وجه الشبه

الماهية – نترات البوتاسيوم : كلتاهما سريعة الذوبان
الحكومة – الأمومة : الحنية وكده!
مطار الخرطوم – إستاد الخرطوم : (دولية كلام ساي)

البنقو – التصريحات : مذهبات للعقل
الحلو مر – مساعد الرئيس : نراهما مرة في السنة
الصبغة – النقة : يؤديان إلى موت الزوج (بس الصبغة سريعه شوية)
النفرة – الوثبة : نسمع بهما ولا نراهما
الملاريا – الجبايات : يجعلان (الزول) يهضرب
درج النائب العام – التلاجة : التبريد في كل
الزير – الوزير : (النقاطة)
الانتخابات – الامتحانات : التزوير
رخصة القيادة – رخصة العيادة : الإتنين كان قبضوك ما شايلهم عادي تواصل سيرك
التمباك – المنصب : السف طبعا
الرشوة – العمولة : قروش حرام (بس العمولة أنيقة شوية وكدة)
الرغيف – الأميبا : لا يمكن رؤيتهما بالعين المجردة
الذبحة _ الخريف : يأتيان فجأة
السفارة _ الحراسة : يمارس داخلهم التعذيب
المستشفيات – المطاعم : أنسب مكان لتربية الكدايس
شرطي المرور – الحفرة : لمن يشوفهم المواطن (بيزوغ) منهم
العلاج بالأعشاب – نرد الطاولة (إنتا وحظك)
الموظف – المسجون : الإتنين ما راضين بالحتة الهم فيها
نزلة البرد – أبوالشهيق : كلاهما من من الأمراض التي تعجل بسفر المسؤولين للعلاج بالخارج
الكباري – السدود : الإتنين بالقروض
صالة الأفراح – صالة المغادرة : الناس الجواهم بيكونو مبسوطين
شارع الخرطوم مدني – الديناميت : كلاهما من اسلحة الدمار الشامل
الموية – الكهرباء : يتم الدفع قبل الإستهلاك و(دايما) قاطعات
الترزي – المشرعين : (التفصيل حسب الطلب والمقاس)
المعلق الرياضي – المحلل السياسي : كانت رغبتهم يكونو كده لمن يكبرو
الوداعية – الإرصاد : يا (لفقت) يا (خابت)
التوجيهات الرئاسية – التلج : ننتظرها حتى تذوووب
الطبيب – القاضي : يأتيان بعد ان يأتي المرضي والمتقاضين (بي مساااافه)
الطيارة – السيارة : الإتنين ممكن يجو طافين نور
التحلل – الإستيكة : يستخدمان لمحو الأخطاء
هي لله – لا للسلطة ولا لللجاه : كلتاهما اختفتا في ظروف غامضة
الزوجة – الحكومة : عايزين طواااالي
حرف لن – علامة الصلاة : كلتاهما من ادوات النصب
النفايات – الإعلانات : أكتر ما تمتلئ به شوارع الخرطوم
البنقز – المسؤول : كلاهما عندما يتم تسخينهما يصدران أصواتاً عالية
الأدوية – الأسبيرات : كوووولها ضاربة (بس الاولى بتلحق أمات طه)
كسرة :
الحكومة – المواطن : (الإتنين عايشين رزق اليوم باليوم
كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)+(و)+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و)+(و)+و

Advertisements

30 تعليق

    1. مبرووووووك يا دكترة
      ان شاء الله تضوي ليك

  1. سلامات
    شجرة الموتمر – وشجرة الطلح وجه الشبه(تموها براكم ) هههههههههه

    1. هههههههههههه دي قوية
      بت وراق
      فاش من عاشك
      اين أنتي يا شخصة ؟

      1. المندهش
        تسلم على السوال قاعده فى بلد السجم والرماد

    2. الاولي للدبر والثانية للقبل

      1. يا الحوثي ولسه حي. !!
        كوووولنا عاصفة الحزم دي عصفت بي
        آمالنا !! الا ما قدر ده يا ود امي

      2. وسى يا بدوى سيييييييييييييييييييييييييييي

  2. غسان و لبن نيدو : الإتنين سريعي الذوبان
    توجيهات الريس و الآبري : الإتنين رهيفييييين بنبلهم و نشرب مويتهم (علا الآبري دا في رمضان بس الحمد لله)

  3. يا أخوانا إستهدوا بالله عيب كده يا ….. ويا ….. …. واللبيب بالإشارة يفهم أو لا يفهم !!!!!!

  4. شجرة المؤتمر وشجرة الطلح …

    الشدرتين فيهم قرود …
    داك قرد الطلح ….
    ودا قرد التاباني … !!!
    🙂 🙂 🙂

    كدا مش تفكير بريء ؟؟؟؟؟

    1. قبل السؤال ولآ بعده ؟

  5. الاجمل الدلوكه والمسئول : كلاهما عندما يتم تسخينهما يصدران أصواتاً عالية

  6. ابوناجى .. ويخلق من الشيه 40 …

  7. يا سلام عليك يا ود أحمد وعلى تعليقك (الذكي) ، وشكراً على المرور البرئ ‘ إنتو وييم بتنا نونا ؟؟ .. سلااااام ..

  8. (ويين) والعتب على الKeyboard والنظر .. وكمان وييين ود العبيد وشمباتي مالهم قاطعين موية ونور ؟؟ .. سلاااام ..

    1. شمباتي جابو ليهو جوال جديد فرحان بيهو ويقلّب فيهو وود العبيد الا تشرك ليهو بي سكسكانية ..

      1. ههههههههههههههههه ,,, سب عليك آالمسنوح ,, قل هو الله احد

  9. الكــــــــــــــــــــــــــوز | رد

    شجرة المؤتمر وشجرة الطلح …

    الاثنين دائما فائزين

    1. والاتنييين مصيرهم يتحرقو بس شجرة الطلح مفيدة حية ومحروقه وشجرة المؤتمر الوطني مُضرة

    2. فايزين في الدنيا …. ولا الآخرة … ؟؟
      الآخرة كمان فيها تزوير ولا خج ؟؟
      ـرج الراجيكم بس !!!

      قالوا التصويت بنوع الأشجار، والأشجار نوعين:
      النوع الأول:
      شجرة المؤتمر
      شجرة الزقوم ..
      الشجرة الملعونة في القرآن
      ولا تقربا هذه الشجرة

      النوع التاني:
      شجرة العايلة
      شجرة ماحي بيك
      شجرة الدر
      شجرة وشجرة يساوي شجرتين !

      صوت للنوع البينفع معاك ….. !!!

      1. الكــــــــــــــــــــــــــوز

        اب احمد صوت انت يا اخوي .. شجرة المؤتمر فائزة بدون تصويت

      2. سُب عليك آالكوز المسنوح ,,,

  10. يابروف المنصب والتمباك ،، والسفارة والحراسة أبدعتا فيهم ؛؛؛

  11. سلام للبروف وضيوفه , القدام والجداد ,,,,,

  12. إنت يا أب أحمد شكلك زول قدييييم قدم الكسرة لأنو شجرة (ماحي بيك) دي ما في زووولاً بعرفا إلا ناس الرعيل الأول الزينا !!
    ويا أخوانا عزيتوا دكتور طارق ود العبيد في لندن والبروف أبوناجي الفاتح جبرا .. أخو د. طارق شقيقو وود خال البروف إتوفى أمس في حادث حركة بالسودان، نسأل الله له الرحمة والمغفرة وأن يتقبله بقبول حسن وينزله منازل الصديقين والشهداء والصالحين ، ويجعل قبره روضة من رياض الجنة ويصبر أهله ويجعل البركة في أولاده إنه ولي ذلك والقادر عليه اللهم آااامين .. سلاااام ..

    1. عزاؤنا لدكتور طارق و للبروف ربنا يتقبله بواسع رحمته و يحسن مثواه ،، آمين يا رب
      و شكرا على سؤالك يا شيخنا بس انا علقت على الموضوع قبل ما تسأل ، يسأل عنك الخير

    2. نسأل الله ان يغفر لموتاهم وان يحسن عزائهم
      فقد اتنين من اسرة واحدة صعب شديد لكن هذا حال الدنيا
      شهد للمرحوم احد جيرانه انه بعد صلاة الفجر من نفس يوم الحادث انه كان معهم بالمسجد في حلقة التلاوة وكان يصحح للذين يتلون
      له الرحمة والمغفرة ولاهله الصبر وحسن العزاء

  13. اللهم آاامين ، ما شفت تعليقك !! كيف حالك وأحوالك مدة طويلة مختفية إن شاء الله خير ؟ وعسى ما شر ؟؟ .. سلاااام ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: