همبتة

سعادة السيد معتمد أم درمان المحترم
السلام عليكم ورحمة الله تعالى وبركاته

الموضوع / شكوى

نرجو أن نتقدم لسيادتكم بهذه الشكوى والتظلم للمعاملة غير الكريمة التى إنتهجتها (محلية الصناعات الإدارية) في حق المصنع الحديث للثلاجات (ليبهر) والتى تتلخص في الآتي :

1- في يوم الأحد الموافق 16 مارس 2014م وعند الساعة الواحدة ظهراً تعدى نفر من شرطة النظام العام والأمن وبعض موظفي المحلية على مخزن تابع للمصنع برقم القطعة 324- 3/5 الصناعات ودخلت هذه المجموعة للمخزن تحت تهديد السلاح وتم الإستيلاء على ثلاجة 14 قدم (بابين) كانت ضمن مجموعة من الثلاجات مخزنة بالموقع المذكور .. لم يقف الأمر عند هذا الحد بل تم إقتياد الخفير وحبسه داخل عربة الشرطة بحجة عدم سداد العوائد للعام 2013م والجدير بالذكر اننا قد قمنا بتسديد العوائد بموجب صورة الإيصال المرفقة بالرقم 2172608 بتاريخ 10 مارس 2013 وفد تم سداد مبلغ الف ومائتا جنيه بموجب الشيك رقم 002279 (مرفق) .

2- عندما حضر المدير الاداري بالمصنع للموقع لمعرفة الأمر لم يجد الغفير (والمعتدين) وعلم أنهم في موقع آخر بجوار إستاد الهلال بالشارع العام يتعاملون مع مختلف الفئات والمستويات بصورة عشوائية ودون تمييز ، وبعد أن عرفنا الموقع لم نتمكن من معرفة المسؤول أو الشخص الذي قام بمصادرة الثلاجة والتهجم على المخزن فقد كانوا مجموعة من الأفراد موظفين، رجال شرطة، رجال أمن وقد كانوا في حالة هرج ومرج وهم يتحصلون في الشارع العام في موقع جوار نادي التاج الرياضي بأمدرمان .

3- تحدث المدير الإداري مع المتحصل وسأله عن سبب التهجم والمصادرة لممتلكات مصنع بحجم المصنع الحديث للثلاجات دون الرجوع لإدارة المصنع في أمر يتعلق بمسألة إدارية (عوائد) منتهجين بذلك سلوكاً يعرض سمعة المصنع للهدر والإنتقاد والإشانة وكأنما بداخل هذا المصنع ممنوعات أو مواد مهربة أو محظورة .

4- أفاد المتحصل بأن هذا الإجراء تم بواسطة لجنة للمخالفات خاصة بمتأخرات العوائد للعام 2013م وهي مكونة من شرطة النظام العام والأمن والمحلية ولها الحق في المصادرة التي تمت وأن الثلاجة المصادرة سوف تظل بحوزتهم رهينة إلى حين السداد علماً بأننا قمنا بالسداد حسب ما ذكرنا سابقاً .

5- بعد إبراز الإيصال الذي تسبب في حرج المتحصل الذي لم يجد ما يبرر به سلوكه سوى قوله بأن المبلغ المدفوع غير صحيح ويجب سداد مبلغ 3000 بدلاً عن الـ 1200 التي قمنا بسدادها ولابد من دفع الفرق والا سيظل الخفير والثلاجة (رهائن) !

6- لإطلاق سلراح الخفير (الرهينة) القابع بعربة الشرطة ولفك رهن الثلاجة المصادرة والتي تم الإستيلاء عليها بقوة السلاح كان لابد من دفع مبلغ 1800 جنيه كفرق حسب تقديرات المتحصل (في الشارع) وقد تم سدادها بموجب الإيصال رقم 4247805 تحت مخالفة (رسوم تجارية) وليسن تكملة رسوم عوائد كما هو مفترض .. ونحن لا ندري ما هي المخالفة التي إرتكبناها (تجاريا) !!

7- كما يعلم سعادتكم بأن مثل هذه التصرفات وبهذا الشكل المهين و اللا إنساني وتعريض العاملين للحبس وللإرهاب وتعريض الممتلكات للمصادرة دون وجه حق يعتبر سلوكاً شائناً يستوجب وقفة من سيادتكم وإصدار توجيهاتكم بتنظيم هذه الإجراءآت والتفريق بين التصرفات مع الشارع العام والمؤسسات والمصانع الكبيرة كالمصنع الحديث للثلاجات ، وكان من الأجدر مراجعة الإيصالات السابقة لمعرفة المخالفين مع تصنيف الفئات التي يتعاملون معها وطريقة وأسلوب التحصيل .

8- نرفع لسيادتكم إستنكارنا وشجبنا لهذا الأسلوب غير الكريم لمؤسسات كبرى مثل المصنع الحديث للثلاجات الذي ظل دوماً ملتزماً تجاه متطلبات الدولة المختلفة داعماً إقتصاد البلاد دون الحاجة إلى الملاحقة لقناعتنا بأهمية دورنا في دفع عجلة التنمية والتطور والنماء بالبلاد

9- نرجو إفادتنا بأن ما تم من إجراء أعلاه لن يكون هو الأسلوب المتبع لعملية التحصيل لأي مطالبات مستقبلاً والله المستعان .

محمود مجمد الأمين حامد
المدير العام
كسرة :
الخفير ده هسه ذنبو شنوووووو؟

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)؟

Advertisements

36 تعليق

    1. مبروك يا همبتة ..

    2. مبروك عليك يا رفيق

  1. مقهورين و ساكتين | رد

    .

    1. (.) بس ؟؟ و الله دى قهرة شديدة خلاس !!!

    2. قهرة منقوطة !
      وى وى وى

  2. والله يا بروف حبتها من الاخر، و انا بقرا المظلمة دي همى كلو كان الخفير ( الذي تم تعداده مع الثلاجات)!!!! رهينة؟! أجي يا ود أمي! يعني يا بروف اعمل حسااااابك المرة الجاية ما تدفع حق النفايات حيرفعوا ليك ناجي طوالي!!!! بلد بلد بلد

  3. انا مرة شالو مني شوال قمح وبدون إذن ولمن المزارع كمشهم رفضوا ينزلو وقلنا يلا صدقة

  4. المر الما بتبلع | رد

    هههههههههههههههههههههههههههههههههاى مسكوا الخفير رهينة . غايتو جنس غايتو
    الله يخارجنا ….

    1. عشان كدي يا الما بنتبلع نحنا طشينا ليبيا رغم ان الامن طشاش الا انه احسن من العمى في بلدنا شفت كيف

  5. حسبي الله ونعم الوكيل
    يا ما نشوف ويا ما نسمع في بلد غائب فيها القانون والأخلاق والضمير والوازع الديني والحكومة والنظام
    وبإختصار غائب فيها كل شيء ممكن نقول عليه أخلاقي أو نظامي
    حسبي الله ونعم الوكيل إلى يوم الدين

  6. المر الما بتبلع | رد

    انت قلت معاهم ناس نظام عام اكيد الخفير ده لقوهو فى بعمل فى اعمال فاضحة مخله للادآب العامة مع الثلاجة

    1. هههههههههههههههههههههه شر البلية مايضحك

    2. خيال واسع يمكن كان بشرب موية (ما ملوثه) وبااااااااااااارده قالو ليهو جبتها من وين ويمكن الجماعة قايلنوا في رمضان ويمكن كمان كان اثنين او خميس ويا الاثنين الليله وين غايتو جنس غايتو

  7. المحلية وعرفناها !! النظام العام والامن ديل من قِل الشغل الراجيهم !!؟ هسي ده شغل عسكري ؟ دخلوهم في الشغل المدني لمن بقوا لا قادرين يحفظوا نظام عام ولا قادرين يأمنوا البلد !!
    مصتع زي ده اكيد معروف ادارته وين وكان مفروض يمشوا للادارة اولا , او طالما مشوا للغفير اقل ضرر انهم يقفلوا المستودع ويسلموا الغفير طلب حضور للشخص المعني بمراجعة المحلية خلال 24 ساعه ,,
    لاكين صحي همبتة ..
    طالما جات السيرة , ليبهر دي ذاااتا بتعمل تلج في الفريزر لدرجة انو الباب بتاع الفريزر ما يقفل وبالتالي الباب الكبير برضو ما بقفل الا الزول كل كم يوم يفصل الكهرباء عشان تلج الفريزر يسيح شوية , بالله يا سعادة محمود مخمد الامين عالجوا لينا المشكلة دي ,,,
    قال سعادة المعتمد قال ! الله يرحم زمن ضباط المجالس البلدية ,,,,

    1. آآآآآآآآآآآآآآآآآآآخوي آآآآآآآآآآآآآآآآآآآآآجنوبي دا سعر ساكت الحكاية ما فطت يومين ثلاثة تلقى جماعتك تركوا البلد سااااااااااااااااااااكت ورحلوا بعد ما يخلوها عادمة التكتح واظنهم هسع بلموا في التكتح عشان يتخارجوا لك تحيتي وتقبل المرور

    2. الشغل الاساسي يقلعوا العندك بعدين يجوا يحسبوه بعدين يشوفوا نسبت كل زول كم وكل يوم تعطل سيارة تتركن عشان البيع بعدين وحدث ولا حرج حاجات المحلية الثانية ولو خشيت جوه المحليات ما بتلقي ليك اي موظف شغال حاجة ولا ورق قدامهم ولا اي شي (لا تظن ان الامر حكومة الكترونية وكده) بس يا ها الهمبته دي كل الشغل وكل واحد بختوه حسب حجمه يهمبت من الحته القدره دا يا هو السودان (واخوك اتهمبت همبته نمن مشى ليبيا )

  8. البلد دي كل واحد ادوهو حبة سلطة أول شىء يفكر فيه كيف يزيد رصيده من الثروة حتى لو كان مجرد عسكري ..دمرتا البلد يال البشير وخليت الاخلاق في الأرض

  9. إتلومتو وإتكومتو يا ( محمود محمد الأمين حامد ) مرقتو العفير لييييييييييييييييه ؟؟
    مني ومنكم تخلوهو رهينه عندهم ! وكلنا غفير مصنع لبهر
    غايتو دا تطور نوعي ما بطال العساكر خلو الحلاقة في الشوارع بقو عصابات لمصادرة البضاعة ومصادرة البشر !!!!

    1. قيل ان من ليبيا يأتي الجديد ولكن من السودان ياتي المدهش كفينك آآآآآآآلمدهش لك الاشواق

  10. عبدالرحيم ود الريس | رد

    استاذنا الجليل برف الفاتح
    أنا أول مره أكتب تعليق على مواضيعك ، لأني حسيت أنه المسأله زادت أكثر من حدها . شركه زي ليبهر ليها زمن طويل وهي تساهم فى الاقتصاد وكفايه فيها كم عامل وفني وموظف ومهندس ، لكن لما البلد يغيب فيها القــانون فتوقعوا كل شيئ ، وكل هذا نتيجة السياسات الخطأ.
    بدل ما يقبضوا الناس في الشارع يودوهم يزرعوا لسد الفجوة الغذائية.

  11. صدقوني يا شباب انا بقيت مستمتعة جداً بقعا دي في البلد دي!! بلد لذيذة لذاذة!! ما في مجال للملل كلو كلو ، كل يوم قصة جديدة، غريبة ، فريدة ، ما حصلت و ما متحصل الا في هنا ! حاجة حلوة خلاص، السودان ، مش حتئدر تغمض عينيك!!!!

    1. حُب الاذيةِ من طباع العقربِ ..
      اها هاكي استمتعي .. ناس ليبهر لمن يمشوا يستلموا الرهائن حيرجعوا ليهم الخفير اما التلاجة حيقولوا ليهم نحنا بعناها عشان نسدد القروش المطلوبه منكم وحيكونوا باعوها بربع قيمتها ! وطبعا المشتري واحد منهم .

      1. عقرب الي….. ،اها خلاص قمت؟ لكن والله قصة لبهر دي عجبتني، انت الايامات دي شايفاك شغال للبروف مساعد ياي. تشيل و تقترح سيناريوهات لي ناس الحييكومة! صراحةً، هم ما قاعدين يقصروا، شكلهم من قراء القمردينة الراتبين ، و بتعجبهم افكاركم

    2. البلد لذيذه ومسلية بس منجريا ما في

  12. كتمت كتمت كتمت ايها الناس اما من رفيق الى كاودا؟؟؟؟؟؟؟

    1. اقاموا الصلاة ولآ شنو ؟

  13. خلو ليهم الخفير رجعوا التلاجة

  14. وبلدك متل كمين بلاد ,,
    بدت الدقون فيها الختا ,,
    الدم الدم لكلاب الامن ,,,

  15. بغياب هذا الخفير كان ممكن ان يتعرض المصنع لسرقة اكبر من ال ١٨٠٠ حقتهم دي من المسول في هذه الحالة

  16. هههههههههههه والله دي قصه عجيبه والغفير ده شالو لي شنو طيب خلو المستودع بدون حراسه والله ي ناس الشرطه صحي شعاركم عين ترمش ويد تخمش
    وي سيد محمد حامد اها ما حاسبوكم بي ارضيه بتاعت قعاد التلاجه ف المحليه …غايتو يخلو ست الهناي ويشيلو البشربو الهناي ده حال الهناي ف البلد دي

  17. السلام عليكم ومجرد سوال هل من مجيب سمعته والعهده على الراوى انو كل خطوط الطيران العالميه الباقيه ح تحصل الفرنسيه والالمانيه والمحليه والولاءيه حتي شهر اكتوبر صحي الدخان ده ؟؟؟؟؟؟؟ فضل لي بسيط واكمل ح التزكرة اخخخخخخخخخخخخخخ

    1. متذكر لي شنو دج ساكت آآآآآآآآآآآآآآآآخوي

  18. كتمت ههههه على استحياء على قول جنوبي ههههه

  19. مفيش حد ولا حتى برنجي كتمت برضه

  20. شي عجيييييييييييييييييييييييب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: