وللا بلاش

مع إنو ولاية الخرطوم تعاني من تذبذب خدمات الكهرباء وإنقطاعها عن بعض الأحياء لساعات طوال منذ سنوات
مع إنو ولاية الخرطوم تعاني من تاكل شبكات مياه الشرب مما ينتج عنه شح الإمداد المائي وإنقطاعه في عدد من الأحياء وإذا توفر فهو ماء مخلوط بالطحالب والاعشاب
مع إنو ولاية الخرطوم تزداد فيها أعداد المتسولين والباعة الجائلون واطفال (مسح الزجاج) عند الإشارات

مع إنو ولاية الخرطوم تزداد فيها نسبة معدلات الجريمة بشكل ملفت للنظر
مع إنو ولاية الخرطوم تعتبر من أكثر المدن إمتلاء بالمعتوهين والمجنترين
مع إنو ولاية الخرطوم تفتقر إلى آلية للتخلص من النفايات عموما مما جعلها من أقذر مدن العالم
مع إنو ولاية الخرطوم تعاني من إنعدام وجود شبكة للصرف الصحي
مع إنو ولاية الخرطوم تعاني من إرتفاع نسبة المشردين وأطفال الشوارع
مع إنو ولاية الخرطوم تعاني من ظهور ما يعرف بعصابات النقرز التي تهدد السكان
مع إنو ولاية الخرطوم إنعدام وجود شبكة للصرف الصحي
مع إنو ولاية الخرطوم تمتلئ شوارعها بالحفر والمطبات
مع إنو ولاية الخرطوم تعاني من إنعدام وجود مراحيض عامة
مع إنو ولاية الخرطوم ترتفع فيها نسبة العطالة بصورة يومية
مع إنو ولاية الخرطوم لا تمتلك شبكة متينة لمصارف الأمطار وتغرق في شبر موية
مع إنو ولاية الخرطوم تعاني من ويلات السكن العشوائي ومشكلاته الأمنية والإجتماعية
مع إنو ولاية الخرطوم تعاني من إنتشار السلاح غير المرخص مما يهدد الأمن العام
مع إنو ولاية الخرطوم تحتاج إلى وسيله لبتر ظاهرة العنف في الجامعات الذي يهدد الإستقرار الأكاديمي
مع إنو ولاية الخرطوم تجتاحها أزمة مواصلات يحتاج حلها إلى جهد جهيد
مع إنو ولاية الخرطوم تعاني مستشفياتها من الإهمال والقذارة وسوء المباني
مع إنو ولاية الخرطوم يعاني سكانها من شح وإنعدام وغلاء الدواء
مع إنو ولاية الخرطوم تفتقر مدارسها إلى أبسط مقومات التعليم من معلم وكتاب وأثاث ومبان
مع إنو ولاية الخرطوم تعاني من (هيصة) وفوضى الأسواق
مع إنو ولاية الخرطوم تعاني من أنتشار عيادات الأطباء المزيفون
مع إنو ولاية الخرطوم تعاني إزدحام الطرقات والإختناقات المرورية
مع إنو ولاية الخرطوم تعاني من إنتشار بيع وتعاطي الخمور البلدية
مع إنو ولاية الخرطوم تعاني من إنتشار بيع وتعاطي المخدرات بأنواعها
مع إنو ولاية الخرطوم تعاني من إنتشار الشقق المفروشة لممارسة الرذيلة
مع إنو ولاية الخرطوم تفتقر إلى الملاعب الرياضية التي يمارس فيها الشباب هواياتهم
مع إنو ولاية الخرطوم تفتقر إلى المكتبات العامة التي تثقف النشء
مع إنو ولاية الخرطوم ترتفع فيها أسعار السلع الضرورية كل يوم
مع إنو ولاية الخرطوم تستقبل دور الأطفال اللقطاء فيها عدداً مقدرا يومياً غير الذين تنهشهم الكلاب
مع إنو ولاية الخرطوم تعني فتياتها من العنوسة حتى تجاوزن الأربعين
مع إنو ولاية الخرطوم تحتاج إلى دار محترمة للعجزة والمسنين
مع إنو ولاية الخرطوم تحتاج شوارعها الرئيسه إلى إنارة
مع إنو ولاية الخرطوم تحتاج إلى مراقبة التعليم الخاص (1273) مدرسة خاصة
مع إنو ولاية الخرطوم تعاني من تجنيب بعض المرافق للمال العام
مع إنو ولاية الخرطوم تعاني من تزايد سنوي لأعداد الفاقد التربوي
مع إنو ولاية الخرطوم تمتلئ أسواقها بالسلع الغذائية منتهية الصلاحية
مع إنو ولاية الخرطوم تمتلئ أسواقها بالسلع والأجهزة والمعدات غير المطابقة للمواصفات
مع إنو ولاية الخرطوم أكثر من نصف سكانها تحت خط الفقر

مع إنو ولاية الخرطوم تعاني من كل المشكلات (الفوق دي) تقرأ وانت تضرب كفاً بكف (مينشيت)
أحدي الصحف وهو يقول (خمسة من قيادات الوطني يتنافسون على منصب والي الخرطوم) !!

كسرة :
(طبعن) يتنافسون أيهم أحق بحمل المسؤولية والعمل على حل (الحاجات الفوق دي) .. دي الوطنية وللا بلاش !!

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و+و

كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و+و

Advertisements

27 تعليق

  1. برنجيييييييييييييية

    1. مبروكة – لاكين مااا ادهشتنا عدييييل كدة !!

      1. إباركو ليك السمح يا سمح
        مع إنو ،، ود العم سام
        كان ممكن يختفها

    2. نرشحك والي يا المندهش ،، مبروووك

  2. وين يا أمريكي راحت عليك بدقيقة واااحدة بس ختفا المندهش !! مبرووووك يا مندهش الله لا أدهشك .. سلاااام ..

    1. سلام اخي نانو ، المندهش عملها كيف ، انا ما عارف ، مع انو انا رسلتها من بلاد العم سام بي طيارة من غير طيار ..

    2. بارك الله فيك عمنا نانو ،،

  3. بروف
    مع إنو أنت قلت دي ولاية الخرتوم
    لكن والله كنت مفتكرك بتكتب عن ولاية ضنب النملة !!!

  4. ( ولاية ) السجم والندم ..

  5. طيب والفى شنو…..حسبنا الله ونعم الوط\كيل

  6. والله يا استاّ دة ما حال ولاية الخرتوم دة حال السودان كلو ..اتنين من زملائي في الشغل اماراتي وباكستاني قالو لي عايزين يزورو السودان سياحة.. والله ما عرفتة اقول شنو

  7. الفاتح ..أى واحد من المرشحين أعلاه لولاية الخرطوم هدفه تحسين ال CV بس .. ليس إلا ..

  8. والله طمنونا، كدا معنا تو الخرتوم لسة فيها روح و مآكل!!!!!! انا بتحيّر بس لمّا واحد يجئ يقيف ليك و يقول ليك بنعمل لوجه الله!!! لا بالله!!! غايتو بعد الفوق دا كوووولللو حاصل في الخرتوم حقو يغيروا لينا أشكال ناس الحييكومة عشان نشوف جرابهم فيهو شنو من الفنون الجديدة!!! صراحة الوالي القديم ( ممل) الواحد عاوز يغيّر مشاكل بدل المشاكل الأزلية دي، أهو برضو أسمو تغيير ( ويأما في الجراب يا حاوي)!

  9. مع إنو ولاية الخرطوم لا زالت بها ميداين و اراضي لمكتب الوالي القادم .. يكون جهز برنامج التحلل مع برنامج اللهط !

  10. اهئ اهئ اهئ اههههههههههههههههههههئ وووووووواب علينا نحن غايشين كيف

  11. ههههههههههههه أضحكو وإنبسطو و شوفو الخبر ده !!!

    ﺳﻤﺴﺎﺭ ﻋﻘﺎﺭ ﻳُﺪﻋﻰ ﻋﺒﺪ ﺍﻟﺠﻠﻴﻞ ﻋﻼﺀ ﺍﻟﺪﻳﻦ ﻳﻌﻘﻮﺏ ﻳﺸﺮﻉ ﻓﻲ ﻣﻘﺎﺿﺎﺓ ﻭﺯﻳﺮ ﺍﻟﻤﺎﻟﻴﺔ ﺍﻟﺴﺎﺑﻖ ﻟﺮﻓﻀﻪ ﻣﻨﺤﻪ ﻋﻤﻮﻟﺘﻪ ﺍﻟﺒﺎﻟﻐﺔ (5) % ﻓﻲ ﺍﻟﺘﻮﺳﻂ ﻟﻪ ﻟﺸﺮﺍﺀ ﻣﻨﺰﻝ بضاحية ﺍﻟﺮﻳﺎﺽ ﺑﺎﻟﺨﺮﻃﻮﻡ ﺑﻤﺒﻠﻎ ﻓﺎﻕﺍﻟـ ( 19) ﻣﻠﻴﺎﺭ ﺟﻨﻴﻪ ﻛﻤﺎ ﺫﻛﺮ ﺍﻟﺴﻤﺴﺎﺭ
    ﻣﺒﻠﻎ ﺷﺮﺍﺀ ﺍﻟﻤﻨﺰﻝ ﺗﻢ ﺩﻓﻌﻪ ﺑﺎﻟﺪﻭﻻﺭ ﻭﻓﻲ ﻋﺎﺻﻤﺔ ﺩﻭﻟﺔ ﺧﺎﺭﺟﻴﺔ ﻣﻤﺎ ﻳﻀﻌﻪ ﻓﻲ ﺧﺎﻧﺔ ( غسيل ﺍﻷﻣﻮﺍﻝ )

    و للا بلاش !!!!!!!!!

    1. يا المندهش الله لا أدهشك !!! المبلغ أكبر من كده بكتيييير وهو 6 مليون ونصف دولار .. يعني ما يعادل 65 مليار (برطوش) سوداني وعلى هس كده تكون عمولة السمسار 3 مليار و250 مليون جنيه، وهو قد رفع قضية رسمية بالمحكمة وجات في جرايد أمبارح ..

      ويا سلام على وزراء التقشف والدولة الحضارية !!!! دقي يا مزيكة … سلااااام …

    2. بالمناسبة يالمندهش انت تتحمّل نتيجة الأخبار البتجيبا لينا دي، الضغط إسمو القاتل الصامت يعني يوم بي اخبارك دي كان لقيت القمردينة صاااانة و جنوبي برنجية ( لانو عمر الشقي بقي) اعرف اننا انتقلنا للرفيق الأعلى بسببك!! هههه

      1. عمنا أبو أحمد
        بالدهشة غلبني ما أكتب المبلغ كلو خوفا علي ناس الدغت وقلنا نديهم على جرعات وبيني وبينك الكيبورد زاتو ما بقدر اكتب الرقم ده !!
        نونا
        هاهاهااااااو وحسع جنوبي وينو ما انتقل !ّ!ّ!ّ إهي إهي إهي غايتو الله يقدرنا على عمل الخير

      2. جنوبي هسه كان معاي وفي طريقو للديار ماشي بي ( كرعينو) عشان يعيد مع أولادو , أدعي ليهو يا بتي نونا الله يوصلو بالسلامة ،
        .. سلاااام ..

      3. آميين يا رب و يردّ غربة كل مغترب و يقرّب البعيد و يبعد الشرور ، و كل عام و الجميع سالمييين و بألف خير و تامّييين و معيّدين كلللكم مع وليداتكم و اهلكم

    3. وسى يا بدوى سيييييييييييييييييييي

      1. الحبوب ياااا ولد، و معاك النمرة

      2. نمرة الرقص ولا نمرة السيرك ؟؟
        لووووووووووووووووووووول

  12. عندي رتي تاني ، يعني انت قلت كل المشاكل البتعاني منها الخرتوم ، يعني انت فتحت عيون المرشح الفائز على تكوين لجان لحل هذه المشاكل ، وبعد داك شوف لمن يكونوا لجنة لموضوع رئيس لجنة واعضاء ومخصصات للجنة واجتماعات ودفع حوافز ومحروقات ووووووووووووووووووو والمشكلة زي ما هي بس لجان تكونت لكل مشكلة ومخصصات مدورة واكل مدور

  13. مقهورين و ساكتين | رد

    انا اتمنى صﻻح بﻻدنا وليس ذلك على الله بعزيز

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: