تهنئة

ولد الهدى

Advertisements

46 تعليق

  1. برنجيييييييييه مني انا المستغرش رقم واااحد

    1. جاي بدري كده ساكن الهاشماب انت !؟
      مبروكة عليك وبالله احجز لي كيلو ( علف ) , تاني ما عندنا سنون للحمصية والفولية ,, واحجز لي شمباتي حصان ,,

      1. اممممممممممممممممممممممممممممممممممممم

      2. اتاريك يا جنوبي شغال رضاعة ساااكت !!!!!

      3. شمباتي قال داير عروس ولكوم !!!!!!!

      4. (شمباتي قال داير عروس ولكوم) !!!!!!! إنت منو القال ليك شمباتي داير عرووووس ؟؟
        هو قابض قبيضو وحامد سيدو من زماااان !! وهسي هو في الـFinal Touches ما تجيب ليهو الهواء يا ركس …

      5. البحر ما بيابا الزيادة !
        اححححححححححححححححححححح

  2. مبروووك عليك وأنا بعدك التاني .. مع تحياتي لك إنت وين في بلاد الطير العجمي ؟؟؟؟

  3. انتوا ما بتنوموا يكافئ البلاء ..

  4. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ.

  5. كل عام وانتم بخير،يا سلام ويا بختكم وانتم تحتفلون بمولد النبي الحبيب الشفيع صلي الله عليه وسلم،

  6. كل سنة وإنتو طيبيييين وتهنئية خاصة لإخونا العبيد القاعد في بلداً طيرا عجمي وما داير يورينا ليها !! ما تخاف ما حانجي (ننحل) عندك .. وأهدي له ولجميع المستغرشيييين من رواد المدونة هذه المقاطع الرائعة من اليوتيوب لكي نعيش معاً روحانيات هذه الأيام المباركات التي تصادف ذكري الحبيب المصطفي سيد الخلق جميعاً صلوات ربي وسلامه عليه وعلى آله وصحبه أجمعين ..

    1. اخوي نانو كل سنه وانت طيب ومرحب بيك في اي وكت وما تقول عزومه مراكبيه سااكت،انا بشتغل في بلاد الكيو والثانكيو ومرحب بكل سوداني يقصدني والمهم يكون سوداني وتحياتي لكل سوداني وفعلا زي ما قال جنوبي نفسنا في حلاوه المولد وخاصه حلاوه العلف فطعمها لذيذ جداً وانا من جيل شنطه حلويات سعد بتاعه المولد والكانت حلوه ومشكله علي وزن حلاوه ابوسمره الحلوه ومشكله

      1. هههههه طعمها لذيذ ولا الحال من بعضه يا حبيب ,, سنون وكده ! اظهر وبان وليك الامان ,,,
        والله مشتاق لحوش الخليفه موت , وللذكر والنوبه ودخول الزفه والقعاد في خيم الطرق الصوفية , وكانت يدي في قلبي لمن عرفت انو انصار السنة نصبوا خيمة في ساحة المولد , ومنعت اولادي يمشوا يوم القفله لاكين الحمد لله مر بسلام .
        صلي يا ربي ثم سلم علي من .. هو للخلق رحمةٌ وشفاء

  7. كل عام وكل السمار هنا وبقيه امه محمد بخيــــــــر وصــــــحه يارب

  8. كل عــــــــــــــــــام وجميعكم وكل الشعب السوداني بخير
    والسنة الجاية إن شاء الله تتنسمون في هذه الذكرى العطرة أريج الحرية
    جنوبي قلت ليّ الببيع حلاوة مولد منو جمبك ؟؟؟ يااااه شوف الأيام بتجري سريع كيف ؟؟
    شمباتي لا ترضى بأقل من عروسة المولد ( ملكة جانسي ) جابوها أمس في قناة أم درمان سميحة وزينة وتستاهلك !!
    العبيد ما بقول ليك مبروك عشان انت ما قعد تبارك ليّ !! اها بس
    اللهم صل وسلم وبارك وأنعم على المبعوث رحمة للعالمين وعلى آله وصحبة وسلم

    1. لا حولا باالغت عديل كدا انا معاك يا المدهش اقصد المندهش وما مقصوده ومبروكه مقدما ليك لي يوم الأربعاء ،
      اخوي جنوبي الأسنان تمام ولكن حلاوه العلف طعمها مميز وكدا والسمسم كويس والحمصية والفوليه ًوحلاوه شعيريه والسمسميه واللكوم برضو لذيذه ولكن الحمرا بتاعه الحصان والعروسه بتلم النمل وما كنت بريدها ويا جنوبي انا تقريبا في طفولتي وحتي قبل سبعتاشر سنه كنت مواكب كل أعياد المولد في جامع الخليفة امدرمان وكمان كنت مرات ببيع حلاوه المولد مع اولاد عمي،ايام حلوه وجميله،،صلوا علي الحبيب

      1. اقصد حوش الخليفة

      2. لو كده اعفي لي .. وكلم اولاد عمك يعفوا لي .. أكييييد اكون سرقت منكم حلاوة قبل كده ,,,
        عليك الله تعفي لي وتكلم اولاد عمك .. صحي كنا صغار لاكين قالوا حق الناس بيبري الزول لحدي يوم القيامه ,,

      3. ااااجنوبي أكان كدي عووووووووك الكيران ح يباريهم مبارة شديد خلاص …

      4. اريتم يا امريكي ياخوي كان هم شايلين همّ اليوم ده زي ما انا الفااااسد ده شايلو !!!

  9. اللهم صلي وسلم وبارك على سيدنا وحبيبنا وقدوتنا محمد وعلى اله وصحبه وسلم.
    قال صلى الله عليه وسلم:(الخير في وفي امتي الى يوم القيامة) او كما قال صلى الله عليه وسلم. وقد فسر ذلك العارفون بأن الخير فيه محصور وفي امته منثور الى يوم القيامة اي ان صفات الكمال تجتمع فيه وتكون في امته منثورة ففيهم الكريم وفيهم القانت وفيهم الناصح وفيهم القوي والامين وفيهم فصيح اللسان وفيهم الامين وما احوجنا في السودان للقوي الأمين؟
    كل عام وانتم جميعا اخوة تجمعكم اللهفة على مستقبل الابناء ورفع راية الاباء.

  10. أخوي العبيد السلام عليكم، وييييين تطلع بلاد (الكيو والثانكيو) دي ؟؟ في أية قارة ؟؟ ولا دي على وزن بلاد (الواق واق) !! أصلو أخوك كان بليييد في الجغرافيا مع أني كنت بحبها، لكن دكيتا لأنو جانا مدرس غبي ومتفلسف زيادة عن اللزوم ودرسنا المادة .. ضحكت مرة على تعبير قالو بالإنجليزي (طبعاً غلط خريج مصر وكده)، قام قال لي بتضحك ليه ؟؟ قلت ليه ما في شئ يا أستاذ فقال لي بالإنجليزي:
    !!! ((From your face I know what “does” you mean)) فضحكت وضحك معاي الفصل كلو ههههههههيهيهههيههيهييي فأشتكانا للمدير وجلدونا تاني يوم في الطابور كل واحد 10 جلدات حااارااات بالبسطونة، وأنا كنت رأس القايدة في الفصل فأتفقنا كولنا نجيب زيرو في الجغرافيا في إمتحان نص السنة كيتن علي المدرس الغبي دا!! ودكيناها كولنا ما أخدناها في إمتحان الشهادة .. يا حليلك يا أخوي العبيد رجعتنا سنييييين لي ورا !! أيام السودان بخيرو والتعليم كان قوي وهادف يعني تعليييم صااااح ما زي هسع…

    1. سلام ..نانو ،، العبيد دا ظنيتوا عايش معانا في بلاد العم سام .. وداسي منكم عشان ما تقولوا ليه قدم لينا في اللوتري ….

      1. ههه يا اخوي أمريكي ما عندنا هنا نظام اللوتري والكرت الأخضر ،اها انت قاعد لبتين في السودان،يا بختك شي سمسمية وشي حمصيه وشي فو وليه وشي علف،،
        عملات الفنان عادل امام وبس بعد بعض التعديلات
        اللهم حمصهم وعلفهم وفولهم وسمسمهم وبخلي الباقي للأخ جنوبي لانو حريف في اختيار الكلمات و جنوبي ده قطع شك بكتب في الجرائد او كان في الجمعيه الأدبية لمن كان بخطف حلاوه اولاد عمي

      2. والله ياعبد روحك سلبة ، عطشت السمار ، يااخي وريهم انت وين ، علي كل حال انا قربت ارجع بس الأولاد يخلصوا الامتحانات ، لكن يا عبيد مصيبتي مصيبة بعد ما اللوفتهانزا وقفت ،، ازيدك حبة ، الله يدمرهم ويشتت شملهم ،، قولوا امييييين ..

      3. أخوي أمريكي نعمل شنو عاااد
        الناقل الوطني وقف من خط هيثرو واللوفتهانزا وقفت وما عارف نعمل شنو وخطوط الطيران طملتش فينا وجربنا قبل كدا السوريه وحسه عندنا من بلاد الكيو والثانكيو التركية والمصريه وكمان في الأردنية ولكن مااا خالص وخاصه الترانزيت في مطار عمان وأي وااحد قابلتو يقول لي ما بكررها تاني وتقول الواحد عندو طيران بلدو عشان يعتز بيهو كدا ويقول انا ح اركب طيران بلدي،غايتو يا خوي أمريكي ملطشه شديده وانشالله يرجع لينا الناقل الوطني ويرجع لينا الخط،اللهم نقلهم وطيرهم واهرسهم

      4. يا عبيد يا أخوي إنشاء الله ربنا يهرسهم هرس الجن ديل خلونا من غير هوية ووطنية ، دمروا الخطوط الجوية والبحرية دمروا الزراعة والتعليم دمروا الحياة الاجتماعية ودمروا الانسان السوداني الكان عندو عزة ورافع راسوا وبقول انا سوداني ، والله هسع تمشي أي بلد ويعرفوك انت سوداني يضحكوا عليك ويستهزأو بيك ، أصبحنا ملطشة ياعبيد يا أخوي ، حسبنا الله ونعم الوكيل ،،

      5. يا أخوي يا ود العم سااام .. هو منو القال ليك أنا داير أمشي لوتري ؟؟ (حرم) كان جابا لي أوباما ذااااتو على صينية من دهب ماني دايرا !! أفو أنا أبوك آاا أحمد بعد ده أمشي أغترب عند (الكفاااار) مش كفانا العرب (المسلمين) القاعدين معاهم ودايرين نتخارج منهم ما لاقين لينا طريقة نرجع البلد مع الكيزان ديل !!! وبمناسبة الكفااار أسمع النكتة دي:
        قال ليك واحد (زيك) من ناس الشمالية مشى إغترب في النرويج وعرس ليهو واحدة من هناك وجابا معاهو زيارة للبلد .. أها أبوهو وناس البلد كووولهم قاموا ليك فوقو (دي شنو الكافرة دي يا ولد) ؟؟ مالن بناتنا ما مسلمات وسمحااات !! المهم صاحبنا وصى مرتو تهتم بأبوه وسافر سفرة محلية قريبة “7 يوم” بس ، والخواجية لمت ليك في الأبو هاك يا غسيل كرعين بالموية الدافية والملح وهاك يا مساااج وهاك يا فطووور (هوت دوق) وهاك يا غسيل وكوي هدوم للأبو .. المهم عمك إنبسط منها بلحييييل، ولمن رجع الولد من سفرتو سأل أبوهو ( يا بوي أها كيف الكافرة معاك) ؟؟؟ قال لي ( علي بالطلاااااق الكاااافرة أمك دي ) !! ههههههههههههيهيهي

      6. يا نانو .. قالوا الكديسة لمن ما تلحق اللحم بتقول شنو ؟ اااخوي الدولة الكافرة لمن حاكمها يكون عادل ( مع شعبو ) الله بفتحها عليهم ، والله اتمني لأي زول يمشي هناك عشان يشوف العدل والمساواة والحرية وخصوصا الحرية الدينية ، الناس بتتخيل البلد ديك مافيها صلاة وعبادات ، أما المعاملات بشتي أنواعها طبية ، محاكم مدنية وجنائية استخراج أوراق ثبوتيه ، وكل ما يلزمك ، والله الواحد بيشعر بالادمية والكرامة ، مافي زول بيحتقرك أو يفكر يأكل حقك ، مافي فساد مافي رشوة ولا محسوبية .. وين من الكيزان والعرب القجر ديل ؟؟ اهم حاجة يا أخ نانو الزول يشعر بكرامته .. بالحيل وجعتني .. لكن النكتة خففت علي .. تقبل تحياتي ..

      7. كلامك صح يا أمريكي وأضيف لك بحكم عملي في المستشفيات فما تتخيل الرحمه والمعامله الكريمه والتي يجدها المريض من قبل الاستاف الذي يعمل بالمستشفي وكيف الإنسان الذي كرمه الله يجد كل هذا التكريم والرحمة وأما المعاملات واحترام الأديان متبادل ومافي جهويه او عنصريه ويحاسب القانون بشراسه في أمور التفرقة وخلافه وبالإضافة للمرتبات فما في فرق في المرتبات مابين الجنسيات ومافي حاجه اسمها مواطن ولا ما مواطن واعتقد هذه الاشيا مهمه فيما يختص بعزه الإنسان ،اتمني لو سنحت الفرصه لأي شخص بزياره هذه البلدان ومعرفتها عن قرب ،القانون فوق الجميع وهي بلاد تطبق الإسلام ولكنها غير مسلمه ونتمني ان يطبق ما لديهم في بلادنا والتي يفترض تكون مسلمه،الحاجه التانيه تخيل معاي أوباما ده كان أتربي في بلد ابوهو كان ح يكون شنو وهل كان سيترشح للرياسه،
        الأمثلة كتيره وليس هنالك مجال أبدا للمقارنه ويا نانو اخوي الفرق كبير وانشالله اذا سنحت لنا الظروف بان نتقابل وياريت لو جيتنا زياره

      8. اححححححح ياعبيد والله فشيت غبينتي الله يريحك دنيا وآخرة ، العجب الحصانة والحضانة بتاعتك دي أمانة ماحلوة شديييييد ، واخونا نانو كان بوافق حرم الماحرم اعمل ليهو زيارة واتكفل بيها كلها ،، بس عشان يشوف الفرق بين العرب والغرب ، أمانة حيلاقي نقاط كتييييييييرة ..

      9. أمريكي يا أخوي كتر خيرك وشكراً ليك .. لعلمك أنا لمن جيت هنا كنت ناوي أقعد لي يومين تلاتة بس، لأنو كان معاي تأشيرة وتذاكر لي بلد العم سام !! ويا كافي البلا الله ما أراد لأني غيرت رائي بعدما شفت تخبط أمريكا في السياسة (أفغانستان والشرق الأوسط وإسرائيل والعالم الجديد) ..الخ ولي يومك دا ما عتبتها تب !! مع أني سافرت لي معظم الدول الأوربية والآسيوية والعربية … إلخ المهم كرهي لأمريكا بسبب تقلب مزاجها السياسي ومناصرتها المستميتة لأسرائيل، وعلى سبيل المثال ( صنعوا بن لادن ودربوه وأمدوه بالسلاح والعتاد ) وألزموا السعودية بدعمه بالشباب والمال وكان يسمى (أمير الجهاد) لمحاربة السوفيت ولما خرج الروس من أفغانستان إنقلبوا عليه وسموه بالأرهابي والمطلوب الأول عالمياً حتى قتلوه !! أها شن قولك ما لي حق ؟؟؟

  11. يا دكتور عبيد .. نحنا هنا فى الخليج القريبين من أمازونيا العظمى – فركة كعب زى ما بيقولوا – وما لاقين حتة حمصية أو سمسمية أو فولية خليك إنت القاعد فى بلد النظام السمح بلد الثانكيو والكيو ..
    أها ما جاييينا بيجاى .. حج .. عُمرة …؟؟
    لاكين بينى وبينكم حلاوة المولد زااااتها بقا طعمها ما زى زمان ..البامية ما ياها ..

    1. يكون من شنو يا ريم !!؟؟

    2. تقبل سلامي وانشالله الاتنين بإذن الله وعندي أرقام الموبايلات، وكلامك صح الكسره ما ياها وبقت طعمها زي الهوت دوق

  12. أنت يا شمباتي قلت (البحر ما بيابا الزيادة) ! احححححححححححححح …
    هووووووي يا جنا أرعى بي قيدك أحسن ليييك تبطل العين الطايرة دي .. أنا بفتن وبعديييين شيل شيلتك !!!!!!

    1. هههههههههههههه,,افتنى وزيد عذابى , امكن قلبى ينصاااااااااااااااااااع,,
      بااااااااااااااااااااااااع

    2. ههههه يا نانو ياخوي الود ده برااااهو كايس السبب مااا تديهو ليهو ! نحنا لينا سنتين نزوزي فيهو زي القدالي وكل ما يجي جمب الشرك يفرفر كدي وتااااني يطير !! انت قبييل لما قلت لركس انه شمباتي في اللمسات الاخيرة انا قعدت اضحك , لمساته الاخيرة دي زي كلمة المعارضة القعد تقولا لينا من سنة 94 النظام في ايامه الاخيرة !!

      1. اممممممم,,
        امشى يا عميل يا مرتزق ,,
        طاااااااااااااخ

      2. يا دكتور شمباتي خف على جنوبي شوييية ، دا فاكهة المنتدى وما برضى فيهو أي كلاااام زي ده !!

  13. كل عام و كوووووولللللكم بخير و عافية و تأمين و سالمين و زائرين النبي و بيت الله و فرحانين و مفّرحين و ما تلقوا التكتبو هنا (عشان الحال يكون اتغير) ، قولوا آميييييييييين يا رب العامين

    1. آآآمين بحق جاه النبي ما نلقي حاجه كعبه نكتب فيها ..

  14. اليوم الأربعاء ولقيت لي دقائق وح امشي وبس عجبني الكلام ده والذي ارسله لي واحد في الواتس اب:
    الفرق بين العرب والغرب هو فقط النقطه فهم غرب ونحن عرب،هم شعب مختار ونحن شعب محتار،وهم تحالفوا والعرب تخالفوا، وهم وصلوا مستوي الحصانة والعرب لازالوا في الحضانة

    1. احححححح,,ياوجعى ووجع النايات ,,,

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: