ثلاثيات

ثلاثة يرفعون الضغط : المذيعات الفضائيات – الفنانين الواعدين – الملح

ثلاثة صعب أن نتخلى عنهم : الرغيف – الموية – الصابون

ثلاثه تصرف عليهم اكثر من عيالك : الإتصالات – الكهرباء – المواصلات

ثلاثة يسببون أمراض القلب : التدخين – الدهون – تصريحات المسؤولين

ثلاثة يسببون الأمية : المدارس – المعاهد – الجامعات

ثلاثة يسببون المرض : الذباب – الباعوض – منتخبنا القومي

ثلاثة يسببون الإحباط : إنقطاع الكهرباء – إنقطاع الماء – إنقطاع الدورة (ما الأولمبية)

ثلاثة لا يمكن أن يبتسموا في وجه المواطن : موظف الضرائب – عامل الزكاة – شرطي المرور

ثلاثة يودو الزول في ستين داهية : الكهرباء – النار – البنوك

ثلاثة أصبحو في خبر كان : الخطوط الجوية – الخطوط البحرية – السكة حديد

ثلاثة بنسال ليه إتدمروا : النقل النهري – النقل الميكانيكي – حديقة الحيوان

ثلاثة لا يمكن أن يخطئوا : الأنبياء – الملائكة – المسؤولين

ثلاثة ما عارفنها جات من وين : التاصيل – التحلل – فقه السترة

ثلاثة ينظر المواطن لهم يوميا : عداد الجمرة – رصيد الموبايل – ما تبقي لديه من نقود

ثلاثة ساعدن على إنتشار الفساد : عدم الرقابة – عدم المحاسبة – عدم الضمير

ثلاثة لا يطيق المواطن الإستماع إليهم : نشرات الأخبار – المؤتمرات الصحفية – إذاعات الإف إم

ثلاثة يجب أن يتعلمهم المقبل على الزواج : طولة البال – الصبر – الكاراتية

ثلاثة يجب ان تأخذهم معك أن كانت لديك معاملة حكومية : اوراقك الثبوتية – سورة الفتح – رشوة

ثلاثة يفتقدهم المواطن : الغذاء – الدواء – الحنية

ثلاثة يستخدمهم الجماعة : أحسب ان – طيباً مباركاً – جعله الله في ميزان حسناتكم

ثلاثة يمكن أن يقضوا على المجتمع : العطالة – العنوسة – المخدرات

ثلاثة يمتصون دماء المواطنين : الباعوض – المحليات – البنوك

تلاته مافي ليهم اي داعي : شعر الإبط – الزائدة الدودية – تلفزيون السودان

ثلاثة لابد من حدوثهن : أنقطاع التيار – إنقطاع الماء – نقة المدام

ثلاثة لا ترى بالعين المجردة : الأميبا – البكتريا – الرغيفة

ثلاثة أصبح من السهولة الحصول عليهم : الماجستير – الدكتوراة – وسام إبن السودان البار

ثلاثة الله يكون في عونهم : العندهم بنات – محدودي الدخل – المغتربين

ثلاثة لا ينامون الليل : المديون – العزابي – متجصلو جبايات المرور السريع

ثلاثة يجب أن تكفيهم مرتباتهم : القاضي – الشرطي – المعلم

ثلاثة من المستحيلات : الغول – العنقاء – رجوع الدولار إلى خمسة جنيهات

ثلاثة ملفات فساد تم حظر النشر فيهن : الأقطان – مكتب الوالي – حاويات المخدرات

ثلاثة يمكن أن يعجلن بذهابك إلا الرفيق الاعلي : السجائر – التمباك – أخطاء الصحف الإملائية

ثلاثة أصبحن للمواطن من الكماليات : الفاكهة – الحلويات – التاكسي

ثلاثة إستخراجهن يفضي بك إلى الفلس : رخصة القيادة – جواز السفر – البطاقة الشخصية

ثلاثة يكثرن منهن المذيعات : الحناء – الذهب – الثياب الملونة

ثلاثة يستحيل التكهن بأعدادهم بعد 5 سنوات : المطربين – العطالى – المسؤولين

ثلاثة محتاجات واسطة : كل شي – أي شئ – أي حاجة

كسرة :
ثلاثة أشياء أفتقدها المواطن السوداني : نومة الضهرية (النايم ليها شنو) – صينية الغداء (عاوزه ليها ميزانية) – البوصلة (بقى طاشي شبكة) ههههههه

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و

33 تعليق

    1. مبروك يا مان

    2. أووووووووو ود بوتين عجبتني برنجيتك دي !!
      تستاااااهل فيشان ليك زمن منها

    3. يا فلاديمير , حكايتك شنو مع برنجية الأربعاء دي ؟!!! حيرتنا

  1. نقول برنجية بس ما تزعلوا

  2. وتلاته ما تعرفهم شايتين علي وين : الامام – وولدو – وبتو
    تلاتة وجبات جديدة في المائدة السودانية : لحم الحمير – لحم الكلاب – لحم القعوي
    تلاتة اصلي ما بريدم يشيلوا البرنجيه : عبيد – امريكي – بت السودان

    1. هههههههههههههههههه , حنضل بس انت !!
      تنشات ما تنفات !
      وى وى وى

      1. الحبوب .. قصدي نمرة التلفون يااا ولد

  3. ثلاثة ضاعن ببساطة.. الخرطوم 1 والخرطوم2 والخرطوم3 وكمان عشش فلاته

  4. قنا ما برنجية بينسون بس

  5. تلاتة بجونا فجأتن: عربية الوساخة – حسين ود عمتي – الخريف
    تلاتة ما شايفين شغلهم: ناس المحلية – ناس المحكمة الجنائية الدولية – زوجة شمباتي

    1. ههههههههههههههههههههه ,, زوجتو ملجمة ومبكمة !
      لوووووووووووووول

      1. ههههههه
        وانت ما داير تلفون حسين ود عمتا ؟

      2. بريييية من تلفونات زى دى !
        طاااااااااااااااااااخ ,,
        بلاقيك وبحدر ليك

  6. ثلاث لاصقه فينا: العادات الضارة (التمباك وأخواتها) .. الكسل .. المجاملات (أقرع ونزهي)

  7. ههههههههههه .. ضحكتوني يا نونا وجنوبي وشمباتي وكمان بت السودان !! حلوييين الله يحلي أيامكم، ويجازي شيطانكم !!!

    ومالك يا جنوبي مع عبيد، وأمريكي، وبت السودان مالم سوو ليك شنو لمن ما بتدور ليهم البرنجية ؟؟ …

    1. الزول يا شيخنا بخاف من المنافسة، وديل خطيرين ، عشان كدا!! احنا ترانا ما بننافس!

  8. معليش سووووري يا ود بوتين نسيييت ما باركت ليك البرنجية !! دا كلو من جنوبي ونونا طلعوني من الشبكة … سلاااام ..

  9. الرئيس – اخو – مرتو
    الجاز – علي – نافع
    ولاية الخرطوم – البحر الاحمر – ولايات دارفور
    البترول – هيئة الاثار – الموارد المائية
    الفنانين والفنانات – الطبالين والطبالات – الشيالين والشيالات
    المجلس الوطني – مجالس المحليات – مجالس الهوى

  10. غلوتية في شكل فزورة في شكل وردة

    – الصادق المهدي زعيم حزب الأمة برة السودان مع الجبهة الثورية ويألب في العالم الخارجي علي إسقاط الحكومة بشتى السبل وهو يعارض ببناته ويشارك بأولاده .
    – ﻋﺒﺪ ﺍﻟﺮﺣﻤﻦ ﺍﻟﺼﺎﺩﻕ ﺍﻟﻤﻬﺪﻱ ﻣﺴﺎﻋﺪ ﺭﺋﻴﺲ ﺍﻟﺠﻤﻬﻮﺭﻳﺔ ترك حزب الأمة وانضم للمؤتمر الوطني أو الحكومة وهما وجهان لعملة واحدة
    – رباح بت الصادق المهدي لها دور سياسي في حزب الأمة بجانب عملها الإعلامي والفكري عبر الكتابة الصحفية.
    – بشرى الصادق المهدي يعمل ضابطاً بجهاز الأمن والإستخبارات العسكرية .
    – مريم الصادق المهدي في سجن النساء بام درمان مريم اي بت الصادق الاخوها مساعد رئيس واخوها التاني ضابط في جهاز الامن والمخابرات .
    – واحد من ابناء الصادق يحمل مذكرة من حزب الامة بالمطالبة بالافراج عن السيدة مريم من سجن النساء
    – السجن قالوا إن ارضو تابعة لي ناس الصادق حوش الخليفة عبدالله التعايشي .
    – الولد مشي يودي المذكرة يقابلوا اخوة الضابط بشرى ويرفض الطلب والافراج عن مريم .

    و لم تفلح جهود المعارضة في اقتلاع الإنقاذ ولم تفلح الإنقاذ في كسر شوكة المعارضة

    بروف كلم لي ولدك يجيب حبوب الدغت

    1. سلامتك أخوي المندهش (الله لا أدهشك) من الضغط !! ولو إنو الحالة الحاصلة دي تجيب مش ضغط براهو، كمان تجيب معاهو ود عمو (السكري).. وأنا ما عارف الناس (الجلاكين) دي كان الصادق ولا الترابي ولا غيرم من الوجوه التي عفا عليها الزمن وأكل وشرب لمن شبع تبببب ، وقد تعدو العمر الإفتراضي للأمة المحمدية من زماااااان قال صلى الله عليه وسلم:
      (أعمار أمتي ما بين الستين والسبعين) وديل تعدو الثمانين، ولسه جارين وراء الكراسي والسلطة فاكرين إنهم حايخلدو فيها !! يا أخي أمشو كدا ولا كدا ( بلا في شكلكم ) ، وأخير ليكم أسمعوا نصحيتي وإتفرغوا لعبادة الله عز وجل لعل الله يختم لكم بخير ، وسيبوا الشعب (الفضل) في حالوا …ألا هل بلغت اللهم فأشهد …سلااااام ..

      1. الرسول صلي الله عليه وسلم قال : ( اعمار أمتي )
        إتكا لي علي أمتي دي يا نانو .. هم كان من امة محمد بعملوا فينا جنس عمايلم دي !!

    2. المندهش .. يحلها الشربكا !!
      سمح شوف دي : الحكومة قالت حاكمانا بتفويض مننا وبتتكلم بي إسمنا , والمعارضة قالت دايرة تخلصنا من الحكومة الظالمانا دي وبرضها بتتكلم بي إسمنا , ونحنا لا معترفين بالحكومة ولا معترفين بالمعارضة ! ياربي ده يكون من شنو !! نحنا بي وشين ؟
      قالوا برك المياه الراكضة موجودة ولا يُسمع للقعوي نقيقا … مسكين القعوي اخضر اللون ,,

      1. جنوبي
        مسكين قلبك أبيض اللون ،، منو الغشا عليك وقال ليك الحكومة حاكمانا بتفويض مننا وبتتكلم بإسمنا ؟؟
        الحكومة أصلها ما كضبت علينا ولا غشت علينا ،، ومن زماااانك قالت حاكمانا بتفويض إلهي يعني تفويض من الله عدييييييل كده وجاية تطبق مشروعها الحضاري والله اصطفاهم من دون خلق الله ديل كلهم عشان يقودو العالم أجمع مش كده وبس قالو كمان الله جل جلاله برسل ليهم الملائكة من السما عشان يحارب معاهم الكفار في الجنوب ومافي أي ( إبتلاءات ) ودي كلها ( يحسبون انها ) بشريات من الله سبحانه وتعالى ،،، وهي لله هي لله
        ولا كلامي ما صاح ياعم نانو أبو أحمد ،،، ولك عاطر تحياتي

      2. يا مندهش كلامك في محلو 1000 % مش 100 % بس !!! والما عاجبو المطرة الأيام دي كتيييرة الأمشي يشرب ويفضل .. سلااام ..

  11. ليه العندو بنات الله يكون في عونو ؟؟؟

  12.  اﻋﺰﺍﺋﻲ ﺍﻟﻤﺸﺎﻫﺪﻳﻦ ﻭﺍﻟﻤﺸﺎﻫﺪﺍﺕ
    ﻓﻲ ﻛﻞ ﺍﻟﺒﻘﺎﻉ ﺧﺎﺭﺝ ﺍﻟﺴﻮﺩﺍﻥ
    ﻧﺮﺣﺐ ﺑﻜﻢ ﻓﻲ ﺑﺮﻣﺠﺘﻨﺎ ﻷﻭﻝ ﺃﻳﺎﻡ
    ﺍﻟﻌﻴﺪ
    ﻧﺘﻠﻘﻲ ﺇﺗﺼﺎﻻﺗﻜﻢ
    ﻋﻠﻲ ﻫﻮﺍﺗﻔﻨﺎ ﺍﻟﻤﻮﺟﻮﺩﺓ ﺃﺳﻔﻞ
    ﺍﻟﺸﺎﺷﺔ
    ﻧﺘﻠﻘﻲ ﺃﻭﻝ ﺇﺗﺼﺎﻝ
    ﻧﻘﻮﻝ
    ﺃﻟﻮﻭﻭﻭﻭﻭﻭ
    ﻣﻌﺎﻛﻢ
    ﺧﺎﻟﺪ ﺍﻟﺴﺠﻤﺎﻥ
    ﻣﻦ ﻭﻳﻦ ﻣﺘﺼﻞ ؟
    ﺍﻧﺎ ﺍﺳﺎﺳﺎ ﻣﻦ ﺍﻣﺪﺭﻣﺎﻥ
    ﺣﺎﻟﻴﺎ ﻓﻲ ﺩﻭﻟﺔ ﺍﻟﺼﻮﻣﺎﻝ
    ﺍﻟﻤﺸﺘﻌﻠﺔ
    ﺣﺎﺑﻲ ﺗﻬﻨﻲ ﻣﻨﻮ ﺑﺎﻟﻌﻴﺪ ؟
    ﺍﻫﻨﻲ ﺧﺎﻟﻲ ﻭﺧﺎﻻﺗﻲ ﺑﻲ
    ﺃﻓﻐﺎﻧﺴﺘﺎﻥ
    ﻭﻋﻤﻲ ﻭﻋﻤﺎﺗﻲ ﺑﻲ ﺑﺎﻛﺴﺘﺎﻥ
    ﻭﺍﻟﻮﺍﻟﺪ ﻭﺍﻟﻮﺍﻟﺪﺓ ﻭﻛﻞ ﺍﻷﺧﻮﺍﻥ
    ﺑﺪﻭﻟﺔ
    ﻋﻤﺎﻥ
    ﻭﺑﻄﻠﺐ ﺃﻏﻨﻴﺔ ﺷﺘﺘﻮﻧﺎ ﻭﻓﺮﻗﺘﻮﻧﺎ
    ﻳﺎﻛﻴﺰﺍﻥ
    ﻟﻠﻔﻨﺎﻧﺔ ﺍﻟﺼﺎﻋﺪﺓ ﻧﺠﺎﺓ ﺷﺘﺎﺕ
    ﻭﺑﻬﺪﻳﻬﺎ ﻟﻜﻞ ﻣﻦ ﻳﻌﺮﻑ ﺧﺎﻟﺪ
    ﺍﻟﺴﺠﻤﺎﻥ
    ﻭﺭﻣﺪﺍﻥ
    ﺷﻜﺮﺍ ﻋﻠﻲ ﺇﺗﺼﺎﻟﻚ
    ﻭﻧﺘﻤﻨﻲ ﻛﻞ ﺗﺤﺎﻳﺎﻙ ﺗﺼﻞ …. ﻧﺘﻠﻘﻲ
    ﺇﺗﺼﺎﻝ ﺁﺧﺮ
    ﻧﻘﻮﻝ
    ﺍﻟﻮﻭﻭﻭﻭ
    ﻣﻌﺎﻛﻢ ﻋﺜﻤﺎﻥ
    ﺍﺳﺎﺳﺎ ﻣﻦ ﺍﻡ ﺿﻮﺍ ﺑﺎﻥ
    ﺣﺎﻟﻴﺎ ﺧﺎﺭﺝ ﺍﻟﺴﻮﺩﺍﻥ
    ﻓﻲ ﺍﻟﺠﻮﻻﻥ
    ﺣﺎﺑﻲ ﺗﻬﻨﻲ ﻣﻨﻮ ﺑﺎﻟﻌﻴﺪ ؟
    ﺍﻫﻨﻲ ﺍﻟﻌﻢ ﻭﺍﻟﻌﻤﺎﺕ ﺑﺪﻭﻟﺔ
    ﺍﻷﻣﺎﺭﺍﺕ
    ﻭﺍﻟﺨﺎﻝ ﻭﺍﻟﺨﺎﻻﺕ ﺑﺪﻭﻟﺔ ﺇﺳﺮﺍﺋﻴﻞ
    ﺍﻟﺸﻘﻴﻘﺔ
    ﻭﺍﻟﻮﺍﻟﺪ ﻭﺍﻟﻮﺍﻟﺪﺓ ﻭﺍﻷﺧﻮﺍﻥ ﺑﺪﻭﻟﺔ
    ﺗﻮﻧﺲ
    ﺍﻃﻠﺐ ﺍﻏﻨﻴﺔ ﺣﺮﺍﻡ ﻋﻠﻴﻜﻢ ﻟﻠﻔﻨﺎﻥ
    ﺟﻮﻛﻲ ﺭﻛﺸﺎﺕ
    ﻣﺎﻋﻨﺪﻙ ﺯﻭﻝ ﻫﻨﺎ ﻓﻲ ﺍﻟﺴﻮﺩﺍﻥ
    ﺣﺎﺑﻲ ﺗﻌﻴﺪ ﻋﻠﻴﻬﻮ ؟
    ﻋﻨﺪﻱ ﺳﻤﻴﺮﺓ ﺍﻟﺤﺒﺸﻴﺔ ﺳﺖ
    ﺍﻟﺠﺒﻨﺔ ﺑﻘﻮﻝ ﻟﻴﻬﺎ ﻛﻞ ﺳﻨﺔ ﻭﺇﻧﺘﻲ
    ﻣﻈﺒﻄﺔ
    ﺍﻟﺠﺒﻨﺔ
    ﺷﻜﺮﺍ ﻋﺜﻤﺎﻥ …
    ﻧﺘﻠﻘﻲ ﺇﺗﺼﺎﻝ ﺁﺧﺮ
    ﻧﻘﻮﻝ
    ﺍﻟﻮﻭﻭﻭﻭﻭ ..
    ﻣﻌﺎﻛﻢ
    ﺍﺣﻤﺪ ﺍﻟﺰﻫﺠﺎﻥ ﻭﻗﺮﻓﺎﻥ
    ﺍﺳﺎﺳﺎ ﻣﻦ ﺍﻟﻜﻼﻛﻠﺔ ﺣﻲ ﺍﻟﺒﻤﺒﺎﻥ
    ﺣﺎﻟﻴﺎ ﻣﺘﺼﻞ ﻣﻦ ﺍﻟﻜﻮﻳﺖ
    ﺣﺎﺑﻲ ﺗﻬﻨﻲ ﻣﻨﻮ ﺑﺎﻟﻌﻴﺪ ؟
    ﺍﻫﻨﻲ ﺍﻟﻌﻢ ﻭﺍﻟﻌﻤﺎﺕ ﺑﺪﻭﻟﺔ ﻗﻄﺮ
    ﻭﺍﻟﺨﺎﻟﺔ ﻭﺍﻟﺨﺎﻻﺕ ﺑﺎﻟﺴﻌﻮﺩﻳﺔ
    ﻭﺍﻟﻮﺍﻟﺪ ﻭ ﺍﻟﻮﺍﻟﺪﺓ ﺑﻲ ﻫﻮﻟﻨﺪﺍ
    ﻭﺟﻤﻴﻊ
    ﺍﻷﺧﻮﺍﻥ ﺑﻲ ﺍﻳﺮﻟﻨﺪﺍ
    ﻭﺍﻃﻠﺐ ﺃﻏﻨﻴﺔ ﺣﻴﺮﺗﻮﻧﺎ ﺫﺍﺗﻮ ﻟﻠﻔﻨﺎﻧﺔ
    ﺍﻟﻮﺍﻋﺪﺓ ﻧﺠﻼﺀ ﺑﺎﻗﺎﺕ ﻭﺍﻫﺪﻳﻬﺎ
    ﻟﻜﻞ ﻣﻦ ﻳﻌﺮﻓﻨﻲ
    ﺷﻜﺮﺍ ﻋﻠﻲ ﺇﺗﺼﺎﻟﻚ
    ﻧﻌﺘﺬﺭ ﺍﻷﻏﻨﻴﺔ ﻡ ﻣﻮﺟﻮﺩﺓ ﻓﻲ
    ﻣﻜﺘﺒﺔ ﺍﻟﻘﻨﺎﺓ
    ﻟﻜﻦ ﻣﺎﻣﺸﻜﻠﺔ ﻋﻨﺪﻧﺎ ﺃﻏﻨﻴﺔ ﻗﺮﻳﺒﺔ
    ﻟﻴﻬﺎ ﺇﺳﻤﻬﺎ ﻋﺰﺑﺘﻮﻧﺎ
    ﺡ ﻧﺴﻤﻌﻚ ﻟﻴﻬﺎ ﺑﻌﺪ ﺷﻮﻳﺔ … ﻧﻄﻠﻊ
    ﻓﺎﺻﻞ ﻭﻧﻮﺍﺻﻞ
    ﺍﻟﻤﺨﺮﺝ ﻳﺘﺴﺎﺋﻞ
    ﺇﻧﺘﻮ ﺍﻟﻨﺎﺱ ﺩﻱ ﻛﻠﻬﺎ ﺇﺗﺨﺎﺭﺟﺖ
    ﻧﺤﻦ ﺍﻟﻤﻘﻌﺪﻧﺎ ﺷﻨﻮ ﻓﻲ ﺍﻟﺒﻠﺪ ﺩﻱ
    ﻱ ﻣﺒﺎﺭﻙ ﻫﺎﻙ ﺍﻟﺘﻠﻔﻮﻥ ﺩﻱ ﺍﺿﺮﺏ
    ﺑﻌﺪ ﺷﻮﻳﺔ
    ﻗﻮﻝ ﺿﺎﺭﺏ ﻣﻦ ﺍﻟﺴﻮﺩﺍﻥ
    ﻣﻦ ﺍﻣﺪﺭﻣﺎﻥ ﺍﻣﺒﺪﺓ ﺍﻟﻜﻼﻛﻠﺔ ﻣﻦ
    ﺍﻱ ﺣﺘﺔ
    ﻛﺪﻱ ﺑﺘﺤﺮﺟﻮﻧﺎ ﻣﻊ ﺍﻟﻤﺠﺘﻤﻊ
    ﺍﻟﺪﻭﻟﻲ …
    ﻋﺪﻧﺎ
    ﻧﺘﻠﻘﻲ ﺇﺗﺼﺎﻝ ﺃﺧﻴﺮ
    ﻧﻘﻮﻝ
    ﺍﻟﻮﻭﻭﻭﻭﻭ
    ﻣﻌﺎﻛﻢ ﺳﻤﻴﺮﺓ
    ﻣﻦ ﺍﻟﺴﻮﺩﺍﻥ
    ﺍﻟﻤﺰﻳﻌﺔ ﺍﺧﻴﺮﺍ
    ﻧﺤﻦ ﻣﻨﺘﻈﺮﻳﻦ ﻣﺸﺎﺭﻛﺎﺗﻜﻢ ﻣﻦ
    ﻗﺒﻴﻞ
    ﺿﺎﺭﺑﺔ ﻣﻦ ﻭﻳﻦ ﻓﻲ ﺍﻟﺴﻮﺩﺍﻥ ؟
    ﺿﺎﺭﺑﺔ ﻣﻦ ﺍﻟﺪﻳﻢ
    ﺃﻧﺎ ﺍﺳﺎﺳﺎ ﻣﻦ ﺃﺛﻴﻮﺑﻴﺎ ﻭﻗﺎﻋﺪﺓ ﻫﻨﺎ
    ﻟﻲ ﺧﻤﺴﺔ ﺳﻨﺔ ﻓﻲ ﺍﻟﺴﻮﺩﺍﻥ
    ﺍﻟﻤﺰﻳﻌﺔ ﺑﻌﺪ ﺃﻥ ﺻﺮﺕ ﻭﺟﻬﻬﺎ ﻫﻲ
    ﻭﺍﻟﻤﺨﺮﺝ ﻭﻛﻞ ﺍﻟﻄﺎﻗﻢ ﺍﻟﻌﺎﻣﻞ
    ﺑﻌﺪ ﺃﻥ ﺷﺎﺭﻑ ﺯﻣﻦ ﺍﻟﺒﺮﻧﺎﻣﺞ ﻋﻠﻲ
    ﺍﻹﻧﺘﻬﺎﺀ
    ﺧﻼﺹ ﻋﻴﺪﻱ ﻋﻠﻲ ﺃﻫﻠﻚ ﺳﺮﻳﻊ
    ﻣﺎﻋﻨﺪﻧﺎ ﺯﻣﻦ
    ﻓﻲ ﺍﻷﻭﻝ ﺍﻫﻨﻲ ﺍﻟﺸﻌﺐ
    ﺍﻟﺴﻮﺩﺍﻧﻲ ﺍﻟﻤﻀﻴﺎﻑ ﺍﻟﻤﺎﻓﻀﻞ ﻣﻨﻮ
    ﺯﻭﻝ
    ﻏﻴﺮﻛﻢ
    ﻭﺍﻫﻨﻲ ﺧﺎﻟﺘﻲ ﺍﻣﻴﺮﺓ ﺑﺎﻟﺠﺮﻳﻒ
    ﻏﺮﺏ
    ﻭﺧﺎﻟﺘﻲ ﻋﻠﻮﻳﺔ ﺑﺎﻟﺪﻳﻮﻡ ﺍﻟﺸﺮﻗﻴﺔ
    ﻭﺧﺎﻟﺘﻲ ﻋﻮﺿﻴﺔ ﺑﺎﻟﺪﻳﻮﻡ ﺍﻟﻐﺮﺑﻴﺔ
    ﻭﻋﻤﺎﺗﻲ ﺑﺎﻟﻜﻼﻛﻠﺔ ﺷﺮﻕ
    ﻭﺻﻨﻘﻌﺖ ﻭﺍﻟﻮﺣﺪﺓ
    ﻭﺍﻋﻤﺎﻣﻲ ﺑﺎﻟﺤﺎﺝ ﻳﻮﺳﻒ ﺗﺮﺍﺏ ﻓﻲ
    ﺍﻟﺸﺎﺭﻉ
    ﻭﺳﻮﻕ ﺳﺘﺔ
    ﻭﺍﻋﻤﺎﻣﻲ ﺑﻲ ﺃﻣﺒﺪﺓ ﺯﻳﺮ ﺑﺮﺍ
    ﺍﻟﺸﺎﺭﻉ
    ﻭﺍﻣﺒﺪﺓ ﺍﺻﺎﺑﻊ ﺍﻟﻴﺪﻳﻦ ﻛﻠﻬﺎ ﻭﺃﺧﺘﻲ
    ﺍﻟﺴﺎﻛﻨﺔ ﺟﺒﺮﺓ ﺑﻘﻮﻝ ﺣﻤﺪﺍ ﻟﻠﻪ
    ﻋﻠﻲ ﺳﻼﻣﺘﻚ ﻭﻣﺒﺮﻭﻭﻙ ﺍﻟﻤﻮﻟﻮﺩ
    ﺍﻟﺠﺪﻳﺪ
    ﻭﺑﻘﻮﻝ ﻟﻲ ﺍﻫﻠﻲ ﻫﻨﺎﻙ ﻓﻲ ﺃﺛﻴﻮﺑﻴﺎ
    ﻧﺤﻦ ﻣﻨﺘﻈﺮﻧﻜﻢ ﺗﺠﻮﻧﺎ ﻫﻨﺎ ﻓﻲ
    ﺍﻟﺴﻮﺩﺍﻥ
    ﺑﻘﻲ ﻓﺎﺿﻲ
    ﺍﻟﺴﻮﺩﺍﻧﻴﻦ ﺍﻟﻜﺎﻥ ﻣﻀﺎﻳﻘﻨﻨﺎ ﻛﻠﻬﻢ
    ﺳﺎﻓﺮﻭﺍ
    ﻭﺑﻄﻠﺐ ﺍﻏﻨﻴﺔ
    ﺟﺒﻨﺔ ﺣﻠﻮﺓ ﺣﺒﺸﻴﺔ
    ﻣﻌﺎﻫﺎ ﺣﺮﻛﺔ
    ﻭﺭﺍ
    ﻭﺭﺍ
    ﻣﻊ ﺍﻟﺴﻼﻣﺔ
    …………… …………… ….
    ﺍﻟﺴﻮﺩﺍﻥ ﺑﻌﺪ ﻛﻢ شهر….

    1. هههههههههه
      صدقتي يا بت السودان
      تعرفي عيد الفطر الفات ده انا دقيت 10 مكالمات علي اهلي الفي السودان ده حالتي ما خليت فيهم زول !! لكن والله المكالمات العملتها انا او استلمتها من باقي دول العالم فوق الستين مكالمة وكوووولهم صلة قرابة من الدرجة الاولي !!
      اقسم بالله عدد الاسر من قريتنا هنا في الرياض بس , اكتر من الاسر الموجودة في قريتنا في السودان وعدد الرجال هنا نحنا فوق التلتمية واحد وفي القرية عدد الرجال الموجودين لو استبعدنا الاطفال يا دووووب يتموا العدد المطلوب لصلاة الجمعة في مسجدين !!
      تقولي لي بعد كم شهر ؟!!

  13. ثلاثة كتار اكتر من انك تقدر تحصرهم : الغنايات , محلات السمك , مساعدى رئيس الجمهورية

  14. رجاء إعادة النظر في قولك ثلاثة ليس لهن اي داع…منها شعر الابطين والزائدة الدودية….فالله لم يخلق شيئا (ليس له داع)مع كامل احترامي وتقديري لك يا أستاذ ولكني أخشى عليك من الحساب.غفر الله لنا ولكم

  15. الأخ / مصطفى السلام عليكم ورحمة الله وبركاته،،

    كلامك في محلو وفعلاً ربنا ما خلق حاجة عبث ، بس تعليقك جاء متأخر شوية حبتين !!

    يا ريت مداخلاتك تكون مواكبة وفي وقتها عشان تثري القمردينه والناس تستفيد …سلاااام …

  16. الله يسلمك يا أستاذنا الفاضل ..إنما المؤمنون إخوة… والمؤمن مرآة أخيه ..وأسأل الله أن ينفع المسلمين بما تكتب وأن يجد ما تكتبه آذانا صاغية وعقولا واعية (ورجالا حربيين للتنفيذ)…سألتزم بما طلبت إن شاء الله ماوسعني ذلك …متعنا الله وإياكم بالصحة والعافية

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: