كلمات متقاطعة

– وصل سعر الكيلو منه إلي 80 ألف جنيه – قائل عبارة (الإيصال إنقطع) – التحلل (مبعثرة)
2- يأتي كل عام فجأتن – تنقش على الجباه دليلا على الورع (الكاذب طبعن) – إسم لشارع رئيس لا توجد به بركه هذه الأيام .. (صعبة لكن حاول)
3- إسم لملف فساد منتظرين نتيجتو (غير هيثرو وغسان) – أمام يدعو المصلين للجهاد في غزه (وقاعد في محلو) – أقرار للمسئولين لا يعمل به – بمعني تسهيلات

4- إسم شركة لأحد المسؤولين – لا تذهب لمصارفها الشرعية (مبعثرة) – قضية تم فيها حظر النشر (أكتب اي واحدة) – منطقة تكثر فيها عيادات الأطباء المزيفين –
5- ما أن تظهر على السطح حتتى يحظر النشر فيها – تقوم به لجان التحقيق (خلاف النوم) – مرض اصيب به الشعب الفضل (غير الزهايمر) –
6- يمارسه المواطن يومياً (خلاف الصبر) – تمتلئ بالطحالب والطين ومع ذلك غير متوفرة – أداة تخدير (للشعب طبعن) – دوله يسافر لها المسؤولون للعلاج (غير ألمانيا)
7- إسم مسؤول يعرف رطل الزيت بي كم (لو لقيتو قابلني) – أداة إستثناء (غير المحسوبية) – يوجد في المستشفيات (غير الإهمال)
8- ملائكة الرحمة (معكوسة) – أصبحت ترتفع بصورة شبه يومية – شركة رفضت مراجعة حساباتها – ولاية سرقت نصف ميزانيتها (ولي هسه ما عارفنها مشت وين)
9- يسمى بالذهب (الأسود علينا) – دوله لا تعرف أن كانت هي زراعية أم صناعية أم بتروليه – يقتات عليها المواطن (خلاف الأحلام) – من شانها أن تفقع المرارة _ صوت يطلقه المسؤول عند قبض (الكوميشن)

10 – من أكثر المؤسسات الحكومية تجنيبا للأموال – أصبح لا يري بالعين المجرده مع إنو 3 بجنيه – هيئة لا تصدر بياناتها إلا في الفارغة والمقدوده – مشروع زراعي لم ينتج ليمونة واحدة منذ ربع قرن –
11- يتم تحصيلها دون أورنيك 15 – من أنواع الدفاع (غير النظر)
12- أصبح مستحيلا على الشباب (هو الما مستحيل عليهم شنو؟) – تقفل عند مرورهم الشوارع الرئيسية (ما الوقت من ذهب وكده)
13- بمعني الحاشية – قامت بضربنا في عقر دارنا (كم مرة كده) – حق الرد (معكوسة)
14 – مصدر التشريع خلال العشرين سنة الماضية (دى عاوزة ليها شطارة) !- من لا يملك قوته لا يملك ………
15- مدرسة خاصة رسومها أقل من خمسة مليون (لو لقيتا أهى دقني) – مؤسسة يأتي مديرها الصباح في مواعيدو (ودي برضو)

رأسى :

1- يشتري دون أن يفاصل في السعر (هو هاميهو) – لاعب تم شراؤه بمليوني دولار ولم يحرز هدفاً واحدا – رئيس نادي جيبو فاضي ومخو مليان (ما تتعب روحك)
2- تشكيل يتم بين الآونه والأخري تحصيل حاصل – إستغراش (مبعثرة) – حرف تأوه وإندهاش
3- تصيبك مشاهدتها بالملل – ذو تأثير سلبي على نفسية المواطن (غير الفلس) – بمعني فساد (مكرر) –
4- إسم لهيئة طالها الفساد مع إنو تتعلق بشعيرة مقدسة – لا يعرف مصيره إلى الآن (فين إنتا يا ابني) – قضايا إزدادت نسبه نظرها أمام المحاكم –
5- من أنواع الإستراحات (غير إستراحة محارب) – يطلب منك إحضاره عند الذهاب إلى المستشفى (غير القطن والشاش والحقن والدواء) – اااااخ (مبعثرة) .
6- يمارسها الموظف يوميا قرابة الساعتين (غير الفطور) – مساهمة (إلزامية) – ينبح والقافلة تسير (خلاف المواطن) – يتم تعاطيها داخل الجامعات (طبعن غير المحاضرات إن وجدت) – البكور (لمتين)
7- يدفعها المغترب وهو صاغر – يلوح بها المسؤول في الهواء وهو يصيح (هي لله) – يصفقون عند زياده أسعار السلع الضرورية – تقوم الشرطة بتفريقها لعدم وجود ترخيص (متين أديتوها ترخيص)
8- مرض يصيب المسؤولين (خلاف الصمم) – تضع الطالب فى أولى عتبات التعليم (غير الجامعة) –
9- كبري بعد صيانته (مسك مويه) – قام بتصميم نفق عفراء الذى إمتلأ بالماء لخريفين متتالين (غير مهندس ).
10 – يستطيع الصرف على أربعه أسر (رغيف ساكت بي كم.) – تتم مصادرتها بعد الطباعة (مبعثرة) – عقاب المسؤول إن أخطأ (خلاف الترقية) – أزمات (متتالية)
11- شاعر أغنية (أنا ما باكل كستر عشان ممنوع من السكر) – تمتلئ بالأدوية المغشوشة – زواج جماعي (مبعثرة شديد) – أمنية كل خريج – أكثر مكان يرتاده المسئول (غير المطار)
12- من عجائب السودان السبع (غير المدينة الرياضية) – المال العام (مبعثر) – – تصيب بالتخلف العقلى (غير برامج الأطفال) – عضلة يصيبها التمزق اثناء عملية لحس الكوع –
13- ساكتون عن الحق – درجة علمية رفيعة أصبحت تعطي لكل من هب ودب (مبعثرة) – غالبا ما يتزوجها المدير –
14- ما أن تصل حتى يتم بيعها في سوق ليبيا – لا توجد بها أماكن لقضاء الحاجه (غير الإستادات والأسواق) – شفافية (مبعثرة)
15- عربات رباعية الدفع يمتطيها المسؤولون – صوت يطلقة المريض وهو يقوم بدفع قيمة الكشف – إسم والى المسلمين الذى منع إبنة من التجارة (هنا الوالى ذاتو بيتاجر)

كسرة :
للإجابات الفائزة جائزه عبارة عن صندوق حبوب )منع الإحباط( !!

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و

Advertisements

30 تعليق

    1. مبروكة فرق اتنين مطره اقصد ثانيه

      1. الله يبارك فيك..هنا الثانيه بتفرق ياعبيد

    2. من المسلط و العين الشافتو ما صلت
      يغطي الله الليلة ساير
      مبروكة البرنجية
      ويغتيك الله
      بتين ختفتها كده ؟؟؟

      1. هههههههههه الله يبارك فيك يا المندهش.. نحن ناس ختف ساااي وتاني ماتعشمو فيها

      2. هههههه
        في السلك يا مندهش مدني ..
        يا مسلط مبروكة عليك تتنيها وتتلتا ان شاء الله !

    3. الله لا سلطك على حد ومبروكة ومبروك ليك

  1. شفت ياعبيد فرق الزمن ،، عشان كده الجماعة بتفسحوا ساااكت ،، لكن قربنا ننزل البلد ،، تحياتي لكم جميعاً

    1. تنزل البلد ومعاك اوباما تشيلوا العقوبات اللي على الشعب الغلبان وشيلو معاكم بالمرة بشه امريكا سلام

  2. ومن عندي يا بروف
    زريبة كبيرة لها حدود على الورق ومشرتمة يطلق عليها في السابق اسم دولة
    الداخل اليها مفقود والخارج منها مولود ماهي ؟؟؟؟؟؟

    1. بعد الشرتمة دولة النسوان !
      هي زااتا بقت تشبه الاسكيرت البلبسوا في اوضة النوم !

      1. ههههههههههه شكيتك على الله ياجنوبي

  3. يااخوانا نشيل الفاتحه ونقول الله يرحمك ياسودان

    1. عزاؤك متأخر نحنا رفعنا الفراش زمان

  4. اخخخخخ ,, يابلد ,,
    يا بروف ,, عذرا اذا حال البلد بالجاتو ذات ليل بكتك ,,,,,

    1. تعرف بالجاتو دي لو ختيت عليها هـ هههه كانت مصيبة كان يبقى علينا جاتوه وهامبورجر وهوت دوغ ومش عارف ايه البلد المطرة ما عارفة تصرفها كيف ويقولو ليك ما علمناكم ورجع ورجع ورجع

      1. هههههههههههههه ,, اظن ضربتك جوعة ياخوى

  5. والله يا بروف بالجد كدا بعد المقال دا حقو تاني ماااا تكتب عن البلد و مشاكلا خااالص!! جد كفيت و اوفيت و أوجزت و وجعتني وجهة شديييدة خلاس

  6. عليك الله يا بروف كفانا هريتونا (لسان حال الجماعة) !! ما كفاية علينا المطرة؟؟ كمان بقى فيها وقيع كبارى !!
    (لسان حال الشعب الفضل) … سلااااام …

  7. أحبائي البروفات عندي ليكم سؤال والبجاوبو الجائزة حتكون خيمة ومنحة مقدرة من الاغاثة القطرية
    السؤال هو : اسمه (وطن) به فساد ولكنه (فساد) به وطن !!!!
    فما هو ؟؟؟؟؟

    1. السوء دان

      1. دان ايه يا جنوبي ما دنا من زمان

      2. اخونا الغلبان إنشاء الله اتخارجتا
        ربنا يرد غربتكم ويرجعكم سالمين وغانمين،والله يا الغلبان تبعثرنا في كل واد والظاهر بالحالة دي الغربه ح تطول واصلو ما فضل كتير من العمر،والله يوم القيامه يوم الحساب أمانه مافي ناس ح يطلعوا زيتهم(أولي الأمر من حكومه نميري ولي حسه)

  8. هضربات قسرية

    هاشم صديق

    ****
    تلقي (خرابة )
    ما تلقي ( الوطني )
    تلقي ( الوطني )
    ما تلقي ( خرابة )
    تتلفت حاير
    تلقي ( الشعبي )
    جادع إيدو
    ويقلّب صُلبو
    تقول لي روحك
    أريت ( الشعبي )
    ( ده ود التابا ) .
    ……………..
    البلد إتلحست
    محل ما تقبّل
    تلقي ( النقة )
    محل ما تعاين
    تلقي حرابة
    ومسطول في الشارع
    يهتف ويصرخ
    – فكيتو الصادق
    فكو الموية .
    فكيتو الصادق
    إعتقلو السوق
    ماعندو ( فرامل )
    أو طايوق
    جاري عجاجو
    تقول كترابة .
    أدونا رغيفة
    أو تعريفة
    أو خلونا
    نخش الغابة
    نصبح نحنا
    ( نوير ) أو (دينكا)
    وانتو تكونو
    ديوش جلاّبة
    …………..
    فكيتو الصادق
    فكو إيدينا
    مما جيتو
    لعبتو وجُطو
    و ( بشبش ) ( جوكر)
    في الكوتشينة
    محل ما نقبلّ
    نلقي حرامي
    محل ما نعاين
    نلقي إضينة
    حرقتو قَمِحْنَا
    شلتو سَمِحْنَا
    وجبتو الشينة
    إسلامكم كافر
    فضايح جُملة
    بتملا دفاتر
    سويتو بلدنا
    مجاعة ومِحنْة .
    ……………
    البلد إتلحست
    جنت وبركت
    سياسة نخاسة
    الثروة انبرشت
    دخلت وسكنت
    جيب الخاصة
    والشعب تعيس
    يجري يناهد
    ما وصل الميس
    ماهية حول
    ما فاتت فول
    أو ( عيش )
    في كيس
    أحلامنا بهية
    نصحا نلاقي
    عروس الثورة
    هي ( بت ابليس )
    ……………
    الدنيا إتماصت
    جنت وطشت
    ( الفن إتلجن )
    الوطن إتمحن
    لا فن
    لا كورة
    ( فنان الثورة )
    صِبِح ( ماسورة )
    والحرية
    قصية عصية
    ريحة شية
    لا تضوق لا تشوفها
    لا تحلف صادق
    شفت خروفها
    ( حوار الوثبة )
    شمار في مرقة
    وعجين
    لي ( كِسرة )
    ما بعمل طَرقة .
    ………………
    فكيتو الصادق
    فكو حصارنا
    أدونا إذن
    لهتاف
    أو مرْقة
    كفاية كضب
    وغباش ولعب
    ( الوثبة ) وهم
    سيفا خشب
    ( حصانها حمار )
    ووعدوها شمار
    وغباشها الدرقة .
    ……………..
    مليون شاعر
    وما مرقت زفة
    مليون خُطبة
    ولا خاطر رفّ
    جوادنا يبرطع
    وما شاف اللفة
    السُلطة عقيمة
    ربع القرن
    وما جاتا ( الدورة )
    الفين ( جيفارا )
    ولا كبر شارع
    لا انفجرت حارة
    لا ( هبت ثورة )
    ……………
    مليون ( لبوة )
    رافعات كرعينن
    للمال والسُلطة
    والليل متمحن
    في ( معرص )
    أُسطي
    دعارة شطارة
    وعريانة ( الضروة )
    سبحان الدايم
    شعار الدولة
    الدين والتقوي
    و ( لباس ) الوالي
    ما غطي العورة .
    …………….
    البلد اتلحست
    طشت وجنت
    محصولنا الرسمي
    الغُنا و ( الرَهَزي )
    وفي رمضان .
    لو ترفع طوبة
    أو تدخل فجأة
    حصير راكوبة
    تلقي مقنقن
    ( ود فنان ) .
    ………….
    محصولنا الرسمي
    غُنا رمضان
    ( قناة كاكومة )
    ( قناة كركوبة )
    ( قناة كتلونا )
    ( قناة مرضونا )
    غُنا وألحان
    بالكوم وأطنان
    برامج تهرج
    والكل تيمان .
    ……………
    و( قناة برجوبة )
    مذيعة السهرة
    ( حاجة عجّوبة )
    وضيف الحلقة
    دكتور ( راكوبة )
    معاهو مُغني
    ( لؤي ود هوبة ) .
    دراما الشاشة
    مسيخة عواره
    بعد ما مشينا
    وقلنا وصلنا
    رجعنا نترتر
    وقعدنا بركنا
    لا فن
    لا بصاره
    دراما غبية
    لا بتهبش هم
    لا بتروي قضية
    تورجِق وتشخُر
    تقول حنفية .
    يا حليل المسرح
    والحرية
    هموم الأمة
    والثورية .
    …………..
    تلقي ( خرابة )
    ما تلقي ( الوطني )
    تلقي ( الوطني )
    ما تلقي ( خرابة )
    تتلفت حاير
    تلقي ( الشعبي )
    جادع ءايدو
    ويقلّب صُلبو
    تقول لي روحك
    أريت ( الشعبي )
    ( ده ود التابا ) .
    ………………
    البلد اتلحست
    محل ما تقبلّ
    تلقي ( النقة )
    محل ما تعاين
    تلقي حرابة .
    ومسطول في الشارع
    يهتف ويصرخ
    – فكيتو الصادق
    فكو الموية
    فكيتو الصادق
    إعتقلو السوق
    ما عندو ( فرامل )
    أو طايوق
    جاري عجاجو
    تقول كترابة .
    …………….
    أدونا رغيفة
    أو تعريفة
    أو خلونا
    نخش الغابة
    نصبح نحنا
    ( نوير ) أو( دينكا )
    وانتو تكونو
    ديوش جلابة .
    ______________________
    24 يونيو 2014

    1. مع الاعتذار لهاشم صديق .. لاكين الخرابة والوطني مبارين بعض زي الكوشه والشيطان ! تلقي الاول بتلقي التاني ..
      لاكين يا هاشم ياخوي كان لمينا في الوطني ده في خرابه ما كان اتفشييييييييييييييينا .. بس الشعبي ده وصفتوا لينا وصف !! الله يبرّد حشاك يا المبرد حشانا ..

      1. هههههههههههه والله يا جنوبي هاشم صديق اتقطع عديييييييل في القصيدة دي وقررررربت أمش أكبها تاني بهناك في موضوع الزكاة لكن البروف بزعل

      2. تكب شنو !!؟
        وش مخلوع شديد ,,

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: