وزارة التربية – شعبة التجسس

ما أن فرغ العبدلله من قراءة التصريح الذي ادلى به السيد مصطفي عبدالقادر مدير التعليم بالمرحلة الثانوية في ولاية الخرطوم حت هتف مناديا إبنه ناجي الذي يدرس بالصف الثاني ثانوي (يا ولد هات الحبوب) وبعد ان قام العبد الله بتناول حبوب الضغط والسكري وسيولة الدم ومنع الجلطات واخد ليهو نفس :

– يا ولد إنتا شغال جاسوس … إتكلم ؟
– (في إندهاش) : جاسوس شنو يا بوي ؟
– جاسوس الواحده دي .. نحنا نوديكم تقرو وتتعلمو يدربوكم لينا عشان تبقوا جواسيس
– يا بوي أنا ما فاهم ممكن تفهمني الحكاية !
وقام العبدلله بقراءة التصريح الخطير الذي صرح به (المسؤول الفوق ده) والذي يتربع على على أهم وظيفة تعليمية في المرحلة الثانوية الذي يدرس بها (إبنه ناجي) والذي أفاد فيه بانهم يقومون بتجنيد طالبين من كل فصل للعمل كجواسيس لرصد المخالفات والجرائم التي التي يرتكبها زملائهم .
بعد أن قرات على ناجي تصريح (السيد مدير التعليم) رايت علامات الدهشة على وجهه وهو يقول لي :
– يابوي لكن مش الإسلام بيقول للناس ما تتجسسوا؟
– ما ده المحيرناااا ذاااتو يا إبني ..
لا شك إن نجاح العملية التربوية والتعليمية مرهون بمدى إحساس الهرم التربوي والتعليمي بجسامة المسؤولية الملقاة على عاتقة في تربية وتعليم الأجيال ولكن إن كان هنالك ممن هم في قمة الهرم التربوي من أمثال هذا (الاستاذ) فهل نأمل أن تخرج لنا العملية التربوية غير (جواسيس) يتشربون الخساسة والنذالة وهم في هذه السن الغضة الصغيرة ليرفدوا المجتمع عندما يتخرجوا بكل قبيح من الفعل لا يمكن لشخص سوي القيام به لنتساءل حينها وبراءة الأطفال في أعيننا و (ريالة) البلهاء على أفواهنا ( معقول المسؤول العمل الحاجة دي سوداني) !
نعم (سوداني) وما إفادات (المسؤول الفوق ده) إلا دليلا دامغاً بأن ابناءنا الذين ندفع بهم إلى هذه المدارس التي كنا نظنها لبؤس وفطير تفكيرنا أنها (للتربية والتعليم) ما هي إلا مدارس (للجاسوسية) ونقل (الشمارات) وكتابة التقارير ورفعها للجهات المعنية في خسة ووضاعة !!
يا لتدني التعليم ويا لبؤس التربية .. لقد سكتنا على هذا الحال المايل الذي نراه في كل مقومات العملية التعليمية من مناهج رديئة لا تواكب العصر يشوبها التخبط والأخطاء وفصول آيلة للسقوط
وكراسي وكنب اكل عليها الدهر وشرب ونقص في المعلمين وقصور في الكتاب وندرة في المعامل .. تغاضينا النظر عن كل ذلك ولكننا لن نغض النظر عن هذا التصريح الذي أدلي به السيد مصطفي لأننا لا نريد لأبنائنا أن يطلعوا (مشاطات) يتقنون فنون (الطعن في الظهر) ونقل الأخبار عمن يحسبون انهم زملاء ورفقاء وما هم كذلك .. بربكم أي تربية هذه التي تنتهجها إدارة التعليم الثانوي بولاية الخرطوم والتي لا يخجل مديرها برفد الصحف بهذا الكلام الذي من شانه نزع وزعزعة الطمأنينة والامن من نفوس هؤلاء الصغار؟ أي عقلية (قذرة) هذه التي فكرت في ان تصنع من بعض هؤلاء الصغار أشخاص ذوي نفوس مريضة تعمل على تقويض المجتمع وهي تنتج له ألاف الجواسيس الذين ربما يكون من مهامهم أيضاً مراقبة (الأسر) وكتابه تقارير عنها .
بعد أن نفيق من هذه صدمة هذا التصريح المخجل هنالك بعض الاسئلة التي تفرض نفسها :
– كيف يتم إختيار وتجنيد هؤلاء الطلاب للعمل كجواسيس على إخوانهم ؟
– هل تقتصر القصة على مدارس الأولاد وللا البنات برضو دخلتوهم عالم التجسس؟
– هل يخضعون إلى عملية تدريب ؟
– ما هي الحوافز والمرتبات والمخصصات التي تمنح لهم؟
– هل يقتصر دورهم على التجسس على زملائهم الطلاب أم يتعداه إلى الأساتذة والمدراء واسر اصدقائهم وزملائهم ؟
– أين تذهب هذه التقارير وما هي الجهة التي تقوم بتحليل المعلومات التي ترد فيها وفيم يستفاد منهاا ؟
كان العبد لله يود أن يختتم مقاله هذا بشكوي ومناشدة وشنو ما عارف .. لكن نشكي لمنووو ونناشد منووو؟ الشكية لغير الله مذله .. لو أن هذا حدث في أكثر البلاد كفراً وإلحاداً لقامت الدنيا ولم تقعد ولتمت محاكمة (المسؤول الفوق ده) على ما قاله من تصريح يقوض العملية التعليمية ويهدد الأمن والسلام المدرسي … لكن شوفوهو بعد يومين تلاته أكان ما إترقي … لوموني !!
كسرة :
بلا كسرة بلا نيله … بالله ده إسمو كلاااام ؟

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و+و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و+و

Advertisements

27 تعليق

  1. برنجيييييييييييييييييية

    1. ولد ده !!!
      مبروك

      1. إباركو ليك سمح وليداتك يا جنوني
        ويبعد عنهم الجواسيس من أولاد الحرام وبنات الحرام !!!!

    2. قوى لكن يا المندهش ،، بالبركة ان شاءالله

  2. حاولت أن أعلق وكتبت ومسحت عشرات المرات
    وفي النهاية غلبني !!!!!!!!!!!!!!!!!

    1. تكتب شنو و الا شنو يا المندهش ،، اذا البروف زاتو قرب قفلت معاو و قال: بلا كسرة بلا نيلة !!

  3. حتى لا تنقرض مهنة المُشاط

  4. خلاص سموها وزارة التدنية والتعريص !!
    زماااان في الابتدائي ( مدرسة العباسية ب ) كان مديرنا الاستاذ شيخ حسن ابو سبيب , مره في الحصة طالب عمل حركة كده قام استاذ ابو سبب وقف الدرس وقال ده منو العمل كده ؟ كلنا سكتنا , قال لو ما قلتوا ده منو كلكم ح تتجلدوا , برضو كلنا سكتنا , جاب السوط ووقع فينا جلد , جلد الفصل كله لما فتر , وهو مارق من الفصل , بعد مرق جانا راجع وقال : اولاد كلب لاكين رجال .

    1. نفس الموقف يا جنوبى حصل معانا كتير ايام الأميرية ،، لحدى ما ورمنا عدييييل كدة ،، فى النهاية بقينا بعد ما ننجلد، نمسك الطالب العمل كدة و نكسرو تانى برانا !!

    2. يا سيدي العزيز حسن ابو سبيب الله يديه الصحة و طول العمر.. القعدة معاه حلوة، قدر ما اقعد اسمع حكاويه ما بمل و لا بزهج.

    3. هسع ياجنوبي ح يكون الكلام كالاتى اولاد رجال لكن كلاب

      1. بعد هذا الرد تجمعت كل الكلاب خلف الباب وهى تنبح باعلي صوت هذا حرام
        اتصفونا بهؤلاء الاندال نحن نوصف بالوفاء من قديم الزمان
        اسالوا اهل الكهف عنا
        وكيف حافظنا عليهم بعد حفظ الاله ومعهم متنا
        فبالله يابنت الورق كيف تصفيهم بنا ونحن اوفي
        فقلت لهم عزرا ياكلاب الحى عزرا
        انهم حقا ليسوا كلاب فالكلب اوفا
        هم خنازير

  5. الناس مستغربة ليه شوف كمية الامنجية و القوات المابعرفو شنو و ناس النجدة و العمليات البضربو الطلبة و هم مستمتعيييييييييييييييييين و تعرف انو الموضوع ده منزمن طويل الا يادوب صرحو بيهو وده الفضل شكرا حكومة الانقاذ على تحويل الشباب الى معرصين حكومة الا السؤال لو لاقدر الله جاتكم من برة زي العراق مثلا حاتلقو رجال من وين و انتو اول العارفين انو الزي ديل وكت الحارة يبيعوكم ببخس التراب؟؟؟؟؟؟؟؟؟؟؟

  6. الياهو طبعهم الشغالين بيهو ..وداالتوجه الحضارى اللى لحد حسه ما عارفنو متوجه على وين ..

  7. حاجة زى دى ايام النازية ما حصلت ..ودا يدل على الخوف من المجهول القادم ..

  8. يا مندهش الله لا أدهشك !!! مبروووك البرنجية اللي أكدت عليها مرتين مرة بالعربي، والتانية بالإنجليزي !! كده كويس كيتاً في فلان الفلاني .. علي أيامنا في المدرسة ما كان في خساسات ز ي دي ! لكن أذكر كان في واحد متشوبر لما كنا في المرحلة المتوسطة بمدرسة أمدرمان الأهلية (جنب بيت أزهري هسا) بودي الأخبار (الشمارات) كتربع منو عشان يتقرب للأساتذة والمدير عشان ينجحوهو في الإمتحانات ” أصلو كان بليد ” .. فمرة إتفقنا كلنا نسقط في مادة الجغرافيا لأنو أستاذها دمو تقيل ولئيم ” درس وإتربى مع ناس على عوض أصحاب جنوبي ” والبغيظ أكتر إنو لهجتو مصرية بحتة !! ..
    المهم جلدونا كوولنا في الطابور كل واحد أدوهو 15 جلدة وكانت علقة سااااخنة جداً .. وبعدين عرفنا إنو صاحبنا ” الجاسوس ” المتبرع هو الكشف للناظر المكيدة بتاعتنا !! وعينك ما تشوف إلا النور، لمينا فيهو بعد المدرسة في ميدان الأهلية وأديناهو علقة ما حينساها لما يموووت !! ذكريات الشقاوة ..

    وإنتا يا شرقاوي سألتك قبل كده قلت ليك من ياتو شراقوه إنتا وما رديت لي ؟؟ لأني بعرفم كووولهم الفي أمدرمان وبحري وكسلا وبورتسودان … إلخ …سلاااام ..

    1. يقول ليك كيفن يا شيخنا ابو احمد ، تقوم تطلع من الجماعة الجواسيس ديل!!! هههههه بضحك معاك حاشاك يا شيخنا
      انا بس ما عجبني الا القفلة ، ( بلا كسرة بلا نيلة ،) ههههه قفلت معاك يا بروف و مرارت ك اتفقعت مع انه دي من. الأمراض الذكرتها في مقالك الفات. Relaaaaaaax، لسسسسسةةة يا ما حنشوف، و الغريبة جرابهم أصول ما بفضى ، قدر ما نشوف عجيبة يورونا اعجب منها! غايتو حلوين حلا!

  9. اقتباس :
    هاتفه يحتوي كميات من الفيديوهات الفاضحة لفتيات مارس معهن الرزيلة..القبض على نائب رئيس اتحاد طلاب جامعي في وضع مخل بالآداب
    09-04-2014 04:41 PM
    تمكنت شرطة قسم بحري المدينة من القبض على نائب رئيس اتحاد الطلاب بإحدى الجامعات بعد أن نصبت له الشرطة كميناً محكماً أفضى إلى ضبطه أثناء محاولته التحرش بإحدى الطالبات داخل شقة بعد أن أرهبها وهددها بالفصل من الجامعة.
    ” انتهي ”

    معقولة الوسط الطلابي بقي بالتفاهة والخساسة دي ؟!!
    لكن كله مننا نحنا شعب رخصنا نفسنا وإسترخصونا ! كنا شايفين الغلط والخراب , بس كنا عاملين زي حكاية جحا , بدوا لينا بالتمكين وكنا بنقول ايوه ديل ناس الحزب الفلاني الضرونا خليهم يشيلوهم وقلنا زي مقولة جحا طالما من بعيد من بيتي ما يهمني , بدت تظهر ملفات الفساد خط هيثروا مشروع الجزيرة الخطوط الجوية الخطوط البحرية شركة الاقطان والدفع الرباعي في نهار رمضان والوزير السكران ( غير بتاع صحة كسلا المشكوك فيهو يا نانو ! قصدي المسكوهو في شارع النيل جوه عربيته ومعاه بت ) ونحنا نقول طالما بعيد من بيتي ما يهمني , فصل الجنوب اها ده جووووه بيتنا لكن قعدنا نقول طالما بعيد من ( هنايتي ) ما يهمني ! هسي بقي في شفعنا المؤملين عليهم والمستحملين الذل عشانهم اولادنا ( يعلموهم التعريص ) وبناتنا ( يش؟ م ؟؟ هن ) يعني بالداااارجي كده الكلام بقي فييييييي ( حمبوستنا ) فماذا نحن فاعلون ؟!!
    علي الطلاق ما حنعمل أيييييييي حاجه !! وانا بقترح علي الحكومة انها توزع لينا عراريق خفييييفه نلبسا ونحوم ويا ريت لو الترزي خلاها مرفوعه من الصايد الشمال وحات الله ما عندنا حليل زاااتو عشان نمسكوا تحت أباطنا !!!!
    صحي من أين اتي هؤلاء ؟!! بيوت وراء السينما وقفلوها زمااان سبعه بيوت وقفلوها زمااان ديوم بحري , خرطوم اتنين وعشش فلاته كلهم قفلوهم زماااان !! ايوااا انتساب انتساب !!

    1. والله يا جنوبي ا لانا وصلت ليهو إنو ديل ناس دعوني أعيش واللي هم نتاج التمكين اللي هو وسيلة العاجزينً ، ما لقوا الا الوسيلة دي عشان يضمنوا ولاء الناس و الناس ( البين بين) اضطرت تنضم ليهم باي شكل عشان يعيشوا لكن اغتروا و عجبتهم اللعبة و السلطان و الحكم زي موية السكر ، المهم الخلاصة إنو الناس ديل ( ما اولاد ناااس)

    2. والسلام عليكم ياكرام
      والله ياجنوبى انا قدر ما اسال نفسي الناس ديل طلعوا من ياتوا خرابه؟ مابلقه الاجابه . بس بعد كلامك دة عرفتهم جو من وين،
      اتاريهوا نميرى قفلم متاخر شديد؟؟؟؟؟؟

  10. يا إخوانا الراكوبة إتهكرت في السودان و الا شنو؟

  11. هههههههههههههههههههههههههه وتاني ههههههههههههههههههههههه عليك ياوطني
    ضحكة المزبوح يرقص رقصة الموت الاخيره
    وطن الاوساخ في الشوارع والممرات العتيقه
    وطن التجسس والندالات العميقه
    اصبح وطنا للضياع وللرزيله
    اضاعوا كل البراءات الجميله
    ونحن على الشرفاتى نحسب لحظاتنا الاخيره

  12. 1- السودان ثانى اكثر الدول عالميا من حيث مواجهة سكانه المدنيين لخطر القتل الجماعى الذى تقودة الدوله (اباده المدنيين من قبل المليشيات الحكوميه لاسباب دينية اوسياسية اوعرقية)، للعام 2014 ، بحسب مشروع الانذار المبكر (The Early Warning Project) من مركز ديكى- دارتموث
    2- أوضحت المجلة التى تصدرها منظمة الحكم الراشد فى افريقيا (افريقيا فى حقائق Africa in Facts) التأكيد بان السودان ثانى أكثر الدول الافريقية فساداً . وفى عددها الصادر سبتمبر 2014 المكرس للفساد فى افريقيا ، بناء على احصاءات منظمة الشفافية الدولية ، أوضحت بان السودان ثانى أكثر الدول فساداً فى افريقيا بـ(11) درجة
    3- السودان الأول في الوطن العربي تسجيلا لحالات الإنتحار في التقرير السنوي حول الانتحار الذي تصدره منظمة الصحة العالمية بنسبة عالية جدًّا تقارب النسبة الآسيوية، حيث يعدّ السودان من أعلى الدول العربية تسجيلاً للانتحار بـ17.2 حالة على كل 100 ألف
    ……….
    ………
    لا تعليق

    1. ما أهو ما شاء الله يالمندهش، ماشين كويس! التواني في الفساد ً( مع أني أشك في ذلك) ثم الأوائل في الانتحار!!!!!!! دي الحالة التوااااااني في الفساد و انتحرنا اول ناس ، يعني لو كان اول الفاسدين كان سوينا شنو؟؟؟؟ الا نتخلل!!!!انا ذاااتي ما فاهمة شي ، يعني البلد القالوا الاولى ( أظن كانت الصومال) ناسا ليه ما بتنتحر؟ ارجل مننا؟؟؟؟ هو بيني و بينكم دي ما الحالة الاقتصادية، دا ضياع الدين !!! ديل يضعوا الدين شان كدا الشباب قلبو خاااوي، لو تسمعوا بحالات الانتحار، كلها في الفارغة الشاكلو شان أتأخر، المتشاكلا مع خطيبا، المرأ العروس فوقا، واحد يحاكي بطل مسلسل!!!!! فارغاااااااات بس

  13. هل من دور الحكومة انها تعلمكم … وتعلمكم لية عشان تركبو ليهل فوق راسا …كفاية انها تعلمكم عدم الآمان والخوف حتي من الجيران والناظر وخفير المدرسة……… من غيرها يعطي لهذا الشعب معني ان يموت او ينتحر؟؟؟؟؟؟؟؟؟

  14. ماذا نتوقع من منظومة سفه تدعي الاسلام وترتكب كل المعاصي من نهب وفساد وسرقة وتربية نشيء وشباب علي ذلك انها الكارثة التي دمرت البلاد والعباد المسمى زورا المشروع الحضاري .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: