املأ البيان السنوي

أعلنت ولاية الخرطوم درجة الاستعداد القصوى ووضع قوات الشرطة في حالة تأهب وعلقت العام الدراسي بعد أمطار غزيرة مصحوبة بعواصف رعدية ضربت الخرطوم فجر يوم_________ الموافق _________ ، وألحقت سيول أضرارا متفرقة من الولاية .

وشوهدت العشرات من الأسر خاصة في منطقة _________ تخرج أمتعتها بعد انهيارات في المنازل أو توقعات بتهدمها نتيجة لأمطار بلغت كمياتها_________ ملم. وضربت السيول قرى _________ و_________ و_________ و__________ ودمرت العديد من المساكن، مع توقعات بتعرض الأجزاء الشرقية للولاية إلى سيول.
هذا وقد تجمعت المياة في بعض الشوارع الرئيسه كشارع _____________ وشارع__________ وشارع__________ وبعض الكباري والانفاق ككبري ___________ ونفق ________________.
هذا وحطت فى مطار الخرطوم عدد _______طائرة اغاثة تحمل _____ طنا من المعينات الانسانية لمساعدة متضررى الامطار انفاذا لتوجيهات سابقة اصدرها امير قطر الشيخ تميم بن حمد بمساندة الحكومة السودانية لمواجهة اثار السيول والامطار.
وعانت الأجزاء الـ _________ من مدينة ________ من أمطار غزيرة وانقطاع للتيار الكهربائي وسمعت أصوات الاستغاثة تصدر في بعض حارات ______، وأدت العواصف التي صاحبت الأمطار لإقتلاع الأشجار واللافتات المعدنية، ما شكل خطرا على حركة السير في طرق العاصمة.
وحسب هيئة الإرصاد الجوية فإن ولاية الخرطوم وسائر ولايات السودان شهدت زيادة معدلات الأمطار التى تراوحت بين________و ______ ملم، ما أدى إلى ارتفاع مناسيب النيل الأمر الذي يهدد قاطني الضفاف على النيلين الأزرق والأبيض.
هذا وقد قام والى ولاية الخرطوم يرافقه الدكتور ___________ وزير __________ والدكتور ___________ وزير ___________والدكتورة ____________ وزيرة____________ ومعهم عدد من القيادات التنفيذية بتفقد الأسر المتضررة جراء الأمطار الأخيرة ووجه سيادته وزارة البني التحتية لمعالجة المشكلات الناجمة من السيول .
كما ثمن سيادته مجهودات وزارة البني التحتية في تأهيل المصارف الرئيسية التي ساعدت في إستيعاب كميات كبيرة من السيول التي فاقت قدرتها الإستيعابية مشيداً بجهود المواطنين والنفرات التي نظموها في تصريف المياه كما طمأن المواطنين أن الولاية ستقوم بمعالجة كافة المشكلات والوقوف مع المتضررين وتقديم الدعم اللازم مؤكداً إستقرار الإمداد الكهربائي والمائي وانسياب حركة المواصلات والعمل بالمخابز وأشار سيادته أن أن السيول قد تسببت في وفاة _______ من المواطنين كما تسببت في الأضرار لعدد (____) منزلاً تضرر كلي و عدد (_____) منزل تضرر جزئي وأن عملية الحصر مازالت جارية لمعرفة الأضرار بصورتها النهائية .
كما قرر والي الخرطوم رفع حالة الاستعداد للدرجة القصوى وتكوين غرفة عمليات تعمل على مدار الساعة بكل الوحدات الادارية بالولاية والبالغ عددها ____وحدة وتحريك كل الآليات من الغرفة المركزية الى غرف المحليات لمنحها الحرية في الحركة، مع منح الوحدات حق إزالة أي معيقات تمنع تصريف المياه.
كما قرر الوالي أيضاً وضع قوات الدفاع المدني والانقاذ النهري في حالة الاستعداد القصوى ووضع قوات الشرطة في حالة استعداد بنسبة ______% تحسبا لأي طوارئ في اعقاب توقعات الارصاد الجوي باستمرار موجة الأمطار الغزيرة حتى نهاية شهر ___________.
كسرة :
طبعن مع صورة الوالي وجماعتو وهم يخوضون في الطين !!

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(و+و+و+و) +و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(و+و+و+و)+و

Advertisements

33 تعليق

  1. من بلاد العم سام سلام

  2. وعليكم السلام
    عيدكم مبارك وقبل الله منّا ومنكم

  3. سلام، قرررّبت والله انا

  4. برنجييييييية

  5. هذا وقد قام والى ولاية الخرطوم يرافقه الدكتور ___________ وزير __________ والدكتور ___________ وزير ___________والدكتورة ____________ وزيرة____________ ومعهم عدد من القيادات التنفيذية بتفقد الأسر المتضررة جراء الأمطار الأخيرة ووجه سيادته وزارة البني التحتية لمعالجة المشكلات الناجمة من السيول .

    1. كان ممكن تضع اسماء في الأماكن الخالية أعلاه لانها ثوابت ما بتغير كتير يا بروف!!!

  6. انا برنجية ناس ألخرطومي المندهش لانه بتاعت العم سام لا تحسب لفرق التوقيت

    1. وانا برنجية ناس ليبيا لانه النت زات نفسه مشكلة

  7. تقبلوا تحياتي وكل عام وأنتم بخير والاضحي انشاء الله في السودان

    1. الأخ أمريكي

      ساكون معكم حتي يوم اربعتاشر أغسطس
      للتواصل في هذه الفتره

  8. والله صدقت !!
    الكارثة ثاااااااااابتة وفعلا بس البتغيّر اليوم والسنة وعدد المتضررين و عدد طائلرات الاغاثة بتكون حسب الحالة السياسية لثورة الانجاس لأني شايف غياب آل سعود السنة دي …

  9. فى واحد من المعتمدين الكتار قال (على العموم كلها تلاته أو اربعه يوم والمويه دى كلها بتجف والشوارع بترجع لى طبيعتا ).
    الله يكتلك قبال الموية ماتجف…

  10. البروف العزيز
    والبروفات الأعزاء
    لو كانت حكومة السجم بتطلع بيانات وافية وشافية وشفيفة وفيها إحصائيات زي دي حتى لو كانت فاضية وما فيها أرقام! عليك أمان الله ما كانت جاتنا سيول زي دي ولا لحقت البلد خسائر !!!
    كل الاتقال انو الموضوع بسيييييييط ولا يصل لدرجة الكارثة غايتو نسأل الله أن لا يرى أهلنا الكارثة التي يتوقعونها هُم !

    1. هييييي مش الحكومة طلعت مظلومة !!
      امبارح في قناة الخرطوم المسئولين والمواطنين ( مواطنين بدقون ) قالوا السبب كله من المواطن بيرمي النفايات في مجري التصريف ود الخلاها تتسد وعمل المشكلة .
      ونحنا بدورنا نناشد المواطنين بعدم رمي الاوساخ في الخور والافضل انهم يعيدوا تدويرها وياكلوها والما بيتاكل منها بررررضو يدوروها ويختوها في في في في ..ابت تمرق !!

      1. نان ما أصلو السبب المواطنين بانيين لينا حيط زي البسكويت اقل موية تموصها وتقع مع انو الاسمنتي رخييييييييس هسع شفت ليك عمارة اتماصت من موية مطرة ؟؟؟

      2. هههههههههههههههه , بخخخختك يا المندهش !
        حتتملى وتنبسط !
        لووووووووووووووول

      3. اخى جنوبي وكل الاخوه سلامات
        نحن ماكنا دايرين نحل الموضوع من جزوره وقروش النفايات ندفعه بايصال 15 عشان ترجع خدمات حقيقيه الحصل ايه انا واخوى جبرا رفعونا ناس الامن
        اسال الله كل الحكومه النفايات التسد حلقوم ومجاري التنفس كلها على راي اخونا شمباتي

      4. خى جنوبي وكل الاخوه سلامات
        نحن ماكنا دايرين نحل الموضوع من جزوره وقروش النفايات ندفعه بايصال 15 عشان ترجع خدمات حقيقيه الحصل ايه انا واخوى جبرا رفعونا ناس الامن
        اسال الله كل الحكومه النفايات التسد حلقوم ومجاري التنفس كلها على راي اخونا شمباتي

      5. بت وراق…سلااااام..
        بركة بالطلة …
        اعتقد النفايات دلوقت بقت باورنيك 15 ,,
        لكن خدمة واحدة ليكم ماف ! اها حتسووا شنو ؟

      6. بت وراق بركة الشفناكي طيبة
        انتي صحي ناس النفايات عملوا شنو مع جبرا ؟ ما استدعوه تاني ؟ ولآ قالوا درب السلامة وما صدقوا اتفكوا منه ,,
        هسي تعالوا النسعلكم : هدوم الوالي الاتوسخت من موية المطر دي غسيلها علي منو ؟ مش وساخة عمل ؟
        يلا 3 مليار تنضيف ملابس اهو رزق برضك …

  11. الظريفه مصورين الوالى وهو خايج فى المويه والطين والوحل ولا نستبعد منه صرف بدل تلف ملابس 20 الف جنيه …

      1. وانا زااااتو بقول يستاهلا … !!

  12. يا اخوانا والي الخرطوم ده يلقاها منكم ولا من العطالة المشو يحتلو مكتبو ولا من الفاسدين المفسدين المختلسين ناس غسان ولا من السيول والفيضانات ولا من النفايات ولا من المواصلات ولا من ……..عيييييييييييييك
    الزول ده قال ليكم الإحصائية الحقيقية للوفيات في الخرطوم بلغت «17» مواطناً وانهيار «3077» منزلاً وأضاف «أي احصائية غير دي ما مسؤوليتنا» وقال الخرطوم محتاجة لإنشاء مصارف جديدة بتوفير الأموال المطلوبة والمصارف دي بتحتاج إلى «7» أعوام للتنفيذ بعد توفَّر المال وقال ليكم : «أي زول ما عندو تهمة مثبتة ما يتكلم ساي» و كمان قال ليكم «سنعالج الأوضاع وأسهل حاجة الاستقالة» عشان كده ماااااااا ح إستقيل ……… وموتو بغيظكم

    1. وتاااااااااني دقس وقال للمتضررين أي زول ما استلم التعويض حقه يجيني !
      ما عندو تهمة مثبتة !! ومال القطريين قالوا يوزعوها براهم ليه !؟
      صحي اسهل حاجة الاستقالة إلا يوم بتيييين عملوا الساهل هم !؟
      يا استاذ الفاتح قالوا مرقتوا من جماعة ابوحمزة جوكم جماعة ابوقرون !! ومال لو كان اسمكم عكس التيار كان جوكم ناس منو؟ خلي جمبك اب راسين طوااالي الزمن كعب ياخوي ..

      1. يا اب راسين نارك حمرا !!!

      2. ههههههههه
        يا الخضير انا ماني حي
        شالنا السيل انا ماني حي

    2. الزول دة يشغل فى المناصب الدستوريه دى من ما جات الانقاذ يعنى خمسه وعشرين سنه ومشاكلو وإخفاقاتو أكتر من إنجازاتو…ويوم واحد ما قدم إستقالتو من منصب دستورى وبعد كدة أسهل حاجه عندو الاستقاله .
      نحن ماااااااا فارات ساهى …

      1. خمسة وعشرييييين سنة وما اتعلم شئ ! وحمار العربي البرجع من الانداية وتلاقيهو الشرطة تاخدو القسم من اول شهر الحمار براااااهو بقي من الانداية طواااالي يودي سيدو القسم ينجلد وبعد داك يوديهو البيت ..
        نحن كان ما فارات الزمن ده كوووولو وما عارفين الفورة كم !!

    1. الرقم أعلاه للأخ أمريكي للتواصل

  13. الطير المهاجر | رد

    سنويا لا ينجح أحد في مدرسة الخريف الخاصة .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: