المفاجأة

بسم الله الرحمن الرحيم والصلاة والسلام على اشرف الانبياء والمرسلين سيدنا محمد وعلى اله وصحبه أجمعين ووبعد :
الأحباء الأعزاء
السلام عليكم ورحمة الله تعالى وبركاته وبعد :
بداية أريد أن أؤكد لكم بأن هذا الخطاب هو الخطاب الأساسي (عشان مافي زول منكم يجي يقول أدوني ليهو هسه) .. وتاني حاجة أشكركم على الإنتظار المؤلم وحالة الترقب القلق الذي (إندغمتم فيها) وإنتم تنتظرون (صيرورة) هذه المفاجأة التي تم الإعلان عنها وحتي لا أطيل عليكم دعونا نقوم (بوثبة) مباشرة إلى المفاجأة ….
ألعبدلله يعلم أن البعض سوف يصاب بالإحباط وذلك لإرتفاع سقف الطموحات المرجوة من هذا الخطاب ولكن على أيه حال هذه هي المفاجأة والسلام عليكم ورحمة الله تعالى وبركاتو !!

19 تعليق

  1. بيرنجيتون من بعد طولى انتظار يا وثابين !!!

  2. خطاب كله حكم ونظرة ثاقبة للامور ,,,
    شوفوا اندغمتم دي كيف بالله , لا ولا صيرورة !! انتو يا اخواني صيرورة دي تصغير صُرة ؟!
    بلا اديتنا الانتظار وحراق الروح سألت الله يفاجأك بتاع مرور من الصباح ويديك مخالفه وتمشي شان تدفع المخالفة تلقي بتاع الخزنة في الفطور وتنتظر وتنتظر وتنتظر لييييين يجي من الفطور ويقوم يجيهو خبر وفاة حبوبة اولاد خالته ويقوم يقول ليك معليش تعال لينا بكره ,,,

    1. صيرورة تصغير (صير) !! و ذلك حسب المعجم اللغوى الجديد …

  3. والله يا بروف العملتها إبليس ما عملها ، مبروك عليكم البرنجية

    1. ياهو ده البجينا من البشير بلا يعلم لينا الناس الشئ الزي ده !!

    2. فعلا يا بروف ,, دى مش وثبتا فيها بس ,, دى قلبتا فيها هوبة عدييييل كدة !!

  4. والله يا أستاذ أنا بقيت خايف عليك من خبث الناس ديل …. إنت مشروع ثورة …

  5. كلام غندور واضح وبعد يومين ذكر على لسان اخد الجرائد كلمة اسافير وواضح انه عايز ابرز في زمن البراز عفوا اقصد البروز؟

  6. هههههههههههههههههههههههههههه,,,
    قوييية يا بروف ,,
    لكن احلى مفاجاة والله ,,
    عجبنى وسر بالى ,,,

  7. السلام عليكم
    والله يا البروف مفاجاتك دى اخير منها حقت الريس ،حقت الريس قعدنا نسمع في الخطاب منتظرين المفاجاه لحدى ما الاولاد وامهم ناموا ووفرنا وجبه،لكن حقتك دى ما وفرت اي حاجه

  8. الله اكبر والعزة للإسلام
    سييييييييير سييييييييير يا ساخر سبيل

  9. (عشان مافي زول منكم يجي يقول أدوني ليهو هسه) ..
    والله يابروف كان كسرت رقبتك .برضو أدوك ليهو هسة وغيروة ليك وإنت زاتك ما مقتنع بيهو .
    مخير علينا الله…

    .

  10. الأخوة والأخوات السمار أعضاء القمردينة السلام عليكم ورحمة الله وبركاته،،
    “وثبتي ومفاجأتي” ليكم ستكون بأراحتكم من طلتي عليكم (بقطع وشي منكم) لمدة شهر كااامل ..
    لأني مسافر بلاد بررررة (على قول: أخوانا علي عوض / فرعون أمريكي) ومش حا أكون فاااضي
    عشان أدخل النت وأمكن زاااتو يكون مافي هناك !!

    وما تنسوني من صالح الدعوات وأستودع الله دينكم وأماناتكم وخواتيم أعمالكم .. سلااااام ..

    1. تصحبك السلامة في حِلك وترحالك .. وان شاء الله سفره وعوده
      راحتنا في وجودك بيننا ولكنها سنة الحياة ..
      امش وتعال تلقانا نحنا يانا نحنا لا بدلتنا الظروف ولا هدتنا محنة !!
      سجمك مافي هناك كيفن !! انت ماشي الصومال ولا شنو ؟

  11. شكراً ليك يا الحبيب أنا ماشي بلاد (الواق واق) !!! ههههه .. سلاااااااام ..

  12. لو مشيت الواق واق حتلاقيها احسن من مفاجاة الرئيس والله احترنا معاهم يوم ياكلونا البتزا ويوم الهوت دوق كمان بقت فيها اكل الصيريابروف الله يستر المرة الجاية حناكل شنو ناكل خنافس ولاصراصير احسن على الاقل نكون قضينا عليها وحلينا مشكلة الصراصير نهائيا

  13. الله يعين الشعب السوداني ويلزمه الصبر الى ان تفصل الترلة من الرأس،مع إحترامي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: