خبر و تعليق

خبر وتعليق
50% نسبة الإصابة بروماتيزم القلب وسط طلاب المدارس

المصدر :
صحيفة السوداني عدد الخميس الموافق 19 يونيو 2014م

الخبر :
بلغت نسبة الإصابة بروماتيزم القلب وسط طلاب المدارس 50% من جملة الطلاب مما إعتبرته الوزارة أسهم في رفع نسبة تسرب التلاميذ من المدارس في وقت عممت فيه الوزارة منشوراً على جميع المدارس تلزمها بضوابط جديدة لبيع الأطعمة ..

التعليق :
والـ 50% التانين يا ربي عندهم شنوووو؟

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+و+و+و؟
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+و+و+و؟

Advertisements

34 تعليق

    1. لقيناك وثاب لكن يا ولدها !!!

    2. والله يا أخوي فلاديمير أنا ما ولد المُتسلطة دي
      أنا ولد حكومة قديمة – ود حكومة السودان – ود مشروع الجزيرة عليه رحمة الله

    3. ليك من اسمك نصيب !!

  1. ما زالت الفرصة مواتية للبرنجية
    أنا ما بدخن بتاع وثبات بس

    1. يا أخوي ما تكاوي فينا خلاص طالما وثبت إندغم وإنت ساكت !!

  2. ال 50% التانيين ديل كان بفطروا بالطماطم إكون الرماد كال حماد !

  3. اطعمة شنو الله يطعّم مساخاتكم دي ويريحنا منها يا ناس الوزارة العوارة !!
    ده كووولو من البكور الشافع يحمّوهوا او يشطفوهوا قبل الشمش شان يلحق يلبس ويطقهم الهوا وتمسكهم النزلة واللوز , ومرات قبل يلحق يشرب كباية الشاي الدافي يجر يمرق شان يلحق المدرسه ,
    انتو بدل تطعنوا في الضل ما ترجعوا الزمن لطبيعته ؟ ما ترجعوا العيادة المدرسية المجانية ؟ زمان لما نكون عيانين اهلنا يرسلونا المدرسة شان نتعالج ( مركز صحي الضو حجوج / عوض حسين / عبد المنعم ) ومجاااااان هسي شافعك يمرض ناس المدرسة يقولوا ليك تعال سوق شافعك !
    وزارة الترمية والتأليم .. هسي يعني الوزير ده ما بتذكر زمان لما يمرض الكان بيعالجو منو ؟ اصلو ما سجل اسمه في دفتر المرضي في طابور الصباح ومشي مركز صحي ادوهو حبوب سلفا ودواء قحة ؟ هم الاطفال مرضهم شنو غير النزلة واللوز والقحه ! هسي ديل بيكلفوا الدولة شئ ؟ هي وينا الدولة زاتا ! مرض الدوالي ان شاء الله اليمسك المسئولين ويخلي رجولهم زي الداخلا صارقيل !!

    1. عيادة شنو ؟ انت من زمن المركز الصحي والمساعد الطبي وحبوب السلفا وصبغة اليود ؟ عييييك لكن لقيتك قديم خلاص !!
      هسع يا يابا الشغل بقى “يا الدكاتره يا السته اكتبوا لي أنا روشته ” شفته البذاااااار ده كيف ؟؟.
      وياريت السته لو بعرفو يكتبوها !! غايتو جنس خمج !ّ!ّ!ّ

    2. غير السلفا يا جنوبي , في حاجة اسمها ( المزيج ) دواء بنفسجي كدا في برطمان كبير لازم تشرب منو ,,,, بطنك بتوجعك , كراعك مفكوكة , اضانك صانة ,,,,, ح تشرب منو !!!!!
      والحكمة – الكمدة بالرمدة !!!!!!

    3. الدولة مريضة عندها كحة ولوز بس بلعومها كبير يا جنوبي

  4. مبروووكة عليك الوثبة يا (ود الحكومة) !! بس ما وريتنا ياتو حكومة دي ؟؟ حقت أزهري ولا عبود ولا الصادق ولا نميري ولا منو ؟؟ عائزين إجابة سريعة ..

    إن شاء الله بعد شوية حا أنزل ليكم المجلس الثالث لرمضان نفعني الله وإياكم بما نقول ونسمع آااامين .. سلااام ..

    1. ونصيبك من اسمك ونصيب غيرك من إسمه؟؟ ؟

      1. صدقني ما فهمت أي حاجة يا ود الحكووومة !! (وفسر الماء بالماء) !!! … سلاااام …

    2. أخوك يا عزيزي أبو أحمد مولود ومتربي ومتعلم وما كل من خير مشروع الجزيرة
      خدم والدنا – عليه رحمة الله وعلى جميع أمواتنا – مع غيره من الرعيل الأول بمشروع الجزيرة لما يزيد عن 40 عاماً في معظم مكاتب المشروع وخرج ولله الحمد عصاته وأولاده وقطعة أر ض ما قادر يبنيها ، رغم ذلك نحمد الله أننا ذقنا نعيم السودان في ذلك العهد قبل نميري وبعده ثم الديمقراطية الفاشلة ثم عهد الإنقاذ والإعجاز الكيزاني الله ينتقم منهم

      لك التحية والتقدير وجزاك الله خيراً على مجالسك الرمضانية الطيبة

    3. معليش هذا الرد نزل بالخطأ – مُوجه للأخ جنوبي

      1. طيب كويس ما مشكلة .. بس تاني فتح عيونك كبار قدر الريال أبو عشرين !!! ( شفتو قبل كده ولا سمعت عنو )؟؟! … سلاااام …

      2. يا نانو الزول ده لا قاصدني لا حاجه ! حكها معاهو خلي يوريك هو قاصد شنو !! آآآآآي

  5. (مجالس رمضان المجلس الثالث)

    فضل العشر الأوائل من رمضان:

    رمضان هو شهر الخيرات والنفحات والبركات،يأتى ومعه كل الخير للأنام من أدركه وفاز به فقد فاز فوزاً عظيماً، وأعظم ما يناله العبد فيه من ربه مغفرة الرحمن،والعتق من النيران، ودخول الجنات التي أعدها الحنان المنان لعباده الطائعين الأخيار، فأقبل عليه بإخلاص وتفاني وصدق لتكون في زمرة الفائزين..وعند دخول الشهر الحبيب إلي نفوسنا تجئ معه بركات السماوات فعلينا أن نقصد به وجه الله عزوجل ونتضرع إليه بصدق النيات أن يتقبل منا الصيام والقيام وتلاوة القرآن إنه سميع مجيب.. هذا.وقد إنتشر بين الناس حديث: (أوله رحمة وأوسطه مغفرة وأخره عتق من النار) وهذا حديث منكر لا يصح عن النبي ولا يستدل به وضعفه الشيخ الالباني رحمه الله، وفي صحيح السنة الكفاية فينبغي الحذر من الأحاديث الضعيفة والتثبت من درجتها قبل التحدث بها !! وقد قال رسول الله صلى الله عليه وسلم: { من كذب عليَّ متعمداً فليتبوأ مقعده من النار } متفق عليه، وأيضاً حديث ( ولله عتقاء في كل ليلة)، وللصائم دعوة عند فطره لا ترد وكلها لم ثبتت ..

    وكذلك حديث { من تقرب فيه بخصلة من الخير كان كمن أدى فريضة فيما سواه } وهذا لا دليل عليه بل النافلة تبقى نافلة والفريضة تظل فريضة في رمضان وفي غيره، وكذلك إنتشر حديث: { من أدى فيه فريضة كان كمن أدى سبعين فريضة فيما سواه }وفي هذا نظر، إذ الحسنة بعشر أمثالها إلى سبعمائة ضعف في رمضان وغيره، ولا يخصص بالفضل عن سائر العبادات إلا الصيام فإن أجره عظيم دون تحديد بمقدار معين، للحديث القدسي: { كل عمل ابن آدم له إلا الصوم فإنه لي وأنا أجزي به } متفق عليه ..

    ويَقُولُ رَسُولُ اللَّهِ صَلَّى اللَّهُ عَلَيْهِ وَسَلَّمَ :

    (إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ جَهَنَّمَ وَسُلْسِلَتْ الشَّيَاطِينُ) . وفي لفظ آخر وصفدت الشياطين وأُوثِقَت بالأَغْلال، أي مردة الجن !! وقد سئل فضيلة الشيخ بن العثيمين رحمه الله عن توضيح الإلتباس المتعلق بكيفية وقوع المعاصي في رمضان مع كون الشياطين مصفدة؟؟ فقال: المعاصي التي تقع في رمضان لا تنافي ما ثبت من أن الشياطين تصفد في رمضان، لأن تصفيدها لا يعني منعها تماماً من الحركة، ومعنى ما جاء في حديث: «تصفد فيه الشياطين” أي لا يخلصون فيه إلى ما يخلصون إليه في غيره» ..
    والمراد هنا أن الشياطين تتحرك بحركة محدودة وتضل من تضل من أوليائها، لكن يبقى عملها في رمضان مقيدًا وليس كعملها في
    بقية الشهور !!

    نسأل الله أن يقينا شرورها وغوايتها إنه سميع مجيب وصلى الله علي سيدنا محمد وعلى آله وصحبه وسلم ..

    وإلي لقاء في مجلس قادم بأذن الله .. سلااااام ..

    1. جزاك الله خير ( القديمه )
      الغريب انو يا نانو (أوله رحمة وأوسطه مغفرة وأخره عتق من النار) الكلام ده بتقال علي انو حديث في معظم القنوات الفضائية وبرضو علي لسان شيوخ !!
      شكرا علي شرح تصفيد الشياطين في رمضان وان القصد هو تقييد الحركة لأنو فعلا في حاجات كده بتحصل من ناس مااا بتتفق مع انو الشياطين مربّطه تربيط كامل !
      اسأل الله ان يوفقنا جميعا لصيامه وقيامه

      1. آمين وإياك .. وين باقي الأخوان ؟؟ الكلام دا ما لجنوبي براهو ليكم كوولكم بس ما شفنا واحد ولا واحدة فيكم قال أي حاجة !!

        وبمناسبة واحدة دي، وين (بتي نونه) ما سمعنا منها حاجة من زمااان زي ود أونكل ساااام !!!

      2. نفعنا واياك بما تكتب ,,,,
        بس موضوع الشواطين دا اكيد بخص جنوبي !!!!!!!!!!!!!!!!!!

      3. جناً يلبدلك في الدائري الشرقي يخليك تفتش بيتك في الدخل المحدود !!

    2. أثابك الله وجعل ذلك في ميزان حسناتك يا شيخنا الجليل

      1. وإياك إن شاء الله وجميع الإخوان والأخوات القمرديناب ..

    3. جاك الله خير على هذه التذكرة وأثقل بها ميزان حسناتك وكل عام وأنت وجميع الأخوة والأخوات بخير وتصوموا وتفطروا على خير ونسأل الله أن يعيينا وإياكم على صوم رمضان وقيام ليله.

      1. عفواً جزاك الله خير.

    4. سلام اخي نانو و رحمته تعالى و بركاته
      اشهد الله تعالى امام الخلق يوم الجمع- وانا من المسلمين- انك اخي نانو من المسلمين العاملين بما امر الله و التاركين لنواهيه, ما فتئت تسأل عن الجميع و تتفقدهم – لا فقدناك لا عدمناك, انا بخير و الحمدلله. اشكرك على دروسك القيمة نفعنا الله بها و اياك و اثابك عنا خير الثواب. (ما ننفاصح يا جنوبي العربي دا لزوم رمضان). و بالمناسبة رمضان كريم للبروف و الجميع و مبروك لعبيد عرس ولدو (تعيش وتعرس لغيرو) ومبروك لشمباتي القفص الذهبي (ان شاءالله بس يحبس ليهو لسانو) و عيد سعيد و مبروك البرنجية للبرنجيين والبرنجيات و بالمناسبة دي انا حانافس تاني في الطيش (العند الله بعيش) يعنى الا الهلالاب و المريخاب؟ بعدين البرنجية ذااااااتا بقت زحمة خلاس و الواحد كبر عليها على الاقل الطيش دي حنكون اتنين بس , تفتكروا انا و منو؟

      1. جيدا جيتي يا نونا ..
        لاكين ما تقولي لي والله فتئت دي جبتيها من بيت الكلاوي !
        حتكونو انتي وشمباتي شان قالوا العروسة لمت الموبايل واللاب توب ( رقابه شديدة ) بعد هي تشوف الرسالة من منو وتقراها حتي تديهو !!
        الغلبان برنجيتك بتطوّل شان البروف قاعد يسبّك في حلة جداد بالاسفنج !!

  6. وإياك إن شاء الله يا ود الحكووومة وجميع الإخوان والأخوات ، وأنا برضو والحمد لله أكلت خيرات السودان كلو شرقو وغربو شمالو وجنوبو عشان كده السودان دا ما بنفرط فيهو … وبلادي وإن جارت علي عزيزة *** وأهلىي وإن ضنوا علي كرام .. سلاااام ..

  7. ما قادر اخش في المدونه،سلام ورمضان كريم والتحيه خاصه للأخ نانو ابو احمد وكل عام وانتم بخير فردا فردا

  8. شكراً ليك (يا بتي) نونا جزاك الله خير (الأصلية – ما تايوان) على الإطراء الذي أخجل تواضعي – ولا أستحقه !! وأنا مصر أناديك بيا بتي لأني قدر أبوك !! ما زي واحد أخونا بدس عمرو الحقيقي ( ما أنا دفعة علي دينار ) مش كده يا ………بي. يلغنا الله وإياكم رمضان, ووفقنا للصيام والقيام على الوجه الذي يرضيه عنا مع الصحة والقبول, آاامين … سلااام …

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: