معرّص متطوّع !!

    1. هى لا !
      امش اشرب ليك قهوة تركية تقييييلة

      1. ههههههه تُقل الاضان ان شاء الله , انعل ابو البوريك حاجه تاني !!

      2. يا إخوانا استهدوا بالله .. ما تكتروا المحلبيه !!!

      3. ههههههههه,بريييية ,,
        لكن انت مااا جبتها قويييية قوى من يزداد حلاوة وطلاوة دا !
        معقولة بس يكون فى ناس كدة ؟؟
        اححححححححح

    2. حلوة بتشديد الراء دي هههههههه وكمان متطوع يجازي محنك

  7. على ضوء هذا الإعلان ، لا نستبعد ان يطلع لينا بكرة أعلان فى الصحف بان خط هيثرو موجود و لم يتم بيعو و شغال فى امانتين الله بس أنتو سااااى ما شايفينو و لا جايبين خبر،، و ان ما يتم تناوله فى وسائل الإعلام إنما هو افتراء و أكاذيب و تحامل على الناس الشرفاء الذين يعملون لرفعة هذا الوطن ،، و عليه ندعو جميع المشككين و المدعيين،، خاصة أنتو يا مدوناتية إلى زيارة المطار لناخذكم فى رحلة مباشرة إلى هيثرو،، و التى سترون (ان الخط يزداد جمالا و بهاء ) كلما اقتربنا من هيثرو !!!!!!!!

    1. هههههههههههه

    2. هههههههههههههههههههه,,,
      لكلك … عشان يودونا بلاد ما وراء الشمس !
      عشان تسخنوا سخانة جد ,
      ورورووووووووووووووووووك

  8. (في كل ري من المياه يزداد جمالًاً) !
    اتفووووووووووووووووو على اللى كتب الاعلان دا واللى دفع حقو ,,
    باطل , خايب

    1. هههههه ما فضل الا يكتب ,, حلاااااااتو قمح السرور ,,

      1. هههههههههههه – كريم الهير دو ,, كان جربتو تانى ما بتخلو !!!!

      2. ههههههه حلااااااتكم

    2. ياشمباتي اححح من النفاق وشهاده الزور .. يادلاقين المؤتمر تشهدون بالكضب ولو علي حساب انفسكم ودينكم الذي تفاخرون به

      والله شهاده الزور ذي تجيب باقيكم يادلاقيين ..
      والله انا زعلان لمن نفسي قايم ):

  9. مش اتفكت الكتمتة وضيبعتوها زعلان منكم كتمت كتمت كتمت تاني

    1. يا غلبان إنشاء الله تطرشق ياخي كتمتك دي طفشت مننا البرد ، وكمان السنة دي ماظنيتو يجينا Snow !! نتلاقي بكرة في المحكمة يا جماعة نشوف حكاية البت الاسمها فاطنة دي !! بس اوعكم تنبزوها خلوها لي الله …

      1. انت شفتها يا امريكي ياخوي !!؟ دي في كل حرف من الشتيمة تزداد جمالا ! خليها تشتمنا ياخ هو ناس البشير المخلقنين ديل وناس مصطفي عثمان اب جضوم قعد يشتمونا !! انا غايتو عااااااااافي ليها , بس ان شاء الله يوم نلاقيها ترد لينا الجميل ,,, قدر ما حاولت ارد عليها في الراكوبه وأشتما , يدي قالت لي والله كان تموت ما اكتب فيها حرف شين !! سمحه ياخ سمحه ياخ تقول لي قمح ناس روابط الضلال انت شنو ,! أممممممممم مح عليها …

      2. والله يا جنوبي عرفنا ذوقك ، والله عشانك مشيت اقرأ الراكوبه واشوفها وحكييييت عيوني لمن حمرو وحاولت أشوف الحلاوه القلتها،يا جنوبي يااخ ارحم نفسك يااخ ،بالغت يااخ ،
        اال سسسمحه ااال،بفتش للقلتو لمن حوصتا

      3. ههههههههههه,,,
        طبعا انت يا العبيد اخوى قلبك ابيض وشايف حق اوربا داك ,,
        لكن جنوبى المبهدل دا مكبوووت فى بلاد الخلايجة وبفرح بى اى لمحة !
        لكن برضها سمحة !
        احححححححح

      4. آآآي يا العبيد بس زي ما قال ليك اخوي شمباتي ده ,, ياخي البلد دي تشوف ليك بنغالي لابس قرباب قلبك يقول وححححح !
        حلة ناس كتلوني ولسه حي مليااااااانه بيهم , هو المسنوح ده وينو ؟
        بعدين يا العبيد اخوي انا قاعدلي فوق رأي ! مش البت دي قالت في كل بيت سوداني مدمن وسكرجي وصايع وزاني ؟ اها انا شفتها , لا فيها وش ناس العرقي ولا فيها شلاليف وعيون ناس الادمان وكده استبعدنا خيارين وباقي خيارين والباقي كلو معاي سمح , مالي بشتما واخرب علي رقبتي !!
        انت إن دار تشتم ما تشتم انا مسكتك !!

  10. تعرف انا من نفس القسم اللهو قسم الهدى وتصديقا لاهلنا في الروابط قبل يومين جيت باحدى الحواشات وقلت ماشاء الله ايه الحلاوة دي دا مشروعنا ولا مشروع جزيرة هاواي تتخيل يا جبرا القمح دا لوماقلت ماشاء الله تتخيلو موز اما الارض البور بنسميها النايم تقول دا استاد برشلونة وناس الرابطة ربنا يديم عليهم هذه النعمة اظن طول فترة الانقاذ عندها تاثير سلبي علي الدماغ زي بدوا يجيبوا من جوة زي ما بقولوا ناس الكوتشينة انا مزارع وود مزارع منذ تاسيس المشروع كل واحد اسالو يقول القمح ابا يقوم يكون الناس ديل جابوا تيراب حشايش تركي ونحن ماسمعناهم كويس ياربي ولا الحاصل شنو ؟او احتمال الادارة بقت تبيع مسلسلات تركية ونحن سمعناها قمح واشترينا ؟ولو كترت في الحاجات عن مشروع الجزيرة دي بالله تعال زورني حاتلقاني في المستشفى التركي بعمل عملية تجميل بالموية قال ايه قال جمال قال ولكم مودتي جميعا ولجبرا خالص احترامي

  11. على الطربوش .. لحد ما الإنقاذ دى تفوت البلد دى ما يفضل فيها زول نصيح ..
    الواحد بقا ما فاهم اى حاجة .. التقاوى بايظة .. التقاوى كويسة .. المشكلة فى التخزين ..لا المشكلة فى البنك الزراعى ..التقاوى تزداد جمال مع كل رى وسقاية ..
    حسه الطاهر يرجع و حيقول شنو والمتعافى حقول ولجنة التحقيق حيبرروا موقفهم كيف ..
    وحينذاك ….جاطت ..

    1. ههههههههههههههههههههههه ,,
      طربوشك احمر ومزهزه !
      كُر

  12. يا عبيد انت حوصت ؟! أنا عميت عدييييل كده .. بس أخونا جنوبي دا ظاهر عليه استعمل كريمات كتييييرة لكن برضو لونو ما بقي ابيض .. عشان كده عندو عقده …

    1. هيييي عقدة شنو كمان !! يعقدوك من جنا جدادك !
      وحات عمر البشير انا أبياااااااض وشعري سبيبي , حتي اسأل شمباتي كمان .
      شمباتي ( مع عض الشفة السفلي ثلاثا وهز الرأس )

      1. كدي يا جنوبي خلينا من الزرقة والبياض ، مالكم ما جيتوا المحكمة ؟؟ هاناس انتوا ما عندكم شرف ؟؟ البت دي لازم ينقطع لسانها من لقاليقو ، يا جنوبي خلينا من لونها ابيض وأحييييي أنا بتاعتك دي .. أنا الموجعني انو البروف قرا المسخرة بتاعت البت فاطنة دي وعامل فيها اضان الحامل طرشة .. اصحي يا بروف الفينا مكفينا !!!!!!

      2. هههههههههههههههههههههههههههههههاااو,,
        بتدينى جنا جداد يا جنوبى ؟
        لووووووووووووووووووووووووول

  13. سلام شباب. قريت اسم الموضوع، ثم الموضوع ثم الكسرات، ثم البرنجية، لحدي هنا ماشين تماااااام ثم بديتو تخر خروا شوية شوية. . بدون تعليق!!!

    1. يا نونا دي في عالم الموضة اسمها تخريمة .. لزوم التنفيس وكدي يعني .. بعدين يعني السودان ( الحبيب ) دا أزماته كلها متشربكة علي بعضيها ، موش تخلي الولد يجيب الحبوب .. تخلي فاعلين الخير يشيلوا محافيرم ويمشوا لي وراء ..

  14. وووووووب عليّ
    يا قسم ري شلعي
    و روابط قسم الهدى
    قلتو القمح يزداد جمالاً ؟
    أنا هسع أودي وشي من المتعافي وناس البنك الزراعي وين ؟؟؟؟
    الله لا غزا بركة في الحاقدين
    جنوبي مبروكة البرنجية وجنا الجداد

    1. يا المندهش .. ادهشتنا بالعلاقة المشبوهة دي .. بس الليلة ورينا علاقتك شنو بالمتعافي ؟؟؟؟!!!!

      1. ومال هو الادهشو منو يا امريكي !!؟

      2. ههههههههه,,
        تدفعوا كم واوريكم العلاقة دى شنو ؟؟

      3. موش كفاية عليكم اللغف اللغفتوهو .. تاااااااني عايزننا ندفع ليكم ؟؟!! يخسي عليكم …

      4. ههههههههه,,
        ادفع ادفع حتى نسميك دفع السى آى ايه ,,

  15. يدفعوك انت وناس التقاوي في ال Fedreal Bureau Investigation قول اميييين .. كده يادوووووب بنخلص حقنا منكم .. وبعد داك يا الغلبان يحق ليك تقول كتمت بتاعتك الفالقنا بيها دي ..

    1. طبعا الكلام بتاع يدفعوك دا مقصود بيهو اخونا شمباتي ..

    2. سجمى !!

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: