الإجابة الخطأ

قم بإختيار الإجابة الخطأ :
– بلغت نسبة التصويت في الإنتخابات الأخيرة من جملة المسجلين :
1- 60%
2- 15%
3- 14%
4- 13%

– إحتاج كوبري المشية إلى صيانة رغماً عن صغر سنه لأن :
1- الجقور ما خلتو في حالو
2- التنفيذ لم يكن محكماً
3- المواد لم تكن بالمواصفات
4- بناءه لم يطرح في عطاء

– بنهاية هذا العام من المتوقع أن يرتفع الدولار أمام الجنيه السوداني ليصل إلى :
1- 10 جنيهات
2- 14 جنيه
3- 15 جنيه
4- 16 جنيه

– إنتشرت جرائم القتل مؤخراً بسبب :
– تعاطي الخمور
– تعاطي المخدرات
– تعاطي التمباك
– الفلس وحراق الروح

– نسبة المتسولين الأجانب في السودان :
1- 05%
2- 10%
3- 15%
4- 70%

– لا يوجد لدينا لاعبون محترفون بالخارج لأنو:

1- اللاعب السوداني ضعيف جسمانيا
2- اللاعب السوداني مقدراته العقلية متواضعة
3- اللاعب السوداني لا يسعى لتحسين مستواه
4- الحظر العالمي على السودان

– سوف تقل نسبة الفساد والتلاعب بالأموال العامة خلال الخمس سنوات القادمة بنسبة :
1- 70%
2- 01%
3- 02%
4- 03%

– تهتم مذيعة الفضائيات لدينا بـ :
1- نقشة الحناء
2- لبس الغوائش الذهبية
3- لبس الثياب المزركشة
4- تحسين مستواها الثقافي

– مرتب ومخصصات الوزير تكفيه واسرته حتي :
1- يوم 30 في الشهر
2- يوم 10 في الشهر التالي
3- يوم 10 في الشهر الذي يلي التالي
4- يوم 05 في الشهر ذاااتو

– كثر الإستثمار في المستوصفات والمراكز الطبية لأنو :
1- بتجيب قروووش
2- إستثمار مضمون
3- سريعة العائد
4- لراحة المواطنين وتوفير العلاج لهم

– سوف تصبح الوجبة الرئيسه لمعظم أفراد الشعب الفضل خلال السنوات الخمس القادمة هي :
1- الثخينة
2- الطعمية
3- فول الحاجات
4- الفراخ

– مكاتب المسؤولين مفتوحة لـ :
1- الصحفيين لإجراء حوارات التلميع وإبراز الإنجازات
2- الفضائيات للخروج بالإنجازات إلى العالم
3- لقضاء حوائج الأهل والأقارب
4- لسماع شكاوى المواطنين

– يستخدم المسؤولون العربات الفارهة الجديدة موديل السنة لأن :
1- ما بتصرف بنزين
2- ما بتصرف إسبيرات
3- لا تتعطل بهم في الشارع العام
4- للفشخرة والترطيب

– فاز الحزب الحاكم بالإنتخابات لان :
1- الشعب بيحبو
2- الشعب بريدو
3- معظم الشعب أعضاء فيهو
4- لأنو الحزب الحاكم

– شباب الجيل الحالي توفرت لهم كل الفرص لأن يكونوا :
1- مدمنين
2- مطربين
3- متعاطين
4- عباقرة

– تكثر الحوادث بشارع الخرطوم مدني بسبب :
1- ضيق الشارع
2- التخطي
3- كثرة الحفر
4- الطريق مغري بالسير بسرعة لجودته

– ترسي عطاءآت الطرق والجسور علي شركات :
1- الأيسكريم
2- الملبوسات الجاهزة
3- المياه الغازية
4- الطرق والجسور

– أصيحت الدرجات العلمية العالية تمنح لـ:
1- للعندهم قروش
2- للمتنفذين
3- للمحاسيب
4- للباحثين الأكاديميين

كسرة :
تنبيه : بعض الاسئلة توجد بها أكثر من إجابة خطأ وكدة !!

– كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)+(و)+و+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و)+(و)+و+و

15 تعليق

  1. برنجية أبو كديس
    !!

    1. ولا نامت للجبناء أعين !!!!

      أها دغمسوها كمان .. !!

    2. برنجيه مدغمسه ومجغمسه ومخجوجه
      لكن برضو بنقول مبروك عليك ال 94.5% ومنتظرين الرقيص

    3. ما عشان هي لله وكدا .. !!

      بالنسبة للرقيص راجين بشة .. عشان نشوف رقيص الـ 94.5% كيفنو .. !!

    4. ترا ربنا عوّضك ! مبروك

  2. إختيار الإجابة الخطأ دي كان يعملوها في الإنتخابات عشان كلنا نصوت للشجرة !!!
    🙂 🙂 🙂

  3. مبرووكة عليك البرنجية يا أب أحمد (فوز بالتزكية وكده) زي الإنتخابات حقتنا ! وبختك شايفك الليلة مبرطع في القمردينة براااك !!!!
    … ههههه … وينكم يا قمرديناب ناس جنوبي وود الشمباتي وود العبيد حريدتوها ليهم ولا شنو ؟؟ ويا بروف كل الأسئلة Multiple Choice يعني بتحتمل أكثر من إجابة !! وبعضها إجابتو بتكون “All of above” ولا مش كده يا جماعة ؟ … سلاااام ..

  4. ياتو كديس؟؟

    1. كديس السرة !! 🙂 🙂

  5. الشيخ الريس فاز بنسبة تحير….من اقرب الممتحنين ..اقصد المشرشحين ..قال.,78.”/

  6. يعني الحلم بتاع قرون القبانيت داك اتحقق …اللهم اجعله خير!!!

    1. اتحقق جزئياً … عشان في الحلم دخل ليهو قرن الشطة في خشمو … !!!!!!

      1. اصلا في الاحلام بيحصل العكس يا أب احمد ..

  7. 5 وعشرييين سنة و 94% بس !! والله انا ود اخوي عاد سنة وااااااحدة جاب 98% ودخل كهربائية !! بليد ياخ !

  8. يا ابو احمد جنوبي قصدو يقول ليك العكس يعني بدل ما يدخل ليهو قرن الشطة …..دخلوه هو في قرن الشطة…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: