خبر وتعليق

صحيفة اليوم التالي
عددالأربعاء 22 يناير 2014م

الخبر:
كشفت مصادر طبية عن هجرة واسعة وسط الإختصاصيين بمستشفيات ولاية الخرطوم مما أدى إلى تدهور الخدمات الطبية وإنعدامها في عدد من المستشفيات ولفتت المصادر إلى فشل تجربة نقل الخدمات الطبية للمستشفيات الطرفية في مشافي أبراهيم مالك وبشائر والأكاديمي والنو وحاج الصافي لإنعدام معظم الخدمات التشخيصية كالأشعة المقطعية والرنين المغناطيسي وعدم تشغيل العناية المكثفة التي تم إفتتاحها مؤخراً بإحد تلك المستشفيات إلى جانب عدم جاهزيتها لتقديم الخدمات العلاجية المتكاملة وإجراء العمليات الكبيرة مما دفع المرضى الوافدين من المستشفيات الطرفية للعودة إلى العلاج بمستشفى الخرطوم الذي أكدت المصادر توقف أقسام به بالكامل مثل المسالك البولية وجراحة الأطفال وبعض وحدات جراحة العظام وجراحة التجميل .

التعليق :
قال أيه .. تجربة نقل الخدمات الطبية للمستشفيات الطرفية .. (فيران تجارب ) !

كسرة:
بالله ده إسمو كلام؟ وحدو متين يا ربي ؟

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)+و+و؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)+و+و؟

Advertisements

72 تعليق

  1. المستغرش رقم وااااااااااااحد

    1. مبروك إلا فترنا والله !
      وكيتا في ود الحكووومه وفي الحكومة ذااتا …

    2. مبروكة يا المستغرش الاول،،،، جازفتها مننا و لكن بسبب المشغولية مش بسبب النوم زى بعض الناس،،،، و الا شنو يا أونكل سام ؟؟!!

      1. البروف ذاتو بقي متواطئ عارف مواعيد نومي .. رأيك شنو يابوتن ؟

  2. طيب أنا بعدك ومبروووكة عليك

  3. أبو رامي ليه تعليقي في إنتظار الموافقة ؟؟ أكان كا كدي كان ختفت منك البرنجية الليلة يا العبيد أخوي !!

  4. والله كان ما النوم يا العبيد ما تشمها .. انت ما عندك واحد فرعون بتفطر معاهو ؟؟ مبروروك ..

    1. أنتا يا عمك سام بتنوم قدر دة مالك؟ أنتا الممتحن و الا الأولاد ؟؟؟
      ربنا ينجحهم ليك و يسعدك بيهم و تشوف فيهم نتيجة تعبك و (سهرك) ….

      1. امييين يا اخوي .. وبارك الله فيك ويديك قدر ما يرضيك .. يديك العفو والعافية .. شكرًا علي الشعور .. اصلو العرب ديل ما عندهم شعور خليني منهم ..

  5. قبل اسبوعين عندنا ولد في عز الشباب وعريس جدييييد ليهو شهر بس , دخل ابراهيم مالك بالضغط المرتفع وبعدها حصل ليهو تجلط في الدماغ وراسه ورم , قالوا ما عندهم جهاز يشفط الدم المتجلط والجهاز مافي الا في شرق النيل , مسكين شايلنوا وماشين للمستشفي الفي شرق النيل اتوفي قبل يصلوا .. الله يرحمه ..

    1. عظم الله أجركم وإنشاء الله البركة فيكم وفي أهلو .. برضو أنا نسيبي والد زوجتي توفي في الخرطوم شهر أكتوبر الماضي وبعد قدرالله كان موته بسبب إهمال كادر التمريض لأنو كان في (العناية المكثفة) ” icu” ولا في عناية ولا يحزنون !! أنبوبة الأوكسجين خلصت ما جايبين خبرها لحدي ما الراجل إتلحس ، والعذر أقبح من الذنب زااااتو، قالوا إيه … ما كان في أنبوبة إحتياطي !!!!!!!!!

    2. يا اخوي جنوبي الدكتور السالتني منو ما سمعت بيهو هنا ولكني ح اسأل ليك عنو اذا هو معانا هنا، و يا جنوبي لسه ما حليت الغلوتيه بتاعه المستشفي ،
      اخوي أمريكي شكرًا علي المباركة وأما بخصوص سؤالك فانا شخصيا أقول اصدق من صادقت كان مصريا،ويا اخوي مصر ذكرت في القران وانا شخصيا اعشقها حتي النخاع فهي مصر المومنه

      1. خلاص !! لحسوا مخكم الفراعنة .. يا هو ده أسلوبهم الواحد تتكلم معاهو يقول ليك دي مصر أم الدنيا ..دي مصر اتذكرت في القران .. والله تب ما عندنا قول في كتاب الله الكريم .. وتيب ما إبليس وفرعون ذكروا في القران الكريم .. يااخي انا بتكلم في الفراعنة الساكنين في مصر ، وبعدين كونو انو تكون مصر ذكرت في القران دي ما بتشفع ليهم يوم القيامة ، اهو بيت الله الحرام في مكة ، هل هذا سوف يشفع لمن يمارسون الفساد والاستعباد الذي نراه الآن في السعودية ؟؟ زي ما ود خوجلي ساكي قصة يبقي لحين السداد !! انا وراكم وراكم حتي تتخلوا عن الفراعنة ديل ..

      2. هههه انت يا امريكي شكلك كده في مصري ركبك ماسورة !! عليك النبي احكي لينا غشاك كيف ؟ ما تخجل ياخ نحنا ما اخوانك ,,
        هسي بمناسبة الماسورة دي ما دارفور دي معروفة بي بلد القران وكان بتكسي الكعبه ! مش طلع فيها سوق المواسير !؟ كل حتة فيها الصالح والطالح ياخ ..

      3. اقسم لك بالله العظيم يا جنوبي لاماسورة ولاحنفيه .. بس انا ( والعياذ بالله ) زولاً ما برضي الحقارة .. والحقارة بشوفها في دونية السودانين وده الموجعني شديييييد .. حتي لو كانت الحقارة من بني جلدك .. هسع عليك الله موضوع مستشفي السلام ده ما حقارة يأكلوا قروشك ويمرقوك جنازة .. نعم الموت حق ما قلنا حاجة .. لكن هسع انا مصاريني بتتقطع .. كدي كل واحد فينا الله لاقدر يخت نفسو في المكان ده .. اها دي ما حقارة يا جنوبي ؟ تقول لي ماسورة ! ماسورة التكسر رأسك .. عليك الله يا جنوبي شاهد قناة الفراعيين واديني رأيك ..

  6. لو كان الهدف الحقيقي هو نقل الخدمات الطبية للمستشفيات الطرفية كان اتأكدوا اول انو المستشفيات دي حتقدر تقدم الخدمة , لاكين الهدف الاساسي هو نقل ملكية العقارات الحكومية لبعض الحرامية . وان شاء الله البيشتري الارض بتاعت مستشفي الخرطوم دي ما يشوف عافية ويمرض مرض لا يعالجوا الدكاترة ولا يعالجوا الفقرا.
    في بداية التمانينات ابوي اشتري ارض في احدي مناطق الخرطوم الطرفية وقتها , وبني بيت كبير سايفون وحديقة امامية وفيهو كل شئ وقال نرحل من ام درمان , كلنا وقفنا مع الحاجه واعترضنا كيف نمشي من ام درمان ونسكن الخرطوم , في النهاية طبعا هو القاعد يصرف علينا واستعمل دكتاتوريتو , قمنا شلنا الدفعه الاولي من العفش عشان نرحل ونحنا ماشين للمنطقة دي شفنا ناس واقفين في الظلط بعد اللاماب راجين المواصلات , مشينا وصلنا البيت الجديد ونزلنا العفش ورصينا كل حاجه في مكانه وجينا راجعين عشان نشيل الدفعه التانية , نففففس الناس اللقيناهم زمان راجين المواصلات لقيناهم في وقفتم ذاااتا , ابوي برم العربية ورجع تااني , قال : ارفعوا العفش ده العربية ! قلنا ليهو في شنو يا حاج ؟ قال انتو ما شفتوا الناس ديك ؟ مش ياهم الشفناهم ونحنا جايين ؟ وقال : هسي اجيبكم هنا حتمشوا مدارسكم كيف ؟ وتمشوا المجاملات كيف ؟ شلنا العفش ورجعنا ام درمان , دخلنا البيت امي بدون ما تشعر فكت زغروتة …
    هسي يرجعوا لينا الحاجات دي مستشفي الخرطوم تاني وعلي الطلاق المرة دي انا افك ليهم زغروتة …

  7. هاك يا عبيد الكلام ده منقول من موقع ( السودان اليوم .. اخبار عازه ) طبعا نفس اسم المستشفي ده زكرتو لي واحده امس في مداخله في موقع الراكوبه .
    اقتباس :
    نقلا عن مصادر مقربة من المرحوم
    جريمة بمستشفى (السلام) الخاص بالخرطوم …. توفي مساء امس صديقي حسن ابراهيم ( حسن كديس ) وهو يسكن جبره الجديده بالقرب من شارع الهوا وهو دفعتي تم الاتصال بي من قبل اصدقائي حوالي السابعه صباحاً وابلوغني الخبر فسألتهم دفنو ولا لسه قالو لي لي لسه ليه قلت ليهم قالو لي الجثه في المشرحه المهم ما طولت الكلام وركبت عربيتي ومشيت المشرحه وكانت المفاجأه احس المرحوم صباح امس بألم في بطنه وذهب الي مستوصف السلام وشخصو له مرضه بالزايده ، دخل العمليه علي الفور حوالي الساعه الثانيه ظهراً بعد المغرب وبعد ما فاق من البنج جاهو الدكتور وقال ليهو الحمد لله استأصلنا الزايده وطبعاً كانت انفجرت ونضفنا ليك بطنك وانت حسي تمام التمام . بعد اقل من ساعه من هذا الكلام بدأ حسن بالتوجع واتت الممرضه وادتو حقنه لتسكين الالم ولم يتوقف الالم وبعدها تاني حقنه وتالته ورابعه والكل يبحث عن الطبيب ولا يوجد طبيب وبدأت بطنه في الانتفاخ لحد غير طبيعي جاء طبيب امتياز وادخله غرفة العمليات لفتح بطنه ومعرفة الحاصل شنو وبينما هو بغرفة العمليات اتي الطبيب الجراح الذي اجري له العمليه وهو الدكتور مصطفي سيد احمد وهو مشهور علي نطاق الجراحه في السودان المهم قبل ما يدخلوهو غرفة العمليات للمره التانيه وبعد انتفاخ بطنه بدأ الدم يتدفق من فتحة العمليه وبغزاره حتي ملأ السرير وارضية الغرفه تماماً فجأه خرج الطبيب اثناء العمليه التانيه وقال دايرين دم يا ناس اهلو دايرين يمشو يجيبو دم لكن فصيلتو غير معروفه !!!!!!!!!! ما عملو ليهو اي فحص قبل العمليه المهم بعد مجابدات وشكل وكوراك مشو وجابو الدم وعندما رجعو المستشفي لو الراجل اتوفي وهرب الدكتور مصطفي اصحاب المرحوم رفضو يستلمو الجنازه وفتحو بلاغ وناس الادله الجنائيه جو وعملو العليهم ونقلو الجثه للمشرحه التقرير الشفهي لدكتور عقيل مدير المشرحه بأنو ما لاقتو فظاعه زي الشافها جوه بطن الزول ده طيلة فترة تشريحو وانو الزول ده ما عندو زايده وما اتعملت ليهو العمليه بتاعت الزايده اساساً وانو لقو تلاته شرايين رئيسيه مقطوعه تماماً وانو معدتو مليانه بحوالي ٢ لتر من الدم وانو بطنو كلها مشرّطه بالمشارط من الداخل وحتي كمان استأصل جزو وارسلو للمعمل لتحديد الخدوش والجروح الحصلت علي الجزو ده المهم تقرير المشرحه لم يسلم لزوي المرحوم وتم تسليمه للشرطه نسبه لفتح البلاغ من زوي المرحوم المستوصف هو مستوصف السلام وتقريباً قالو بالقرب من المستشفي الكويتي ده الحركه المتكرره من المستشفيات الخاصه بصوره مستمره ومن الاطباء المستهترين برضو تخيلو زول يمضّوه علي تحمل جميع مخاطر العمليه ويدخلوهو عمليه وما يعلو ليهو فحص دم لمعرفة فصيلتو لا اله الا الله وانا لله وانا اليه راجعون للمرحوم والطب في السودان والساده المسؤلين عن الطب في السودان اتمني انو المستشفي ياخد جزاتو والدكتور كمان عشان تكون عظه للبعدهم والقبلهم يا رب تقبلو بواسع رحمتك يا رب انه حال البلد في عهدكم ياكيزان وكلوا في ميزانكم بإذن الله .. هسي بس يقولو شنو؟؟؟ والله ماف كلام

    1. لا الآه إلا الله محمد رسول الله .. والله ياعبيد دي جريمة تقطع المصارين ، لا نقول إلا .. انا لله وأنا اليه راجعون .. امبارح يا جنوبي والله شفت لي حبة في بطني يسار الصرة ( زي ما بيقولوا حبوباتنا حبن ) وريتها لي أم العيال وجو الأولاد شافوها ، البنت قالت لي يا أبوي امشي المستشفي ، طوالي الأم صرخت فيها .. مستشفي لا .. طبعاً هي كانت اطلعت علي الجريمة دي ، ونحنا من هواة متابعة هذه الأخطاء( وان صح التعبير هذه الجرائم ) ودائماً ما نعمل مقارنات بين ما يحدث هنا وما يحدث في بلاد العم سام .. وتذكرنا واقعة حادث حركة وقعت الي سوداني وهو في سن متقدمة ، في الولاية التي نسكن فيها ، المهم طبعاً السودانين ما قصروا في الزيارة من مختلف الولايات ، كانت الزيارة ممنوعة إلا عن طريق الشباك ( في العناية المركزة ) وكنا نراه طريحا كالجثة الهامدة ، وكل ما يخطر ببالكم من أنابيب ومعدات طبية كانت معلقة بجسدة وهو طريح الفراش لمدة تجاوزت الشهرين ، وكل السودانين كانوا غير مصدقين ان هذا الشخص لن يعود للحياة مرةً أخري ! ولكن بفضل الدعوات الي الله سبحانه وتعالي ، ومن ثم العناية الطبية الخارقة ، كتب الله له الشفاء والحمد لله كان شئ لم يكن .. إخوتي هكذا الفرق بين الكيزان والأمريكان ، خصوصا في الطب ، هنالك رحمة وهنا قسوة واستهتار بالادمية التي كرمها الله سبحانه وتعالي .. ومن هنا يجب ان نبدأ ، لابد من العقاب ، كفانا زهقاً للأرواح ، وهذه جريمة يجب ان يعاقب عليها كل من ساعد أو أكتتب أو ساهم في إنشاء هذه المستشفي .. أخيراً يا جنوبي ( الحبن ) بتاعي الحمد لله بس اتلحتوا ليك بالريق كل يوم الصباح .. كتروا من القرض والحلبة والحبة السوداء والعسل .. وإذا مرضت فهو يشفين ..

  8. معليش يا ود العم سااام تكبر تاخد غيرا !! وبرضك لسه مع جنوبي ؟؟ يا أخي خف عليه شوييية .. سلااااام ..

    1. سلام أخوي نانو .. والله انا قصدي بس داير أخونا جنوبي ده يعمل حسابو من الفراعنة ديل .. خصوصاً وأنا احتكيت في بلا العم سام بكل الأجناس وخصوصا العرب ، وعارف نظرتهم للسودانين ، وزي ماقلت تديهم بالجزمة يحترموك تسكت ليهم يطلعوا ليك في راس أبوك .. وده كان عهدي معاهم .. وكان عندي واقعة شهيرة مع هلفوت ليبي كانت حديث المدينة .. هناك طبعاً ممكن تشغل خشمك 24 ساعة مافي قانون بسالك بس باليد لا .. والفراعنة ديل خليهم ساكت ،، والله خليهم ساكت .. عشان كده بقيت محترم عندهم .. وأنا داير أخونا يفتح .. خرجنا من الموضوع يا نانو .. الحصل شنو في موضوع ضحية مستشفي السلام .. لابد من وقفة شعبية عارمة .. الكيزان ديل جففوا المستشفيات الكبيرة واشتغلوا تجارة في أرواح البشر !! انتوا دحين موش قالوا عقوبة الاتجار في البشر بقت الإعدام ؟؟ يلا ورونا !!!!

      1. مقدر خوفك علي يا خوي لاكين انا ترباية البعثة التعليمية المصرية يعني قلم رصاص مبري بالجمبتين ! بي هني اكتب وبي هني برضو اكتب !! محل تقلبني بتلقاني قلم ما عندي إستيكه …
        بس انا ما حصل قلت ليك اصحابي مصريين لاكين صاحبي مصري وصاحبي مفرد اصحاب .. وما قاعد اعمم يعني برضو بتعامل بحذر حتي مع السودانيين لحدي ما اطمن ليهو ..

  9. أخوي العبيد يا دفعة يا ود حلتي السلام عليكم ورحمة الله وبركاته، الرد دا كان عملتو ليك في البوست والموضوع السابق لكن شكلو ما مشى ليه ما عارف ؟؟ المهم طالما إنك متفق مع جنوبي وبتحب (أولاد بمبا) حا أتكلم ليك بلهجتم:

    ” دا أنت تشرف في أي وقت يابيييه لوما شالك المطرح تشيلك العين قبل الراااس، أنت بس أشر وإحنا حااااضريين ياا بيييه”
    “الحمد لله المطرح هنا وااااسع يشيلك إنت وأهلك بارتيياااح” .. وكمان لو جيت السودان الحمد لله كل شيء متوفر ممكن أديك طابق كااامل مفروش ترتاح فيهو مع الأولاد لحدي ما تسافر .. ولو قررت تستقر كمان في ليك ترتيبات تااانية ..
    رقمي عند شمباتي ، بس حدد وقت حضورك وسأكون في إستقبالك بالمطار إن شاء الله .. سلاااام ..

    1. اخوي نانو
      شكرًا ليك يا حبيب وقطع شك في اول اجازه ح أمر عليك بإذن الله وانا دائماً في ابروف بجي بزور الناس ديل وإذا عرفتهم،معاويه ومالك والحاج وبدوي وأشرف وكان زمان في نادر وحاتم اها عرفتهم اها وفي السعوديه دكتور اسماعيل

    2. ختيناك في البلاك لست يا نانو .. اتاريني كنت قايلك موسي ..

      1. ليييييه مالي سويت ليك شنو يا ود أونكل سااام ؟؟؟ عشان قلت ليك خف علي جنوبي ؟؟؟

      2. لا عشان عوجت لسانك وبقيت ترطن فرعوني .. والبلد فيها جريمة إنسانية ..

      3. انا عوجت لساني للعبيد لمن قال لجنوبي انو بعشق مصر (أم الدنيا) مش لأني بحبهم !!

    3. أخوي نانو ياااا دفعه توقع مني اتصال اول ما الم في رقم الموبايل،ح يرسلوا لي دكتور شنباتي،جمعه مباركه وعشان الواحد يتكلم معاااك بمزااج وطبعا في القمردينه عاوزين نلتزم بموضوع الخبر ال فوووق،وعشان أكون ملتزم ح أضيف ادعو المسؤولين بالاهتمام بالطبيب وهذا بدوره سينعكس علي الاداا والمريض ويوقف نزيف هجره الأطباء ويرد غربتنا ياااا رب

      1. اخوي العبيد وانا في انتظار مكالمتك وانشاء الله ربنا يجمعنا هنا في ساعة خير وربما في زواج شمباتي ان شاء الله .. ومعذرة لتاخير الرد فقد كنت مشغولا في مناسبة عائلية .. سلاااام ..

  10. والله شوية كدا عمودك كلو يكون كسرات …. بالشايفوا دا …….. يعني لا خبر ولا اثر اعوذ بالله …. حيرتووووووووووووووووونا … حلو الواوات …… بقينا مزهللين وعيونا طشن وبنتكلم براااااااااااااااااااااااااانا .. والصواني الكنا الكنا بنقيف فيها شالوها كلها …… اظننا بقينا تجارب … يعيش الشعب السوداني شعب التجارب …..

    1. يا هيمو حكايتك شنو ؟؟ هريتنا بالرسالة دي 500 مرررررة !!!!!

      1. يا نانو بس بقت علي المسكين هيمو ده ! الجماعة شغالين يهروا فيكم ربع قرن من الزمان !!

  11. ما تزعل نفسك يا استاذ، حسه داخلين على ربع قرن من التجارب، ولا تجربة واحدة نجحت، وفي النهاية السودان حيطلع من قائمة الدول

    1. مخطئ يا ود أنغولا .. كل التجارب ناجحة مئة في المئة .. ( وتيب ) بقي الشعب الفضل كيف ؟ ولا رأيك شنو ؟!

  12. معليش ياخواني ما تقولوا علي ثقيلة ( انا دغيله ، بس) لكن حاول ليكم كلام واقف البروف في حلقومو: ممكن تبادروا الايميلات او كل واحد يضيف التأني في الفيسبوك ؟ لأنو بصرااااحة كدا الحكاية بقت خل خالص! آسفه ما تزعلوا منى ، لكن recentlyلاحظت إنو الخروج من الموضوع الأساسي لمواضيع خاصة كتر! ولا ما كدي؟ النبي أعفوا لي!!

    1. الاخت او الابنه نونا،معليش دخلنا ومرقنا من الموضوع وكلامك صح ميه الميه و الواحد بقدره قادر لمن يلقي احبابو في القمردينه عييييك ينسي فلك العتبي حتي ترضي،سووري

      1. هلا هلا يا رجالة فتوي تفيد بجواز الدخان للرجال .. بشرط وانتوا ماشين في الشارع تكون معاكم ديباجة .. دخان للزوجة أم دخان قوم لوط .. دي الفتوي قالت كده .. اعمل حسابك يا جنوبي لمن تمشي تفطر مع الفرعون ما تنسي الديباجة .. انها فتاوي القرن الحادي ( والثلاثون ) والله جريمة السلام دي لوحصلت في دولة !! بس في دولة .. كان كل الدولة قدمت استقالتها .. يجئ واحد شيخ زي ده يطلب من الرجال ان يتدخنوا .. اخخخخخخخخخخ .. رأيك شنو يا نونا في التخريمة دي ..

      2. مالا تخريمتك يا أمريكي! زي الفل! (النمغسك شوية بالمصري)! ما القمردينة استعملت عشان كدة أصلا.نطرح مواضيع للنقاش و نناقشها ! انا ما قصدي تخريمات زي دي!

      3. شكراً نونا .. انت طلعت براءة العقبال لي جنوبي ..

    2. هيييي انت كمان شنو اعمل حسابك يا جنوبي دي ! شايفني شايل ( شملة ) !؟ إههههي ( مع وضع كف اليد علي الوجه والنظر اليك من بين فرقات الاصابع )
      ومااالو الدخان ما بشيل الرطوبة هسي اخير نتدخن ونعرق ولا نمشي لدكتور نعرق ونموت ؟

      1. ههههههههههههههههههههههه,,العرق بنقشا !
        وى وى وى

  13. ما بنعفا ليك يا نونا .. أهي فرصة نتواصل بيها مع بعض .. ووش الكتاب بتاعك دا (Facebook) أصلو تب ما دايرنو مش علي كيفنا ???? إلا البروف يقول لينا ما تستخدموا موقعي عشان تتواصلوا بيهو بعد كدة نقوووول خلاااااس توبة لي حبوبة ونبطل ….

    1. يا نانو خلي قلبك كبير ، انت امبارح قلت لي كل شئ ولا نونا دي غايتو انا عافي ليها لله والرسول .. بس يا نونا انتي براك شايفه البروف واقع فينا هري والواحد يقوم من صبح الرحمن يلاقي مواضيع تطمم البطن وتسد النفس ، هسع عليك الله الواحد بعد جريمة السلام دي يسوي شنو ؟! لازم تكون في تخريمات كده بشرط تكون مباحه …. والا موش كده يا ؛:؛:؛:؛:

  14. شكرًا أمريكي على تفهمك اثبت إنك أمريكي بالجد! الأخ نانو لك العتبى حتى لو ما رضيت ،عافيه ليك لكن المفروض تكون حقاني و تقول الحقيقة مثل عبيد ، حقيقة ما عشان ردو علي لكن دائماً ملاحظة لمداخلاته ، ما بقول شي لكن صرااحةً يتساهل البرنجية شكلو متعود عليها من زمن المدارس! النبي أعفوا لي!

      1. نبارك ليك الحلو يا عبيد ..

      2. بارك الله فيك يا أمريكي وربنا يحقق الأماني لنا جميعا وطبعا يوم الجمعه يوم عظيم وله طعم خاص في السودان بين الأهل والأصدقاء وأما هنا فيوم الجمعه عمل وبالنسبة لفروق الزمن ما بين هنا والسودان ثلاثه ساعات ويعني حسه عندنا الساعه 08:38 صباحا

      3. حظي كدقيق نثروه .. ثم قالوا لحفاة يوم ريح اجمعوه .. اعد يا العبيد ..

    1. معليش يا بتي نونا انت عارفة معزتك عندي ودائماً انا بقول للقمردينة كل شيئ ولا بتي نونا !! عموماً على قول اخونا العبيد سووووري

  15. يا أمريكي رحم الله شاعرنا الفذ إدريس جماع
    إن حظى كدقيق فوق شوك نثروه
    ثم قالوا لحفاة يوم ريح اجمعوه
    صعب الأمر عليهم ثم قالوا اتركوه
    إن من أشقاه ربى كيف أنتم تسعدوه

    1. صحي يا عبيد الشقي ما بسعد..

  16. والله يا عبيد يا خوي السودان بقي ما فيه اييي طعم الناس لأب تخش لا بتمرق! زي برا ، بس الفرق إنو الضغط شويه اقل و انا بتفكر عشان ما في attractions ، يعني ما في جري شديييد كدة عشان نجيب شنو؟ و ما في credit cards ، و ليييي شنو؟ ما في حاجة بتستاهل، يا دووووب على قدر المعايش، كان جريت ولا ما جريت أيها الطماطمتين و التلات باميات و الخريررررايا

  17. يوم الجمعه في السودان طعمو براهو الفطور في بيت العايله(البيت الكبير)وبعد كده صلاه الجمعه وبعدها الغداء وبرضو في البيت الكبير وبعدها اي وااحد علي المغربيه بمشي بيتو،عادات جميله إنشاء الله تكون دايمه،غايتو ااخر مره كانت موجوده

  18. أنتو ياخواني النسعلكم، مالي الفيميل الويحيدة الحااااايمة في مدونتكم دي؟؟؟ ما شايفة لي اي مستغرشات !!!! على العموم ، يالللا السجن للرجالة برضو!

    1. عاااادي منكم ( فيميل ولد ) ومننا ( حمادة بت ) هي الحياة دي مااا خد وهات يا نونا .. خخخخ

      1. رفقاً بالقوارير يا جنوبي ، ولا يهمك نونا نتشرف بيك ونشيلك في رؤوسنا ..

      2. غايتو يا امريكي كسّيرك دُراااااااااش ! اها رايك شنو نونا دي ذاااتا عندها لوز وممنوعه من التلج !!

      3. والله يا جنوبي في البلاد ديك اتعلمنا حقوق المرأة ، مثلا ، لازم تفتح باب العربية وتركب المدام في الأول ، تجوا خاشين البيت لازم تفتح الباب وتدخل هي في الأول ،، تمشوا تعملوا شوبينغ لازم تفتح ليها باب المحل وتدخل هي في الأول .. تقول لي تلج !! تلج يكسر رأسك ..طيب اسمع دي : قالوا في مرتين في الحج ، سودانية ومصرية ،، ضلتا الطريق ،، وعندما عادتا الي مقر البعثة ،، فإذا بزوج السودانية يهيج كالثور : كنت وين انتي يا … متناسياً حتي انه في الحج .. بينما استقبل الفرعون صاحبك زوجته بارق العبارات قائلا لها : رحتي فين يا حبيبتي خضيتيني عليك .. انتوا يا السودانين شعب جاف .. أبرأ منكم .. بالمناسبة يا جنوبي ماهي اخبار جريمة السلام ..

      4. كمان هاك دي يا أونكل سااام عن مساخة السودانيين .. قال ليك شايقي ورباطابي جو الحج ، بعد الطواف صلوا ركعتي السنة في المقام ، الرباطابي وقف عشان يمشوا السعي لاكين الشايقي شغااال يركع ساااي ، قام الرباطابي بي زعل وحميييرة للشايقي قال ليهو : ما خلاااااس كفاااية الحكاية شنو قوووم تقوم قيامتك !!! الشايقي داير يلطف الجو قال ليهو : حرماً ،، الرباطابي قال ليهو:
        بس ( نان دا ميدان أبجنزير ) ههههههههي .. سلااااام ..

      5. الله بخزي شيطانك يا جنوبي ضحكتني، لاكين أونكل سااام دا ما ليهو حق لمن يقوم عليك ! براااك تمشي تهبش لمن تقرص .. يعني تدخل أصبعك في جحر العقرب وتقول أأأأأخ قرصتنيي .. سلاااام ..

      6. اصلو ده تربايت مصريين ..

      7. أها شفت يا جنوبي الجاك من أونكل سااام تستاهل ( وعلى نفسها جنت براقش) !!

      8. هههه طالما القمردينة نايمة تعال برضو احكي ليك دي , من الواتس :
        قالوا اتحاد المرأة العربية في اجتماع لييهن قالن يبتكروا طريقة لتأديب الرجال وهي عدم الطبخ لهم , بعد اسبوع جن يحكن تجاربن مع الطريقة المبتكره :
        السعودية قالت : اول يوم ما شفت شئ , ثاني يوم ما شفت شئ , ثالث يوم جاب الاكل من المطعم .
        البنانية قالت : اول يوم ما شفت شئ , ومن ثاني يوم صار ياخدني نروح نتغداء في المطعم .
        المصرية قالت : اول يوم ما شفتش حاجه , تاني يوم ما شفتش حاجه , تالت يوم دخل هو المطبخ وطبخ لينا الاكل .
        السودانية قالت : اول يوم ما شفت شي , تاني يوم ما شفت شي , تالت يوم بقيت اشوف شوووووية بالعين اليمين !

      9. يا جنوبي .. في واحد سوداني عندو شركة عندو خمسين موظف ، يوم جمعهم كللللهم .. سألهم قال ليهم البسمع كلام مرتو يقيف بي جاي ، تسعة وأربعين وقفوا بي جاي والمابسمع كلام مرتو يقيف بي جاي ، طلع واااحد .. صاحب الشركة قال للتسعة وأربعين كل واحد فيكم يمشي يشيل ليهو بطيخة من هناك يوديها لي اولادو .. وانت امشي بره تلقي ليك عربتين ، سوق واحده وديها لاولادك ، الزول لقي عربتين واحده حمراء والتانية بيضاء ، قام ساق الحمراء وجري علي البيت ، حكي لزوجتو القصة ،، قالت ليهو ما كان تجيب البيضاء ، فال ليها خلاص هسع أرجعها .. الزول رجع لصاحب الشركة ، قال اليهو يا سعادتك ممكن أبدل العربية ؟ صاحب قال ليهو انت مشيت البيت ؟ قال ليهو اااي ،، صاحب الشركة قال ليهو جيب مفتاح العربية وامشي شيل ليك بطيخة …

      10. يربو ليك الخفيف يا امريكي !

        انا ترباية امبدة وعقاب عباسية بعيد عنك ..

    2. يابتي نونا في واحدات بشوفن مرة مرة بدخلن يشاركن يعني (In & Out from time to time) !! لكين أنت براااك كفاية توفي ونكفي ومرحب بيك حبابك واليوم السعيد اللينا جابك .. نحنا سعيدين بوجودك معانا كمستغرشة فريدة … سلاااام …

      1. آآآآآي والله , عامله شغل حلو , وعندها لسان شكلو سليييييط ..
        يا حليل بت وراق ! انتو الزولة دي خبرا شنو يا شمباتي ؟

      2. بت وراق فى امن وامان بحمد الله ,,
        بس جرى هناك الما بنتهى دااااك,,
        لكن والله انسانة قمة فى الرقى والروعة وسجلت مواقف تاريخية فى مسيرتها العملية والاجتماعية …

      3. مشكووور يا شمباتي وقول ليها: (أظهر وبان عليك الأمان يا قمر ) !! ومشكوووور كمان تاني على إعطائك رقمي لدكتور عبيد ونحن الآن في تواصل مستمر والحمد لله طلعنا معرفة .. نسأل الله أن يديم التواصل بين الجميع .. سلاااااام ..

      4. تسلم يا حبيب ,,
        لكن تانى الارقام بالدولار ! هيييق
        ادام الله الود والمحبة فيه …

  19. ومن التاجر مأمون حميدة ياتي العجب العجاب حتي مصر التي يتعالج لديها من له بعض من مدخرات أو مايملك بيعه من مرضي الشعب يريد البعض وينادي بقطع علاقتنا بها وطالما قادر علي الذهاب لمصر فليذهب للاردن او لندن !!!!!!!!!!!!!!!!!!!!!!!!!!!!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: