الغساسنة

يقال أن (غسان) : اسم ماء نزل عليه قوم من الأزد فنسبوا إليه ، ومنهم بنو جفنة رهط الملوك ، جاء في لسان العرب لإبن منظور في مادة (غسن) الغسنة هي الخصلة من الشعر ، وكذلك الغسناة ؛ والغيسة النعمة والنضارة . ويقال للفرس الجميل : ذو غسن قال الأصمعي : الغسن خصل الشعر من المرأة والفرس ، وهي الغدائر . وفي المحكم وغيره

: الغسن شعر العرف والناصية والذوائب ؛ ورجل غساني : جميل جدا . والغيسان : حدة الشباب ، وقيل : الشباب ، ويقال : لست من غسانه ولا غيسانه ، أي : من ضربه . ولست من غسان فلان وغيسانه ، أي : لست من رجاله . ويقال : كان ذلك في غيسان شبابه ، أي : في نعمة شبابه وطراءته قال السلمي : فلان على أغسان من أبيه وأعسان ، أي : أخلاق . ويقال : امرأة غيسة ورجل غيس ، أي : حسن.
‏والعرب الغساسنة (حسب بعض المصادر) ينتسبون إلى قبائل الأزد، التي هاجرت من اليمن إلى بلاد الشام بعد خراب سد مأرب وذكرهم حسان بن ثابت في شعره قائلاً:
إمّــــــا ســـــــــألت فإنا معشـــــــــــر نجــــــب
الأزد نســـــــــــــبتنا والمــــــــــاء غســـــــــان
وعندما وصل الغساسنة إلى جنوب بلاد الشام، أقاموا عند قوم من عرب قضاعة عرفوا باسم بني سليخ. وقيل أن قسماً منهم أقام عند ماء يدعى غسان، فعرفوا منذئذٍ باسم الغساسنة وأول ملك غساني كان عمر بن جفنة، الذي اشتهر بانتصاراته وبلغ عدد الملوك الغساسنة ثلاثين ملكاَ، كان آخرهم غسان بن جبلة بن الأيهم.
امتد نفوذ الغساسنة حتى الرصافة قرب الرقة، التي كانت بمثابة عاصمتهم الشمالية. وتورطوا في الصراع القائم بين البيزنطيين والفرس، مما جعلهم يخوضون معارك ضد خصومهم المناذرة حلفاء الفرس.
وكان العرب الغساسنة يحاربون إلى جانب البيزنطيين ضد الفرس في الحرب، التي انتهت عام 531م بهزيمة الروم وأسر أحد قادة العرب (عمرو) قرب قنسرين شمال بلاد الشام. وبعد معركة قنسرين بمدة قصيرة، تجددت الحرب بين ملك الغساسنة الحارث بن جبلة وملك المناذرة «المنذر بن ماء السماء» بسبب التنافس على سيادة قبائل بادية تدمر، مما أشعل من جديد الحرب بين بيزنطة وفارس.
كان الغساسنة قد تأثروا بالديانة المسيحية، واشترك ملوكهم في الخلافات الكنسية حول طبيعة السيد المسيح. وكانوا من أتباع عقيدة الطبيعة الواحدة (المنوفيزيين)، ويعود إلى الغساسنة فضل تعيين يعقوب البرادعي وغيره، أسقفاً في ولاية الشام، مما دعم موقف القائلين بالطبيعة الواحدة.
نال الحارث بن جبلة شهرة كبيرة، ونسب إليه الرواة كل عمل عظيم، وقد امتد حكمه حتى وفاته عام 569م أو 570م نحو أربعين عاماً، فخلفه ابنه المنذر بن الحارث، الذي بدأ حكمه بصدّ غارات المناذرة عن بلاده، فهزم المناذرة وملكهم قابوس في معركتين عام 570م، إحداهما قرب الحرية عاصمة المناذرة وذلك في فترة جفاء بين الغساسنة والروم البيزنطين، مما جعل البيزنطيين يعقدون صلحاً مع المنذر في مدينة الرصافة. وفي عام 580م، قام المنذر بزيارة رسمية إلى القسطنطينية استُقبل فيها استقبالاً لائقاً وقد أنعم الإمبراطور عليه بتاج ملكي.

ولكن العلاقات بين الغساسنة والبيزنطيين ساءت من جديد، وتمكن البيزنطيون من خداع المنذر واعتقاله في قرية حوارين قرب حمص، ونفيه مع زوجته وبعض أفراد أسرته إلى العاصمة القسطنطينية، ثم إلى صقلية عام 582م، بعدما حكم مدة ثلاثة عشر عاماً.
بعدما ضعفت مملكة الغساسنة، وقضي على أواخر ملوكها، انقسم عرب الشام إلى خمسة عشر قبيلة، متنازعة فيما بينها، يعمل بعضها في خدمة الروم البيزنطيين وبعضها الآخر لمصلحة الفرس
امتد نفوذ الغساسنة إلى مناطق جبل الشيخ، بل وحتى مناطق وادي عربة. وكانت أهم مراكزهم في الجولان وفي حوران وجلق (دمشق)، وبقي نفوذهم في مناطق البادية ولاسيما حول تدمر والرصافة
وفي كتب السيرة النبوية أن النبي محمد (ص) راسل ملك غسان، شرحبيل بن عمرو الغساني. وفي عهد الخلفاء الراشدين، كان ملك الغساسنة ويدعى غسان بن جبلة بن الأيهم يدعم الروم في حروبهم ضد العرب المسلمين، ثم دخل الإسلام، ولكنه ارتد بعدئذٍ في عهد الخليفة عمر بن الخطاب، وهرب دون أن يتم العثور عليه … يوم يقولو ليك شفناهو هنا .. ويوم يقولو ليك شفناهو هناك .
كسرة :
يا تري إنت فينك يا غسان … بن جبله (طبعن) ؟

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو وووو)+و+و+و؟
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+و+و+و؟

36 تعليق

      1. مشترك كيف آآآآآلعبيد هي الرئيسة

  1. قوية لكن ،، غسان موديل 2014 ما بهرب ولا بندس بحوم عيني عينك والحبة ما بتجيهو

    1. بالله لو ممكن زول يحكي لينا قصة غسان ده … صحي لو بقا ود الحافظ كان نكون حافظنها عن ظهر قلب

      1. هؤلاء القوم نسوا الله فانساهم أنفسهم فاصبحوا لا يفرقون بين الحلال والحرام والعياذ بالله ..

    1. نمبر ون كيف عاد آآآفلادمير الفوق منك ديل كلهم ما شفتهم وشوف فووووووووووق في القمة بنت السودان متين يجينا ود السودان الما خمج حراق اللساتك في الظلط صنديد البنبان ويشمه ساكت ريحة دخان (زي حطب الرئيسة بتاع جنوبي) يبرطع في الشوارع حمرة عين والكيزان يتطايروا ويتلاشوا ويتخارجوا اكان نلقى طريقة نلملم بقية الجراح ويرجع تاني وطن حدادي مدادي وصديقنا منقو يرجع ونرجع مثل اول المواطنة ديننا والكل يمعمل من اجل عودة لوزة القطن

  2. ديل ابالسة يا بروف …. تقول لى غساسنة

  3. العايز أعرفه يا أخوانا صحي المبالغ الملهوطة دي “بالمليارات”؟ وبلدنا فيها كل الثروات دي والناس جيعانة؟ وكم مليار لهطها سيد غسان وبكم تحلل؟ أفتونا يا أهل المعرفة

    1. شوف يا ود الحكومة انا مليارات ما مجنناني وملايين ما بعرف انا المجنني كله بالقديم وبالجديد على الطلاق ما فاهم اي حاجة

  4. طيب ده عرفنا انو غسان يعنى بعد الهبرا دى نحنا بقينا بنى سليخ

    1. اخيرا جائنى اشعار بان الرد نشر , وها انا ابادر بالشكر وكما قيل , انا تاتى متاخرا خيرا من ان لا تاتى ,
      مرة اخرى الشكر لنشر الرد مع خالص التمنيات ان تعم وتنتشر وتدوم الحرية فى بلادنا , الحرية التى تتوقف عند حدود الاخرين .

  5. يا الفاتح ياخوي لو كنت انت محاميه ودخلت تترافع عنه قدام القاضي بالمقدمة الطوييلة دي ! يمين قبل تتم كلامك القاضي كان قال ليك براءة سوقو وامش بس ,,
    إمّا سألت فنحن معشر سودان
    الوالي كروتنا ورماها في غسان

    1. ههههه اما سالت فنحن معشر السودان * الوالي كروتنا ورماها في غسان حرف الالف والام لازم للوزن الشعري ونفرح بيك بالقمردينة ونقول شاعر القمردينة اهو تحياتي اخي جنوبي من ارض النضال من اجل لقمة العيش وسط طاخ طاخ بم بم

  6. ود العبيد وبت السودان منورين القمردينه ومبروووك عليكم البرنجية المشتركة، ومعليش يا ود بوتين طلعت (آوت) !!!

    إنتو الليلة الحصة (تاريخ) ولا شنو؟ شكلك يا بروف بتحب التاريخ !! ولا أظنك بدرسو؟

    أنا شخصياً ما بحبو وكنت ساقط (راسب) فيهو لأني كرهت الأستاذ الكان بدرسو لينا، ولمن جينا في إمتحان الشهادة (دكيتو) مرررة واحدة !!! … والغساسنه حقننا ديل ما بدسو قاعدين عدييل كدا لا بفوتو ولا بموتو !!

    وزي ما قالت بتنا سارة ( يديها العافية ) ديل قاعديين عيني عينك ما بخافوا من أي زول والراجل فيكم الأجي يقلعم .. سلاااام…

    1. اخي نانو ما ظهر ليهم صاحب المجمجة ههههه كدي افتح كتب التراجم والمراجع اللغوية وشوف لينا معاك مجمجة دي وين

    2. الأخ نانو لك التحيه والاحترام وشكرا ويباركو ليك السمح ،
      الأخ أمريكي والله العظيم نورت المدونه اليوم وانشالله أخبارك بخير وتقبل تحياتي،
      وتحياتي للجميع فردا فردا

    3. اخي نانو لو درسك التاريخ استاذنا دهب المسمي اولاده (بعانخي وتهراقا اوطهارقا ) ومسمي بنته (مهيرة) كان حبيت التاريخ لكن لم فيك واحد عملكك فيهو ودغمس ليك التاريخ كرهته عشان كده تقبل المرور والتعليق

  7. انا لو لقيت فرصة في جزيرة توتي دي بعتها بعدين انشاء الله تقولوا علي مناذرة وتجيبوني من اليمن والا الشام ما فارقه هههههه

  8. كتمت كتمت كتمت ولابد ليكم يوم الخميس (وعندنا هنا كل الايام خميس) وخميس يا اهلي بالقمردينة بالعربي الغميس يعني خميس في خميس كماج ساكت ويا نانو كان كمان بتكره اللغة العربية (بتكون صاحبي) واسال عن خميس

  9. فلنقبل انفسنا كسودانيين اولا قبل كل شئ العروبة لا تستطيع توحيدنا الافركانية المضادة لا تستطيع توحيدنا الاسلام لا يستطيع توحيدنا المسيحية لا تستطيع توحيدنا لكن السودانوية تستطيع توحيدنا (جون قرنق دي مبيور) ارجاع الكرة للمربع الاول من (الغلبان) حتى نعرف من نحن جبنا بلاد العرب فلم نعبر وتجولنا في بلاد الافارقة فلم نعبر (اصبحنا مريم والردة – المسيحية) (وصديقنا منقو ودولة جنوب السودان الشقيقة) كل ده حصل في 25 سنة بس يعني 25 سنة تاني راح يحصل ايه اقول ليكم (غرب السودان كله دولة) وشرق السودان جماعة مؤتمر البجا (دولة مش الحكومة قبل كده ضربت همشكوريب والا كيف) ناس (اوسمان ديل ممكن يمشوا مصر) يفضل ايه الجزيرة وما فيها مشروع جماعة الجزيرة كلهم في الخرطوم (تصبح الخرطوم امارة الاسلام في افريقيا يحكمها الحاكم بامر الله بشه ورفاقه) اصدقائي بالقمردينة ترقبوا اني معكم من المترقبين وشكلها الحكاية ما راح تأخذ وقت طويل (وكت طويل بي حقتنا السودانية السمحة) والا شنو ؟؟؟؟

  10. يالغلبان هل انت صحيح غلبان ؟
    ناس اوسمان اللى قلت عليهم ديل , اسياد بلد كانوا بيحكموا من الاف السنين قبل ما يكون فى عرب سوى عرب الجاهلية اللى منهم الغساسنة قديم وجديد , ولان ناس اوسمان ليسوا عرب ويفخروا بذلك فهم ينطقونه اوسمان , تماما كما ينطقها غالب العجم , لكن بعض العرب تقبل وانت منهم اوسمان من الخواجة فقط ! اما من ناس اوسمان كما ذكرت انت فتقابل يسخرية ولا عجب فكل إناء ينضح بما فيه .

  11. غسان من الغساسنة
    الخضر من الخضارمة (انقلبت الحاء خاءا)
    ******
    الترابي من التراب
    البشير من البشراب
    نافع من النافعاب
    بكري من الصالحاب
    عب رحيم من الحسيناب
    الجاز من الجازاب
    قوش من القوشاب
    العطا من العطاياب
    المتعافي من الحليماب
    أسامة من السدوداب
    حمدي من الحماداب
    اسماعيل من الاسماعيلاب

    جبرا من الجبراب

  12. يا هووووووووووووو حاجزين برنجية الخميس

      1. والله يا ركس قدر ما حاحيتا ما لميت فيها ونحنا هنا في بلد طاخ بم النت يا لله ويامين عاوز افرح بي برنجية وتقوم تشاركني فيها قبل ما الم فوقها بقيت زي ناس الحكومة مالك المستثمر من المطار يزعمطوه تاني يوم يرجع اهله حردان

      2. أخوي ود العبيد وأخوي الغلبان (الله لا غلبك) كتر خيركم وبارك الله فيكم وإن شاء الله كوولكم نبارك ليكم السمح ..
        والمجمجمة دي أنا ما بعرفها !!! أنت الجبتها وأنت التفسرا لينا يا ما غلبان !! ويا جنوبي رسل لي شمباتي الواتس الرسلتو ليك بتاع (الجماعة البستفتو المشايخ في رمضان) وقول ليه رمضان كريم مقدماً.

        والأخوة القمرديناب كل سنة وأنتو طيبين تصوموا وتفطروا على خير قبل الزحمة … سلاااام …

  13. ( حق الرد مكفول للجميع ) شرط ان يكون الرد متوافق مع ارائنا وغير فاضح لنا
    ( نطالب بالحريات ) لكن لانفسنا فقط دون الاغلبية
    ( نطالب باعلام حر ونسلك كل السبل لذلك ) لكننا لا نقبل النقد ولا ننشره
    كل ذلك وغيره يعطينا الحق ان نسخر من الناس فى منتدانا ونعلن ذلك فى الشبكة العالمية وإذا جائنا رد يمكن تاجيلة بحجة المراجعة ومن ثم الغائه ,
    الردود التى على شاكلتنا ننشرها بعد دقيقة , فذلك الوقت كافى للمراجعة .
    بهذا وغيره نعمل على مغادرة ناس اوسمان لمصر وناس جارنج مغادرة الشمال وناس اوشيك للانفصال وكذلك ناس الغرب يرحلوا الى تشاد واخيرا يبقى لنا قطعة ارض فى الوسط نهيمن عليها ونعمل لنا تاريخ .
    * احلام غلابة *
    غير قابلة للنشر حتى بعد المراجعة , وللاسف غير قابلة للتحقيق وعلى كل غلبان ان يحصل على غطاء باى طريقة يجيدها ليتغطى بها جيدا قبل النوم حتى يحلم احلام سعيدة
    مع الشكر لمن كنا نظنهم يحلمون بالحرية

  14. كل عام والقمرديناب بخير ولك تحية خاصة اخي نانو بلغنا الله واياك المقاصد وتصوموا وتفطروا على خير

    1. وأنت والجميع بخير يا غلبان ( الله لا غلبك), وفقني الله وإياكم للصيام والقيام على الوجه الذي يرضيه عنا مع الصحة والقبول آااامين .. وكل عام وأنتم بخير .. سلااام ..

  15. هههههههههههههههههههههههههههههههههههههههههههههههاااى , قويييييييييييييييييييييييييييييييييية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: