خبر وتعليق

خبر وتعليق
معتمد حلفا الجديدة : من يخالفني ساقطع رأسه

المصدر :
صحيفة اليوم التالي عدد الإثنين الموافق 9 يونيو 2014م

الخبر :
توعد عبدالرحمن حسن فضل معتمد محلية حلفا الجديدة ورئيس حزب المؤتمر الوطني بالمحلية مخالفيه بقطع الرؤوس حال إعترضوا على سياسات حزبه ووجه فضل حديثه عند مخاطبته المؤتمر القاعدي لحزبه في منطقة ريفي المصنع بحلفا الجديدة بحضور والي كسلا محمد يوسف الذي أقيم خلال اليومين الماضيين .

التعليق :
نعلق نقول شنووووو؟ ما الكلام وااااضح !!!

17 تعليق

  1. برنجيه

    1. يا قصة جنوبي الحر دي مبروكه عليك

  2. ياخ دا حرّ برنجي ؟؟؟

    1. ههههههههاي خلو الحسادة ياامه

  3. يعني باقي ليهو كم كده ويقول انا ربكم الاعلي ؟ !!!
    ( الراجل دي جنت ولآ شنو !! )
    ده حالته معتمد ! يمين ده يبقي والي , اليأيده ذااااتو يقطع راسه .. علي الطلاق هو ذااتو ما عارف سياسات حزبه شنو ! حزبك ده لو عنده سياسه , صليح وااااحد في الدنيا دي ما عندو ؟
    باااالقتي يا ابدالرهمن هسن فدُل !! خُد اقتأ الراس ده اليك الله وريهنا من اشكالك ..

    1. بالغت يا جنوبى ….انت جنوبى العرفك بلغة الشرق شنو؟ صاحبك العريس شمباتى عامل كيف؟ او (الزومى مزنووووقى)

      1. يا عباس جدة سلام آآآآآآآآآآآخوي وسكر في ودبايوا وجنوبي بيعرف لهجة الشرق بالعربي وعمك الغلبان بيعرف مفردات من اقصى الشمال الى اقصى الجنوب (يا حليله الجنوب) وليك يا خوي مال مكواه (ما مكوة جنوبي) ومال مديد وليك العمر المديد

  4. وإعتلى المنصة هائجاً ومائجاً ورافعاً عصاه بشماله وسبابة أصبعه اليمين وهو يصيح بأعلى صوته ويقول أني أرى رؤوساً قد أينعت وحان قطافها وإني لصاحبها ،،،، والدهماء يصيحون بأعلى صوتهم الله أكببببببببر
    تباً للدهماء وتباً للوالي وتباً للمعتمد وتباً لمن عينّهم

    1. آآآآآآآآآآآلمندهش سلام الحمد لله الكانت السبابة ما كانت الوسطى ودحين بيني وبينك ما رفعوا لينا الوسطى الوسخ ديل

  5. الحجاج بن يوسف جاااكم ياجنوبي ،،، مشتاقين يا سمار ،، اخوكم أمريكي

  6. ذكرتني يا جنوبي نكتة واحد مدرس لغة عربية “دنقلاوي” كتب في السبورة جملة وهي : (ضربت أحمد الولد) !!
    وقال مين يعرب الجملة دي ؟؟ كل الطلبة سكتو سااااي إلا واااحد شفاتي رفع إيدو، فقال ليهو المدرس أيوه أعرب ..
    التلميذ قال: ضرب فعل ماضي مبني على النصب (والتاء تاء الدناقلة) أحمد فاعل مرفوع والولد مفعول به منصوب. ههههههههههههههههع … سلاااااام …

    1. يلا ياجنوبي اعربها انت ،، تحياتي وسلامي للكل ،، طبعا أنا الان في بلاد العم سام ،، الموية راااقدة والكهرباء لمن تعمي عيونك ياجنوبي ولا عندنا معتمد بقطع راس ولا عندنا بمبان بفكوهو ،، انت بس ياجنوبي خليك في ( فساهتك ) دي ،،

    2. هههههه يا نانو انتو بس فلاحتكم فينا نحنا ! هسي اللغة الفرنسية فيها مذكر ومؤنث ؟ ماااا كلو محصل بعضه ..
      عباس جده : اخر عهدنا بشمباتي انو طالب الدعاء , إلا الدعاء لي شنو ما عرفنا , بس دعينالو ربنا يهونلو كل قاسي وهو ونيتو بعد داك ..
      امبارح قالوا العطاله هجموا الوالي هجمه , لحدي هسي يحلّف الناس ويقول ليهم عليكم الله انا قلت ليهم عندي شُغل ؟ الله كضبتوا عليهو والله بيمهل إلا العطاله مااااا عندهم مهلة ..

      1. والله يا جنوبي عطالة السودان خليهم كان كمان اتلموا عليهو عطالة ليبيا السامعين طاخ طاخ بم بم وعندهم صوت ال 14 وال 24 وال 23 والجراد (ما تقول جرادنا داك اللمن يجي كثير بناكله) صواريخ جراد وراجمات وقنعانين وبعد ده كله يكابسوا في الشغل والله الا يركب مكنة كلب ويقوم صوف والاغلبية وانا واحد منهم ناوين على البحر بي مركب قدر مركب عمك (جاد الله) وديك بتحوم في النيل ودي بجازفوا بيها البحر الابيض شفت كيف وبرضه الله يلعن الكان السبب

  7. الموية قاطعة والكهرباء قاطعة واكان ظاهرتو بتنتفوا

    1. قصدك أكان اتظاهرتو بقطعو ريسينكم !!!

      1. روسينا ما قطعوهم من زمان آفلادي (شفت الدلع دا كيف) وخلونا نمشي ليبيا (ليبيا وكاودا واحد) بس في كاودا بيكون عندك هدف ليبيا دون هدف تسلم ومشكور على التعليق الله ما علقك مع هي لله هي لله

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: