الأسئلة الأكثر تداولاً

1- الجمرة فضل فيها كم؟

2- الشارع ده إتجاهين؟

3- و ح تودوهو الأردن؟

4- بتعرف ليك واسطة؟

5- الليلة هو اليوم شنو؟

6- بتعرف واحد من المترشحين ديل؟

7- تودينى المشوار ده بى كم؟

8- المويه دى عكرانة كده مالا ؟

9- رمضان فضل ليهو كم؟

10- الموظفين ديل ح يجو من الفطور متين؟

11- العقد فى ياتو مسجد؟

12- حالتو ما إتحسنت؟

13- الدولار عمل كم ؟

14- الزول ده ما كان شديد الكتلو شنو؟

15- مالك زهجان وقرفان؟

16- ح ترفعوا الفراش متين؟

17- الجاب القون منو؟

18- دفعتا القسط ؟

19- الحافلة دي ماشة وين؟

20- ربع الكيلو يعني بي كم؟

21- رخصتك وين؟

22- إجتماع المدير بيخلص متين؟

23- صحى البيرفع أيدو بيكسروها ليهو؟

24- عندك رصيد؟

25- مشي أماكن التعدين متين؟

26- دخلوهو العناية المكثفة؟

26- نتيجة الفحص طلعت شنو؟

27- معاك قروش سلفة؟

28- الحرامى شال منكم شنو؟

29- موبايلى ختيتو وين؟

30- الدكتور ده فحصو بي كم؟

31- صرفو ليكم المرتبات؟

32- الكنكشة دي حدها متين؟

33- الكورة ناقلنها فى التلفزيون؟

34- الأسعار دى ح تزيد كده لمتين يعنى؟

35- الشيك طلع بدون رصيد؟

36- الشريعة دي هي ذاااتا وينا؟

37- الناس دي جنت؟

38- الباقي بتاعي وين؟

39- المصاريف قطعت؟

40- عملتا التأشيرة؟

41- العريس شغال شنو؟

42- الناس دى عايشة كيف؟

43- والبص القلبو شنو؟

44- الوزير جا من السفر؟

45- الرغيف ده وزنو مالو بقى كده؟

46- الزول ده جاب القروش الكتيره دى من وين؟

47- الإغتراب ده حدو متين؟

48- المتسولين الكتار ديل جو من وين؟

49- كان قدمتا ليهم ح يدونى مرابحة؟
50- والدفن الساعة كم؟

كسرة :
51 – هسه الإنتخابات دي في ليها لزووووم ؟؟؟
كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)+(و)+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و)+(و)+و

8 تعليقات

    1. موضوع البرنجية دا حينتهي متين؟

    2. مبروكة يا امريكي .. وين الغيبه ؟!

  1. Smile you are in sudan ahahaha

  2. 47 – الاغتراب ده حدو متين ؟
    لحدي ما نلقي لينا رئيس سوداني اسمو خوسيه موخيكا ويطبّق النظري البنسمع فيهو 25 سنة ده لي عملي !
    51 – هسي الانتخابات دي في ليها لزوووم ؟؟؟
    الانتخابات ياتا !!؟
    انتو الشجرة دي وقعت ليهم في القرعه ولا بقت علامة مسجلة ؟؟

  3. الرحلة تاجلت؟

  4. سلام شباب، اها يا بروف الطفل المعجزة قال عاوز يناظرك، ههههه ( غلبو الحمار قال يتشطر على البردعة) !! اها حتسوي شنو؟ غايتو بنصحك تسوق معاك ولى أمرك !! هههه اها عمرك دا كوووووولللو تهبش فيهم جاي وجاي ما ف زول حسّ الا الطفل المعجزة و هذا ان دل إنما يدل على إنو عندو احساس ، يعني طفل بالجد ً، حقو فعلا يأخذ فرصتو

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: