قال ايه؟ شفافية

إقرأ القطعة التالية ثم أجب على الأسئلة بإختيار الإجابة الصحيحة بعد التأكد من إنك لائق طبياً :
قال رئيس الهيئة التشريعية القومية د. الفاتح عزالدين (نحن متقدمون على سائر الدول في الكرة الأرضية في مجال قوانين الحفاظ على المال العام ومكافحة الفساد) ثم أضاف (السودان مثال في الشفافية المتعلقة بالأداء الحكومي ونحن نعيش أفضل فترة في ما يلي الحفاظ على المال العام) ونبه عزالدين إلى أن الفساد لا يقاس بحجم الأموال المعتدى عليها وإنما بتوفر القوانين والتشريعات المعنية بمكافحة الفساد) وقال (إستقلالية المراجع العام وولايته على كل المرافق الحكومية لا توجد في كل الدول المحيطة بنا) ..

الأسئلة :
س1 : في أي شئ نحن متقدمون على سائر الدول في الكرة الأرضية؟
1- التكنولوجيا
2- البيولوجيا
3- الفسيولوجيا
4- مكافحة الفساد
س2 : ما هو مقياس حجم الفساد؟
1- مقدار اللبن المسكوب
2- مقدار المال المنهوب
3- مقدار البلد المنكوب
4- مقدار توفر القوانين
س3 : هل توجد دول محيطة بنا التي لا تمارس إستقلالية المراجع العام وولايته على كل المرافق الحكومية؟
1- إحتمال
2- جائز
3- ربما
4- أنحنا مالنا و مالا
س4 : ما هي أفضل فترة عاشتها البلاد في ما يلي الحفاظ على المال العام؟
1- فترة العصر الحجري القديم
2- فترة العصر الحجري الوسيط
3- فترة العصر الحديث
4- فترة العصر (ده) … بكسر الصاد !
س5: هل للمراجع العام ولاية على كل المرافق الحكومية ؟
1- مش كووولها
2- جزء منها
3- ما عدا كم وزارة ومؤسسه كده
4- كل الإجابات صحيحة
س6 : إذا كان الفساد لا يقاس بحجم الأموال المعتدى عليها وإنما بتوفر القوانين والتشريعات المعنية بمكافحة الفساد .. فكيف يتم قياس الأعطال لماركة عربات ما أثبتت فسادها :
1- بتوفر كتيب التشغيل (الكاتالوج)
2- بتوفر الميكانيكي الشاطر
3- بتوفر قطع الغيار
4- بتوفر شرطة المرور

س7 : أي من هذه المواد القانونية والتشريعات معنية بمكافحة الفساد؟
1- التبلل
2- التعلل
3- التخلل
4- التحلل

س8 : إذا كنا نحن متقدمون على سائر الدول في الكرة الأرضية في مجال قوانين الحفاظ على المال العام ومكافحة الفساد … أي من هذه الدول لا توجد بالكرة الأرضية ؟
1- السويد
2- النرويج
3- كندا
4- نيوزيلندا
س9: ما هي الظاهرة التي تدل على عدم ولايه المراجع العام على كل المرافق الحكومية ؟
1- التفحيط
2- التجريد
3- التحريض
4- التجنيب

س 10 : هل تعتقد أن دولة (أمازونيا) تعد مثالاً في الشفافية المتعلقة بالأداء الحكومي ؟
1- ههههه ههههاي
2- بالله بطل هظار
3- ياااااخ بتـــبالغ
4- ياااا راجل قول كلام تاااني !!

كسرة :
قال ايه ؟ شفافية … شفافية هيثرووو؟؟؟ … هات الحبوووب ياااا ولد !!

تنبيه :
توجد (واو) جديدة لعام جديد .. وكل سنة وإنتو طيبين !!

كسرة ثابتة (قديمة)
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)

كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و) !

Advertisements

26 تعليق

  1. برنجييييييييييييييييييييييية 2015

    1. مبروك يا المندهش ،، شايفك مستلم الجو في السنة الجديدة ،، بالتوفيق ..

  2. الفاتح عز الدين ده سنة جيش د. خليل ابراهيم دخل ام درمان قال نحنا نحفر ترعة كبيرة غرب ام درمان شان تاني ما يقدروا يجونا !!
    هههههههههه يجازي محنك يا ( الفاتح الفارسي ) !!
    وما كان رأي الخليقة عمر في هذا الاختراع يا اخا الفرس ؟

  3. أخوي المندهش ( الله لا أدهشك ) مبرووووكة برنجيتك لعام 2015م .. وكدي ترجم لينا كلامك الكتبتو دا يا أخونا جنوبي :
    (أظنويا بالدينكاوي ولا بالدنقلاوي ) ياتو فيهم ؟؟ صدقني ما فهمت منو ولا حااااجة … سلااااام …

    1. ما فهمتو كيفن يعني !!؟
      الفاتح عز الدين ايام جيش خليل دخل ام درمان هو مش كان معتمد ام درمان ولا كان شنو أصلو ! ؟
      اها بعد ما تم التصدي لجيش خليل ورجعوا من حيث اتوا سالمين غانمين . ( السيد ) ( شان ما يزعل ) السيد الفاتح عز الدين قدم اقتراح لتحصين مدينة ام درمان بحفر ترعة كبيرة تملأ بالمياه غرب ام درمان وتحيط بحدودها الغربية لتحصينها واعاقة دخول أي عدو مرة اخري . ( اها كتبتها ليك بالفصحي ) هههه
      طبعا الراجل شكله متأثر بفكرة سيدنا سلمان الفارسي وحفر الخندق , إلا قال يتفوّق علي سلمان الفارسي بي يملاها موية دي , ههههه
      يا ربي كان دار يجيب ليها موية من وين !!؟ ونحنا في امبده نلهث ونأكل الثري من العطش ولااا لقينا الينزل البير ويملأ لينا خُفُه ونشرب حتي نرتوي ويدخل بينا الجنة !!!
      اشرح ليك الخليـ( ق ) ـة عمر ؟ ولا واااضحة ؟

      1. كده فهمنا تب

      2. ههههههه كده ( بعد الترجمة ) بقت واااضحة .. وأيام ” الغزو أنا كنت في بلداً طيرا عجمي ” سادي دي بي طينة ودي بي عجينة
        ( لا أسمع – لا أرى – ولا أتكلم ) …. عشان كده ما عارف حاجة عن التفاصيل … سلااااام …

  4. غايتو الناس ديل مصرين يخلونا نشوف الاعوج عديل

    1. ههههه اختصرت المشروع كلو

      1. هههه جنوبي يخربو كان برنجي ، أها غلا برنجية واااحدة هديتها ليهو بمناسبة جيتو البلد!ههههه يا كانت وحيدتي إلا ما تغلى عليهو

      2. صحي اللما يعرف يقول عدس !!
        ما حضرتي ايام برنجيات جنوبي يتطاقشن .. قبل ما يجوا ناس ود العبيد وامريكي يمحننونا فيهن .. هم وينم السايبين ديل ؟

  5. يا اخوانا مشترك لى سنه ونص ولم اتشرف بالبرنجيه …..انتو صرفتى دى الاخيره ولا شنو…..لو سمحتوا شمباتى وجنوبى يمتنوعون …دى زى الوسطاء يمتنعون بتاعت ناس العقار

    1. ههههههههههههههههههههه ,, اصرف ليك ؟؟
      لووووووووووووووووووول

  6. يادكتور الفاتح .. من كثر ماكتبت فى الفساد امنا جاها صمم فى الاذنين وانسداد فى شرايين القلب وتبلد فى مراكز الاحساس فى حالة اشبه بالموت السريرى فهل لك من سبيل اخر للانعاش اظن ممكن تلقى ليها شيخ زار يصل ليها نفسياتها وينصلح حالها .شاهد هذا الرابط.http://youtu.be/iNp71aFmpdw

  7. سلام جميعاً و كل عام و أنتم بخير
    كنت عاوزة أرد يا بروف لكن حلفت إلا تديني من حبوبك دي أول

    1. طيب حبوبى انا ؟؟

      1. وين التلفون يا جنوبي ؟؟ ألحق رسلو لي بسرعة عشان نشوف البسوي فيهو شمباتي دا !! كان حق هنا ولا الخرتوم .. سلاااام ..

      2. هههه ، مش يا شيخنا ؟ كدا كلمو انت يمكن يدوهو ليك

      3. غايتو آآخر مرة قالت لي بي زهج : دقوهو اكتلوهوا بس عليكم الله ما تشتكوا لي تاني , وقالت ده طرفي منو ..

      4. لا نحنا لا بنكتل ولا بندق !! بس ( بندفع بالتي هي أحسن ) لعل الله يصلحو .. مش كده يا بتي نونا ؟؟ … سلاااام …

      5. ههههههههههههههههههههههههههههه ,,
        يعنى ما ابلع معاكم ولا كيف ؟؟
        ويا نانو ادفع ادفع , جات على انا يعنى ؟؟؟ اخخخخخخخ ,,
        جنوبى,, الدرب بجيييبك !!

      6. غايتو أنا يا شيخنا أكان لقيتو ولا بدفع و لا عندي شي أدفعو ، بس بسوي زي ما مرتو قالت لي جنوبي ، هي مرتو و أدرى بيهو هههه

      7. يا شمباتى ياعريس جنوبى ده ما صدق لقا كوره مدردقه من الاخت لونا راح شايت ضفارى غايتو اوع يخرب عليك وبالمناسبه انت غير شريحة المدام وارتاح……الا كان عاجبك الحال تستااااااااهل

  8. الكــــــــــــــــــــــــــوز | رد

    السلام عليكم يابروف …
    حديث د. الفاتح صحيح وذلك حسب التفسير الاتي:
    الفساد في معاجم اللغة هو في (فسد) ضد صَلُحَ (والفساد) لغة البطلان، فيقال فسد الشيء أي بطُلَ واضمحل.
    على سبيل المثال: فسد البيض .. اي تغيرت مكوناته من لون ورائحة واصبح غير صالح للاستعمال .. اما اذا اختفي البيض تماما او بقي نصفه فهذا يعني سرق البيض وليس فسد البيض.

    فنحن حرامية اي نعم لكن ما فاسدين .. افهموا يابشر

  9. يابروف اعمل حسابك راجع تاريخ الحبوب البتستعمله ………؟؟؟؟؟؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: