خبر و تعليق

خبر وتعليق

برلمانيون : 80% من الأمراض المعديه بسبب مياه الشرب
المصدر :
صحيفة اليوم التيار عدد الأربعاء الموافق 11 يونيو 2014م
الخبر :
إستنكر نواب برلمانيون عدم إحتواء تقرير بيان وزارة الصحة الإتحادية أمس أمام المجلس الوطني على أرقام توضح تقرير أداء الوزارة للعام 2013م برغم تقرير المراجع العام بوجود أشكاليات بمياه الشرب وأن نسبة 80% من الأمراض المعدية منقولة بواسطة المياه .
التعليق :
مفروض النواب يوصوا الشعب بشرب المياه المعالجة بالأوزون

كسرة :
كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+و+و+و؟
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+و+و+و؟

14 تعليق

  1. ب ب ب برنجيييية

    1. برنجية مع التمتمة دي خرمة شنو

    1. اكثر شي بيغييييييييييييييييييييييييظ اليومين ديل وثبة وخارطة طريق وكمان جابو ليهم خمسة زايد واحد جننونا ليك الناس ديل فاضين يا عم

  2. والأفيد يا بروف التحلل من شرب الماء
    نأكل هواء ونشرب …….

    1. الناس لو اتحللت من مياه الشرب يعني رمضان كيف نفطر على الهواء اصلا الاسودين فضل فيهم الموية الاسود الثاني راح من زمان

  3. و بالجمبه كده يقول الساده النواب
    و نـشـربُ إن وردنــا الـمــاء صـفــواً و يـشـربُ غـيـرُنـا كدراً وطـيـنـا
    بالمناسبة إنت متأكد يا بروف إنو التقرير دا من المراجع العام ولا من هيئة المواصفات والمقاييس ؟؟؟
    غايتو لو ماشين كده ح يحولو ليك ملف خط هيثرو دا لوزارة الشباب والرياضة !!!!!

    1. دا لو السادة النوام تركو لينا الطين نسبح فيهو زي القراميط ونشرب منه ونهلل نشرب ونتطوحل ونتدوبل وهم يرفعوا لينا السبابة ههههه

  4. أصلها عايييرة وأدوها سوووط !!!

    1. اول مرة اعرف العرجا بتعير ياخي دي من يومها عرجا مفروض لمراحها (ويرجع الصادق رئيس وزراء ويرجع الجنوب ونتفق على الوطن الحدادي مدادي) والا دي احلام ظالوط يا اخوي يا نانو

      1. آخوي الغلبان ( الله لا يغلبك ) صادق شنو وكاذب شنو!! دي وجوه خلااااس إنسهكت وعفا عليها الزمن وكمان الراجل (خررررف) عمرو هسا فوق التمانين ولسه جاري وراء السلطة !! يا أخوانا دايرين وجوه جديدة شابة مخلصة ينقذو البلد من (الإنقاذ) ويرجعونا لمجد الستينيات لمن كنا قدوة البلاد العربية ومركز الحضارة والشورى والقوة حتى أمريكا وبريطانيا كانوا بيعملوا لينا ألف حساااب !! وهسع بقينا ملطشة لليسوى وما يسوى والله المستعان .. سلاااام ..

  5. والسادة النوام ديل بيستنكروا لمنو ؟ أجي ياخواني !!
    ما يستدعوهو ويستوضحوهو ! وكان ابا يجيهم يجضموهوا ويقرصوهو ..
    الاوزون ماااا بيعالج المياه الملوثة بالكوزون هيييييييييي يكا ..

    1. الكوزون بيعمل وجع في البطون آجنوبي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: