الحكومة تتوقع إستقبال مليون سائح
المصدر :
صحيفة السوداني عدد الخميس الموافق 12 يونيو 2014م
الخبر :
توقع وزير السياحة والآثار والحياة البرية محمد عبدالكريم الهد أن يرتفع عدد السياح الذين تستقبلهم البلاد إلى مليون سائح خلال العام الجاري 2014م مؤكداً إفتتاح بعض المنشآت قريباً ضمن البرنامج القطري لترميم الآثار .
التعليق :
مليوووون سائح حته واحده؟ … هات الحبوب يا ولد
كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+و+و+و؟
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+و+و+و؟
الفاتح جبرا 
بررررنجججيييييييية
مبروكه سبقتنى
الله يبارك في عمرك يا ركس جدة
برنجية وانت في البلاج الفوق ده بتاع السياحة قول امين
يا بروف ديل حاسبين اﻻجانب الحايمين الحبش ….قال مليون قال
الحبش وفد المقدمة عشان يخدموا السياح وكده نظام ويتر واللذي منه ما تظلمهم ساكت
هااااااااك السياحة دى !!!
بقينا زى دبى ما شاءالله علينا ..
هييييييي دبي شنو كمان ؟ هسي نسحب منهم ناس ود الحافظ وندي راسطا نعمل ليهم اذمه !! هينين نحنا كمان ؟ بِسْ
بقينا نهضرب يعني السياح يجو يتفرجوا في الجنجويد
دبي شنو يا زول ها دي السياحة ام كتمة
يا جماعة مالكم مستغربين كده ؟؟ معقول مليون بس ؟؟؟!!!
العشش والديم ديل برااااهم فيهم كم سائح ؟ وكمان تعالو شوفوا المصارية والحبوش والمجاهدين والمطاردين من بلادهم وعيييييييييك مليون دي في حلة واااااحدة
مليون سائح وتلاتين مليون جائع
إذا كان ناس البلد فازين منها ، والمُتغربين ما عايزين يرجعوا ، يبقى كيف حا تكون عندك سياحة؟
ما في مانع نحلم – الأحلام ما بقروش (مجاني ساااي)
انتوا يا إخوانا البروف دا عمتو مالها بيضاء كده ،، تحياتي لكم جميعا ،، اخوكم أمريكي
يا خ الناس بتتخارج بالشديد القوي وبي طريق عنتر وديني وايماني عنتر زاتو ما يقدر يصل ليبيا ههههههه
وهيييييييكاااااا
هو وزير السياحة ده مش انصار سُنة !؟ البمسكوا حاجات الصياعه شنو ؟
يكون داير يستغل الوزارة لنشر الدعوه بين الصياع الكفار ؟
وسكي ما عندنا ! هسي يشربوا شنو ؟ شربوت ؟! وما تنسوا كمان تجهزوا عبايات للسائحات السايحات !
مليون ديل حيجوا برغيفهم ولآ ح يضايقونا في العيشه الضنب كديس دي !
مليون بالحبش والاخوان حقين مصر ولآ بدون ؟ وبمناسبة بدون دي , البدون حقين الكويت جوا ولآ لسه ؟ يا ربي سودانا ده يكون ارض الميعاد ونحنا ما عارفين !
هيييييييييييييييييييي يا جنوبي السياح ديل جايين بي خط هيثرو
انصار سنة ام سنة بضم السن والا بكسر السين بالسوداني كدي
مليون سائح .. ؟وديل جايين يسيحوا فى الحر دا ولا شنو ؟
الناس ديل بقوا يقولوا أى حاجة ويصدقوها براهم ..
ما تخاف عليهم جايبين معاهم ثلج
اخوكم أمريكي ح يكون اول سائح اصلو عندي نية أصوم رمضان في السودان ،، تحياتي للجميع ليكم وحشة ،،
تلج بس ؟؟؟؟؟؟؟؟؟؟؟؟
ههههههه يا وزير السياحة دا الكلكي زاتو
يا جنوبي ويا أخوان طلبتوا مني أعمل ليكم مقالات عن رمضان قبل حلوله وهانذا فعلت بعد جهد جهيد !! ولكن يبدو أنو ما في أي زول شاف الجزء الأول للسلة النزلتو الأسبوع الفات .. وأعيدها لكم مرة أخرى فإن ما عندكم رغبة ما تخلوني أتعب في التحضير بلا فائدة .. سلاااام …
يا نانو ياخوي الجزء الاول علقنا فيهو عباس جدة وانا , الظاهر انت ما رجعت ليهو .
عندي اسئلة هناك منتظر اجابتك .
جنوبي
أسئلتك مهمة جداً ودا زااااتو الحاصل معاي !!
غايتو أول مرة تجيب كلام منو فايدة هههههههههه
يا المندهش اليومين ديل مرتاااح منكم انت وشمباتي شان كده فايدتي ظهرت .
ياخي كفّر لي اولادي سافروا الليلة وااااااا مغستي رحل تلوت الليل مغستي ضلمة مااا بتنشق بقيت لازاد اشيلوا معاي ولاااا زولا معاه اترفق بكيت وبكيت طريف العين متمسح وبالدموع رقرق ..
الله لا كسب الانقذونا ولا قزونا ما عارف !!
يا جنوبي إن شاء الله يصلوا بالسلامة وربنا يجمع شملكم ويرد غربتكم عشان ما تتفارقوا تاني، لكن بعدما يخلصنا من الكاتمين على أنفاسنا ديل !! وبرضو ما رديت لي على تعليقك أنت وعباس جدة .. قلت ليك نزلهم تاني لأني ما لقيتم أو قول لي كانو متين يعني يوم كم عشان أفتش عليهو .. سلااام ..
كنا غايبين اليوم داك , وين نزل الجزء الاول دا ؟ عشان نتابع معاكم ….
(كان غبتا تاني الالفة بكتبك) في خواطرنا ان يصير اهل القمردينه لهم رأي ولهم اياد وان يربط الله بينهم ويفيد بهم ويفاد منهم
الله يديك الصحة والعافية وكتر خيرك علي تلبية الطلب ..
بالنسبة للنية يا نانو هلي يكفي اني انوي صيام شهر رمضان كاملا ايمانا واحتسابا قبل صيام اليوم الاول وتكون النية للشهر كله ولآ لازم كل يوم اجدد النية لليوم التالي ؟
وهل النية تكون بالقلب بس ولآ لازم انطقها باللسان ؟
السنة الفاتت في واحد جهجهني وقال لي لازم تنوي لكل يوم نية براها , وتكون نطقاً ما بالقلب بس , وانا السنوات الفاتت كلها كنت بنوي صيام الشهر ليلة صيام اول رمضان علما انو السنوات الفاتت دي = 30 سنة تقريبا . كنت بقول نويت صيام شهر رمضان ايمانا واحتسابا لوجه الله , هل اللفظ ده صحيح ولآ اقول شنو ؟
في بعض الناس بيأخروا استخراج زكاة مالهم وما يوزعوها الا في رمضان بحجة انو الاجر مضاعف في رمضان , هل الكلام ده بجوز وانا كان اخرت الزكاة للسبب ده هل فعلا اجري بكون مضاعف ؟
الأخ جنوبي السلام عليكم، آسف كنت مشغول ولم أدخل النت إلا الآن فمعذرة.
أولاً : بالنسبة لسؤالك عن النية فأقول وبالله التوفيق:
للنية أهمية كبرى في عبادة المسلم وعلاقته بربه، وقد بيَّن ذلك رسول الله صلى الله عليه وسلم في قوله: “إنما الأعمال بالنيات وإنما لكل امرئ ما نوى” كما روي عنه عليه الصلاة والسلام أنه قال: (يبعث الناس على نياتهم) الحديث..
والنية محلها القلب، ولم يثبت عن النبي صلى الله عليه وسلم ولا عن أحد من أصحابه، ولا عن الأئمة المتبوعين التلفظ بالنية عند البدء في العبادة، ولم يكن النبي يتلفظ بالنية، لا في الطهارة، ولا في الصلاة، ولا في الصيام، ولا في الحج. ولا في غيرها من العبادات ، لأن الله سبحانه وتعالى يعلم السرَّ وأخفى ، وهو القائل عز وجل ـ” قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ” وحكمها على المذاهب الأربعة كما يلى:
في مذهب الإمام أبي حنيفة (الأحناف) يشترط عقد نية لكل يوم من أيام رمضان على حدة؛ وفي مذهب الإمام مالك (المالكية) “وهو مذهب أهل السودان”، تجزي نية واحدة لجميع شهر رمضان، إلا إذا إنقطع صومه لعذر شرعي كمرض أو سفر فعليه تجديد النية مرة أخرى؛ وفي مذهب الإمام الشافعي (الشافعية) تجب النية عن كل يوم من أيام رمضان لأن صوم كل يوم عبادة منفردة؛ وفي مذهب الإمام أحمد (الحنابلة) يعقد النية لكل يوم منفرداً وفي رواية أخرى عن الإمام أحمد أنه تجزئه نية واحدة لجميع الشهر..
ثانياً : تأخير زكاة المال حتى رمضان رجاء زيادة الأجر:
إذا كنت قد أخرتَ الزكاة حتى تُخرجها في رمضان بدلاً من الشهر الذي حلت فيه فقد أوقعت نفسك في إثمٍ عظيم بتأخير الزكاة عن وقتها الذي فرضه الله، فإن إخراج الزكاة يلزم متى حال الحول، ولا يجوزُ تأخيرها عنه، أما إذا كنتَ تريدُ تعجيل زكاة العام القادم وإخراجها في رمضان فهذا جائزٌ عند جمهور أهل العلم.
وقال الشيخ محمد بن صالح العثيمين رحمه الله، هذا من الأخطاء لأن الزكاة كسائر العبادات لها وقت محدد يجب إخراجها فيه وبعض الناس تجب عليه في رجب مثلاً فيؤخرها إلى رمضان , وهذا محرم.. ( الفتاوى لابن عثيمين ص 295).
والله أعلم وصلى الله على سيدنا محمد وعلى آله وصحبه وسلم .. سلاااام ..
شكرا اخوي نانو وربنا يعظم اجرك ..
تعرف الزول ده جهجهني ليك جهجهه قعد يقول لي النية ما نواه القلب وصدقه اللسان ولا شنو كده ما عارف ! وقال لي لو ما اكدت نية القلب باللسان بتكون ناقصة , لقاني من المؤلفه قلوبهم واتفسح فيني , حالتو دقنو لي صُرتو !!
بالله اجتهد لينا في رقم الحساب وحتي لو ما بقي في مكه ما شرط , بس يانانو عندنا هنا اءمة مساجد بيلعبوا في قروش افطار الصائم للأسف !
أخوي جنوبي السلام عليكم ، أرجو أن تكون إجابتي قد حققت لك ما تطلبه من رد على إستفساراتك !! وبالنسبة لصدقة إفطار الصائم فقد أوصيت شخصين أحسب أنهم ثقة من أهل مكة، ليأتوني برقم حساب وسأنشره لكم فور حصولي عليه بأذن الله .. سلاام ..
الأخوة الأعضاء السلام عليكم ورحمة الله وبركاته،،
بناءاً على طلب من الأخ جنوبي وبعض الأخوان بالقمردينة تجدون أدناه إسم أحد الزملاء الذين يعملون معي (وهو من أهل مكة)،
ولا أزكيه على الله ولكني أحسبه والله حسيبه أنه من الصادقين، وقد كلفته “تحت إلحاح مني بعد رفضه خوفاً من تحمل الأمانة”، بمهمة إستلام فلوس من الذين يودون إخراج صدقة في رمضان لتوزيع وجبات إفطار صائم (بمكة المكرمة)،
حيث أن الأدلة الشرعية قد دلت على أن الحسنات تتضاعف في الزمان الفاضل مثل رمضان وعشر ذي الحجة، والأماكن الفاضلة كالحرمين .. عليه فإن الحسنات تتضاعف في مكة أضعافاً كثيرة، وقد جاء في الحديث الصحيح عن النبي صلى الله عليه وسلم أنه قال: ((صلاة في مسجدي هذا خير من ألف صلاة فيما سواه إلا المسجد الحرام، وصلاة في المسجد الحرام أفضل من مائة صلاة في مسجدي هذا))، فدل ذلك على أن الصلاة بالمسجد الحرام تضاعف بمائة ألف صلاة فيما سوى المسجد النبوي، وكذلك الحسنات تتضاعف أضعافاً كثيرة، ولكن لا يعلم عددها إلا الله عز وجل، والله أعلم..
فمن له رغبة في صدقة في رمضان لتوزيع وجبات إفطار صائم بمكة المكرمة يمكنه أن يحول على الحساب التالي ثم يتصل على صاحب الحساب ولا تنسوني من دعائكم وهو:
الإسم: محمد أمين قاسم (أبو عبدالله)
رقم الجوال: 0553535373
رقم الآيبان (الحساب) ببنك الراجحي: SA 76 8000 0409 6080 10025572
كيف تستعد لشهر رمضان المبارك ؟؟
الحمد لله رب العالمين والصلاة والسلام على أشرف الأنبياء والمرسلين سيدنا محمد وعلى آله وصحبه وأزواجه وذريته أجمعين، ومن إتبع هداه إلي يوم الدين أما بعد،،،،،
بناءاً على رغبة بعض الأخوة الأحبة في المجموعة وعلى رأسهم الأخ (جنوبي) وآخرين، أحببت أن أشارك بهذه المجالس المتواضعة عن الإستعداد لشهر رمضان المعظم وفضائله وخصائصه إقتباساً من الكتاب والسنة عسى الله أن ينفعنى وإياكم بها إنه ولى ذلك والقادر عليه. قال تعالى بعد أعوذ بالله من الشيطان الرجيم: ( فمن شهد منكم الشهر فليصمه ).
الجزء الأول:
أولاً: الاستعداد النفسي والروحي لهذا الشهر الفضيل
تكثيف الدعاء قبل دخول الشهر بفترة ومن الأدعية الواردة:
أ-اللهم بارك لنا في رجب وشعبان وبلغنا رمضان، ووفقنا للصيام والقيام على الوجه
الذي يرضيك عنا مع الصحة والقبول.
ب -اللهم سلمنا إلى رمضان وسلم لنا رمضان وتسلمه منا متقبلاً.
نيات ينبغي استصحابها قبل دخول رمضان :
جاء في صحيح مسلم عن أبي هريرة عن رسول الله في الحديث القدسي الذي يرويه عن ربه قال:
(إذا تحدث عبدي بأن يعمل حسنة فأنا أكتبها له حسنة) فإذا نوى الصوم ولم يستطع كتب له.
ومن النيات المطلوبة لهذا الشهر:
1-نية ختم القرآن عدة مرات مع التدبر (ليس قراءة مطالعة فقط).
2-نية التوبة الصادقة من جميع الذنوب السالفة.
3- نية أن يكون هذا الشهر بداية انطلاقة للخير والعمل الصالح وترك المعاصي والآثام.
4-نية الحصول على أكبر قدر من الحسنات خلال الشهر حيث تضاعف الأجور أضعافاً كثيرة. ورد أن الحسنات تقاس في سائر الأزمان من عشرة إلي سبعمائة ضعف إلا في رمضان فإنها تكال كيلاً لقولة جل وعلا في الحديث القدسي (كل عمل أبن له إلا الصوم فإنه لي وأنا أجزي به).
5-نية تصحيح مسار الإنسان وتحسين سلوكه وخلقه وتعامله مع جميع الناس.
6-نية العمل الصادق لنشر الدين بين الجاليات غير المسلمة وترغيبهم في دخول الإسلام إنطلاقاً من حديثه صلى الله عليه وسلم: (لئن يهدي الله بك رجلاً واحداً خير لك من حمر النعم)
7-إعداد برنامج يومي لرمضان ملئ بالعبادة والطاعة مع جدية الالتزام بتنفيذه.
8-أستشعر واستثمر فضائل شهر رمضان العديدة مثل مغفرة الذنوب، عتق الرقاب من النار، عبادة ليلة القدر تعدل عبادة ألف شهر، استغفار الملائكة لك، مضاعفة الأجور والثواب، شهر أوله رحمة، وأوسطه مغفرة، وآخره عتق من النار…… الخ من خصائص ومزايا.
9-إن استشعارك للروحانيات واستثمارك لهذه الفضائل يعطيك دافعاً نفسياً قوياً للاستعداد له.
من جمع وتقديم الفقير إلي عفو ربه في 14/8/1435 هـ
وإلي اللقاء في الجزء الثاني
الجزء الثاني: ( لا تنسوا دعاء رؤية الهلال وهو: الله أكبر (3) اللهم أهله علينا بالأمن والإيمان والسلامة والإسلام ووفقنا فيه للصيام والقيام على الوجه الذي يرضيك عنا مع الصحة والقبول)
ثانياً: الإستعداد البدني لهذا الشهر الكريم
صيام شيء من شعبان فهو تمرين لرمضان وإستعداد نفسي وعملي لهذا الشهر الفضيل تقول السيدة عائشة: ( ما رأيته صلى الله عليه وسلم أكثر صياماً منه في شعبان )، ويستحب صيام الأثنين والخميس والأيام البيض من كل شهر لا سيما في شعبان لعظم أجره.
المطالعة الإيمانية: مثل قراءة بعض كتب الرقائق الخاصة بهذا الشهر الكريم لكي تتهيأ النفس له بهمة وعاطفة إيمانية عالية وروحانيات مرتفعة.
أقترح عليك قراءة كتاب لطائف المعارف ( باب وظائف شهر رمضان ) وستجد النتيجة.
استمع إلى بعض الأشرطة الرمضانيةقبل أن يهل هلاله المبارك.لا سيما ( روحانية صائم ).
أقرأ تفسير آيات الصيام من كتب التفسير الموثوقة.
عقد جلسة أخوية مع من تحب في الله من أهل الفضل والعمل الصالح لعمل برنامج لإستغلال أوقات شهر رمضان في الطاعة والعمل الصالح لا سيما لتعلم تجويد وترتيل القرآن الكر يم.
تخصيص مبلغ مقطوع من راتب هذا الشهر لعمل بعض المشاريع الرمضانية الخيرية مثل:
1. إخراج صدقة رمضان وتوزيعها للفقراء (الأقربون أولى بالمعروف وأعظم أجراً فهي صدقة وصلة).
2. شراء كتب ورسائل ومطويات للتوزيع الخيري.
3. الاشتراك في مشروع إفطار صائم وتكلفته لكامل الشهر 300 ريال فقط.
4. شراء وتوزيع حقيبة الخير وهي مجموعة من الأطعمة توزع على الفقراء مع بداية الشهر.
5. استحضار نية الذهاب إلى بيت الله الحرام لأداء العمرة خلال شهر رمضان.
6. تعلم فقه الصيام ( آداب وأحكام ) عبر الدروس التي تقام في المساجد وغيرها.
7. حضور المحاضرات والندوات التي تعقد بالمساجد والأجهزة الإعلامية قبل قدوم شهر رمضان.
8. تهيئة من في البيت من زوجة وأبناء لهذا الشهر الكريم من خلال الحوار والمناقشة في كيفية الاستعداد لاستقبال هذا الضيف الكريم، والمشاركة في توزيع الكتيبات والأشرطة الخاصة بالمناسبة على أهل الحي فإنها وسيلة لزرع الحس الخيري والدعوي في أبناء العائلة.
من جمع وتقديم الفقير إلي عفو ربه …….. سلاااام .. حتى الجزء الثاني
{ اللهم بارك لنا فيما بقي من شعبان وبلغنا رمضان ووفقنا للصيام والقيام على الوجه الذي يرضيك عن ا}
الله يجزيك خيراً شيخنا أبو أحمد
فقد كان السلف يدعون الله تعالى ستة أشهر أن يبلغهم رمضان ، ويدعونه ستة أشهر أن يتقبل منهم ونسأل الله تعالى أن يسلمنا إلى رمضان ، ويسلم لنا رمضان ويتسلمه منا متقبلاً وأن يوفقنا لصيامه وقيامه، وأن يوفقنا لإدراك ليلة القدر.
وللأسف لم نلحظ المقال السابق فلك منا العتبى وجعل ما تكتبه في ميزان حسناتك يوم لا ينفع مال ولا بنون ولا تحلل
سنكون من المتابعين لسلسلتك لشهر رمضان اعاده الله عليك بالخير واليمن والبركات وربي يجعله ان شاء الله في ميزان حسناتك
اسأل الله ان يجعله في ميزان حسناتك أخوي نانو
بالنسبة لافطار الصائم لو عندك جهة موثوقة نزل لينا رقم حساب نودع فيهو مساهمتنا لمن يرغب فينا .
دمت اخا عزيزا تذكرنا فان الذكري تنفع .
شكرا ابونانو – وبلغنا واياكم رمضان واعاننا واياكم على صيامه وقيامه – وكل عام وانتم بخير …..
هي لاكين نستعد كيفن مع البيستعدوا لينا ديل !
بالله رمضان من يدخل شئ اغاني واغاني وشئ كاميرا خفية وشئ حروم يغنن بالدلوكه وشئ مسلسلات ورقبة البرامج الدينية يجيبوها ليك وكت حلقك ناااااشف داك وتكون نسبة تركيزنا 10 % . و 30 يوم هشك بشك ولمن يجي العيد يجيبوا لينا المدايح .
غايتو الا نستعد بي اعوذ بالله من التلفزيون اللعين !!
***وأكد استكمال الحركة لبرنامج البنيان المرصوص…غايتو دى يمكن الحاجة الوحيدة الصدقت فيها ياشيخنا!!!لأنو برنامج البنيان المرصوص ده شفناهو بعينا..وين؟؟ فى كافورى!!برج جنب برج…وفيلا جنب فيلا…عمر وعبدالله وعلى والعباس وعثمان و49 قطعة أرض مبنية…فى بنيان مرصوص أكتر من كده!! وزينب حسن أحمد البشير وزوجها محى الدين 50 قطعة أرض..وبرضو بنيان مرصوص…خليك من عمك غسان وعبدالرحمن وود عبد الرحمن ونسيب عبد الرحمن المتزوج بنتو..ونسيب عبد الرحمن المتزوج اختو…كلو بنيان مرصوص…والبنيان جوة مليان شغل…شى دولار…شى يورو…شى رينجيت…وعييييك!!بالله عندكم وش تتكلمو عن الاسلام يافاسدين…ظهرتو على حقيقتكم…وين المتعافى والعشرين مليون دولار رشوة الهنود لمصنع مشكور…وين المتعافى وضرب أموال الصنف امام الفاسد…وين المتعافى وأخوهو من اراضى الدندر…وين عوض الجاز وتجنيب 58%من عائدات البترول السودانى خلال الفترة من 1999 حتى 2011 والبالغة 120 مليار دولار…وين 2 مليار دولار سنويا تجنيب الأجهزة الأمنية للصرف على المبانى…وين 190 مليون دولار قيمة القرض من بنك التنية الاسلامى والبنك الفرنسى التى نهبها البنيان المرصوص فى شركة الأقطان من عابدين محمد على ومحى الدين عثمانوبقية تيم التسعة!!..وين 90 مليون دولار أموال الأوقاف التى نهبها الطيب مختار وازهرى التجانى وخالد سليمان…وين الخمسين مليون دولار التى قام مكتب والى الخرطوم بالاستيلاء عليها من بيع الأراضى بعد تحويلها من زراعية الى استثمارية…بنيان مرصوص يالصوص!!
الأخوة الكرام السلام عليكم ورحمة الله وبركاته،، وجزاكم الله خير (حقتنا ما حقتم) على تفاعلكم معي ويا جنوبي ما شفت ردك ولا عباس جدة نزلهم تاني وإن شاء الله سأبحث لك عن مصدر ورقم حساب موثوق للتبرع بأفطار صائم لا سيما في مكة حيث يتضاعف الأجر (مائة ألف ضعف) الله أكبر وأفيدك .. سلاام ..
يعني يا نانو نحنا ضايعين ساكت شمار في مرقه حتى في الاجر يعني في مكة مائة الف ضعف طيب ياخ مكمكونا معاكم عموما ربي يزيدكم من نعيمه ويكون لكم الاجر المضاعف ودعواتكم لينا من البلد الطيب بفك اسرنا (ليبيا) وارجاعنا الى اهلنا ومنها الى (ابوظبي مرة ثانية) او يرببنا (اي يذهب بنا الى اوروبا) حتى نستطيع ان نحمل جزء من مسؤوليتنا مع كل امنياتي لك اخي نانو بكل ما هو طيب ولكم من المتابعين ان شاء الله في الشهر الكريم وفي غيره
جزاك الله خير (حقتنا ) وربنا يرد غربتكم ويستر عليكم وييسر أمركم ويحقق مقاصدكم ويبلغكم وإيانا والسامعين وجميع المسلمين رمضان آمين .. ويمكنكم نيل ثواب مكة بالمشاركة في إفطار صائم بمكة المكرمة عبر التحويل للحساب الذي سأتحقق منه وأنشره لكم كطلب الأخ جنوبي .. سلااام ..
العارف عزو مستريح
انصار السُنة ديل يقعدوا يتوقعوا في السياح كده لحدي ما يجوا يلقوا القرآن اتغيّر ودخّلوا فوقوا مليون آية !
نانو أبو أحمد 16 يونيو 2014 الساعة 12:00 مساءً
الأخوة الأعضاء السلام عليكم ورحمة الله وبركاته،،
بناءاً على طلب من الأخ جنوبي وبعض الأخوان بالقمردينة تجدون أدناه إسم أحد الزملاء الذين يعملون معي (وهو من أهل مكة)،
ولا أزكيه على الله ولكني أحسبه والله حسيبه أنه من الصادقين، وقد كلفته “تحت إلحاح مني بعد رفضه خوفاً من تحمل الأمانة”، بمهمة إستلام فلوس من الذين يودون إخراج صدقة في رمضان لتوزيع وجبات إفطار صائم (بمكة المكرمة)،
حيث أن الأدلة الشرعية قد دلت على أن الحسنات تتضاعف في الزمان الفاضل مثل رمضان وعشر ذي الحجة، والأماكن الفاضلة كالحرمين .. عليه فإن الحسنات تتضاعف في مكة أضعافاً كثيرة، وقد جاء في الحديث الصحيح عن النبي صلى الله عليه وسلم أنه قال: ((صلاة في مسجدي هذا خير من ألف صلاة فيما سواه إلا المسجد الحرام، وصلاة في المسجد الحرام أفضل من مائة صلاة في مسجدي هذا))، فدل ذلك على أن الصلاة بالمسجد الحرام تضاعف بمائة ألف صلاة فيما سوى المسجد النبوي، وكذلك الحسنات تتضاعف أضعافاً كثيرة، ولكن لا يعلم عددها إلا الله عز وجل، والله أعلم..
فمن له رغبة في صدقة في رمضان لتوزيع وجبات إفطار صائم بمكة المكرمة يمكنه أن يحول على الحساب التالي ثم يتصل على صاحب الحساب ولا تنسوني من دعائكم وهو:
الإسم: محمد أمين قاسم (أبو عبدالله)
رقم الجوال: 0553535373
رقم الآيبان (الحساب) ببنك الراجحي:
SA 76 8000 0409 6080 10025572
ملحوظة: أعدت تنزيل البوست مرة أخرى حتى لا يلتبس عليكم رقم الحساب .. سلااام ..
يا جنوبي رسل لي الواتس بتاعك عشان أبلغك لمن أنزل حاجة جديدة !! ومن ثم نتواصل عبرو .. إنت ويييين ود العبيد ؟؟
يا ربي عرس ولدو ولا عرس هو ؟؟؟؟ ههههههيه .. وكمان ما وريتنا ود ( أونكل سام ) حصل عليهو شنو ؟؟ ى ..سلااام ..
يا نانو خلي عبيد يديك رقمي ( وهذا تفويض مني بذلك )
عبيد بعد ولدو الصغير اتزوج اظنه استسلم !! وي
شكرا علي رقم الحساب والاسم طلع ( محمد امين احمد قاسم ) كده صاح ؟
جنوبي السلام عليكم، كده صاحيييين مش واحدة !! والراجل كلمني في نفس الوقت وأرجو أن تمرر الرسالة ورقمو لكل الأحبة،
وعبيد قبل كده عندو واحد / واحدة إتزوجوا ؟ ( على كده بيعني قى حبوبة ) وبرضو ما وريتني حصل شنو على ود أونكل سام !!
.. سلاااام ..
سلام يا نانو وشكرا جزيلا علي الخدمة وما تخاف بنعمل معاك ( ابو القاسم )
عبيد من يوم عرفناه حبوبه ( ما بتتذكر لمن شاركك في احداث ( قبل ) بنطون ابروف !! )
ود اونكل سام فعلا حيرنا ! غايتو اخر مشاركة عملا كان جاء اجازة السودان وبعدها اختفي , كدي النسأل ليك عنو الامام كان شافو ,, بالمناسبة دي ما قايل حسين خوجلي هو الماسك ريموت الانصار ! بالله عملوا زي ما قال ليهم ( ضربوا دنقِرم ) الفرحانين ليها شنو ما عارف ,,
أخصي عليك يا جنوبي !! أنت قايلني أنا (ما تفتيحة ) أنا فااااهم الكلام دا كويييس!! فلو داير تقاسمني الأجر من الله فإن خزائنه مليئة تسع كل المخلوقات .. أما لو في الدنيا فدي ما دايرنها ولمن أفضى ليك بجيك في الواتس الأخدتو (غصباً عنك) !!!!
أنا هسع مشغووول وما فاضي ليييك … سلااام…
هههههههه ياخوي قول بسم الله ! مُش الدال علي الخير كفاعله ؟ انا دار اقاسمك في حقي المن الله يعني زيادة علي حقك يدوك نص حقي تاني .
واتسابي الاخدتو غصبا عني ده بكره دي بتغني لي رجع لي واتسابي وواتسابك مني شيلو شيلو والصور لو درتا برضو وكل مقطع فيديو شيلو شيلو
اهن انت رسل وانا برسل ونشوف اليقول الروب منو ؟ الا من حظك رمضان داخل علينا .
صباح الخير …
ياشباب ويا عجايز أونكل سام بخير والحمد لله طبعا الأولاد خلصوا امتحانات وانا الان موجود ببلاد العم سام ومشاركاتي مستمره بس البروف عامل علي حظر ، شبيه بالحظر الامريكي ، دائماً تعليقاتي في انتظار المراجعة ، أظنها عشان جاية من أمريكا ،، انتوا البروف دا مؤتمر ( واطي ) بين قوسين خاصة بالمؤتمر يا جماعة