خبر وتعليق

خبر وتعليق

الشرطة تفض تظاهرة إحتجاج أمام مسجد عبدالرحمن المهدي
المصدر : صحيفة التيار عدد السبت الموافق 7 يونيو 2014م

الخبر :
تظاهر عشرات من الأنصار أمس الجمعة في مدينة أم درمان احتجاجا على إعتقال زعيم حزب الأمة المعارض الصادق المهدي الذي أوقفته السلطات في السابع عشر من مايو وذكر مصدر أن نحو مئة شاب خرجوا وهم يحملون لافتات كتب عليها (لا حوار مع الأشرار)

تعليق :
يا ربي عبدرحمن الصادق و (أخوهو) من الاشرار القالوهم ديل !؟

Advertisements

15 تعليق

      1. روحك رياضيه حتى البرنجية المسيخة بتباركيها

      2. الله يبارك فيك يا بتنا ،،،،

    1. البرنجيه الفي الخبر زي الفاتحه الفي الخبر مسييييييخه قبل تصل الحمد لله رب العالمين يقلب يده ..

  1. وين الواوات يا بروف اوعه تكون اتحللت (رقدت تركين) ههههه لكم التحية جميعا وكتمت كتمت كتمت

  2. لو عبد الرحمن الصادق انسحب من القصر في اليوم التم فيهو اعتقال الصادق المهدي كان حيكون الخبر : تظاهر الاف من الانصار احتجاجا علي اعتقال زعيم حزب الامة !!
    لكن ولد واعتقل ابوه نحنا دخلنا شنو .. وزي ما بقول المثل : جوا يساعدوه علي دفن ابوه ( جاب ) المحافير .. ولد طالع بيشششششششششششبه المؤتمر الوطني بس زي الجدادة الحضنت بيض صقر !!
    اخوه عسكري ومحكوم بقانون عسكريه ما بنقدر نقول فيهو حاجه ..

    1. طيب ما بشبش نفسه كان محكوم بقانون عسكرية وقلبها كان ما قلبتها عشان الوطن البيصارع في الجوع والمرض والمحسوبية و و و ما عاوز ازيد الواوات (النقلبها بس عشان ابوي) والا شنو آآآآآآآآآآآآآجنوبي

  3. الكيزان واحزاب الغفله وجهين لعملة واحدة

  4. لكم التحية جميعاً ويا جنوبي إنت قلبت المثل وهو يقول الجو يعاونوا في قبر أبوه (دس المحافير) صحح معلوماتك الأمثالية !!

    1. أبو أحمد
      جنوبي خارتو نييّ هههههههههه
      وثم ثانياً أبوه قال :
      طوله طول النخلة و عقله عقل السخلة
      أرجى سفيه لا ترجى باطل
      والولد قال :
      التسوى كريت فى القرض تلقا فى جلدا

    2. هههههههههه
      هو كان ( دساهن ) كان دفنوا ابوه يا نانو ؟ الود ساعدم عديييييييل ! لاكين نقول شنو ! شُلت يد السُلطه ولآ نقول : من شابه اباه فما ظلم ؟
      ابو منو القال يا المندهش ؟ عشان الناس ما تفهم غلط .. وي .. ( حقت شمباتي )
      هو شمباتي ده لسه ما قِضي ؟ واحد من اهلنا الجعليين ماشي شهر العسل الخرطوم والجماعه بيودعوا فيهو فوق البص , واحد سأله : بترجعوا بتين آآ الحسن ؟ قال : كان بقينا قِضينا بكره دي بنرجع .
      انتو كتلوني ولسه حي وينو ؟ الزول ده مرتو جات يا المندهش ؟

  5. يا سلاااام عليك وانت بتتفقد في أحوال الرعية
    أولاً القال كده دا ابو الكيان والمؤتمر الجامع
    وشمباتي ببلغك تحياتو وقال ليك لسه ما قضيت ،، و قال ليكم عاوزين دعواتكم يا أخوانا
    كتلوني ولسه حي قااافل تلفونو عشان مرتو جات
    و ناس عبيد الليلة عندهم الصبحية
    ويتبع ………بعد شوية

    1. أجي !! هو القضيان كمان دايرلو دعوات ؟ قول ليه جنوبي قال ليك ربك يهون كل قاسي عليك لو كان مستحيل مااااا تبكي ارجوك يا جميل ..
      كتلوني ده معرس منطقة عسكرية ؟
      عبيد ما قصر ورسل لينا صور العرس .. ربنا يوفق ولده ويسعده ..
      لو عندك رقم شمباتي في السودان رسلو لي عليك الله ..

  6. الشى المحير العقل حتى الأب زاااااتو وهو جوة كوبر ( لو بإتفاق أو غير إتفاق مع الجماعة ) يقول إنو هو مع الحوار . حوار شنو ؟ وحوار مع منو ؟ زول حابسك وقلع منك حريتك وعاوز تتحاور معاه كيف وبأى منطق ؟
    دا مش سبب رئيس يوضح إنو حكاية كوبر دى تمثيلية سيئة السيناريو والإخراج ؟؟
    الشعب السودانى الفضل بقا مغيّب عن الوعى بصورة غير عادية لدرجة إنو واحد قال لو جماعة الإنقاذ قالوا كلو سودانى يجى من بكرة ينجلد 40 جلدة تلاقى الناس كووووولها من صباح الرحمن جات ووقفت صفوف عشان تنجلد من غير أن تسال الجلد دا سببو شنو ..
    فى تغييب اكتر من كدا ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: